თუკი უფლის გწამთ, მეგობრებო, იცოდეთ, რომ ამ პატარების მშობლები მის ფეხთით სხედან, მას თქვენს შესახებ უყვებიან და თქვენს თავს ავედრებენ!  

ბექა, რეზიკო და ლიკა ობლები არიან. ორი წლის წინ, მათ დედა გარდაეცვალათ, ერთი წლის შემდეგ კი - მამა.

იამაყეთ, მეგობრებო! თქვენ ეს ობლები საკუთარი შვილებივით შემოსეთ!

ობოლთა ბედმა ყველა თხემით ტერფამდე შეძრა და კიდევ ერთხელ დაამტკიცა, რომ ქველმოქმედებას საზღვარი არ აქვს! ქართველები საკუთარ და სხვის შვილებს არ ანსხვავებენ!

ამ პატარებს არც ჩერნოვეცკის ფონდი მიატოვებს...

ვაშა! კვირაიას ობლების სახელზე ფულადი გადარიცხვები დღემდე გრძელდება! სწორედ თქვენი შემოწირულობა მისცემს ბავშვებს შესაძლებლობას, რომ სკოლაში წავიდნენ და არ გაირიყონ!

სიკეთე ყოველთვის სითბოსა და სიხარულს ასხივებს. სწორედ ის ათბობს ადამიანის სულსა და გულს!

სასწავლო წლის დასაწყისში, ბავშვები ტანსაცმლის მაღაზია „ვაიკიკი“-ში წავიყვანეთ და თქვენი სახელით, მათ ტანსაცმელი და ფეხსაცმელი ვუყიდეთ!

ბავშვებს ყველაზე მეტად ის უხაროდათ, რომ თავად შეეძლოთ ახალი ნივთების შერჩევა! ისინი აღფრთოვანებულები იყვნენ იმით, რომ სკოლაში არა ძველმანებით, არამედ ახალი და ლამაზი ტანსაცმლით ივლიდნენ!

 უყურეთ ვიდეოს! დაიმუხტეთ იმ სიხარულითა და დადებითი ემოციებით, რომლებითაც ბავშვები არიან აღვსილნი! ისინი მაღაზიაში დარბოდნენ, ტანსაცმელს არჩევდნენ, ერთმანეთს არჩევანს უფასებდნენ...

შოპინგის შემდეგ მათ რამდენიმე კითხვა დავუსვით:

- ბავშვებო, ბედნიერები ხართ?

ლიკა: როგორ შეიძლება ტანსაცმლის მაღაზიაში უბედური იყო? ჩემთვის ტანსაცმელს პირველად ვარჩევ! როგორც ზრდასრული! ეს ყველაფერი ზღაპარს ჰგავს, კონკიას შესახებ!

ბექა: მე კი სულ იმაზე ვფიქრობ, როგორ ხარობს ჩვენი დედ-მამა ზეცაში! ახლა, ისინი ალბათ ძალიან ბედნიერები არიან!

რეზიკო: მე კი ვიცი, რომ ზამთარში აღარ შეგვცივდება... და ფეხსაცმელში წყალი აღარ შევა.

- და რაზე ოცნებობთ?

ლიკა: ვოცნებობ, დედ-მამას ჩავეხუტო... და ჩვენი ახალი და ლამაზი ნივთები ვაჩვენო!

რეზიკო: მე კი იმაზე, რომ ყველა ბავშვს ჯანმრთელი მშობლები ჰყავდეს...

ბექა: მე კი მინდა, კარგად ვისწავლო, რომ დედ-მამა ზეცაში ხარობდეს...

- და იმ ადამიანებს რას ეტყოდით, ვინც ეს ყველაფერი გაჩუქათ?

ლიკა: ვიცი, რომ ისინი ჩვენმა დედ-მამამ გამოგზავნა ზეციდან! ვიცი, რომ ეს კეთილი ადამიანები გასაჭირში არ მიგვატოვებენ და რომ ჩვენს გულებში ყოველთვის დღესასწაული იქნება.

უყურებ ამ ბავშვებს და უნებლიეთ გეფიქრება - რა სასტიკად მოექცა მათ ბედი და როგორ გაგრძელდება მათი ცხოვრება? ახლა ეს მხოლოდ თქვენზეა დამოკიდებული, მეგობრებო! ჩვენ კი, პერიოდულად ინფორმაციას მოგაწვდით იმის შესახებ, თუ როგორ არიან ბავშვები, როგორ სწავლობენ, რაზე ოცნებობენ, ვისთან მეგობრობენ... ძალიან, ძალიან მნიშვნელოვანია, რომ მათი მხარდაჭერა განვაგრძოთ!

თუკი გსურთ, კვლავაც გააგრძელოთ კვირაიების ოჯახის დახმარება, თანხის ჩარიცხვა შეგიძლიათ ჩვენი ფონდის ანგარიშზე:

#GE15TB7194336080100003

#GE42LB0115113036665000 ან

#GE64BG0000000470458000

(დანიშნულება: ლიკასთვის, ბექასთვის და რეზიკოსთვის.)

თანხა შეგიძლიათ გადმორიცხოთ ჩვენი ფონდის ვებ-გვერდიდანაც: https://chernovetskyifund.ge/ge/projects/379-kviraia/

ასევე, თანხის ჩარიცხვა შესაძლებელია NovaTechnology, TBCpay, ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ფონდის დამატებით უფლება-მოვალეობებს შეგიძლიათ გაეცნოთ ბმულზე https://goo.gl/GY2Gus).

მეგობრებო, თქვენთან კიდევ ერთი თხოვნა გვაქვს - თუკი შეიტყობთ, რომ თქვენს ნაცნობს ან მეზობელს დახმარება ესაჭიროება, გთხოვთ, გამოიჩინოთ გულისხმიერება და მოგვწეროთ ამის შესახებ ელექტრონულ მისამართზე: office-fsp@fsp.ge

ასევე, მადლობელი ვიქნებით, თუკი ამ პოსტს გააზიარებთ! გვსურს, რომ თქვენი კეთილი საქმეების შესახებ რაც შეიძლება მეტმა ადამიანმა შეიტყოს!

სიკეთე ყოველთვის სითბოსა და სიხარულს ასხივებს. სწორედ ის ათბობს ადამიანის სულსა და გულს!