საერთოდ არაფერი გაგვაჩნდა და უცებ, სიყვარულისა და საჩუქრების ზღვა დაგვატყდა თავს!

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებსაც მონაწილეობა მიიღონ ღვთისნიერ საქმეში!

 ახალი სურათებისთვის მზად ვარ!

 „ვაიკიკის“ მაღაზიიდან დიდი პარკები რომ მოიტანეს, მარიკუნა მთელი დღე ახალ ტანსაცმელს ისინჯავდა. მისმა დედიკომ, ნინომ ოთახი ვერაფრით დაალაგა, მარი გაუთავებლად იღებდა კომოდიდან თავის და მისი დაიკოს ახალ ნივთებს: პატარა ლამაზ კაბებს, ხატიას ბოდეებს, პატარა ფეხსაცმელს. ძალიან მოსწონს, გულში იკრავს, თვითონ იცვამს და ცდილობს, თოთო ხატიასაც რომ ჩააცვას.

 გაოცება არის მარიკუნას უდიდესი ემოცია. საიდან გაჩნდა სახლში ამდენი ახალი ნივთი? ზოგის დანიშნულებაც არ იცის და ცდილობს, დედასთან გაარკვიოს, ხალათის კალათაზე ჩაჰკიდებს ხოლმე ხელს, მიჰყავს მაცივართან ან სარეცხ მანქანასთან და ეკითხება: „ე-ე?“

 მხოლოდ დედიკომ იცის, საიდან გაჩნდა ამდენი საჩუქარი. უკოცნის  გოგონას პაწუა ცხვირს და დიდ გაოცებულ თვალებს, უმეორებს, რომ კეთილმა ადამიანებმა გამოუგზავნეს ეს ყველაფერი.

 აბა, შემიფასეთ ახალი „ლუქი!“

 - კარგია, რომ მარი ჩემს ტელეფონს აღარ უყურებს - ღიმილით გვეუბნება ნინო. - იმის მერე, რაც თქვენს ვიდეორგოლში ნახა თავისი თავი, ყოველდღე მის ჩართვას მთხოვდა. თავის თავს ადებდა თითს, მეუბნებოდა: „აი, მარი“ და  უხაროდა. (იღიმის.)

 ძალიან მიხაროდა, როდესაც კომენტარებში ჩემი შვილებისთვის განკუთვნილ თბილ სიტყვებს ვკითხულობდი: „ანგელოზები“, „სიცოცხლეები“, „ლამაზი გოგონები“, „უფალი გფარავდეთ“... მაგრამ, კეთილმა საქმეებმა სიტყვებს გადააჭარბა. მთელი ამ ხნის განმავლობაში, რაც თქვენი მკითხველები გავიცანი, თანადგომას ვგრძნობ. ყველაზე საგანგებო სიტუაციებშიც კი. აი, ორი კვირის წინ, ხატიას ვირუსი შეეყარა და საავადმყოფოში გადაყვანა დასჭირდა. მაშინვე თქვენ დაგირეკეთ და ბავშვი უზრუნველყოფილი იყო ყველაფრით, რაც სჭირდებოდა: გადასხმები, ინჰალაცია. მკურნალობა სახლში დავასრულეთ  - მედიკამენტები მომიტანეს.

მაცივართან მიიყვანა დედიკო, რომ ჰკითხოს, რა არის ეს გაურკვეველი უშველებელი ნივთი!

 ერთი დღეც არ ვყოფილვართ მშივრები. პროდუქტი გამომელეოდა თუ არა, ფონდის დაფინანსებით კვლავ საყიდლებზე გავრბოდი. ვყიდულობდი ქათმის ხორცს, იოგურტებს, კარტოფილს, ხახვს, ვერმიშელს, ზეთს... ცალკე უნდა აღვნიშნო ორცხობილები და შოკოლადი, ძალიან დიდხანს გვეყოფა ეს მარაგი.

 ხატიას ჯერ არ აქვს „კიჭები“, მე კი მაქვს! მისთვის მხოლოდ რძე შეიძლება, მე კი შოკოლადის კანფეტებსაც ვჭამ უკვე!

