ჯამბული ჯერ მხოლოდ 9 წლისაა, მაგრამ თავისი დაავადების შესახებ ზრდასრული ადამიანივით საუბრობს. იცის, რომ სისხლში სოკო აქვს, მაგრამ ჯერ ვერ ხვდება, როგორ შეიძლება სისხლში სოკო იზრდებოდეს, იქ ხომ ტყე არ არის?!

თუ დედა გვერდით არ ჰყავს, შეუძლია საკუთარ თავს თვითონ მიხედოს. „ჭრილობა უნდა მოვიბანო, სისხლი შევიშრო, მერე რამე სუფთა ვნახო და შევიხვიო. ეს რომ არ გავაკეთო, შეიძლება უბედურება დატრიალდეს! ჩირქი ჩნდება და საშინელებაა! მისი მკურნალობა ბევრად რთულია! ფუ, რა საზიზღრობაა!“ - გვიხსნის ბიჭუნა.

თუმცა დედის ტკივილი ათასჯერ უფრო ძლიერია! ღმერთმა ნუ ქნას, დედებმა მსგავსი გრძნობები განიცადონ!

– მარიამ, მოგვიყევით, ეს როგორ მოხდა?

მარიამი: ჯამბული მხოლოდ 1 წლის იყო, როცა ხელებზე წყლულები გაუჩნდა და სისხლდენა დაეწყო. განგაში ავტეხეთ და ექიმთან წავიყვანეთ. გვითხრეს, რომ საშიში არაფერი იყო; ბავშვები ყველაფერს ხელს ჰკიდებენ და ეტყობა თვალყური ვერ მიადევნეთო.

დაავადება ხან ჩაცხრებოდა, ხან ისევ თავს იჩენდა. სხვადასხვა მალამო და წამალი დაგვინიშნეს, მაგრამ დიდი შედეგი არ ჰქონია. სამი წლის წინ კარგ სპეციალისტთან მოვხვდით, რომელმაც, როგორც იქნა, გვითხრა, თუ რა სენით იტანჯებოდა ჩემი შვილი და რომ ეს უბრალო გამონაყარი არ იყო.

– და რა იყო ამის მიზეზი?

მარიამი:სისხლის ანალიზებმა აჩვენა, რომ ჩემს ბიჭს სისხლში სოკო აქვს.

– აი, თურმე რას გულისხმობდა ჯამბული, როცა თქვა, რომ სისხლში სოკოს ტყე აქვს...  

მარიამი: დიახ, მან ეს ამბავი ასე აღიქვა. თუ ჯანმრთელი ადამიანისთვის ანტისხეულების ნორმული მაჩვენებელი 5 ერთეულია, ჯამბულს 347 ჰქონდა! ექიმმა განგაში ატეხა; მკურნალობა და მკაცრი დიეტა დაგვინიშნეს...

10 დღეში 200 ლარის წამლები იყო საჭირო! ბანკიდან სესხი გამოვიტანეთ, რამდენიმე თვე ვიმკურნალეთ და შესანიშნავი შედეგებიც გვქონდა... მაგრამ საქმე ბოლომდე ვერ მივიყვანეთ. ჩვენი ერთადერთი შემოსავალი სოციალური დახმარებაა; ჩემი ქმრის მშობლებიც თავის პენსიას გვაძლევენ. ისინი რომ არა, ჩვენ ვერ გავუმკლავდებოდით. ისეთი კარგი ხალხია...

– რა თქმა უნდა, მხოლოდ სოციალური დახმარება საჭმელზეც კი არ გეყოფათ...

მარიამი: ოჰ, არ თქვათ! ბავშვებს იმდენი რამ სჭირდებათ! ჯამბულის გარდა, კიდევ სამი შვილი გვყავს. ყველაზე პატარა, სოფი წლინახევრისაა, ანდრია - 4 წლის, ულამაზესი ბარბარე კი 7 წლის. ყველაზე უფროსის გაცნობა უკვე მოასწარით, ის 9 წლისაა.

