თქვენმა გამოჩენამ სიცოცხლე დამიბრუნა!

ნუთუ მშვენიერი დედა, არაქსი, ისევ იღიმის? მისი შვილები ხომ ამაზე ასე ოცნებობდნენ! მეგობრებო, საქმით და არა სიტყვებით, ჩვენ კვლავ და კვლავ ვამტკიცებთ იმას, რომ ოცნებები ხდება!

გაიხსენეთ მარკარიანების მიტოვებული და გაუბედურებული ოჯახის საზარელი ამბავი: https://chernovetskyifund.ge/ge/projects/finished/673-markarian/

ადამიანთა სიკეთემ, გულმოწყალებამ და ლოცვებმა ბავშვები შიმშილით სიკვდილის გადაარჩინა! პირველად, მრავალი წლის შემდეგ, ისინი საკუთარ სახლში თბილად არიან, სუფრაზე კი გემრიელი სადილი დევს.

„როგორ გამოვხატო ჩემი მადლიერება ხალხის მიმართ? მათ არა მხოლოდ ცხოვრების ხარისხი და პირობები გამიუმჯობესეს, არამედ ჩემი შვილის სიცოცხლეც გადაარჩინეს!“

ვუერთდებით არაქსის და მადლობას ვწირავთ უფალს იმისათვის, რომ პატარა იურას სიცოცხლეს საფრთხე აღარ ემუქრება; ასევე, ღუმელისა და დივანისთვის, ქათმისა და იოგურტებისთვის - ჭეშმარიტი მორწმუნეთათვის ეს ნამდვილი სასწაულია! ძვირფასო ჯადოქრებო დიდი და გახსნილი გულებით, ჩვენი მოძმეებისთვის ჩვენ კიდევ არაერთი სასწაული მოხდენა შეგვიძლია...

  – არაქსი, მოგვიყევით, როგორ შეიცვალა თქვენი ცხოვრება პოსტის გამოქვეყნების შემდეგ?

  არაქსი: გაზვიადებული არ იქნება, თუკი ვიტყვი, რომ ჩვენი ამბის გამოქვეყნების შემდეგ მართლა ყველაფერი შეიცვალა, რადგან მანამდე ჩვენი ცხოვრება საცოდავ არსებობას უფრო ჰგავდა, ყოველდღიურ ბრძოლას გადარჩენისთვის. სახლში ქურთუკები და ზამთრის ფეხსაცმელი გვეცვა, ვერაფრით ვთბებოდით, ახლა კი, თქვენი წყალობით, გამათბობელი გვაქვს... ჩვენი ოთახიც ბევრად მყუდრო გახდა, რადგან ლამაზი მაგიდა და სკამები შეგვემატა, რომელთანაც შვილებთან ერთად ვსადილობ. ნახეთ, როგორი დივანი გვაქვს! ისეთი მყუდროა! მანამდე წამოსაწოლი ადგილიც კი არ გვქონდა; ძველი დივანი უღმერთოდ ჭრიალებდა, შეიძლება ნებისმიერ დროს დაშლილიყო... ღუმელიც გვაჩუქეს, საკვებიც მოჰქონდათ, ფულსაც გვჩუქნიდნენ... ამდენი ყურადღება და სიყვარული არასდროს მიგრძვნია! ყველაზე მთავარი კი ის არის, რომ ჩემი შვილები ბედნიერები არიან! ფონდის უზომოდ მადლიერი ვარ!

  – ძალიან გვიხარია, არაქსი. გვითხარით, ყველაზე მეტად რა დაგამახსოვრდათ? იქნებ მათი სახელები გახსოვთ, ვინც დაგეხმარათ?

