ლუკა ბედნიერია, როდესაც დაიკოებთან ჩახუტებული მულტფილმებს უყურებს

- ანი, ლუკა კალთაში ჩაისვი, - ამბობს უმცროსი - თეკო. - ესე ხომ უფრო კარგად დაინახავს.

„იცი, პატარავ, რა ხდება ამ სერიაში? დათვს უნდა, რომ მეგობართან წავიდეს სტუმრად, მაშა კი ყველაფერს აფუჭებს, სანამ ის სახლში არ არის“ - აუხსნა ძამიკოს და ლოყაზე აკოცა.

- ანი, ანი, შეხედე, ლუკას როგორ უხარია!

„იცანი, ხო, მაშა მულტფილმიდან? როგორი ცელქია, არა? ჩვენი ბარტყი ხარ შენ!“ - თეკომ ისევ სიყვარულით აკოცა ძმას ლოყაზე/

- თეკო, ჯობია ეკრანს უყუროს, სუ, ჩუმად! - ეუბნება ანი.

პატარა ლუკა ეკრანის გარდა გარშემო ვერაფერს ხედავს. მის სახეზე ღიმილი, თვალებში კი სიხარულია ასახული. ასეთ მომენტებში, მთელ ოჯახს სჯერა, რომ მათი ლუკა გამოჯანმრთელდება. იმედით ფრთაშესხმული ბავშვები ლუკას გულში იკრავენ  და ბეღურებივით ჭიკჭიკებენ. ამ ოჯახს ამხელა იმედი სწორედ თქვენ აჩუქეთ! თქვენ დაეხმარეთ ლუკასთვის ბრძოლაში, როდესაც წაიკითხეთ ისტორია უკურნებელი სენით დაავადებულ ბიჭუნაზე, რომელიც მთელი ცხოვრება იტანჯება: „ხუთი წელია, სიკვდილი ფეხდაფეხ დაგვყვება!“

მეგობრებო, თქვენ თქვენი კეთილი გულის სითბო გაუზიარეთ, დახმარების ხელი გაუწოდეთ და ამ ოჯახს სიყვარული და იმედი აჩუქეთ. დაანახეთ ამ საბრალო ადამიანებს, რომ მარტო არ არიან, პირისპირ საკუთარ გასაჭირთან, უფალმა ისინი არ მიატოვა და თქვენც გვერდში უდგახართ!

          - ლია, როგორ შეიცვალა თქვენი ცხოვრება მას შემდეგ, რაც თქვენს შესახებ პოსტი გამოვაქვეყნეთ?

          ლია: ბევრი სიახლე გვაქვს. ჩვენს ემოციებს საზღვარი არ აქვს. იმდენი რამ მოხდა. ჯერ, ბათუმიდან გვესტუმრნენ ახალგაზრდები. მოგვიტანეს ტკბილეული, პროდუქტი, ჰიგიენის საშუალებები, ბავშვის ტანსაცმელი. თურმე, ეს ახალგაზრდები თვალყურს ადევნებენ თქვენი ფონდის პოსტებს, გაჭირვებულებს ეხმარებიან და ცხოვრებას უმსუბუქებენ. აი ჩვენც დაგვეხმარნენ! ჩვენს ოჯახში სიყვარული და იმედი შემოიტანეს, ჩვენს ლუკას მოეფერნენ. გვითხრეს, რომ არ მიგვატოვებენ და აუცილებლად კიდევ გვინახულებენ. კარგი ადამიანები არიან. დიდი მადლობა მათ! ღმერთმა ხელი მოუმართოს და ჯანმრთელობა მისცეს!

ერთმა უცნობმა ადამიანმა შემთხვევით გაიგო, რომ ხეიბრის ეტლი გვჭირდება, და მის შეძენაში დაგვეხმარა. ღმერმა დალოცოს და გააძლიეროს! არც სახელი ვიცით მისი, არც გვარი - დახმარება ანონიმური იყო.

