ჩერნოვეცკის საქველმოქმედო ფონდი

ზაალ სულაკაური სტუმრად ჩვენს ბავშვებთან

ფონდის სიახლეები
წლის წინ
მცირე საოჯახო ტიპის სახლს ცნობილი მხატვარი და ყველა ბავშვისთვის საყვარელი ადამიანი - ზაალ სულაკაური ეწვია. ბავშვები დიდი ხანია იცნობენ მის შემოქმედებას და ძალიან სურდათ მისი ახლოდან გაცნობა. ეს სურვილი მათ ფონდმა აუსრულა და ბატონო ზალიკოც ეწვია ბავშვებს სტუმრად, რა თქმა უნდა ფანქრით, მარკერით და სხვა სამხატვრო ინსტრუმენტებით შეიარაღებული. ბავშვებს ჩაუტარა ხატვის გაკვეთილი და ასწავლა მარტივად სხვადასხვა ცხოველების და ჩანახატების გაკეთება. ბავშვებიც მის თითეულ მარტივ მოძრაობას იმეორებდნენ და მეტნაკლებად კარგად გამოსდიოდათ.

ეს დღე ბავშვებისთვის ძალიან დასამახსოვრებელი და საინტერესო აღმოჩნდა, ბავშვები ძალიან მოიხიბლნენ ხატვით და ბატონ ზალიკოსთან ურთიერთობით.

ფონდი "სოციალური პარტნიორობა" დიდ მადლობას უხდის ზაალ სულაკაურს გამოჩენილი გულისხმიერებისთვის, ყურადღებისთვის და იმ ლამაზი და განუმეორებელი დღისათვის, რომელიც მან ბავშვებს აჩუქა.