ჩერნოვეცკის საქველმოქმედო ფონდი

გვახსოვხართ, გვიყვარხართ, გილოცავთ!

ფონდის სიახლეები
ერთი წლის წინ

გილოცავთ, ჩვენო ძვირფასებო!ჩვენ ძალიან გვინდა, მუდამ გახოვდეთ და დარწმუნებულები იყოთ იმაში, რომ ჩვენ თქვენ გვერდით ვართ, მუდამ მოვალთ დასახმარებარებლად, გიშველით და მხარს დაგიჭერთ!

  იცოცხლეთ დიდხანს! ჩვენთვის თქვენ ხართ არა მხოლოდ ჩვენი მზრუნველობის ქვეშ მყოფი ადამიანები, არამედ დედბი, მამები, დები და ძმები და მუდამ სიხარულით გამოგიწვდით დახმარების ხელს, ვიზრუნებთ თქვენზე, რადგან არასდროს ვიცით, რა მოგვივა ხვალ და ადამიანები სწორედ იმიტომ გვქვია, რომ ვეხმარებოდეთ იმას, ვისაც ეს ყველაზე მეტად სჭირდება!

 უფალი გფარავდეთ მუდამ! ამინ!

  ლედი ჩაჩხიანს 1 აგვისტოს  83 წელი შეუსრულდება, ის სრულიად მარტოა. მოხუცი ცხოვრობს საშინელ სიღარიბეში, იტანჯება პარკინსონის დააავდებით და სრულად არის დამოკიდებული სხვების დახმარებაზე! ლედი პროფესიით ისტორიკოსია, სანამ ძალა ჰქონდა ქალი მთელი ცხოვრება მუშაობდა, ვერასდროს იფიქრებდა, რომ სიცოცხლის ბოლოს მისი ერთადერთი იმედი მიზერული პენსია და სოციალური დახმარება იქნებოდა, მთლიანობაში მისი ყოველთვიური შემოსავალი 240 ლარია, რასაკვირველია, ეს თანხა კატასტროფულად არ ჰყოფნის. მას ხომ სჭირდება ძვირად ღირებული წამლები, საკვები, კომუნალური გადასახადების გადახდაც... ჩვენი მედდები მასზე შეძლებისდაგვარად ზრუნავენ, გარდა იმისა, რომ  მას უვლიან, ეხმარებიან საოჯახო საქმიანობაშიც: ალაგებენ, უკეთებენ საჭმელს, ეგზავნებიან აფთიაქში… მას ჩვენი მხარდაჭერა ძალიან სჭირდება!

  ანელი მირიანაშვილი 6 აგვისტოს 88 წლის გახდება! პროფესიით ის ეკონომისტია, სამამულო ომის ვეტერანიც გახლავთ. საბრალო საწოლს არის მიჯაჭვული, იტანჯება უამრავი ასაკობრივი დაავადებით, საჭიროებს მუდმივ მოვლას. მას ჰყავს პენსიონერი ქალიშვილი, რომელიც ქუჩაში ყვავილებით ვაჭრობს და დედას შეძლებისდაგვარად უვლის, ოჯახს ეხმარება ხოლმე ნათესავიც, როემლიც ჰეპატიტით არის დაავადებული და ამჟამად მკურნალობის კურსს გადის... ანელი და მისი ქალიშვილი ნაქირავებ ბინაში ცხვორობენ, შვილის თითმის მთელი შემოსავალი ბინის ქირაში მისდის, ოჯახს ჩვენი დახმარება სჭირდება.

  ნათელა გვაზავას 7 აგვისოს 82 წელი შეუსრულდება, ის სოხუმიდან დევნილია, ნათელას ავადმყოფი გული აქვს, გადაიტანა ინსულტი, სტაჯავს მაღალი წნევა, ვენური უკმარისობა... სჭირდება მოვლა, ამასთან საბრალო ქალი ნაქირავებ ბინაში ცხოვრობს. ნათელას მეუღლე გადაეცვალა, მისგან ნათელას 2 შვილი ჰყავს, ისინი უვლიან ავადმყოფ დედას. ორივე მათგანი უმუშევარია... ოჯახის ყოველთვიური შემოსავალი მხოლოდ 180 ლარია, იკვებებიან მუნიციპალურ სასადილოში და ძალიან სჭირდებათ ჩვენი მხარდაჭერა...

  ლიანა პატარაიას 7 აგვისტოს 82 წელი შეუსრულდება, ის პირველი ჯგუფის ინვალიდია, ნაწილობრივ ესაჭიროება მოვლა. ქალბატონი თითქმის ვერ ხედავს, მიუხედავად ოპერაციისა... ახლა მისი „თვალები“ მზრუნველი ქმარია, რომელიც ცდილობს ავადმყოფ ცოლს ყველაფერში დაეხმაროს, მათ 2 ვაჟი ჰყავთ, რომლებიც დაქორწინებულნი არიან და ცალკე ცხოვრობენ. სამწუხაროდ, უმუშევრობის გამო მათ  მატერიალურად მათ ვერაფრით ეხმარებიან. ლიანას ჩვენი მხარდაჭერა ძალიან სჭირდება! ოჯახი უფასო სასადილოში იკვებება.