         რომ შემეძლოს, თითოეულ მკითხველს გულში ჩავიკრავდი! ერთბაშად ამდენი საჩუქარი მივიღეთ!  მედიკამენტი, პროდუქტი, ჰიგიენის საშუალებები, საწოლი, ტელევიზორი, სარეცხი მანქანა. ჩვენთვის ეს დიდი სიხარულია და მხარდაჭერა. დიდ მადლობას ვუხდით ყველას, ვინც ჩვენი გასაჭირი გულთან ახლოს მიიტანა.

ლია: ჩვენ გვაგრძნობინეს, რომ მარტო არ ვართ. დაგვიბრუნეს ადამიანური სიკეთისა და სითბოს რწმენა. ეს არ არის უბრალოდ სიტყვები. ძალიან ვღელავ. ძალას მოვიკრეფ და მოგიყვებით, ცოტა ხანში.

შეხედეთ, როგორ შეიცვალნენ ჩემი შვილები, როგორ იღიმიან. გოგონებიც, ლუკაც. როგორც იქნა, ჩვენთანაც ხალისი და სიმყუდროვეა. ბავშვები ერთად უყურებენ მულტფილმებს დიდ ეკრანზე. ჩემს ბიჭს, ახალ საწოლში მოხერხებულად და მშვიდად სძინავს.

          ნანატრი სარეცხის მანქანა, მარჯვენა ხელად მექცა, დიდი ოჯახის დიასახლისს. ლუკას ხომ, დღეში რამდენიმეჯერ სჭირდება გამოცვლა. ცივ წყალში რეცხვა კი აღარ შემეძლო, წვალებით ვახერხებდი.

მადლობა ყველას, ვინც ასეთ გაჭირვებულ მდგომარეობაში დაგვეხმარა, მოახერხა და თავისი ნაშრომი გაგვინაწილა. მადლობა ყურადღებისთვის! და იმისთვის, რომ გაგვამხნევეთ! ახლა შემიძლია მოყოლა, აღარ არის იმდენად მტკივნეული.

დიდი ხნის მანძილზე, ერთი უცნობი ქალბატონის „რჩევა“ გულში მოუშუშებელ იარად დამრჩა: „ასეთი ავადმყოფი ბავშვი თავშესაფარში უნდა ჩაგებარებინათ“. ახლაც მიკვირს, ეს როგორ თქვა... ეს ხომ ჩვენი ნანატრი ბიჭია... უფლის დიდი საჩუქარი...

თქვენი მკითხველები თავად უფალმა გამოგვიგზავნა, გასამხნევებლად და სულიერი ჭრილობების განსაკურნებლად. ახლა უკვე ეჭვიც არ გვეპარება, უფალი სიკეთეს ადამიანების ხელით აკეთებს.

         ლია: თქვენ წარმოიდგინეთ, კი! პოსტის გამოქვეყნების შემდეგ, სოფლის გამგებელი, დავით ლომაძე გვეწვია. მან ლანჩხუთის რაიონის ადმინისტრაციის თავმჯდომარის, ალექსანდრე სარიშვილის საჩუქრები გადმოგვცა: ელექტროჩაიდანი, ორი საბანი და პროდუქტი. ახლა, თქვენი მეშვეობით, მინდა მადლობა გადავუხადო. იქნებ დაამახსოვრდეთ ჩვენი ოჯახი. იქნებ გაუჩნდეთ სურვილი, ჩვენთვის კიდევ რამე გააკეთონ.

თეკო: „რეცხვა არ ვიცი, მაგრამ შემიძლია, ნივთები რომ შევალაგო“

ლია: მრცხვენია და მერიდება ადამიანების შეწუხება, მე ხომ ვიცი, ახლა ყველას როგორ უჭირს. მაგრამ პრობლემები ნამდვილად გვაქვს...