 მინდა, მადლობა გადავუხადო ყველას, ვინც დააპურა, ჩააცვა და დაახურა ჩემს შვილებს. ყველაზე მტკივნეულ საკითხებზე გესაუბრეთ. ვიცოდი, რომ შეიძლებოდა თქვენი ნდობა, რომ შემიძლია, თქვენი იმედი მქონდეს. თქვენც როგორც ახლობლებმა, ისე გამიგეთ და ძალიან დამეხმარეთ.

 - ახლა თუ გრჩებათ დრო, რომ დაისვენოთ? როგორ განწყობაზე ხართ?

 ნინო: ადრე ჭამაც არ მახსენდებოდა, სანამ საქმეს არ დავასრულებდი. მოვტრიალდებოდი და უკვე დაღამებული იყო. ყველაზე მეტი ხატიას ტანსაცმელი მიგროვდებოდა გასარეცხად. ახლა, აღარ მაქვს საგიჟეთი. ბავშვები აღარ ტირიან, სანამ მე ვრეცხავ. მარი აღარ ეცემა და დალურჯებებიც აღარ აქვს.

 ეს რაღაც ტანსაცმლის კარუსელია, მარტო დედიკო თამაშობს ამით!

 დღეს ბორში მოვამზადე, შემიძლია, მაცივარში რომ შევინახო. რძის ნაწარმის შენახვის საშუალებაც მაქვს. აქამდე, სულ თავს ვიმტვრევდი და ძალიან დავიღალე: რა მოვამზადო ისეთი, რომ არ გაფუჭდეს? რა ჩავაცვა ბავშვს პამპერსის ნაცვლად? მერე როგორ ამოვრეცხო? ტელევიზორისა და სათამაშოების გარეშე, როგორ გავართო მარი?

 ახლა, ახალ ტელევიზორში მულტფილმებს ვუყურებ ბავშვებთან ერთად. რომ დავაძინებ, ჩაის ვიმზადებ და რამე სერიალს ვუყურებ დაბალ ხმაზე. ეს ჩემი კუთვნილი დასვენებაა დღის ბოლოს. (იღიმის.) განწყობაც ბევრად უკეთესი მაქვს. აი, საყურეც ისევ გავიკეთე. (იღიმის.)

ნინო ხუთი წუთით ჩამოჯდა დასასვენებლად და ბავშვებიც მის გვერდით არიან.

 - მოხსნა არც იფიქროთ! აღარ გაქვთ უკან დასახევი გზა. გვინდა, ბედნიერს გხედავდეთ.

 ნინო: მეც ვიფიქრე, ამდენი ხალხი ცდილობს ჩემსა და ჩემი გოგონების გახარებას. მეც უნდა ვეცადო,  თავი ხელში რომ ავიყვანო. კი, ჩვენი მდგომარეობა კარგი არ არის. მაგრამ, ბევრად უარესიც ხომ ხდება. არსებობს საშინელი, უკურნებელი დაავადებები, ჩვენ კი, უფალი გვფარავს. ალბათ, დროთა განმავლობაში ყველაფერი მოგვარდება, ხომ ასეა?

 „ნელ-ნელა კარგ განწყობაზეც მოვედი.“

 - რა თქმა უნდა!

 ნინო: ჩვენს სანახავად რომ მოდიოდნენ, არ მინდოდა, ჩემი ნამტირალევი თვალები ენახათ. იმხელა სითბო და სიყვარული დაგვანახეს მე და ჩემს შვილებს, საჩუქრებიც მოგვიტანეს. მინდოდა თუ არ მინდოდა, ვეცადე, მოწესრიგებული რომ შევხვედროდი. იმდენი თბილი სიტყვა უთხრეს ჩემს გოგონებს, ეფერებოდნენ და ეთამაშებოდნენ. შევამჩნიე, რომ უკვე ვიღიმი კიდეც. ასე შემეცვალა განწყობა.

 გოგოები გვესტუმრნენ გორიდან, ბოშურიდან. იმხელა თანხის პროდუქტი მოგვიტანეს. მარიკუნამ ბევრ სიტყვას ვერ ამბობს ჯერ, მაგრამ, სიხარულისგან, ყველაფერს ტლიკინებდა, რაც იცის: „დედა“, „მამა“, „დაიკო“, „ბებო“. და ამ გაოცებულ „ე-ე-ე“-ს ამბობდა ყველაზე მეტჯერ. ადრე არაფერი გვქონდა სახლში, ბავშვს ნანახიც არ ჰქონდა ასეთი ნივთები და უცებ, მივიღეთ ამდენი საჩუქარი. ემოციებისგან ცეკვავდა, თამაშობდა ყველა სათამაშოთი ერთად, დარბოდა, ცელქობდა.

 - ის ხომ, ჩვენი განთქმული ულამაზესი გოგონაა, ჩვენი ვარსკვლავი, მისი საოცარი ლურჯი თვალები მთელ საქართველოს შეუყვარდა! ძალიან კარგია, რომ ცეკვავს და იპრანჭება ჩვენი პატარა გოგო.

 ნინო: რამდენჯერაც უნდა, იმდენჯერ გაისინჯოს და დაყაროს თავისი ახალი ტანსაცმელი. არა უშავს, დავალაგებ, მთავარია ბავშვი ბედნიერი იყოს. (იღიმის.) უი, ამას ხომ ვერც გააჩერებ.

 - მარიკუნა, შეგიძლია, შენი საყვარელი ახალი სათამაშო რომ მაჩვენო?

 (მოაქვს დათუნია და თაგვი მის პატარა წრუწუნასთან ერთად. დათუნიას თავისთვის იტოვებს, წრუწუნებს კი, დებს თავისი დაიკოს ეტლში.)

 - აჰა, მივხვდი, სათამაშოები გაანაწილე. მარტო შენთვის არ გინდა, ხომ ასეა? ყოჩაღ! ყველა ჩვენი მკითხველი იქცევა ასე, რაც გააჩნიათ სხვებს უნაწილებენ.

 ნინო: ძალიან კარგი, ნამდვილი ადამიანები არიან! უფალს მადლობას ვწირავ, ამდენი ღირსეული ადამიანი რომ გამაცნო. ღმერთმა ხელი მოუმართოს მათ ყველაფერში.

 - ნინო, ადგილობრივი ხელისუფლება თუ აკეთებს რამეს იმისთვის, რომ უკეთეს პირობებში იცხოვროთ?

 ნინო: იყო საუბარი იმაზე, რომ უკეთესი ბინა უნდა მოვძებნოთ, სახელმწიფო კი, ქირას გადაგვიხდის. ბინა ვიპოვეთ, მაგრამ ისინი ჩუმად არიან

 ზუსტად ასე, თვიდან თვემდე მპირდებიან, რომ ბოლოს და ბოლოს აღდგება სოციალური შემწეობის დარიცხვა, რომელიც შემიჩერეს. ახლა ამბობენ, ივნისშიო. ვნახოთ. ჯერჯერობით, მხოლოდ სიტყვიერად გვეკუთვნის ეს ყველაფერი.

 არც კი ვიცი, რანაირად უნდა გადავიხადო ქირა ან კომუნალური გადასახადები. რა თქმა უნდა, ძალიან ვდარდობ.

 ***

 მეგობრებო, მადლობას გიხდით საჩუქრებისთვის, რომელიც ამ ორ პატარა გოგონას მიართვით და იმისთვის, რომ მხარში ამოუდექით მათ დედიკოს! მადლობას გიხდით ყურადღებისთვის, რომელიც მათი პრობლემების მიმართ გამოიჩინეთ და ასე მონდომებით რომ ცდილობთ, მათი ცხოვრება უკეთესობისკენ რომ შეცვალოთ! ღმერთის წყალობით და თქვენი ძალისხმევით ეს სურვილი ახდა.