  არაქსი: ყველა მახსოვს, ვინც გამოგვეხმაურა, გვესტუმრა, დაგვირეკა... წარმოიდგინეთ, სრულიად უცხო ადამიანებს ჩემი შვილებისთვის საჭმელი მოჰქონდათ, ერთმა ახალგაზრდამ კი მობილურის ბალანსი შემივსო. არ შემიძლია არ აღვნიშნო ოთხი მეგობარი, რომლებმაც ღუმელი და სურსათი მოგვიტანეს: ქათამი, ძეხვი, ხილი, იოგურტები, რომელთა გემოც ჩემს შვილებს აღარც კი ახსოვდათ. ახლა სამზარეულოში სიამოვნებით ვფუსფუსებ. ასევე, როგორ შეიძლება არ ვახსენო ადამიანი, რომელმაც ჩემი შვილი გადაარჩინა? სტომატოლოგმა თქვა, რომ დროული სამედიცინო ჩარევის გარეშე ჩემი ბიჭის კბილის კისტა შეიძლება ავთვისებიან სიმსივნეში გადაზრდილიყო... იმის გაფიქრებაც კი არ მინდა, რომ შეიძლება მომენტი ხელიდან გაგვეშვა. საკუთარ თავს ამას ვერასოდეს ვაპატიებდი! და ამ დიდებულმა ქალბატონმა, რომელმაც სახელიც კი არ მითხრა, იურას პირის ღრუს მკურნალობის ხარჯები საკუთარ თავზე აიღო, ეს კი უზარმაზარი თანხებია. ჩემი შვილის ჯანმრთელობაზე თბილისელი ქირურგი - თეონა დანელიაც ძალიან ღელავს; ხშირად მირეკავს და გვერდში გვიდგას. სიტყვები არ მყოფნის, რომ ამ ხალხის მიმართ მადლიერება გამოვხატო. მათ არა მხოლოდ ცხოვრების ხარისხი და პირობები გამიუმჯობესეს, არამედ ჩემი შვილის სიცოცხლეც გადაარჩინეს! რთული დასაჯერებელია, მაგრამ ასეა! უფალს მუხლებზე დამდგარი შევთხოვ, რომ თითოეული თქვენგანი დაიფაროს, ჩემო ძვირფასებო!

  – დიდი მადლობა კეთილი სიტყვებისთვის, არაქსი. ჩვენს პოსტს ადგილობრივი ხელისუფლება თუ გამოეხმაურა?

  არაქსი:არა, სამწუხაროდ მათგან არანაირი გამოხმაურება არ ყოფილა... 

  – არაქსი, ფონდის მეგობრებისგან ასეთ მხარდაჭერას ელოდით? თქვენი ემოციები გაგვიზიარეთ.

  არაქსი:რა თქმა უნდა! მთელი გულით მჯეროდა, რომ მზრუნველი ხალხი აუცილებლად გამოგვეხმაურებოდა, რადგან მათი თანაგრძნობა და დახმარება რომ არა, არ ვიცი, ჩემს შვილებს რა დაემართებოდათ. ალბათ აქამდე შიმშილით მოვკვდებოდით... დახმარების იმედი ყოველთვის მქონდა, მაგრამ ასეთ მხარდაჭერას ნამდვილად არ ველოდი, მით უმეტეს, ასეთ რთულ დროს, როცა ხალხი უმუშევარია, ქვეყანაში კი პანდემია და კრიზისია. მთელი ცხოვრება რომ მემუშავა, შვილის მკურნალობის, ღუმელის, გამათბობლის და ავეჯის ფულს მაინც ვერ ვიშოვიდი. ეს უბრალოდ ბედის საჩუქარია! ამდენი ტკბილეულის დანახვამ ჩემი შვილები უბრალოდ გააოგნა! მათ ბედნიერს რომ ვხედავ, ყველა გადატანილი სირთულე მავიწყდება. სიცოცხლე სწორედ ამ ბედნიერი წუთებისთვის ღირს, რომელიც თქვენ გვაჩუქეთ!

  –არაქსი, ფონდის დახმარების შესახებ ძალიან ემოციურად ჰყვებით. რას ნიშნავს თქვენთვის ეს დახმარება?