ლუკას ნახველი უგროვდება და მის ამოღებას სამედიცინო მანიპულაცია სჭირდება. ამის გამო, ჩემი ბიჭი ოთხი დღე მ. იაშვილის სახელობის ბავშვთა საავადმყოფოში გვეწვა. ახლა თბილისში ვცხოვრობთ, რადგან ლუკას ხშირად სჭირდება კლინიკაში პროცედურები. თანაც, ბავშვი ნესტიან ჰავას ვერ იტანს და დასავლეთ საქართველოში რამდენიმე დღით ყოფნის შემდეგ, ცუდად ხდება.

19 ოქტომბერს ლუკას საშინელი გულყრა დაემართა, რომელიც თითქმის წელიწადია აღარ მოსვლია, რადგან ხანგრძლივი და ძვირადღირებული მკურნალობის კურსი გაიარა. ახლა ისევ შეგვახსენა თავი წყეულმა დაავადებამ. ექიმმა გვითხრა, გულყრის გამეორების შემთხვევაში ენცეფალოგრამა უნდა გადავუღოთ, ესეც ძვირადღირებული კვლევაა. 

          ვეღარც სოფელში ვბრუნდებით, იქ ლუკა ცუდად ხდება ნესტის გამო. იძულებულები გავხდით მოკრძალებული, პატარა ბინა გვექირავა თბილისში, ახალდაბის ქუჩის N55-ში. მაგრამ, ბინის ქირაში 250 ლარის და კომუნალური გადასახადების გადახდა ძალიან გვიჭირს. ჩვენი ოჯახის მწირი შემოსავლის ნახევარი, ლუკას მკურნალობისათვის აღებული ბანკის კრედიტის დაფარვას ხმარდება. 

 „ჩემი ბიჭის მდგომარეობა ამ წამალზეა დამოკიდებული. მადლობა მზრუნველობისთვის!“

        ლუკა თანდათან იცვლება, მოსწონს მუსიკალური სათამაშოები, ყურადღებით უსმენს ხმოვან წიგნებს...  მის თვალებში ხშირად ჩანს მკაფიო ემოციები, რაც ძალიან გვაიმედებს! ექიმიც კმაყოფილია, მისი რჩევით - ბავშვს აუცილებლად ესაჭიროება ინტელექტის განსავითარებელი სათამაშოები, რომლის შესაძენი ფულიც არ გვაქვს. (ლია სათქმელს ვერ უყრის თავს, ეტყობა, რომ ძალიან ღელავს.)

        - ლია, გოგონების შესახებაც მითხარით, როგორ არიან? რა სჭირდებათ? რა აწუხებთ?

          (ლუკას სამი ულამაზესი დაიკო ჰყავს, რომლებზეც ასევე გიამბეთ. ძამიკოს გამოჯანმრთელება მათი ერთადერთი ოცნებაა. დაიკოებისთვის - ლუკა ყველაზე საყვარელი ძმა და ყველაზე კარგი ბიჭია! მიუხედავად იმისა, რომ ბევრი რამ სჭირდებათ და ენატრებათ, მათთვის მთავარი ლუკას კარგად ყოფნაა.)

          ლია: უფროს შვილს - მარიამს, წელის ტკივილი აწუხებს. ლუკა უკვე დიდი ბიჭია, მძიმეა და მისი ხელში ტარებით მოზარდ გოგონას ხერხემლის პრობლემა ჩამოუყალიბდა. ექიმმა მარის სამკურნალო ვარჯიშები დაუნიშნა, თითო ვარჯიში 25 ლარი ღირს. რამდენი დასჭირდება ჯერ არ ვიცით. (ამოიოხრა) ნევროპათოლოგმაც ძვირადღირებული წამლები გამოუწერა. შუათანას - ანის, სისხლის ანალიზი სჭირდება. კანის სიმშრალე და სისხლის შედედების პრობლემა აქვს. არასრულფასოვანი კვების და ვიტამინების ნაკლებობის გამო, ბავშვს ყველა კბილის დაკარგვის საფრთხე ემუქრება. 