  ელმირა ბასილიძეს 10 აგვისტოს 56 წელი შეუსრულდება,მას აქვს პარეზი, მუდამ საჭიროებს მიხედვას. საბედნიეროდ, ელმირას 2 და ჰყავს, რომლებიც თითქმის ყოველდღე აკითხავენ და მოვლის გარდა, ცდილობენ გაუხალისონ ცხოვრება. ელმირა იკვებება უფასო სასადილოში, ესაჭიროება მედიკამენტები, რომელბიც ძვირი ღირს, მისი მიზერული შემოსავალი არაფერზე ჰყოფნის...

  ლამარა მენთეშაშვილს 10 აგვისტოს 83 წელი შეუსრულდება, ის მეორე ჯგუფის ინვალიდია, იტანჯება უამრავი ასაკობრივი დაავადებით, მას ოდესღაც ჰქონდა დიდი სახლი, მაგრამ სამწუხაროდ დაეწვა ხანძრის დროს, 3 წლის წინ ის შეასახლეს 10 წლით სოციალურ საცხოვრებელში, სადაც ქალიშვილთან და სიძესთან ერთად ცხოვრობს... ქალიშვილი მას ძალიან ეხმარება, შეძლებისდაგვარად ეხმარებიან მეზობლებიც, ლამარა ხომ ძალიან კეთილი და მეგობრული ქალია! სახლში მარტო გადაადგილება შეუძლია, მაგრამ ქუჩაში სხვისი დახმარება სჭირდება.

   ნინო ხუციშვილს 18 აგვისტოს 89 წელი შეუსრულდება, ის მეორე ჯგუფის ინვალიდია, ძალიან უჭირს, ნაწილობრივ არის დამოკიდებული სხვების მოვლაზე. ნინოს ძალიან ტრაგიკული ბედი აქვს, მეუღლე გარდაეცვალა, არასდროს ჰყოლია შვილები... ჰყავს გერები, მაგრამ მამის დაღუპვის შემდეგ ისინი ნინოს არ ნახულობენ. საბრალო ქალს ძმისშვილი უვლის. ნინო იდესღაც სრულფასოვანი ცხოვრებით ცხოვრობდა, კითხულობდა ლექციებს უნივერსიტეტში, პროფესიით ისტორიკოსია! ახლა კი, მისი ყოველთვიური შემოსავალი მხოლოდ 240 ლარია.

  ლევან გრიგორიანს 20 აგვისტოს მხოლოდ 41 წელი შეურულდება... ის პირველი ჯგუფის ინვალიდია ნაწილობრივ საჭიროებს სხვების დახმარებას. ლევანი ოჯახთან ერთად ცხოვრობს, ჰყავდა მეუღლე და ჰყავს ვაჟი... ახალგაზრდა ქალმა ვერ გაუძლო ავადმყოფი მეურლსი მოვლას, პრობლემებს და მიატოვა... საბედნიეროდ, მამა შვილთან ურთიერთობს, ბიჭი ხშირად სტუმრობს ავადმყოფ მამას. ახლა მას უვლის დედა, ზოგჯერ ეხმარება ძმაც, ისხსირად სტუმრობს მათ.


  მერი გორგოძეს 23 აგვისტოს 75 წელი შეუსრულდება, ის უამრავი ასაკობრივი დაავადებით იტანჯება და ნაწილობრივ საჭიროებს მოვლას. მოხუცი ავადმყოფ ქალიშვილთან ერთად ცხოვრობს, ისიც ჩვენი ბენეფიციარია. მრავალი წელი მერი მას უვლიდა, ახლა მთელი ამ ტვირთის ტარებას მისი მეუღლე ცდილობს. ბოლო სამი წელია, რაც მერის ჯანმრთელობის მდგომარეობა მკვეთრად გაუარესდა და ის თავად საჭიროებს ზრუნვას...

  ციალა მაისურაძე 23 აგვისტოს 83 წლის გახდება, ის სრულიად მარტოხელაა, იტანჯება უამრავი ასაკობრივი დაავადებით, ნაწილობრივ საჭიროებს მოვლას. საბრალოს არ აქვს წყლის გამაცხელებელი და სარეცხის მანქანა და ძალიან უძნელდება - სარეცხი ხომ ძალიან ბევრი აქვს, დაავადბებისა და ასაკის გამო, ციალა ხელით ვერ ახერხებს რეცხვას..მას 15 წლის წინ დაეღუპა მეუღლე, მასთან 40 წელი იცხოვრა!, თუმცა, საუბედუროდ, შვილები არ ეყოლათ...დარჩა მხოლოდ 2 ძმა  რომელბიც თავადაც მძიმედ არიან ავად და დას თითქმის ვერ ნახულობენ... თვეში ორჯერ ციალას სტუმრობს ძმისშვილი, რომელიც სახლს ულაგებს, მას მატერიალურად უჭირს, ამიტომ მოხუცს ვერ ეხმარება. ციალას ჩვენი მხარდაჭერა ძალიან სჭირდება!