  არაქსი: ყველა განსაცდელის, ღალატის, დანაკარგის და იმედგაცრუების შემდეგ, მორალურად და ფიზიკურად დღითიდღე ვსუსტდებოდი. ყველანაირად ვცდილობდი ამისთვის წინააღმდეგობა გამეწია, მაგრამ თითქოს ნელ-ნელა იმედსა და რწმენას ვკარგავდი... ნახევრად მშივრები ვიყავით, ბავშვები ვერაფრით იძინებდნენ, რადგან ყინვისგან ფეხებს ვეღარ გრძნობდნენ.... უკვე სასოწარკვეთილი ვიყავი, მაგრამ თქვენმა გამოჩენამ სიცოცხლე დამიბრუნა. იმედი გამიჩნდა, ისევ ვიღიმი, ყოველი დღე მიხარია და ის ფაქტიც მახარებს, რომ თავზე ჭერი გვაქვს, ბავშვებს საკვები აქვთ და ჩემ გვერდით არიან. ნუთუ საკმარისი არ არის, რომ მამაზეციერს მადლობა შევწირო? თქვენ ჩემთვის იმის სიმბოლო ხართ, რომ უფალმა ყველა ჩემი ლოცვა შეისმინა, მე და ჩემი შვილები მარტო აღარ ვართ და მათ უკეთესი ცხოვრების შანსი ჯერ კიდევ აქვთ! მადლობა იმისთვის, რომ შესაძლებლობა მოგვეცით, ისევ გვიხაროდეს!

  – არაქსი, ძალიან გვიხარია, რომ თქვენი დახმარება შევძელით! გვინდა თქვენს შვილებსაც გავესაუბროთ. ანა, როგორ ხარ? ახალი მეგობრების ნაჩუქარი საჩუქრები მოგეწონა?

  ანა: რა თქმა უნდა, მომეწონა! ახლა ჩემი სათამაშოები მარტოები აღარ არიან, ახალ დივანზეც ეტევიან და ყველას ერთად გვძინავს. ადრე ღუმელი არ გვქონდა, ახლა კი დედა ათასგვარ გემრიელობას გვიკეთებს. აი, ჩემი საყვარელი კექსიც გამოაცხო, მე კი ვეხმარებოდი... კიდევ, ნახეთ, როგორი გამათბობელი გვაქვს! სახლში თბილა და ქურთუკის ჩაცმა საჭირო აღარაა... მინდა მადლობა გადავუხადო ყველა დეიდას და ბიძიას, ვინც საჩუქრები და ტკბილეული მომიტანა. ისინი ჩვენთან კიდევ მოვლენ, ხომ ასეა?

  – რა თქმა უნდა, საყვარელო! იურა, თავს როგორ გრძნობ?

  იურა: კბილის ექიმთან მისვლის ცოტა მეშინოდა, მაგრამ დედამ მითხრა, რომ სხვა გამოსავალი არ იყო და კარგად რომ გავმხდარიყავი, ცოტა უნდა მომეთმინა... ახლა ბევრად უკეთ ვარ. ძალიან კარგი და კეთილი ექიმი მყავს... დიდი მადლობა დახმარებისთვის! ადრე დედა სულ ცუდ ხასიათზე იყო და ტიროდა... ასეთი მხიარული არც კი მახსოვს!

  – იურა, გამოჯანმრთელებას გისურვებთ! არაქსი, საუბარს დავუბრუნდეთ. მითხარით, იქნებ კიდევ გაქვთ რაიმე პრობლემა, რომლის გადაჭრაშიც შეგვიძლია დაგეხმაროთ?

  არაქსი: ჩემს პრობლემებზე საუბარი ძალიან მერიდება, ჩემი ოჯახისთვის ისედაც ბევრი გააკეთეთ! თუ ვინმეს დახმარების სურვილი გაუჩნდება, ჩვენ ყველაფერი გაგვახარებს: საკვებიც, ტანსაცმელიც... მარტიდან სუბსიდირების პროგრამა აღარ შეგვეხება და ვიცი, რომ კომუნალური გადასახადების გადახდა ძალიან გაგვიჭირდება... ამ გაქუცული კედლების გარემონტება და კარის გამოცვლაც ძალიან მინდა, რომ იურას და ანას სახლში ყოფნა სიამოვნებდეთ, რადგან ჩემს შვილებსაც აქვთ უფლება, ლამაზი და უდარდელი ბავშვობა ჰქონდეთ... არ დავიღლები მადლობის თქმით მათთვის, ვინც დაგვეხმარა! ღმერთმა დაგლოცოთ!

***

  ძვირფასო მეგობრებო, მარკარიანების ოჯახს ძალიან უჭირს. ისინი ერთ ოთახში, სრულ სიღატაკეში ცხოვრობენ და მხოლოდ მზრუნველი ხალხის თანაგრძნობის იმედი აქვთ! ისინი ნებისმიერი დახმარებისთვის მადლიერები იქნებიან: საკვებისთვის, ტანსაცმლისთვის, ფინანსური მხარდაჭერისთვის... და იქნებ, ერთობლივი ძალისხმევით, ამ საბრალო, მარტოხელა ქალს რემონტის გაკეთებაშიც დავეხმაროთ, რომ მარკარიანების ოჯახი ოდნავ მეტად გაბედნიერდეს... გთხოვთ, ამ ხალხის გასაჭირს გვერდს ნუ აუვლით!

და თუკი გიმძიმთ ყოფითი სირთულეებისა და გადაუჭრელი საკითხების გამო, რამდენიმე წამით გადაიტანეთ თქვენი ყურადღება ჩვენ FB პოსტებზე; ან უმჯობესია, დაურეკოთ ჩვენს ნებისმიერ ბენეფიციარს და ყველა თქვენი პრობლემა უმნიშვნელოდ მოგეჩვენებათ იმათთან შედარებით, ვისაც მისი ცხოვრების ყველაზე მძიმე მომენტში დაეხმარეთ.

მათ პრობლემებთან შედარებით ჩვენი პრობლემები არაფერია! აი, ნამდვილი გაჭირვება! ის თქვენ წინაშეა! უფალს მადლობა შესწირეთ იმისთვის, რაც გაგაჩნიათ! თქვენ უბედნიერესი ადამიანი ხართ! გახსოვდეთ ეს და დაეხმარეთ გაჭირვებულებს!

სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ დროდადრო დაათვალიერეთ ხოლმე ამ საბრალო ხალხის ისტორიები ჩვენს ვებ-გვერდზე და ესაუბრეთ მათ. ყოველ ჯერზე, როცა მორიგი უბედური ადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! გთხოვთ, განაგრძოთ ამ ოჯახების დახმარება. სწორედ ეს არის საუკეთესო ღვთისმსახურება!

თქვენი სიკეთე – ეს არის შესაძლებლობა, რომ თავადაც ყველაფერში ბედნიერი იყოთ!

კიდევ ერთხელ, დიდი მადლობა თითოეულ თქვენგანს, მეგობრებო!

ჩვენი ფონდის ანგარიშია:

#GE15TB7194336080100003
#GE42LB0115113036665000
#GE64BG0000000470458000
(დანიშნულება: მარკარიანების ოჯახი).

თანხის გადმორიცხვა შეგიძლიათ ჩვენი ვებ-გვერდის მეშვეობითაც: https://chernovetskyifund.ge/ge/projects/673-markarian/

თანხის ჩარიცხვა ასევე შესაძლებელია OPPA, TBCpay, ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ფონდის დამატებით უფლება-მოვალეობებს შეგიძლიათ გაეცნოთ ბმულზე https://goo.gl/GY2Gus).

ერთი ზარი გადაარჩენს სიცოცხლეს - 0901 200 270

დაფიქრდით იმაზე, რომ ჩვენ სწორედ გაჭირვებულთა დახმარებით და მათი ტკივილის გაზიარებით ვზრუნავთ საკუთარ სულზე და ვუახლოვდებით უფალს!