საერთაშორისო ასოციაციამ „საქართველოს ქალები მშვიდობისა და სიცოცხლისათვის" საქველმოქმედო აქცია გამართა. ისინი ეწვივნენ დაბა ლენტეხის შშმ პირებს ეტლების დასარიგებლად და სოციალურად დაუცველი ოჯახებისათვის დახმარების გადასაცემად.
11 სტანდარტული და 5 აქტიური ეტლის მსურველ ბენეფიციარებს ასოციაციის წევრები ოჯახებში ლენტეხის რაიონის სხვადასხვა სოფლებში ესტუმრნენ (ნანარი, წანაში, შკედი, რეხმელური, მაზაში, ლესემა). შორეული სოფლების მკვიდრი ბენეფიციარების ეტლები გადაეცათ რწმუნებულებს და საკრებულოების დეპუტატებს.
ამას გარდა, 7 სოციალურად დაუცველ ოჯახს (70 000-ზე ნაკლები სარეიტინგო ქულა) ასოციაციის თანამშრომლებმა გადასცეს ტანისამოსი და საკვები პროდუქტები. მათ შორის იყვნენ მრავლშვილიანი ოჯახები (4, 5, 8 შვილიანი, ბავშვების უმეტესობა დაავადებული - დაუნის სინდრომი, დიაბეტი, ბცდ, უსინათლო).
სექტემბერში დაიგეგმა რაიონში ექიმთა ბრიგადის ჩაყვანა მოსახლეობის ჯანმრთელობის გამოსაკვლევად. გაჭირვებულებს ასევე დაურიგდებათ მედიკამენტები.