ვაჩუქოთ მარიამს მომავლის იმედი!
2018 აგვისტო 27
5467
8 წლის მარიამ კასრაძე ხერხემლის თანდაყოლილი თიაქარით დაიბადა. გადაიტანა 6 უმძიმესი ოპერაცია, თუმცა, სამწუხაროდ, უშედეგოდ.
საქველმოქმედო ნომერი:
შეგროვებულია
1,216 ₾
(
91 დონორი )
ნებისმიერი მშობელი დიდ ტკივილს განიცდის, როდესაც მის შვილს ჯანმრთელობასთან დაკავშირებით პრობლემები აქვს, მაგრამ ეს ტკივილი კიდევ უფრო მძიმდება, როდესაც იგი ვერაფრით შველის მისთვის ყველაზე საყვარელს ადამიანს!
8 წლის მარიამ კასრაძე ხერხემლის თანდაყოლილი თიაქარით დაიბადა. გადაიტანა 6 უმძიმესი ოპერაცია, თუმცა, სამწუხაროდ, უშედეგოდ. გოგონა ვერ დადის, რადგან განუვითარდა ქვედა კიდურების დამბლა. მას ერთი ფეხი მეორეზე დიდი აქვს, ხოლო ტერფები - სრულიად ატროფირებულია. მარიამი ეტლის მეშვეობით გადაადგილდება, აწუხებს მწარე ტკივილები მენჯის არეში, შეუძლია მხოლოდ ხოხვით გადაადგილება, რასაც შინაგანად ძალიან განიცდის.
„როდესაც მარი პირველად მივიყვანე სკოლაში, - გვიამბობს ბავშვის დედა მანანა გულიშვილი, მან სინანულით მკითხა: „დედა, მე რატომ არ შემიძლია სხვებივით სიარული და სირბილი?“. გული დამეწვა, არ ვიცოდი რა მეთქვა... ყოველთვის ვცდილობ, რომ ბავშვი არ მოვწყვიტო სასკოლო ღონისძიებებს, ექსკურსიაზეც ვახლდი მას კლასთან ერთად... მე და ჩემი მეუღლე ყველაფერს ვაკეთებთ, რომ მარიმ არ იგრძნოს თავი ეულად და დაჩაგრულად, თუმცა მატერიალური სიდუხჭირე ბევრ დაბრკოლებას გვიქმნის“.
კასრაძეების ოჯახი წეროვნის დევნილთა დასახლებაში ცხოვრობს. 2008 წელს, რუსული ოკუპაციის დროს, მათ იძულებით დატოვეს სოფელი კეხვი და საკუთარ ქვეყანაში დევნილები გახდნენ.
მარიამის ინვალიდობის პენსია და მწირი სოციალური ფულადი დახმარება - ეს არის ამ ოჯახის შემოსავალი, რომელიც გასაკვირი არ არის, რომ ელემენტარულ პროდუქტებზე და ჰიგიენურ საშუალებებზეც კი არ ჰყოფნით. მარიამის მამა პერიოდულად უმუშევარია, რადგან წეროვანში პრაქტიკულად შეუძლებელია სამუშაოს შოვნა, თუმცა როდესაც რაიმე სეზონური სამუშაო გამოჩნდება სხვა ადგილას, იგი თავდაუზოგავად მუშაობს, რომ როგორმე შეავსოს მწირი საოჯახო ბიუჯეტი!
მეგობრებო, მარიამ კასრაძეს დღეს ჩვენი თანადგომა და დახმარება ესაჭიროება. სულ მალე იგი მე-3 კლასის მოწაფე გახდება, მაგრამ შესძლებს თუ არა სკოლაში წასვლას, ეს საკითხავია?! მას არც ჩანთა გააჩნია და არც სასკოლო ნივთები, ხოლო ეტლი, რომლითაც გადაადგილდებოდა, სრულიად არის გამოსული მწყობრიდან.
მოდით, გავუწოდოთ დახმარების ხელი ოკუპირებული ცხინვალის რეგიონიდან დევნილ კასრაძეების ოჯახს, გავუთბოთ გული პატარა მარიამს და მარიამობის ამ უდიდეს დღესასწაულზე ვაჩუქოთ მას მომავლის იმედი!
შემოწირულობა შეგიძლიათ ჩარიცხოთ ჩვენი ფონდის ანგარიშზე GE15TB7194336080100003 ან GE64BG0000000470458000 (დანიშნულება: მარიამ კასრაძე) ან ჩარიცხოთ პირდაპირ ჩვენი საიტიდან
თქვენ, ასევე, შეგიძლიათ თანხის გადარიცხვა სწრაფი გადახდის ტერმინალებიდან NovaTechnology, TBCpay და ExpressPay. განყოფილებაში „ქველმოქმედება“ აირჩიეთ ჩვენი ფონდი (გადახდის წესები იხილეთ შემდეგ მისამართზე: https://goo. gl/GY2Gus).
ყოველადწმინდაო ღვთისმშობელო შეგვეწიენ და გაგვაძლიერე რწმენაში!
მსგავსი პროექტები:
ავადმყოფი ბავშვები
სასწრაფოდ სჭირდება დახმარება
ჩემი საბრალო ძმის დასახმარებლად მოხვედით? მართლა? მთელი გულით გელოდებოდით!!!
„ჩემი ძმის დასახმარებლად მოხვედით? მართლა? მთელი გულით გელოდებოდით! გამვლელ მანქანებს ვუყურებდი და მეგონა, რომ ჩვენთან მოდიოდნენ. აუცილებლად უნდა დაეხმაროთ! ძალიან კარგი ადამიანია...
შეგროვებულია
458 ₾
დაეხმარა
8
ავადმყოფი ბავშვები
სასწრაფოდ სჭირდება დახმარება
SOS! მეუღლის ტრაგიკული გარდაცვალებისა და უმცროსი შვილის, გოჩას უმძიმესი დაავადების გამო, ოდესღაც ბედნიერი მრავალშვილიანი ქართული ოჯახი სიკვდილ-სიცოცხლის ზღვარზე აღმოჩნდა!
სიკვდილი, ბავშვების შიმშილობა და სნეული ბავშვის არაადამიანური ტანჯვა... მეგობრებო, ჩვენ წილად გვხვდა ეს ყველაფერი, რათა ეს საბრალო ადამიანები გადავარჩინოთ! ამ საბრალო ბიჭუნას...
შეგროვებულია
4,634 ₾
დაეხმარა
310
ავადმყოფი ბავშვები
სასწრაფოდ სჭირდება დახმარება
ბოლო ბრძოლა ყველაზე რთულია! ვინ გაიმარჯვებს: სიცოცხლე თუ სიკვდილი?!
დაავადებასთან ბრძოლით დაღლილი გოგონა საავადმყოფოს საწოლზე წევს და ქერა კულულებს ცრემლები უსველებს. მას იამზე ჰქვია. მის, ჩვეულებრივ, ნათელ და სიცოცხლით სავსე თვალებში ახლა მხოლოდ...
შეგროვებულია
6,873.3 ₾
დაეხმარა
488
ავადმყოფი ბავშვები
სასწრაფოდ სჭირდება დახმარება
კიდევ ერთ ბავშვს ტანჯვისთვის არასდროს გავწირავდი! ექიმები მეუბნებოდნენ, რომ ცერებრული დამბლა არ მეორდება. „გააჩინე, მალე გააჩინე და მშვიდად იქნებიო!“ მეც დავუჯერე! ღმერთო, რამხელა ტკივილია! ღმერთმა აშოროს ყველას!
ანა (დედა): დღეს, ორი მძიმედ დაავადებული შვილი მყავს და ტანჯვით არის აღსავსე ჩემი ცხოვრება! მეც ხომ ყველაფერს ისევე ვგრძნობ, როგორც ჩემი შვილები გრძნობენ! ამქვეყნად ყველა დედას...
შეგროვებულია
20,272.64 ₾
დაეხმარა
1,320
ავადმყოფი ბავშვები
სასწრაფოდ სჭირდება დახმარება
პატარა ბექასთვის საფუძვლიანი და მრავალმხრივი გამოკვლევების ჩატარება თბილისის საუკეთესო ექიმებთან, კიდევ ერთი საბრალო ქართველი ბავშვის სიცოცხლის გადარჩენის საკითხი არის!
ღმერთო, გამოჯანმრთელების შანსი აჩუქე ბექას! ჯერ კიდევ შესაძლებელია ამ ტანჯული ანგელოზის, ბექას, განკურნება და მისთვის სიცოცხლის გახანგრძლივება!
თამარი (დედა): „ერთმა ჩემმა...
შეგროვებულია
14,049.12 ₾
დაეხმარა
1,119
|