  ვიოლა გოგობრიშვილს 25 აგვისტოს 72 წელი შეუსრულდება, ის აფხაზეთიდან დევნილია, პროფესიით ბილოგი გახლავთ. აწუხებს გული, ნაწილობრივ საჭიროებს მოვლას. მოხუცი ავარიულ ბინაში ცხოვრობს, მეუღლის გარდაცვალების შემდეგ ვაჟს სთხოვა მასთან გადმოსულიყო რადგან მარტო ვერ ჩერდებოდა. შვილმა ავადმყოფ დედას უარი არ უთხრა და ახლა ერთად ცხოვრობენ. მას თავისი ოჯახი ჰყავს და ვიოლას ერთობლივი ძალებით პატრონობენ. ვიოლას მიზერული შემოსავალი აქვს, მხოლოდ 220 ლარი, რასაკვირველია, ამ თანხით თავის გატანა შეუძლებელია!

  ბესარიონ ხიდაშელს 27 აგვისტოს 74 წელი შეუსრულდება, ის ინვალიდის ეტლს არის მიჯაჭვული, ბესარიონი პროფესიით მხატვარია! გადაიტანა ინსულტი, აქვს პარეზი და ეპილეფსია, მუდამ საჭიროებს მოვლას. საბედნიეროდ, მას ჰყავს მოსიყვარულე მეუღლე, რომელიც ისე უვლის, როგორც შეუძლია. წყვილს ვაჟიც ჰყავს, მაგრამ მასთან ცუდი ურთიერთობა აქვთ.  ბესარიონის ერთოთახიან ბინაში არანაირი პირობები არ არის, მათ ჩვენი მხარდაჭერა ძალიან სჭირდებათ!

  გიორგი მელაძეს 31 აგვისტოს 55 წელი შეუსრულდება, ის პირველი ჯგუფის ინვალიდია, სანამ ძალა ჰქონდა, მამაკაცი შრომობდა, მუშაობდა მუშად მშენებლობაზე და პურის ფულს შოულობდა, მაგრამ სამწუხაროდ, მძიმე ტრავმის შემდეგ, რომელიც ავარიის შედეგად მიიღო, მისი ცხოვრება სამუდამოდ შეიცვალა. ცოტა ხნის წინ აღმოაჩნდა პროსტატის კიბოც...საბედნიეროდ, გიორგის ჰყავს მეუღლე, რომელიც უვლის და 2 ქალიშვილი. ერთი მათგანი გათხოვილია, მეორე - სტუდენტი გახლავთ. ისინი მშობლებს ძალიან იშვიათად სტუმრობენ და ვერაფრით ეხმარებიან. გიორგის ძალიან სჭირდება მედიკამენტები, საკვები და მუდმივი, კვალიფიციური მოვლა...

  ავთანდილ ქართველიშვილს 1 აგვისტოს 50 წელი შეუსრულდება, ის მეორე ჯგუფის ინვალიდია, ინსულტის შემდგომ მამაკაცი ნაწილობრივ საჭიროებს მოვლას. პროფესიით ავთანდილი ელექტრიკოსია, მუშაობდა, სანამ ეს უბედურება არ შეემთხვა... ჰყავს მეუღლე და ქალიშვილი, რომელსაც ის უზომოდ უყვართ. მას „ოქროს ხელები“ ჰქონდა, სულ მუშაობდა, მაგრამ ახლა ავთანდილის მდგომარეობა მეტად მძიმეა...

  ცისანა წიქარიძეს 11 აგვისტოს 73 წელი შეუსრულდება, ის პირველი ჯგუფის ინვალიდია, გადაიტანა ინსულტი, ცხვოვრობს უმუშევარ ქმართან და ქალიშვილთან ერთად, ოჯახს ძალიან უჭირს.

  ვალერიან საგლიანს 15 აგვისტოს 49 წელი შეუსრულდება, ის პირველი ჯგუფის ინვალიდია, საჭიროებს მუდმივად მოვლას. საწოლს ხერხემლის ტრავმის გამო მიეჯაჭვა, ცხოვრობს ძმებთან ერთად, ოჯახს ძალიან უჭირს.

