ჩერნოვეცკის საქველმოქმედო ფონდი

ცხოვრება ჯოჯოხეთში!

უცნობი დაავადება ყოველდღიურად სპობს ახალგაზრდა ქალს. ყველაზე საზარელი კი ის არის, რომ ყველაფერი მისი შვილების თვალწინ ხდება.
4,180.5 ₾
358
დონორები
შეგროვებულია
დასრულებულია
ცხოვრება ზღაპრად მექცა!

ცხოვრება ჯოჯოხეთში! ასეთი სათაური ჰქონდა პოსტს, რომელიც ნინო ბეკურიშვილის ოჯახის უბედურებას ეხებოდა. ახალგაზრდა ქალი სამი პატარა ბავშვით სულ მარტო დარჩა, რადგან მეუღლემ, ცოლისთვის წამლების საყიდელი ფული რომ არ ჰქონდა, იქურდა და ამის გამო ციხეში აღმოჩნდა.
პუბლიკაციას ათასობით ადამიანი გამოეხმაურა და ხელისუფლებამ ნინოს მეუღლე პატიმრობიდან გაათავისუფლა. ყველა საშინელი ამბავი რომ ასე ზღაპრულად მთავრდებოდეს, როგორც ნინოს შემთხვევაში მოხდა, ცხოვრება გაცილებით მშვენიერი იქნებოდა.
როდესაც ჩვენ მოვინახულეთ ოჯახი და მოგიყევით ახალგაზრდა, სამშვილიანი დედის გაჭირვების ამბავი, გვჯეროდა, რომ თქვენ მათ არ მიატოვებდით! თუმცა შედეგმა ყველა მოლოდინს გადააჭარბა!
მდგომარეობა, კატასტროფული იყო და დღითიდღე უარესდებოდა. გაურკვეველი ავადმყოფობა თანდათან ანადგურებდა ახალგაზრდა ქალს, მისივე პატარა ბავშვების თვალწინ. უფროსი ვაჟები ძალიან განიცდიდნენ, როდესაც ნინო უგონოდ ეცემოდა. ვერ ხვდებოდნენ ცოცხალი იყო თუ არა დედიკო.
ნინოს ჯანმრთელობის პრობლემა ფეხმძიმობისას გამოუვლინდა. ხშირად გონებასაც კარგავდა. ექიმებმა მიზეზი ვერ დაადგინეს და პაციენტს ძვირადღირებული გამოკვლევები და მედიკამენტები დაუნიშნეს. ამის საშუალება ოჯახს არ ჰქონდა. ერთ დღესაც, მეუღლემ წამლები მოუტანა! სთქვა რომ ფული ისესხა! მაგრამ მალე ის დაიჭირეს და 2 წლით ჩასვეს... ქალიშვილი - ნანა, ერთი თვის შემდეგ დაიბადა.
და აი...პოსტის გამოქვეყნების შემდეგ ზღაპარი დაიწყო -ამბობს ნინო, რომელშიც ძნელია ამოიცნო ადრინდელი შეშინებული და არაქათგამოცლილი ქალი, ცრემლიანი თვალებით!
ნინო ახლა ლაღია და სახიდან ღიმილი არ შორდება!
-ნინო, მოგვიყევით რა მოხდა პუბლიკაციის შემდეგ.
ნინო: სხვა სამყაროში გავიღვიძე. მეორე დღესვე მოვიდა გოგონა, სახელად მარიამი და საკვები პროდუქტები მოიტანა! მან მითხრა, რომ ჩემი ცხოვრება ძველებურად აღარ გაგრძელდება! შოკში ჩავვარდი! შიმშილით ატირებული ბავშვებისთვის უკვე საჭმელი მქონდა! მეგონა სიზმარში ვიყავი! მინდოდა მაშინვე ქმრისთვის მეხარებინა, რომ ჩვენზე აღარ ედარდა! ქმრისთვის, რომელიც ციხეში იჯდა!
მეორე დღეს სხვა გოგონა მოვიდა, პამპერსები და ბავშვის საკვები მოიტანა! მერე კიდევ და კიდევ...პროდუქტის შესანახი ადგილი აღარ დამიტოვეს!
-მაგრამ მე ვიცი, რომ ყველაზე მეტად სხვა რამ გაგეხარდა.
ნინო: ჰო...ვიხსენებ და არ მჯერა. არ გასულა რამდენიმე კვირა და ჩემი ქმარი ვადამდე გაათავისუფლეს.! წარმოგიდგენიათ? ნახევარი წელი კიდევ ჰქონდა მოსახდელი...ის კი გამოუშვეს... სთქვეს, რომ ჩვენი ისტორია წაიკითხეს და თანაგრძნობით განეწყვნენ...აი, ნამდვილი ადამიანობა!
- და რას ეტყოდით ახლა ყველა ქველმოქმედს?
ნინო : არც კი ვიცი, შეიძლება უბრალოდ მადლობა მოუხადო ადამიანს ვინც სიცოცხლეს გჩუქნის? ნუთუ სიტყვა „გმადლობ“ საკმარისად ძლიერია ამ გრძნობის გამოსახატად? არ ვაჭარბებ, ეს ადამიანები რომ არა, მე და ჩემი შვილები ცოცხალი არ ვიქნებოდით! ხომ გახსოვთ, ლაპარაკიც მიჭირდა...
- და ფონდის საჩუქრები როგორ მოგეწონათ?
ნინო: ახლა ყველაფერი მაქვს! არა, მართლა! თბილი სახლი! ყველა საჭირო ნივთი, ტექნიკა, ავეჯი...პროდუქტი, პამპერსები! მეტი რაღა მინდა! ყველას, ვისაც უჭირს, ვინც იმედი დაკარგა, ვუსურვებ გახდეს ისეთივე ბედნიერი, როგორიც მე ვარ! მთელი გულით ვუსურვებ!
ვფიქრობ, კონკიას ზღაპარი მოგონილი სულაც არ არის, თქვენ, ყველანი, ჩემი კეთილი ფერიები ხართ! თქვენ ახალი, ზღაპრული ცხოვრება მაჩუქეთ!
მეგობრებო, მთელი ჩვენი ფონდის სახელით, მინდა მადლობა გადაგიხადოთ იმისათვის, რასაც ჩვენი ბენეფიციარებისთვის აკეთებთ. თქვენ, საზოგადოებას სიკეთის დანახვას ასწავლით. თქვენ, ჩუქნით ადამიანებს რწმენას, როდესაც ისინი ეჭვის ქვეშ აყენებენ თავიანთ შესაძლებლობებს. თქვენ, მხარში უდგებით მათ, მაშინ - როდესაც ყველაზე მეტად სჭირდებათ თანადგომა! ჩვენთვის, ისევე როგორც მთელი საქართველოსთვის, არ არსებობენ სხვისი შვილები, არ არსებობენ სხვისი დედები.
სამწუხაროდ, ნინოს არ ახსოვს ყველა იმ კეთილი ადამიანის სახელი, ვინც მას დაეხმარა, ჩვენ კი გვსურს გავიგოთ თუ ვინ არიან ეს გმირები. ვერც კი წარმოიდგენთ, რა მნიშვნელოვანია ის, რასაც თქვენ აკეთებთ მთელი საზოგადოებისათვის!
მოხარულნი ვიქნებით თუ გამოგვეხმაურებით, რომ პირადად გადაგიხადოთ მადლობა!
ამ ოჯახის პრობლემები არ დასრულებულა, მას ჩვენი მუდმივი მხარდაჭერა სჭირდება! დავეხმაროთ მათ -არის შანსი თავად გავხდეთ უკეთესი და გამოვისყიდოთ საკუთარი ცოდვები!
ჩვენი ფონდის ანგარიშის ნომერია GE15TB7194336080100003, GE42LB0115113036665000 ან GE64BG0000000470458000. (დანიშნულება: ბეკურიშვილების ოჯახი) თანხის გადარიცხვა შეგიძლიათ ჩვენი საიტიდანაც https://chernovetskyifund.ge/ge/projects/487-bekurishvili/
თანხის გადარიცხვა შესაძლებელია ტერმინალებიდან: Nova Technology, TBCpay და ExpressPay. განყოფილებაში „ქველმოქმედება“ მოიძიეთ ჩვენი ფონდი (ფონდის დამატებით უფლება-მოვალეობებს შეგიძლიათ გაეცნოთ მოცემულ ბმულზე https://goo.gl/GY2Gus).
დავფიქრდეთ იმაზე, რომ ვეხმარებით რა სხვებს, ვზრუნავთ საკუთარ სულზე და ვუახლოვდებით უფალს სწორედ იმ სატანჯველის გავლით, რომელსაც სხვათა თანაგრძნობით განვიცდით!

მსგავსი პროექტები: