ბექა, რეზიკო და ლიზი კვირაიების ისტორია გულგრილს არავის დატოვებს. გასულ წელს მათ დედა გარდაეცვალათ, ცოტა ხნის წინ კი მძიმე სენმა ბავშვებს მამაც გამოსტაცა ხელიდან. 3 მცირეწლოვან ობოლ ბავშვზე მეურვეობა ნათესავებმა აიღეს, თუმცა მათ თავად უჭირთ მატერიალურად და რომ არა კეთილი ადამიანები, პატარები ლუკმაპურის გარეშე დარჩებოდნენ. ისინი ყოფილი სტუდენტური საერთო საცხოვრებლის ერთ პატარა ოთახში ცხოვრობენ, სადაც უმძიმესი პირობები სუფევს. მათი საცხოვრებელი ზამთარში არ თბება, კედლები დანესტიანებულია, ფანჯრებიდან უბერავს ქარი... ყველაფერი ეს ართულებს ბავშვების საერთო მდგომარეობას, ისინი პერიოდულად ავადმყოფობენ და ხშირად მშიერი არიან.
მეგობრებო, მოდით გავუწოდოთ პატარებს დახმარები ხელი! ერთიანი ძალებით ვიხსნათ ეს ისინი შიმშილისგან, დავუბრუნოთ მათ ბავშვობა!
ბექა, რეზიკო და ლიზი საჭიროებენ საკვებ პროდუქტებს, ტანსაცმელს, ფეხსაცმელს, სასკოლო ნივთებს, ჰიგიენურ საშუალებებს.
თუ გაქვთ სურვილი, რომ დაეხმაროთ კვირაიების ოჯახს თანხა შეგიძლიათ გადარიცხოთ ჩვენი ფონდის ანგარიშზე GE15TB7194336080100003 ან GE64BG0000000470458000 (დანიშნულება: კვირაიების ოჯახი) ან ჩარიცხოთ პირდაპირ ჩვენი საიტიდან
თქვენ, ასევე,
შეგიძლიათ თანხის გადარიცხვა სწრაფი გადახდის ტერმინალებიდან NovaTechnology, TBCpay
და ExpressPay. განყოფილებაში „ქველმოქმედება“ აირჩიეთ ჩვენი ფონდი (გადახდის წესები
იხილეთ შემდეგ მისამართზე: https://goo. gl/GY2Gus).
მართალია ამ პატარებს მშობლებს ვეღარ დავუბრუნებთ, მაგრამ მათი ტკივილის შემსუბუქებას და ცხოვრების გახალისებას შევძლებთ, თუ ერთად მოვინდომებთ!