  ნორა ცოცხალაშვილს 20 აგვისტოს 77 წელი შეუსრულდება, ის მარტოხელაა, ამ ქალბატონმა ნამდვილი კოშმარი გადაიტანა, 2 ვაჟი ჰყავდა, რომლებიც დაიღუპნენ. ასეთ მწუხარებას მისმა გულმა ვერ გაუძლო და ინსულტი დაემართა, რომლის შემდეგაც მუშაობა ვეღარ შეძლო. მრავალი წელი ის მაღაზიაში გამყიდველად მუშაობდა, საკუთარ თავზე როგორც შეეძლო ისე ზრუნავდა, მაგრამ შემდეგ მოუწია ყველაფრის გაყიდვა რაც გააჩნდა  და ახლა უარაფროდ, სრულიად მარტოა დარჩენილი...

  თეიმურაზ ჯავახიშვილს 21 აგვისტოს მხოლოდ 48 წელი შეუსრულდება, ის პირველი ჯგუფის ინვალიდია, აქვს ცერემბრალური დამბლა და გონებრივი ჩამორჩენა. საწოლს არის მიჯაჭვული და საჭიროებს მუდმივ მოვლას, ცხოვრობს დასთან, სიძესთან და მათ შვილებთან ერთად. მადლობა უფალს, ისინი მუდამ მის გვერდით არიან!

  ინგა კარიაულს 22 აგვისტოს 81 წელი შეუსრულდება, კიბო აქვს და გულის უკმარისობით იტანჯება... მისი შვილიშვილიც ჩვენი ბენეფიციარია, ის მასთან, ქალიშვილთან და სიძესთან იტალიურ ეზოში ცხოვრობს. ოჯახს ჩვენი მხარდაჭერა ძალიან სჭირდება.

  როსტომ მოვსენიანს 22 აგვისტოს 77 წელი შეუსრულდება, მას დიაბეტი აქვს და სტანჯავს სხვა ასაკობრივი დაავადებები. მეუღლე დიდი ხნის წინ გარდაეცვალა, ვაჟი კი თავის ოჯახთან ერთად ცალკე ცხოვრობს...

  ანგელინა ბუტულოვას 27 აგვისტოს 53 წელი შეუსრულდება, ის მძიმედ არის ავად, გათხოვილი არასდროს ყოფილა, ცხოვრობს დასთან ერთად, რომელიც ცდილობს როგორც შეუძლია ისე მოუაროს.

  დიმიტრი შალიბაშვილს 31 აგვისტოს 50 წელი შეუსრულდება, ის პირველი ჯგუფის ინვალიდია, აქვს ფსიქიკური დარღვევაც. დიმიტრი ბავშვობიდან ავად არის, ცხოვრობს გაუთხოვარ დასთან ერთად, რომელიც მასზე მაქსიმალურად ზრუნავს. დიმიტრი მხოლოდ მასთან ურთიერთობს, სხვებს არასდროს ესაუბრება შიშების გამო.

  ბაიდო ცორიკაშვილს 1 აგვისტოს 91 წელი შეუსრულდება! ის იტანჯება გულის უკმარისობით და მრავალი სხვა ასაკობრივი დაავადებით. მიუხედავად სოლიდური ასაკისა  ბაიდო ცდილობს აქტიური იყოს, მოვლას ნაწილობრივ საჭიროებს.ოდესღაც მოხუცს დიდი სახლი ჰქონდა, მაგრამ ვალების გამო დაკარგა, ახლა ძველ ერთოთახიან ბინაში ცხოვრობს. საბრალოს შვილშიც არ გაუმართლა ის სვამს და რასაკვირველია, მოხუც მამას ვერ უვლის...ურთიერთობა ბაიდოს არც მეზობლებთან აქვს, მამა-შვილის ყოველთვიური შემოსავალი მხოლოდ 180 ლარია... ჩენ ვცდილობთ მას ცხოვრება შეძლებისდაგვარად შევუმსუბუქოთ.

მარზიკო ლაშხს 3 აგვისტოს 74 წელი შეუსრულდება, მას ავადმყოფი გული აქვს და აწუხებს უამრავი ასაკობრივი დაავადება. მოხუცი ვაჟთან და რძალთან ერთად ცხოვრობს, რომელბიც ძალიან ეხმარებიან, ზრუნავენ როგორც შეუძლიათ, სხვაგვარად როგორ: ყოველი ჩვენგანი ხომ ოდესმე დაბერდება, სწორედ ასე უნდა იქცეოდნენ მოსიყვარულე შვილები, რომლებიც უფროსებს პატივს სცემენ.  ამ ოჯახის ერთადერთი პრობლემა მიზერული შემოსავალია, მხოლოდ 360 ლარი, რაც 3 ადამიანისთვის საკმარისი ვერნაირად ვერ იქნება. თან  მისი ვაჟიც ინვალდიია და მუშაობა არ შეუძლია, ისინი თავის გატანას ცდილობენ...

