ჩვენი ფონდის ოპერირების ქვეშ მყოფი მცირე საოჯახო ტიპის სახლის აღსაზრდელებმა მარტის დღესასწაულები ჩვენი ფონდის ხანდაზმულ ქალბატონებს მიულოცეს და თავისი ხელით დაამზადებული მისალოცი ბარათები მარტოხელა ბებიებს საჩუქრად გადასცეს.

ამ შეხვედრამ ძალიან თბილად და ემოციურად ჩაიარა. მოხუცები დიდი ხანია ასე არავის გაუხარებია, ამდენი ყურადღება არავის გამოუჩენია მათ მიმართ.

ისინი პატარებს ტკბილეულით გაუმასპინძლდნენ. ბავშვები დაპირდნენ, რომ ხშირად მივიდოდნენ მათთან სტუმრად.