“ქუჩის მუსიკის დღესთან” დაკავშირებით საინფორმაციო პორტალ droni.ge-ს თაოსნობით ჩატარდა საქველმოქმედო აქცია იმ მოხუცთა დასახმარებლად, რომელთაც მძიმე სოციალურ პირობებში უწევთ ცხოვრება.
აქციის მონაწილე მუსიკოსებმა 2-3 საათის განმალობაში დაუკრეს თბილისის ქუჩებში და გამვლელებს თავიანთი შემოქმედება მოასმენინეს. სპეციალურად ღონისძიებისათვის მომზადდა ბროშურები, რომლებიც მოსახლეობას აქციის მიზნისა და ქუჩის მუსიკის ფესტივალის შესახებ ინფორმაციის გასავრცელებლად დაურიგდა. შემოსული თანხა მთლიანად გადაეცა უსახლკარო მოხუცებს.