მათთვის არაფრის მიცემა შემიძლია... სანამ ქმარი მუშაობდა, ცხოვრება ბევრად მარტივი იყო. ის დურგალია, მაგრამ უბედურება შეემთხვა, დაზგამ თითები წააცალა. სხვა სამსახურს ვეღარ შოულობს, სოფელიც პატარაა. საშოვარზე წასვლა და ჩვენი დიდი ხნით დატოვებაც არ შეუძლია! მეც ვერ წარმომიდგენია, მის გარეშე როგორ ვიქნებით. ჩვენ ხომ ერთი ოჯახი ვართ!

– მასზე ისეთი სიყვარულით საუბრობთ, თითქოს თაფლობის თვიდან ახლახან დაბრუნდით.

მარიამი: ოჰ, არ თქვათ! ერთმანეთი ძალიან გვიყვარს! მისი მშობლებიც ჩემი ოჯახის წევრებივით არიან! ფაქტობრივად მათთან გავიზარდე. როცა დავქორწინდით, 17 წლის ვიყავი. ისინი რომ არა, თავს მარტო ვერ გავართმევდი. ბავშვებს იმდენი რამ სჭირდებათ; სამწუხაროდ, ისინი ბევრ რამეს მოკლებულები არიან.

– მოდი ახლა მათ გავესაუბროთ და გავიგოთ, რა სურთ. ვინ დაიწყებს?

ჯამბული:ალბათ მე დავიწყებ! მე ხომ უფროსი ძმა ვარ! ჩემი სოკოების შესახებ უკვე მოგიყევით, ამიტომ ახლა სხვა რამეს მოგიყვებით!

–მოდი შენი მეგობრების შესახებ მოგვიყევი!

ჯამბული:კი ბატონო! ისინი ისე მენატრებიან... ჩემი მეგობრები არიან: ბექა, გიორგი, შოთა და ავთო. ყველაზე მაგარი ბიჭები არიან! ბურთს ერთად ვთამაშობთ ხოლმე! ბურთი შოთიკოს აქვს, მე - არა. მათ ველოსიპედებიც აქვთ, მე კი არა... მაგრამ კარგი მეგობრები არიან და მაძლევენ ხოლმე.

–გინდა, საკუთარი ველოსიპედი რომ გქონდეს?

ჯამბული: სიმართლე გითხრათ, დაბადების დღისთვის მარწყვის ტორტი და კომპიუტერი მინდა. სულ ესაა! ველოსიპედს ბიჭები მათხოვებენ ხოლმე. უი, ისე ბურთიც თუ შეიძლება? ბურთით ყველანაირი სახის თამაში მიყვარს...

– სპორტსმენობა ხომ არ გინდა?

ჯამბული:არაა, მინდა სტომატოლოგი გავხდე.

– უყურე შენ! და რატომ? იცი, სტომატოლოგი ვინაა?

ჯამბული:დიახ, რა თქმა უნდა. სტომატოლოგი კბილის ექიმია! კბილის ექიმი უნდა გავხდე, რომ დედას კბილებზე ვუმკურნალო. მას ცოტა კბილი აქვს, მათი მკურნალობა კი ძალიან ძვირი ჯდება! ტირილი მინდა, როცა დედა ამბობს, რომ კბილები არ სჭირდება.

–ნამდვილი ოქრო ხარ! შენი დაც ასეთი კეთილია?

ჯამბული:აბა, როგორ გითხრათ... უნდა, რომ მხატვარი გახდეს. მას გაესაუბრეთ.

ბარბარე:დიახ, მე მხატვარი გავხდები! ჩემთვის დიდ თოჯინას და ლამაზ საბანს ვიყიდი, რომელსაც ელზა და ანა ახატია! ანდრიას დიდი მანქანა, ტრაქტორი, ბურთი და კიდევ რაღაც უნდა. სოფიოს კი საბავშვო ეტლი მოუტანეთ!

– ბარბარე, როცა ჯამბულს ხელები სტკივა, მისი დახმარება შეგიძლია?

ბარბარე: უი, არა... როცა სტკივა, შეხებაც კი მტკივნეულია. ტირილი მინდება, რომ ვუყურებ!

– მარიამ, შეგიძლიათ ჩვენს მკითხველებს მიმართოთ. გვითხარით, რა გჭირდებათ.

მარიამი: ვიცი, რომ ჩემთან უფალმა გამოგგზავნათ ან მე გამომგზავნა თქვენთან! გამოუვალი მდგომარეობა რომ არა, დახმარებისთვის არც მოგმართავდით. ძალიან გვჭირდება საკვები, საფენები და წამლები ჯამბულისთვის. პატარა სოფიოსთვის საბავშვო ეტლიც მინდა გთხოვოთ; ის მხოლოდ წლინახევრისაა; ძველი უკვე გაგვიტყდა. ასევე, ძალიან გვჭირდება გაზქურა და კომპიუტერი ჯამბულისთვის.

***

მეგობრებო, ჯინჭარაძეების ოჯახის დახმარების მიზნით, ჩერნოვეცკის ფონდი საჯაროდ იწყებს თანხების შეგროვებას. ფონდის დახმარება ერთჯერადი არაა. ქართველებმა ისე უნდა იცხოვრონ, როგორც მსოფლიოში ყველაზე ამაყ ერს შეშვენის!

გადასარჩენად ოჯახს მწვავედ ესაჭიროება საკვები, წამლები და საყოფაცხოვრებო ტექნიკა! დაეხმარეთ მათ გადარჩენაში! ჩათვალეთ, რომ ისინი თქვენი ახლობლები არიან.

ოჯახის გაცნობა და მათი შეძლებისდაგვარად დახმარება პირადადაც შეგიძლიათ. უფალი ამისთვის აუცილებლად დაგლოცავთ და დაგაჯილდოვებთ! მათი მისამართია: სამტრედიის მუნიციპალიტეტი, სოფ. კულაში.

და აუცილებლად გააზიარეთ ჩვენი პოსტი, რომ ამ ოჯახის გასაჭირის შესახებ შეიტყონ თქვენმა მეგობრებმაც! ეს ძალიან მნიშვნელოვანია!

  უფალი გვაძლევს ისეთ ადამიანებზე ზრუნვის შესაძლებლობას, რომლებსაც ამის გაკეთებათავად არ შეუძლიათ. გაჭირვებულიადამიანები - ზეციური საჩუქარია, რათა ჩვენ შევძლოთღვთისადმისიყვარული არა სიტყვებით, არამედ საქმით დავამტკიცოთ!

  მეგობრებო, თქვენთან კიდევ ერთი თხოვნა გვაქვს - თუკი შეიტყობთ, რომ თქვენს ნაცნობს ან მეზობელს დახმარება სჭირდება,გთხოვთ გამოიჩინოთ გულისხმიერება და ამის შესახებ მოგვწეროთ ელექტრონულ მისამართზე: office-fsp@fsp.ge

ჩვენი ფონდის ანგარიშია:

#GE15TB7194336080100003

#GE42LB0115113036665000

#GE64BG0000000470458000 

(დანიშნულება: ჯინჭარაძეების ოჯახი).

თანხის გადმორიცხვა შეგიძლიათ ჩვენი ვებ-გვერდის მეშვეობითაც.

თანხის ჩარიცხვა ასევე შესაძლებელია ОРРА, TBCpay, ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ფონდის დამატებით უფლება-მოვალეობებს შეგიძლიათ გაეცნოთ ბმულზე https://goo.gl/GY2Gus).

ჩვენ, თქვენთან ერთად, უკვე მრავალ გაჭირვებულს დავეხმარეთ! მოდი ამ ოჯახსაცგავუმართოთ ხელი! უბედურებისგან ხომ დაზღვეული არავინაა? ვინ იცის, იქნებ ცნობილი სტომატოლოგის, ჯამბულ ჯინჭარაძის დახმარება ოდესმე თავადაც დაგვჭირდეს!

ერთი ზარი გადაარჩენს სიცოცხლეს: 0901 200 270