საიქიოდან დაბრუნებულები

„საფლავებს შორის ცხოვრებისას თითქოს საკუთარ თავებსაც ცოცხლად ვმარხავდით... დიახ, ასეც იყო, სანამ ჩვენი ამბავი არ გამოაქვეყნეთ, რომელმაც ასობით ადამიანის გულამდე მიაღწია! სიტყვები არ მყოფნის“, - ლარისა მორცხვად იწმენდს ცრემლებს და თავის შვილს, მარიამს ეხუტება.

რა შიშის მომგვრელი გარემოა! სიცივე ძვლებამდე ატანს და არ გასვენებს ფიქრი, რომ დედა-შვილი ყოველდღე ამ არაადამიანურ პირობებში ცდილობს გადარჩენას. ხომ გახსოვთ ახლახან გამოქვეყნებული სიხარულიძეების ამბავი? https://chernovetskyifund.ge/ge/projects/finished/661-sikharulidze/კიდევ უფრო გასაოცარია, რომ ეს ხალხი ახლა ასეთი ბედნიერია!

„დიახ, ძალიან ბედნიერი ვარ იმიტომ, რომ ბოლო დროს დედაჩემი აღარ ტირის. დიდი ხანია, ასეთი ბედნიერი და კმაყოფილი არ მინახავს. მისი ცრემლების დანახვა აუტანელ ტკივილს მაყენებდა, მაგრამ ის ახლა იღიმის, როგორც წლების წინ, როცა პატარა ვიყავი!“ - გვიზიარებს მარიამი.

– ძალიან გვიხარია, რომ თქვენი ამაღელვებელი ამბის გამოქვეყნების შემდეგ თქვენი ოჯახის ცხოვრება შეიცვალა. ლარისა, თუ შეიძლება, ამის შესახებ დაწვრილებით მოგვიყევით.

ლარისა:ალბათ გახსოვთ, როცა საფლავებს შორის ჩვენი უკიდურეს სიღარიბეში ცხოვრების შესახებ გიყვებოდით, ემოციურად იმდენად ვიყავი დაცლილი, რომ სიცოცხლის აზრს ფაქტობრივად ვეღარ ვხედავდი. კეთილ ხალხს ვთხოვდით ჩვენთვის ლუკმაპური გაეყოთ. ჩემთვის და ჩემი შვილისთვის ნებისმიერი დახმარება უდიდესი საჩუქარი იყო, მაგრამ ასეთ რამეს ვერც კი წარმოვიდგენდი. მიმოიხედეთ გარშემო! სახლში, სადაც არანაირი ტექნიკა არ გვქონდა, ტელევიზორი გაჩნდა, რომელიც მღვდელმა მოგვიტანა. ახლა, მარიამთან ერთად, მარტოობის ცივი საღამოების გადაგორება ბევრად იოლია. გვიყვარს ფილმების ყურება და იმაზე ფიქრი, რომ ოდესმე საფლავებს მოვშორდებით და ცოცხალ და კეთილ ადამიანებს შორის ვიცხოვრებთ! სარეცხი მანქანა უბრალოდ შეუცვლელი აღმოჩნდა; ნივთებს ნესტის სუნი აღარ ასდის და მალე შრება! როგორც იქნა, მაცივარიც გვეღირსა! ნახეთ, რა ლამაზია!  

ასევე, ერთმა გულკეთილმა ადამიანმა, დავითმა, საჩუქრად ახალი საწოლი მოგვიტანა, რაზეც ჩემს შვილს სძინავს და კომპიუტერი! მე ამ შენაძენისთვის ფულს ვერასდროს შევაგროვებდი, მათზე მხოლოდ ოცნება თუ შემეძლო! თქვენ ხალხს ოცნებას უსრულებთ! ჩვენს ცხოვრებას იმედი და აზრი ისევ მიეცა! უფალი გფარავდეთ!

– ლარისა, მადლობას გიხდით კეთილი სიტყვებისთვის. გვითხარით, ყველაზე მეტად რა დაგამახსოვრდათ? იქნებ მათი სახელები გახსოვთ, ვინც დახმარების ხელი გამოგიწოდათ?