  ზოია მხითარიანს 8 აგვისტოს 63 წელი შეუსრულდება, ის ავადაა, ნაწილობრივ საჭიროებს მოვლას... საბედნიეროდ, მას აქვს თავისი სახლი, მართალია, ძალიან ძველია, მაგრამ რაც მთავარია, თავისია! ზოია ცხოვრობს ქალიშვილტან და 2 შვილიშვილთან ერთად. მის ქალიშვილს მხედველობა ძალიან აქვს დქვეითებული და ძალიან უჭირს შვილებისა და დედის მოვლა, ასევე, უძნელდება სახლსი სისუფთავის დაცვაც. მათ ჩვენი მხარდაჭერა ძალიან სჭირდებათ.

  ანოლიტა იმნაიშვილს 12 აგვისტოს 72 წელი შეუსრულდება, ის პირველი ჯგუფის ინვალიდია პროფესიით ანოლიტა პედაგოგია, მრავალი წელი მუშაობდა, შრომობდა, პურის ფულს შოულობდა. ანოლიტა ამჟამად ცხოვრობს ფსიქიკურად დაავადებულ ვაჟთან ერთად, შვილის დაავადების გამო მეზობლებთან ცუდი ურთიერთობა აქვს. ჩვენ ვეხმარებით მათ რითიც შეგვუძლია, მედდები მის ვაჟზე ზრუნავენ.

  ხვიჩა ბულიას 14 აგვისტოს 54 წელი შეუსრულდება, ის პირველი ჯგუფის ინვალიდია, გადაიტანა ინსულტი, რომლის შემდეგაც მუდმივად საჭიროებს მოვლას. პროფესიით ხვიჩა მუშაა, 12 წელი იჯდა ციხეში - ცხოვრებაში ყველაფერი ხდება, რაღაც დროის მანძილზე ცოდვებს მონასტერში ინანიებდა, შემდეგ დაცვად მუშაობდა. ხვიჩას ჰქონდა სახლი, მაგრამ ის ვალების გამო დაკარგა და ახლა ნათესავებთან ცხოვრობს, რომლებმაც ის საბედნიეროდ, მიიღეს  - კეთილი ადამიანები არიან!  სამწუხაროდ, მამაკაცი დაქორწინებული არასდროს ყოფილა და არც შვილები ჰყავს.

  სედა აკოპიანს 20 აგვისტოს 86 წელი შეუსრულდება, ის მუდმივად საჭიროებს მოვლას, არასდროს უმუშავია, მთელი ცხოვრება მიუძღვნა დიასახლისობას. სედა ცხოვრობს ძველ, ავარიულ სახლში ქალიშვილთან და 2 შვილიშვილთან ერთად, ოჯახში სიყვარული სუფევს. ქალიშვილი ცდილობს მაქსიმალურად მოუაროს ავადმყოფ დედას, მაგრამ მატერიალურად ძალიან უჭირთ, ყოველთვიური მიზერული შემოსავალი არაფერზე ჰყოფნით.

  სერგო არაქელოვს 20 აგვისტოს 68 წელი შეუსრულდება, მამაკაცი მძიმედ არის ავად . პროფესიით ელექტრიკოსია და მრავალი წელი ფულს სწორედ ამ ხელობით გამოიმუშავებდა, მაგრამ ჯანმრთელობის მდგომარეობის გაუარესების შემდგომ მუშაობა აღარ ძალუძს...სერგო ძმასთან ერთად ცხოვრობს, რომელიც ასევე შრომისუუნაროა. ისინი ცდილობენ ერთმანეთს ცხოვრება მაქსიმალურად გაუხალისონ.

  ელისაბედ ლეკიაშვილს 20 აგვისტოს 43 წელი შეუსრულდება, ის პირველი ჯგუფის ინვალიდია, არავის ესაუბრება, საჭიროებს მუდმივ მოვლას, ცხოვრობს ოჯახთან ერთად. დედამისი ასევე ჩვენი ბენეფიციარია, ჩვენ მათ რითიც შეგვიძლია, ვეხმარებით. კიდევ ელისაბედს ჰყავს და, რომელიც ცერემბრალური დამბლის მქონე ქალიშვილს ზრდის...

 მათ მეზობლებთან ძალიან კარგი ურთიერთობა აქვთ.

  ინგა ქენქაძეს 20 აგვისტოს 50 წელი შეუსრულდება, ის აბსოლუტურად მარტოხელაა, საჭიროებს მუდმივ მოვლას. ცხოვრობს მიტოვებულ ვაგონში, რომელშიც სრული ანტისანიტარია სუფევს. იატაკი და კედლები ინგრევა., საბრალოს არანაირი საყოფაცხვორებო ტექნიკა არ გააჩნია, საპირფარეშო ეზოშია. ინგას იქამდე მისვლა უზომოდ უჭირს… საბედნიეროდ, ქვეყანაზე კეთილი ადამიანები არსებობენ და მას მეზობლები აპურებენ მაგრამ თავის მოვლაში ვერავინ ეხმარება. ჩვენი მედდები მასზე ზრუნავენ, მაგრამ ეს საკმარისი არაა, ინგას მუდმივი მოვლა ესაჭიროება.

  ნათელა ნანიტაშვილს 22 აგვისტოს 77 წელი შეუსრულდება, ის მეორე ჯგუფის ინვალიდია, იტანჯება გულის დაავადებებით. ამჟამად მისი ჯანმრთელობის მდგომარეობა ძალიან მძიმეა. საბედნიეროდ, მას ჰყავს მზრუნველი მეუღლე, რომელიც ცდილობს მოუაროს როგორც შეუძლია, მაგრამ ეს საკმარისი არაა. ნათელამ და მისმა მეუღლემ დიდი უბედურება გადაიტანეს - ვაჟი დაეღუპათ, მეორე ვაჟი დაქორწინებულია და თავის ოჯახთან ერთად ცხოვრობს. მათ ჩვენი მხარდაჭერა ძალიან სჭირდებათ!

  მარიამ საძაგლიშვილს 23 აგვისტოს 56 წელი შეუსრულდება, ის ავადაა, ნაწილობრივ საწიროებს მოვლას. მარიამი ცხოვრობს მოხუც დედასთან ერთად, რომელიც ასევე ჩვენი ბენეფიციარია. მათ ძალიან ცუდი ურთიერთობა აქვთ, ასევე, მარიამს დაძაბული ურთიერთობა აქვს ძმასთანაც. მეზობლები საყიდლებზე ეგზავნებიან ხოლმე.საბედნიეროდ, მარიამს მათთან კარგი ურთიერთობა აქვს.

  ლავრენტი ლაზარაშვილს 29 აგვისტოს 51 წელი შეუსრულდება, ის მეორე ჯგუფის ინვალიდია, სტანჯავს პარკინსონის დაავადება და ნაწილობრივ საჭიროებს მოვლას. ლავრენტის სახლი არ გააჩნია, დროებით ნათესავს ჰყავს შეფარებული, არც პროფესია აქვს. ლავრენტის მეუღლე და 2 შვილი ჰყავს, მისი ქალიშვილი პირველი ჯგუფის ინვალიდია, ვაჟი სკოლის მოსწავლე, რომელზეც ასევე ჩვენი ფონდი ზრუნავს. მოვლა სჭირდება ლავრენტის დედასაც, ჩვენ ვცდილობთ მათ შეძლებისდაგვარად დავეხმაროთ.

  ჟუჟუნა ჩილინგარაშვილს 31 აგვისტოს 71 წელი შეუსრულდება, ის პირველი ჯგუფის ინვალიდია, უსინათლოა... პროფესიით ფილოლოგია, საოცარ ლექსებს წერს! მისი მეუღლეც ჩვენი მზრუნველობის ქვეშ იმყოფება, მათ ქალიშვილი ჰყავთ, რომელიც ავადმყოფ მოხუც მშობლებს უვლის... თავად მანაც რამდენიმე წლის წინ მძიმე ქიმიური დამწვრობა მიიღო, ძლივს გადარჩა, ჩაუტარდა ოპერაცია.

  დავით მუკბანიან 1 აგვისტოს 79 წელი შეუსრულდება, სტანჯავს ტროფიკული წყლული, დიაბეტი, გადაიტანა ინსულტი, ახლა ოდესღაც ძალ-ღონით სავსე კაცი მოვლას საჭიროებს, არადა, სანამ ძალა ჰქონდა, არანაირ ფიზიკურ შრომას არ თაკილობდა, პურის ფულს შოულობდა, მაგრამ მძიმე დაავადებები შეუმჩნევლად შეეპარა და მისი ცხოვრება სამუდამოდ შეიცვალა.  მეუღლე უვლის, ჩვენი მედდებიც ხშირად ნახულობენ და ყველაფერში ეხმარებიან.

ნაზი ნადიბაიძეს 10 აგვისტოს 66 წელი შეუსრულდება, ის მეორე ჯგუფის ინვალიდია, ნაწილობრივ საჭიროებს მოვლას, ასევე, აქვს კიბო. მთელი ცხოვრება მიუძღვნა დიასახლისობას,პროფესია არ გააჩნია. ჰყავს დაოჯახებული ქალიშვილი, როემლიც მიუხედავად იმისა რომ ცალკე ცხოვრობს ყოველდღე ნახულობს დედას, უვლის მას და ფინანსურადაც ეხმარება. ნაზის ძალიან გაუმართლა მასში! 

  თეონა თოგოშვლს 15 აგვისტოს 27 წელი შეუსრულდება, მას თავის ტვინის კიბო აქვს ნაწილობივ საჭიროებს მოვლას, პრეიოდულად აქვს ხოლმე ფსიქოლოგიური პრობლემები. ჯერ კიდევ სრულიად ახალგაზრდა გოგონას დაავადების გამო ჰიგიენური პროცედურების ჩატარებაც კი არ შეუძლია...

თეონა დედასთან ერთად ცხოვრობს რომელსაც მთელი გულით სწამს რომ მისი ქალიშვილი გამოჯანმრთელდება, დღეებს საბრალო გოგონაზე ზრუნვაში ატარებს. ასევე, მათ ძალიან ეხმარებიან ახლობლები და ნათესავები, ოჯახის მიმართ ძალიან თბილი დამოკიდებულება აქვთ...

  ლალი პერანიძეს 16 აგვისტოს 76 წელი შეუსრულდება, მან გადაიტანა ინსულტი, სტანჯავს შაქრიანი დიაბეტი, ნაწილობრივ საჭიროებს მოვლას... არადა, მრავალი წლის მანძილზე პროფესიით მედდა ლალი თავად ზრუნავდა ავადმყოფებზე, ახლა კი, სიბერეში ჩვენს დახმარებასა და მხარდაჭერას საჭიროებს. საბედნიეროდ, მას ძალიან გაუმართლა მეუღლესა და შვილებში - ისინი ავადმყოფზე ძალიან კარგად ზრუნავენ, ცივ ნიავს არ აკარებენ და მისი ცხოვრების შესამსუბუქებლად ყველაფერს აკეთებენ!

  ლილია ოშაღაშვილს 19 აგვისტოს 54 წელი შეუსრულდება, მას აქვს შიზოფრენია, სრულიად მარტოხელაა, საბრალოს არ აქვს საკუთარი ოთახიც კი, დის მეგობრის სახლსაა შეფარებული. მისი და რუსეთში ცხოვრობს, მაგრამ მიუხედავად მანძილისა, დას  მუდმივად ეკონტაქტება, ეხმარება ფინანსურად. ჩვენ მას ძალიან ხშირად ვაკითხავთ ვეხმარებით საშინაო საქმეებში, ჰიგიენის დაცვაში, ვაკეთებთ ყველაფერს, რაც შეგვიძლია...

  ნადეჟდა  ბედოშვილს 25 აგვისტოს 94 წელი შეუსრულდება. ის უამრავი ასაკობრივი დაავადებით იტანჯება, მაგრამ მიუხედავად ასაკისა, ცდილობს სულიერი სიმხნევე შეინარჩუნოს, მხოლოდ ნაწილობრივ საჭიროებს მოვლას, რომლითაც  ჩვენი მედდები უზრუნველყოფენ! ცხოვრობს ძმისშვილის ოჯახთან ერთად, ცალკე ოთახი აქვს გამოყოფილი, სადაც ყველაფერი რაც სჭირდება აქვს. ოჯახი ძალიან დიდი მზრუნველბით გამოირჩევა ნადეჟდას მიმართ, უვლიან და ძალიან უყვართ ღრმად მოხუცებული ბებო!

  გელა ფიცხელაურს 29 აგვისტოს 59 წელი შეუსრულდება, ის პირველი ჯგუფის ინვალიდია, გადაადგილდება მხოლოდ ინვალიდის ეტლით, ნაწილობრივ  საჭიროებს მოვლას, ამ ამბავში ყველაზე გულის ამაჩუყებელი ისაა, რომ ვაჟს მოხუცი დედა უვლის,  მათ ერთმანეთი ძალიან უყვართ, ამ ოჯახს ჩვენც რითიც შეგვიძლია, ვეხმარებით...სახლში სისუფთავეა, საშინაო საქმიანობითა და გელას მოვლით მხოლოდ დედაა დაკავებული...

  ჯუმბერ გრიგოლიას 2 აგვისტოს 88 წელი შეუსრულდება, მან გადაიტანა ინსულტი, როს შემდეგაც საბრალოს მდგომარეობა მკვეთრად გაუარესდა. ის ძალიან კეთილი და კარგი პიროვნებაა, ცხოვრობს ქალიშვილთან და შვილიშვილთან ერთად, ყველა ეხმარება: მეზობლები, ახლობლები, როგორც ჩანს, მისგან უამრავი სიკეთე ახსოვთ... ფონდიდან ის იღებს მედიკამენტებს, ჰიგიენურ საშუალებებს, იკვებება უფასო მუნიციპალურ სასადილოში...

