Regular payments function is available
Ուզում եմ օգնել! 
Տարբեր երկրների բժիշկներ կուսումնասիրեն քաղցկեղի ագրեսիվ ձևերով հիվանդների երկարակեցության ֆենոմենը
Մեծ Բրիտանիայի Առողջապահության ազգային ծառայության (NHS) քաղցկեղի ութ կենտրոնների բժիշկները միավորվել են աշխարհի տասնյակ հիվանդանոցների հետ՝ պատասխանելու այն հարցին, թե ինչու են որոշ քաղցկեղով հիվանդներ բուժումը «անսովոր լավ» տանում և զգալիորեն ավելի երկար են ապրում, քան մյուսները:
Ինչպես նշում է Guardian-ը, մեկնարկել է լայնածավալ հետազոտություն, որի ընթացքում նախագծին մասնակցող գիտնականները կհավաքեն մանրամասն կենսաբանական տեղեկատվություն 1000 հիվանդի և նրանց ուռուցքների մասին, կվերլուծեն ԴՆԹ-ն, արյան սպիտակուցները և մոլեկուլային բիոմարկերները։
Բժիշկները հույս ունեն օգտագործել ստացված տվյալները՝ հասկանալու քաղցկեղի թույլ կողմերը, ինչպես նաև կփորձեն մշակել ագրեսիվ ուռուցքների բուժման նոր մեթոդներ՝ բարելավելու այլ հիվանդների բուժման հեռանկարները:
Հետազոտությանը կմասնակցեն ավելի քան 40 երկրների մասնագետներ, ինչպես նաև կներառեն այս հիվանդությամբ ամենաերկար կյանքի տեւողությամբ մարդկանց 3%-ը։
«Մենք կուսումնասիրենք քաղցկեղի ագրեսիվ տեսակներով հիվանդներին, որոնց կանխատեսում էին ապրել երկու-երեք տարի, բայց նրանք ապրում և ապրում են։ Մենք պետք է պատասխանենք այն հարցին, թե կա՞ ինչ-որ բան ուռուցքի գենետիկայի մեջ, որը հեշտացնում է պայքարը Քաղցկեղի դեմ», — պատմել է Քեմբրիջի համալսարանական հիվանդանոցի ուռուցքաբան, դոկտոր Շքամմա Աջիթկումարը:
«Սուպեր փրկվածների» մասին տվյալները կպահվեն միջազգային տվյալների բազայում, –գրում է հրատարակչությունը։
Նրանք ձեր օգնության կարիքն ունեն և շատ, շատ շտապ