ლარისა:როგორ შეიძლება იმ ხალხის დავიწყება, ვინც შენი შვილი შიმშილით სიკვდილს გადაარჩინა? ათობით სრულიად უცხო ადამიანი მირეკავდა და მეკითხებოდა, რა გვჭირდებოდა; სხვები გვწერდნენ, რომ ჩვენი დახმარების შესაძლებლობა არ ჰქონდათ, მაგრამ სიტყვებით გვამხნევებდნენ, გვთხოვდნენ იმედი არ დაგვეკარგა და გვქონოდა რწმენა, რომ უფალი არ მიგვატოვებდა. ასეც მოხდა და ძალიან სიმბოლურია, რომ ყველაზე პირველი ჩვენთან მღვდელი მოვიდა, რომელმაც ტელევიზორი გვაჩუქა და გვითხრა, რომ ჩვენზე ილოცებდა. განა სასწაული არ არის? მახსოვს, კიდევ ვიღაც გოგოები მოვიდნენ, რომლებიც რომელიღაც მაღაზიაში მუშაობენ. ჩვენი ამბავი რომ წაიკითხეს, შეწუხდნენ; შეგროვილი თანხით ხორცი, მაკარონი, კარაქი გვიყიდეს... ახლახან ერთი კაციც იყო მოსული, თავის პატარა შვილთან ერთად, - მათი სახელები აღარ მახსოვს; სურსათი, საყოფაცხოვრებო ქიმია და ტანსაცმელი მოგვიტანეს, მარიამს კი 30 ლარი აჩუქეს. ჩემი გოგო თვალებს ვერ უჯერებდა. ამდენი საჭმელი ცხოვრებაში არ უნახავს! ბედის უზომოდ მადლიერი ვარ იმისთვის, რომ ჩვენს ცხოვრებაში გამოჩნდით!

– ლარისა, ჩვენს პოსტს ადგილობრივი ხელისუფლება თუ გამოეხმაურა?  მათთვის კიდევ ხომ არ მიგიმართავთ?

ლარისა:არც გამოხმაურებიან და არც მე მიმიმართავს, აზრი არ აქვს...

–მოდი სევდიან თემებზე ნუღარ ვისაუბრებთ, ლარისა. ფონდის მეგობრებისგან ასეთ მხარდაჭერას თუ ელოდით? რა განცდა გქონდათ?

ლარისა:ჩემი რწმენა ურყევია და კეთილი, ყურადღებიანი და გულისხმიერი ხალხის იმედი, რა თქმა უნდა, მქონდა. შვილთან ერთად დღევანდელ დღემდე როგორ მოვატანდი, რომ არა მათი დახმარება? მით უმეტეს, ფონდის შესახებ ბევრი მსმენია და ვიცოდი, გაჭირვებულებს მხარში როგორ უდგახართ; მაგრამ იმის წარმოდგენაც კი არ შემეძლო, რომ ამდენი თანაგრძნობის ზარი შემოვიდოდა, ამდენი უცხო ადამიანი მესტუმრებოდა, რომლებიც საჭმელს და ტანსაცმელს გაგვიზიარებდნენ. მე და მარიამი შოკში ვიყავით, ახლა კი ჩვენს სიხარულს საზღვარი არ აქვს. ყველას მადლობელი ვარ, ვინც პანდემიის ჟამს, ასეთ მძიმე დროს, ჩვენ მიმართ თანაგრძნობა გამოიჩინა!

– ლარისა, რას ნიშნავს თქვენთვის ეს დახმარება?

ლარისა: რას წარმოადგენდა ჩემი ცხოვრება თქვენ გამოჩენამდე? მისი მთავარი აზრი ის იყო, რომ შვილისთვის მეორე დღის საჭმელი მეშოვა, რომ ბავშვი შიმშილით ან სიცივით არ მომკვდარიყო. გადარჩენისთვის ამ ყოველდღიურ ბრძოლაში, მე, - საფლავებით გარშემორტყმულ, მარტოხელა ქალს, - საერთოდ დამავიწყდა როგორია, როცა შენზე ზრუნავენ. როცა მზრუნველმა ხალხმა რეკვა და მოსვლა დაიწყო, თავი ისევ ბავშვად ვიგრძენი, რომელიც უყვართ. ამ გრძნობების გადმოცემა უბრალოდ შეუძლებელია! ათობით წელიწადის შემდეგ, თითქოს ისევ უდარდელ ბავშვობაში დავბრუნდი, სადაც სასოწარკვეთის ადგილი არ არის... თქვენ ჩემთვის და ჩემი შვილისთვის ახლობელ ადამიანებად იქეცით და უკეთესი მომავლის იმედი გვაჩუქეთ! დიდი მადლობა თქვენ!  

– ლარისა, გვინდა თქვენს შვილსაც გავესაუბროთ, რომლის შესახებაც ასე ემოციურად საუბრობთ. მარიამ, მოგვიყევი, რა შეიცვალა შენს ცხოვრებაში თქვენი ამბის გამოქვეყნების შემდეგ?

მარიამი:თქვენი წყალობით, ჩვენ ახლა ტექნიკა გვაქვს, რომელმაც ცხოვრება გაგვიმარტივა და გაგვიხალისა. მე ბევრი ლამაზი ტანსაცმელი მაჩუქეს, მაგრამ ყველაზე მთავარი ის არის, რომ ახლა კომპიუტერი მაქვს და ონლაინ გაკვეთილებზე დასწრება, საყვარელი ფილმების, სერიალების ყურება და საჭირო ინფორმაციის მოძიება შემიძლია. ძალიან მინდა, ჩემი და დედას ცხოვრება უკეთესობისკენ შევცვალო და იმედი მაქვს გამომივა; ვისწავლი და ძალიან ვეცდები... მინდა ტკბილეულისთვისაც მადლობა გადაგიხადოთ; დიდი ხანია ამდენი შოკოლადი არ მიჭამია! ძალიან მსიამოვნებს, რომ ამდენი უცხო ადამიანი მხარში ასე ამოგვიდგა!