         ნაქირავები ბინის დაცლასაც როდის მოგვთხოვენ, არ ვიცით, რადგან დიასახლისმა გასაყიდ ბინაში დროებით შეგვასახლა. ონლაინ-სწავლებასთან დაკავშირებით, ასევე შეგვექმნა პრობლემა. ყველაფერი ერთად... ჩემი ტელეფონი გაფუჭდა და ბავშვები გაკვეთილებს ვეღარ ესწრებიან. ძალიან განვიცდი. გოგონები ბეჯითი და ნიჭიერი, მოსწავლეები არიან. ხშირად მისესხია ფული და მათთვის მიმიცია სასკოლო ღონისძიებებში მონაწილეობა რომ მიეღოთ. არ მინდა ბავშვებმა იფიქრონ, რომ ჩვენ, მშობლები, მხოლოდ ლუკასთვის ვცოცხლობთ. მინდა ჩემი გოგონებიც სხვა ბავშვებივით ლაღები და მხიარულები გაიზარდონ.     (ამოიხრა) 

დედას ყველა შვილზე შესტკივა გული, უნდა, რომ ბედნიერი ჰყავდეს ყველა

(სანამ მარიმ და ანიმ ღიმილით გადახედეს ერთმანეთს, თეამ ახლოს მოიწია).

        თეა: მე გეტყვი, გინდა? ამათ ერიდებათ. მარის და ანის დიდი მობილური ტელეფონები სჭიდებათ, სკოლისთვის და მეგობრებს რომ ელაპარაკონ. უკვე დიდები არიან, სჭირდებათ.

      თეა: მე დიდი კომპიუტერი მჭირდება. იცი როგორი? დამტენი რომ ჰქონდეს. თორემ დამტენი თუ არ ექნება ჩაქრება და ეკრანი გაშავდება... ეგეთი არ მინდა. დამტენიანი მინდა, კარგი.

      კიდევ თოჯინები მიყვარს ძალიან და ყველას სახელებს ვარქმევ. ახალი თოჯინები რომ მქონდეს, მეყვარება. ძველებიც მიყვარს, მაგრამ აღარ არიან ლამაზები. ლუკასაც უყვარს სათამაშოები, მაგრამ არა აქვს. მინდა ლუკას ისეთი წიგნები ჰქონდეს - თვითონ, რომ გიყვება ზღაპრებს. იცი, როგორ მინდა... კიდევ მინდა ლამაზი დაბადების დღე...

თეკო: დიდი ტორტი რომ მქონდეს, სანთლებით, სული რომ შევუბერო. იცი ეხლა რამდენის ვარ? მოიცა... (დაფიქრებულმა, ხელისგულზე ხუთი პატარა, სათუთი თითი გადაითვალა) ხუთის. მაგრამ ეს დაბადების დღე არ მომეწონა. (თვალები დახარა და მოიწყინა)

თეკო: როგორ? (ძალიან დაინტერესდა.) ასე შეიძლება? მართლა?

თეკო: რა თქმა უნდა, მინდა! ძალიან გემრიელი და დიდი ტორტი. ისე, უბრალოდ, თუ ასეც შეიძლება!

 „ბევრი სადარდებელი გვაქვს, მაგრამ თქვენ მე იმედი მაჩუქეთ“

                                                     

***

          ჩვენო კეთილო მეგობრებო! მოვეფეროთ და ჩვენი სიყვარულით გავათბოთ, მშობლიურ კერას, სკოლას, მეგობრებს მოწყვეტილ მშვენიერ ბავშვებს. დავუახლოვდეთ, დავუმეგობრდეთ, ვანუგეშოთ და გავამხნევოთ.

