ჩერნოვეცკის საქველმოქმედო ფონდი

სასოწარკვეთილება - ჩვენი ბედისწერაა

ყოველ დღე დედა და მამა საშინელი არჩევანის წინაშე დგანან - იყიდონ პროდუქტები თუ მედიკამენტები.
1,394.86 ₾
125
დონორები
შეგროვებულია

რაკარგიაიმისშეგრძნებარომსაკუთარი სამშობლოს მიწაზე უცხოებიარვართ!

„ასეთ რამეზე ვერც კი ვიოცნებებდით! - ზღურბლიდან შესძახა ნინომ - საბრალო, მძიმედ ავადმყოფი, 17 წლის თამარისა და კიდევ ოთხი არაჩვეულებრივი ბავშვის დედამ. - ასეთ უზარმაზარ ტელევიზორს ჩვენ ვერასდროს ვიყიდდით... ეს ნივთი ჩვენს შესაძლებლობებს აღემატება! და საჭმელი?! თანაც, ამდენი! ხომ გესმით, რა გრძნობაა, როდესაც ხვდები, რომ შენი შვილები, როგორც იქნა, დანაყრდებიან?!“

ვარდიაშვილების კეთილი, მშვენიერი ქართული ოჯახი უფსკრულის პირას იყო და გადარჩენისთვის იბრძოდა, როდესაც ჩვენ მათ შესახებ გულშემზარავი პოსტი გამოვაქვეყნეთ, სახელწოდებით - "სასოწარკვეთილება - ჩვენი ბედისწერაა!"

https://chernovetskyifund.ge/ge/projects/finished/547-1/description/

  თქვენი გულმოწყალებისა და ერთობლივი ძალისხმევის შედეგად, მეგობრებო, ახლა, ამ მშვენიერიბავშვების სახეებს ღიმილი ანათებს,სახლში კი,გაუთავებლად, მათი წკრიალა სიცილიისმის. როგორც იქნა, ისინი დანაყრებულები არიან და ახალ წელს, ისინი პირველად შეძლებენ საშობაო ფილმებსა და გადაცემების ნახვას თქვენ მიერ ნაჩუქარი, ახალი ტელევიზორის დიდ ეკრანზე! ეს დღესასწაული სწორედ თქვენ გახადეთმათთვის ჭეშმარიტადნათელი და მხიარული!

– ნინო, მოგვიყევით, როგორ შეიცვალა თქვენი ცხოვრება მას შემდეგ, რაც თქვენ შესახებ სტატია გამოვაქვეყნეთ?

ნინო: ის გრძნობა თუ გეცნობათ, როდესაც ბავშვებს შიათ, შენ კი გამალებით ცდილობ, გაიაზრო, რა აჭამო მათ და ხვდები, რომ გამოსავალი არ გაქვს და საჭმელსაც ვერსად იშოვი? სწორედ თქვენი წყალობით, მთელი სამი თვის განმავლობაში, ჩემი შვილები საკმარისად ჭამდნენ და ამაზე ფიქრი და იმაზე თავის მტვრევა აღარ მიწევდა, რომ ხვალ ჩემი შვილებისთვის რა მეჭმია... თქვენ იმდენი სურსათი მოგვიტანეთ, მართლა არ ველოდი! საკვები ხომ ჩვენი ერთადერთი პრობლემა არ არის. ჩემი უფროსი გოგონა, თამარი, მძიმედ არის ავად, ამიტომ საფენებისთვის და წამლებისთვის ბევრი ფული გვჭირდება... თქვენ ჩვენი მდგომარეობა მნიშვნელოვნად შეამსუბუქეთ და ამისათვის, თქვენი უზომოდ მადლიერი ვარ!