– ძვირფასო მარიამ, დიდ წარმატებას გისურვებთ! ლარისა, ჩვენს საუბარს დავუბრუნდეთ. კიდევ თუ გაქვთ რაიმე პრობლემა, რომლის გადაჭრაშიც შეგვიძლია დაგეხმაროთ?

ლარისა:ქვეყანაში არსებულ კრიზისს თუ გავითვალისწინებთ, უნამუსობა იქნება კიდევ რამე ვითხოვო; თანაც, ჩვენ გარდა, დახმარება კიდევ ბევრს სჭირდება. რა თქმა უნდა, პრობლემები ისევ გვაქვს და სანამ მუშაობას არ დავიწყებ, ძალიან გაგვიჭირდება... ყველაზე მეტად მარიამის ჯანმრთელობაზე ვდარდობ; კბილები აქვს გაფუჭებული და ხშირად აწუხებს... რამდენიმე დასაპლომბი აქვს, მაგრამ მე ამის ფული არ მაქვს. თუ ვინმეს შეუძლია, რომ დაგვეხმაროს, დიდად მადლობელი ვიქნები.

ჩემი ყველაზე დიდი ოცნებაა მარიამთან ერთად აქედან რაც შეიძლება შორს წავიდე! მქონდეს საკუთარი კუთხე, მყუდრო და ლამაზი, როგორც ნორმალურ ხალხს! ერთი სიტყვით, ჩვენ ნებისმიერი დახმარებისთვის მადლიერები ვიქნებით, იქნება ეს საკვები, ტანსაცმელი თუ მატერიალური დახმარება. თქვენი ზარი და მხარდაჭერის კეთილი სიტყვებიც გამახარებს! მადლობას გიხდით ყველაფრისთვის!

***

ძვირფასო მეგობრებო, ეს საბრალო ადამიანები, ათობით საფლავს შორის, 10 კვადრატულ მეტრს აფარებენ თავს... ისინი სულ მარტო არიან და ჩვენი დახმარება სჭირდებათ, რადგან ჩვენ მათი გადარჩენის უკანასკნელი იმედი ვართ! ძალიან გთხოვთ, კვლავ გავერთიანდეთ და მხარი დავუჭიროთ მათ! ლარისას და მარიამის შიმშილით სიკვდილისგან გადარჩენა ჩვენ შეგვიძლია!

თუკი გიმძიმთ საყოფაცხოვრებო სირთულეებისა და გადაუჭრელი საკითხების გამო, ყურადღებარამდენიმე წამითჩვენს FB პოსტებზეგადაიტანეთ; ანდაურეკეთჩვენს ნებისმიერ ბენეფიციარს და ყველა თქვენი პრობლემა უმნიშვნელოდ მოგეჩვენებათ იმათთან შედარებით, ვისაც მისი ცხოვრების ყველაზე მძიმე წუთს დაეხმარეთ.

მათ პრობლემებთან შედარებით ჩვენი პრობლემები არაფერია! აი, ნამდვილი გაჭირვება! ის თქვენ წინაშეა! უფალს მადლობა შესწირეთ იმისთვის, რაც გაგაჩნიათ! თქვენ უბედნიერესი ადამიანი ხართ! გახსოვდეთ ეს და დაეხმარეთ გაჭირვებულებს!

სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ დროდადრო დაათვალიერეთ ხოლმე ამ საბრალო ხალხის ისტორიები ჩვენს ვებ-გვერდზე და ესაუბრეთ მათ. ყოველ ჯერზე, როდესაც მორიგი გაჭირვებულიადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! გთხოვთ, გააგრძლეთამ ოჯახების დახმარება!სწორედ ეს არის საუკეთესო ღვთისმსახურება!

თქვენი სიკეთე – ეს არის შესაძლებლობა, რომ თავადაც ყველაფერში ბედნიერი იყოთ!

მეგობრებო, კიდევ ერთხელ, დიდი მადლობა ყველას!

ჩვენი ფონდის ანგარიშია:

#GE15TB7194336080100003

#GE42LB0115113036665000

#GE64BG0000000470458000

(დანიშნულება:სიხარულიძეების ოჯახი).

თანხის გადმორიცხვა შეგიძლიათ ჩვენი ვებ-გვერდის მეშვეობითაც:https://chernovetskyifund.ge/ge/projects/661-sikharulidze/.

თანხის ჩარიცხვა ასევე შესაძლებელია OPPA, TBCpay, ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ფონდის დამატებით უფლება-მოვალეობებს შეგიძლიათ გაეცნოთ ბმულზე https://goo.gl/GY2Gus).

ერთი ზარი გადაარჩენს სიცოცხლეს: 0901 200 270

დაფიქრდით იმაზე, რომ ჩვენ სწორედ გაჭირვებულთა დახმარებით და მათი ტკივილის გაზიარებითვზრუნავთ საკუთარ სულზე და ვუახლოვდებით უფალს!