  ადა იუმაკოვას 4 აგვისტოს 84 წელი შეუსრულდება, ამ თეძოს ძვალი მოიტეხა და ამის შემდეგ პრაქტიკულად საწოლს არის მიჯაჭვული, ასევე, გადაიტანა ინსულტი, აქვს ნაწოლები, რომელბიც ძალიან აწუხებს. ადა 2 ნათესავთან ერთად ცხოვრობს, რომელბიც უვლიან და ყველაფერში ეხმარებიან. მისი ვაჟი რისეთშია და საბრალო დედას არაფრით ეხმარება. მიუხედავად ნათესავების მხარდაჭერისა, მას ძალიან ძალიან სჭირდება განსაკუთრებული მოვლა, კერძოდ,  ნაწოლების მკურნალობა.

  გოჩა შარაშენიძეს 4 აგვისტოს 71 წელი შეუსრულდება, ის სიღატაკეში ცხოვრობს სარდაფში, რომელიც დაქირავებული აქვს. ავადმყოფი გული აქვს.. საბედნიეროდ, მეზობლები პატრონობენ, მაოქვთ მისთვის საკვები, ულაგებენ, აკეთებენ ყველაფერს რაც შეუძლიათ იმისთვის რომ საბრალო მამაკაცს ცხოვრება შეუმსუბუქონ. ოდესღაც გოჩა ერთ-ერთი ქარხნის დირექტორი იყო, მაგრამ 90-იანი წლების შემდეგ უმუშევარი დარჩა, იმავე წლებში დაშორდა მეუღლეს და მთელი ქონება მას და შვილებს დაუტოვა. ერთი ვაჟი დაეღუპა, მეორე ოდესაში გადავიდა საცხოვრებლად და მასთან არანაირი ურთიერთობა არ აქვს... ერთადერთი მისი დასაყრდენი მეზობლები და მეგობრები არიან...

  ზეინაბ ყანჩაველს 8 აგვისტოს 83 წელი შეუსრულდება, ის ნაწილობრივ საჭიროებს მოვლას, სტანჯავს მაღალი წნევა. ზეინაბი ძველ სახლში ცხოვრობს რომელსაც უკვე მრავალი წელია რემონტი სჭირდება, თუმცა სისუფთავის დაცვას მოხუცი ახერხებს. ზეინაბი სრულიად მარტოხელაა, საბედნიეროდ, გაუმართლა მეზობლებში, რომლებიც რითიც შეუძლიათ, ეხმარებიან. მას კეთილი გული აქვს და შესანიშნავი მოსაუბრეა.

  ბექა ელოშვილს 10 აგვისტოს 27 წელი შეუსრულდება, ის პირველი ჯგუფის ინვალიდია, მიიღო ხერხემლის ტრავმა და საჭიროებს მუდმივ მოვლას. ბექა საკუთარ სახლში ცხოვრობს მეუღლესთან და პატარა ქალიშვილთან ერთად, ძირითადად უვლის მეუღლე, მაგრამ ხშირად ეხმარებიან ახლობლები, ნათესავები და მეზობლები. მას ყველასთან ძალიან კარგი ურთიერობა აქვს.

  სირანა ხორნაულს 10 აგვისტოს 83 წელი შეუსრულდება, ის უამრავი მძიმე დაავადებით იტანჯება, ნაწილობრივ საჭიროებს მოვლას. პროფესიით სირანა მკერავია, მრავალი წელი შრომობდა, მაგრამ ჯანმრთელობის მდგომარეობის გაუარესების შემდეგ მისი ცხოვრება უკან-უკან წავიდა... სირანას შვილიშვილი უვლის, ასევე, ძალიან ეხმარებიან ახლობლები და მეზობლები, ის ძალიან გულღია და გულკეთილი ქალია.

  ნატალია პავლიაშვილს 17 აგვისტოს 54 წელი შეუსრულდება, მას აქვს თავის ტვინის ანევრიზმა, მუდმივად საჭიროებს მოვლას, ვინმეს დახმარებით შეუძლია ოთახში ნელა გადაადგილება. პროფესიით ის მუშაა, ცხოვრობს ნახევრად სარდაფის ტიპის სახლში, სადაც ნესტია და სიბინძურე სუფევს. საბრალოს არნაიარი პირობები არ გააჩნია, ბინა მისი არაა, ქირაობს... იშვიათად მასთან მოდის ალკოდამოკიდებული ქმარი, მას ეხმარებიან მხოლოდ მეზობელი და მეგობრები, რომლებთანაც ძალიან თბილი ურთიერთობა აქვს...

  ნიკა ლორთქიფანიძეს 26 აგვისტოს მხოლოდ 10 წელი შეუსრულდება... ბიჭუნა დაბადებიდან იტანჯება ცერემბრალური დამბლით, არის გონებრივად ჩამორჩენილი, მუდმივად საჭიროებს მოვლას... ძირითადად, დედა უვლის, ნიკა ძალიან კარგად არის მოვლილი, მისი დედა ძალიან კეთილი ქალია, შვილსკარგად ეპყრობა და მადლიერი იქნება ნებისმიერი სახის დახმარების.