 რა თქმა უნდა, წინა პოსტიდან გახსოვთ, რომ ნინო ჯერ ვერ მუშაობს, ამიტომ არ აქვს ქირის გადახდისა და პროდუქტის შეძენის საშუალება. თუკი უფალმა ამის საშუალება თქვენ მოგცათ, ეს ნიშნავს იმას, რომ სურს სხვებს დაეხმაროთ.

 თუკი გიმძიმთ საყოფაცხოვრებო სირთულეებისა და გადაუჭრელი საკითხების გამო, რამდენიმე წამით ყურადღება ჩვენს „ფეისბუქის“ პოსტებზე გადაიტანეთ; ან უმჯობესია, ჩვენს ნებისმიერ ბენეფიციარს დაურეკოთ და ყველა თქვენი პრობლემა უმნიშვნელოდ მოგეჩვენებათ მათთან შედარებით, ვისაც ცხოვრების ყველაზე მძიმე წუთს დაეხმარეთ.

მათ პრობლემებთან შედარებით, ჩვენი პრობლემები არაფერია! აი, ნამდვილი გაჭირვება! ის თქვენს წინაშეა! უფალს მადლობა შესწირეთ იმისთვის, რაც გაგაჩნიათ! თქვენ უბედნიერესი ადამიანი ხართ! გახსოვდეთ ეს და დაეხმარეთ შეჭირვებულებს.

სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ, დროდადრო გადახედეთ ხოლმე ამ საბრალო ადამიანების ისტორიებს ჩვენს ვებ-გვერდზე და ესაუბრეთ მათ. ყოველ ჯერზე, როდესაც მორიგი შეჭირვებული ადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! განაგრძეთ ამ ოჯახების დახმარება! სწორედ ეს არის საუკეთესო ღვთისმსახურება! 

მეგობრებო, თქვენთან კიდევ ერთი თხოვნა გვაქვს - თუკი შეიტყობთ, რომ თქვენს ნაცნობს ან მეზობელს სჭირდება დახმარება, გთხოვთ გამოიჩინოთ გულისხმიერება და ამის შესახებ მოგვწეროთ ელექტრონულ მისამართზე: office-fsp@fsp.ge 

თქვენი სიკეთე, არის შესაძლებლობა, თავადაც ყველაფერში ბედნიერი რომ იყოთ!

მეგობრებო, კიდევ ერთხელ დიდი მადლობა ყველას!

ჩვენი ფონდის ანგარიშია:

#GE15TB7194336080100003

#GE42LB0115113036665000

#GE64BG0000000470458000

(დანიშნულება: ლომიძეების ოჯახი)

 თანხის ჩარიცხვა შესაძლებელია ჩვენი ვებგვერდის მეშვეობით: „TBC ბანკი“ (GeoPay), „საქართველოს ბანკი“ (e-commerce), „ლიბერთი ბანკი“ (PayGe), PayPal.

 ასევე, თანხის ჩარიცხვა შესაძლებელია TBCpay, ExpressPay და PayBox (OPPA) ტერმინალებიდან. ქვეთავში “ქველმოქმედება“ იპოვეთ ჩვენი ფონდი (ინფორმაციას ფონდის დამატებითი უფლება-მოვალეობების შესახებ შეგიძლიათ გაეცნოთ ბმულზე https://goo.gl/GY2Gus

 არაჩვეულებრივი სიახლე გვაქვს - ახლა ჩვენი ბენეფიციარების ისტორიების წაკითხვა შეგიძლიათ:

ინსტაგრამზე: https://www.instagram.com/chernovetskyi.fund

 და ტელეგრამზე: https://t.me/ChernovetskyiFund

  სპეციალურ ნომერზე:  0901200270   განხორციელებულ მხოლოდ ერთ ზარს ადამიანის სიცოცხლის გადარჩენა შეუძლია!

  ვიფიქროთ იმაზე, რომ შეჭირვებულთა დახმარებით და მათი ტკივილის გაზიარებით, ჩვენ ვზრუნავთ საკუთარ სულზე და ვუახლოვდებით უფალს!