ტელევიზორზე რაღა უნდა ვთქვა?! თქვენ საუცხოო საჩუქარი გაგვიკეთეთ! რატომღაც, პატარა ეკამ გადაწყვიტა, რომ ეს პირადად მისთვის იყო და მისი გახსნის უფლება არ მოგვცა. რომ აგიხსნათ: ჩვენ ამ ბინას ვქირაობთ და უახლოეს მომავალში, გადასვლა მოგვიწევს, ჩემმა გოგონამ კი მისი ახალ სახლში დაკიდება ითხოვა; მაგრამ როგორც ჩანს, ახალ წელს აქ შევხვდებით... და რა თქმა უნდა, ტელევიზორი ძალიან გამოგვადგება! ჩვენი - დიდი ხნის წინ გადაიწვა. ახალი წელი კი სადღესასწაულო გადაცემებისა და საშობაო ფილმების გარეშე რა ახალი წელია? ბავშვებს ისე უხარიათ! კორონავირუსის გამო, ისინი სახლში არიან გამოკეტილები და დღის სინათლეს ვერ ხედავენ! თქვენმა არაჩვეულებრივმა საჩუქარმა ჩვენი სევდიანი ცხოვრება ნამდვილად გააფერადა!

ეკა (6 წლის):ეს ჩემი საკუთარი ტელევიზორია! თქვენ ხომ ის პირადად მე მომიტანეთ?

მეგი (14 წლის): ჰო, ჩურჩუტმა ეკამ გადაწყვიტა, რომ თქვენ ის პირადად მას მოუტანეთ - ლმობიერად იღიმის ასაკთან შედარებით საკმაოდ მოწიფული გოგონა. - წინააღმდეგი არ ვარ. დაე, ასე იფიქროს, ის ხომ ჯერ პატარაა? ტელევიზორს კი მაინც ყველანი ერთად ვუყურებთ!

ეკა: დიახ, დიახ! ჩემი ტელევიზორის ყურების უფლებას ყველას ვაძლევ! მე ხომ კეთილი ვარ?! თქვენ კი იმდენი პირის ჩასატკბარუნებელი მოგვიტანეთ...

მეგი: დედამ ყველაფერი ისე გაანაწილა, რომ კარგა ხანს გვეყოს. პატარებს განსაკუთრებით კრეკერები და შოკოლადის ბურთები გაუხარდათ! დედას ხომ ჩვენთვის ისინი არასდროს უყიდია...

დავითი (4 წლის): დიახ. ისეთი გემრიელი იყო...

მეგი: ძალიან დიდი მადლობა!

  ნინო, ყველაზე მეტად რა დაგამახსოვრდათ?

ნინო: საკუთარიშვილების ბედნიერი თვალების დანახვა ყველა დედისთვის უდიდესი ბედნიერებაა! არასდროს დამავიწყდება, ტელევიზორის გარშემო როგორ დახტოდნენ და ტაშს როგორ უკრავდნენ! ჩვენ ისეთ სიღარიბეში ვცხოვრობთ... ბავშვები საჩუქრებს მიჩვეულნი არ არიან. მათ უბრალოდ არ სჯეროდათ, რომ ეს ყველაფერი მათთვის იყო - უამრავი საჭმელი და უზარმაზარი, ახალი ტელევიზორი. მათ ფართოდ გახელილ თვალებში ბედნიერება და გაოცება იკითხებოდა! ამდენი საჭმელი ერთად მხოლოდ მაღაზიაში თუ უნახავთ...

– ადგილობრივმა ხელისუფლებამ თუ მოახდინა რაიმე სახის რეაგირება ჩვენს პოსტზე? თქვენი მდგომარეობით თუ დაინტერესდნენ და რამით თუ დაგეხმარნენ?