          მიუხედავად ლუკას სასტიკი დიაგნოზისა, ლია განუწყვეტლივ ლოცულობს, რომ მისმა ბიჭუნამ, დამოუკიდებლად, წყლის დალევა მაინც რომ შეძლოს. დავეხმაროთ ახალგაზრდა დედას ოცნების ასრულებაში. ოჯახის თითოეული წევრისთვის - მთელი ცხოვრება ლუკაზე ზრუნვა და დარდია, რომელიც ყოველთვის მათთან დარჩება, არსად წავა, მუდმივად დაუსუსხავს სიყვარულით და სევდით სავსე გულებს. საახალწლოდ მაინც შევუმსუბუქოთ ოჯახს საზრუნავი. ნამდვილი ფერადი, მხიარული, იმედიანი, ასრულებული ოცნებების დღესასწაული ვაჩუქოთ. მათ ხომ, ძალიან ბევრი რამ აკლიათ და ენატრებათ. 

         თქვენი მხარდაჭერის გარეშე ეს ლამაზი ოჯახი განწირულია. სხვა საყოფაცხოვრებო ნივთებზე, რომ არაფერი ვთქვათ, საკვები პროდუქტის და წამლების ყიდვასაც კი ვერ შეიძენენ.

იმნაძეების ოჯახს სჯერა თქვენი, სჯერა კეთილი გულების, და იმედი აქვს, რომ ნაცნობები და უცნობები, კვლავ დაეხმარებიან, კვლავ გაუთბობენ სულებს. მხარში დავუდგეთ იმნაძეების ოჯახს! გავაძლიეროთ ჩვენი საქართველო!

        ოჯახის ახალი (დროებითი) მისამართია: თბილისი, გლდანი-ნაძალადევის რაიონი, ახალდაბის ქუჩა N55

სამწუხაროდ, ამ ოჯახისა და კიდევ ბევრი სხვა გაჭირვებულის პრობლემები არ დასრულებულა. გთხოვთ, ხანდახან დაათვალიერეთ ამ საბრალო ხალხის ისტორიები ჩვენს ვებგვერდზე. ყოველთვის, როცა მორიგი გაჭირვებულის ნომერს აკრეფთ, უფალი დაგლოცავთ. თქვენ ამას იგრძნობთ! აუცილებლად! გთხოვთ, შემდგომშიც დაეხმაროთ ამ ოჯახებს, ესაა საუკეთესო ღვთისმსახურება!

მეგობრებო, თქვენთან კიდევ ერთი თხოვნა გვაქვს - თუკი შეიტყობთ, რომ თქვენს ნაცნობს ან მეზობელს დახმარება სჭირდება, გთხოვთ გამოიჩინოთ გულისხმიერება და ამის შესახებ მოგვწეროთ ელექტრონულ მისამართზე: office-fsp@fsp.ge

      თქვენი სიკეთე - იმის შანსია თქვენც ყოველთვის ბედნიერი რომ იყოთ! 

კიდევ ერთხელ, დიდი მადლობა თითოეულ თქვენთაგანს!  

ჩვენი ფონდის ანგარიშია:

#GE15TB7194336080100003

#GE42LB0115113036665000

#GE64BG0000000470458000.

(დანიშნულება: იმნაძეების ოჯახი).

თანხის გადმორიცხვა ასევე შეგიძლიათ ჩვენი ვებ-გვერდის მეშვეობით:

ასევე, თანხის ჩარიცხვა შესაძლებელია TBCpayდა ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ფონდის დამატებით უფლება-მოვალეობებს შეგიძლიათ გაეცნოთ ბმულზე https://goo.gl/GY2Gus).

            არაჩვეულებრივი სიახლე გვაქვს - ახლა ჩვენი ბენეფიციარების ისტორიები შეგიძლიათ წაიკითხოთ:

ინსტაგრამზე: https://www.instagram.com/chernovetskyi.fund/ და

ტელეგრამზე: https://t.me/ChernovetskyiFund.

სპეციალურ ნომერზე განხორციელებულ მხოლოდ ერთ ზარს, შეუძლია ვიღაცის სიცოცხლის გადარჩენა: 0901 200 270!

          დაფიქრდით იმაზე, რომ გაჭირვებულთა დახმარებით და მათი ტკივილის გაზიარებით, ჩვენ ვზრუნავთ საკუთარ სულზე და ვუახლოვდებით უფალს.