ნინო:სამწუხაროდ, არა. ჩვენთან არავინ მოსულა და არც არავის დაურეკავს. სამაგიეროდ, თქვენი პოსტის გამოქვეყნების შემდეგ, ჟურნალისტებმა შეგვამჩნიეს. ცოტა ხნის წინ, მონაწილეობა მივიღეთ ცნობილი ჟურნალისტის, ინგა გრიგოლიას გადაცემაში „რეაქცია“. მათ საზოგადოებას ჩვენ შესახებ უამბეს, ტელევიზიით აჩვენეს, როგორ ვცხოვრობთ, რა გვჭირდება და ხალხს დახმარება სთხოვეს.

– თქვენი ემოციების შესახებ მოგვიყევით.

ნინო:მათი სიტყვებით აღწერა შეუძლებელია. იმხელა ბედნიერებაა, როდესაც სახლში საჭმელია... ვერაფრით ეგუები იმ ფაქტს, რომ აღარ გჭირდება იმაზე ფიქრი, საკვები სად იშოვო; რომ შეგიძლია თავისუფლად ამოისუნთქო... თქვენი იმდენი საჭმელი მოგვიტანეთ, რომ თავიდან ვერც კი მივხვდი, ეს ყველაფერი სად წამეღო. სამი თვე გვეყო! სამი თვე - მშვიდი ცხოვრება... ჩვენთვის ეს უდიდესი დახმარებაა! ყველას ძალიან დიდი მადლობა!


და ასეთ ტელევიზორზე ვერც კი ვიოცნებებდით. ჩვენ პურის ფულიც კი არ გვქონდა, არათუ ასეთი ძვირადღირებული ტექნიკის შეძენის. ჩვენ, ალბათ, თავს მისი ყიდვის უფლებას ვერასდროს მივცემდით. ჩვენი ოჯახისთვის ეს წარმოუდგენელი ფუფუნებაა, ბავშვებისთვის კი - სასწაული, უბრალოდ ზღაპრული საჩუქარი! და-ძმის სიხარულის დანახვაზე, თამარსაც კი რაღაც ღიმილის მსგავსი მოეფინა სახეზე!

თქვენ ჩვენთვის ყველაზე რთული დროს მოხვედით. საჭმელი საერთოდ არაფერი გვქონდა... თქვენი დახმარება ჩვენთვის ზეციური მანანასავით იყო! თქვენი თანამშრომელი, დავითი იმდენად ყურადღებიანი, იმდენად კეთილი იყო ჩვენს მიმართ, ამას არასდროს დავივიწყებთ! იშვიათად თუ შეხვდები ასეთ არაჩვეულებრივ, გულისხმიერ ადამიანებს, რომლებიც არა მხოლოდ თავის სამუშაოს ასრულებენ, არამედ მასში მთელ სულსა და გულს დებენ!

 – პირადად თქვენთვის, რას ნიშნავს ეს დახმარება და მხარდაჭერა?

ნინო: ეს არის იმის გაცნობიერება, რომ ჩვენ მარტო არ ვართ ჩვენს პრობლემებთან, რომ ხალხისთვის ჩვენი გასაჭირი სულ ერთი არ არის! არიან ამქვეყნად კეთილი ადამიანები, რომლებიც ყოველთვის მზად არიან, სუსტი დაიცვან, გვერდში დაუდგნენ, გაამხნევონ, შესაძლოა, მას უკანასკნელი თეთრები გაუზიარონ. დაე, უფალმა მათ ჯანმრთელობა და კეთილდღეობა მისცეს! სიკეთე ხომ უკვალოდ არ ქრება?! ის ყოველთვის ასმაგად ბრუნდება! და საქმე არც საჭმელსა და ტელევიზორშია... არამედ იმაში, რომ ხვდები, რომ მარტო არ ხარ და არსებობს ვიღაც, ვინც მზად არის, დახმარების ხელი გამოგიწოდოს! უდიდესი მადლობა თქვენს ფონდს, რადგან სწორედ თქვენი წყალობით გაიგო ხალხმა, თუ რამდენად გვჭირდება მათი დახმარება!

– ნინო, იქნებ კიდევ გაქვთ რაიმე პრობლემა, რომლის გადაჭრაშიც ჩვენი ფონდის მეგობრებს შეუძლიათ, რომ დაგეხმარონ?

ნინო: თქვენ უკვე ისე დაგვეხმარეთ, რომ კიდევ რაიმეს თხოვნის უფლებას სინდისი აღარ მომცემს... უბრალოდ ნუ დაგვივიწყებთ, გთხოვთ. როდესაც ოჯახში ავადმყოფი ბავშვია, პრობლემები არ სრულდება. მუდმივად გვჭირდება საფენები, წამლები... ბავშვები გაჭირვებას განიცდიან, მუდმივად ცუდად იკვებებიან. გარდა ამისა, ჩვენ საკუთარი საცხოვრებელი არ გვაქვს, ბინის ქირის გადახდა კი ძალიან გვიჭირს... იძულებულები ვართ, საცხოვრებელი ხშირ-ხშირად ვიცვალოთ. ეს კი ძალიან, ძალიან რთულია.

კიდევ ერთხელ, მინდა, დიდი მადლობა გადავუხადო თქვენს ფონდს და თქვენს ყველა კეთილ მეგობარს! უფალმა დაგლოცოთ თქვენი სულგრძელობისა და გულშემატკივრობისთვის!

***

თუკი გიმძიმთ საყოფაცხოვრებო სირთულეებისა და გადაუჭრელი საკითხების გამო, რამდენიმე წამით გადაიტანეთ ყურადღება ჩვენს „ფეისბუქის“ პოსტებზე; ან უმჯობესია, დაურეკოთ ჩვენს ნებისმიერ ბენეფიციარს და ყველა თქვენი პრობლემა უმნიშვნელოდ მოგეჩვენებათ იმათთან შედარებით, ვისაც მისი ცხოვრების ყველაზე მძიმე მომენტში დაეხმარეთ.

მათ პრობლემებთან შედარებით ჩვენი პრობლემები არაფერია! აი, ნამდვილი გაჭირვება! ის თქვენ წინაშეა! უფალს მადლობა შესწირეთ იმისთვის, რაც გაგაჩნიათ! თქვენ უბედნიერესი ადამიანი ხართ! გახსოვდეთ ეს და დაეხმარეთ გაჭირვებულებს!

სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ დროდადრო დაათვალიერეთ ხოლმე ამ საბრალო ხალხის ისტორიები ჩვენს ვებ-გვერდზე და ესაუბრეთ მათ. ყოველ ჯერზე, როდესაც მორიგი უბედური ადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! გთხოვთ, განაგრძოთ ამ ოჯახების დახმარება. სწორედ ეს არის საუკეთესო ღვთისმსახურება!

თქვენი სიკეთე – ეს არის შესაძლებლობა, თავადაც ყველაფერში ბედნიერი იყოთ!

მეგობრებო, კიდევ ერთხელ, მადლობა ყველას!

ჩვენი ფონდის ანგარიშია:

  #GE15TB7194336080100003,

  #GE42LB0115113036665000

#GE64BG0000000470458000.

(დანიშნულება: ვარდიაშვილების ოჯახი).

თანხის გადმორიცხვა შეგიძლიათ ჩვენი საიტის მეშვეობითაც. https://chernovetskyifund.ge/ge/projects/finished/547-1/description/

თანხის ჩარიცხვა ასევე შესაძლებელია OPPA, TBCpay, ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ფონდის დამატებით უფლება-მოვალეობებს შეგიძლიათ გაეცნოთ ბმულზე https://goo.gl/GY2Gus).

ერთი ზარი გადაარჩენს სიცოცხლეს: 0901 200 270.

დაფიქრდით იმაზე, რომ გაჭირვებულთა დახმარებით და მათი ტკივილის გაზიარებით, ჩვენ ვზრუნავთ საკუთარ სულზე და ვუახლოვდებით უფალს!


მსგავსი პროექტები: