ჩერნოვეცკის საქველმოქმედო ფონდი

დედიკო, შეგიძლია დრაკონი მოკლა?

page info icon
2022 თებერვალი 8
page info icon
1090
დედა დრაკონს თუ არ მოკლავს, ის პატარა საბას წაართმევს მწვანე თვითმფრინავს და კანფეტს, რომელიც არ აქვს. მწვანე თვითმფრინავი, გემრიელი კანფეტი და სპაიდერმენის ფორმა - ეს ყველაფერი წარმოსახვითია, დრაკონიც მხოლოდ ბიჭუნას ფანტაზიებში არსებობს. ყველაფერს სწორედ მას აბრალებენ: პური არ აქვთ - დრაკონმა წაიღო, დაიხა ერთადერთი წყვილი ფეხსაცმელი - ალბათ, სანამ ეძინათ, ბოროტმა დრაკონმა დაღეჭა. სკამი გატყდა - ოჰ, ალბათ, ისევ იმ საძაგელმა დრაკონმა გატეხა სკამი. რა ქნან, აბა? როგორ უნდა აუხსნა ხუთი წლის საბას და ოთხი წლის დავითს, რომ არ გააჩნიათ არაფერი, რაც აქვთ სხვა ბავშვებს? გააგებინებ? ამიტომაც, იძულებულები არიან, ყველაფერი ბოროტ დრაკონს დააბრალონ.
ჩვენი ფონდის ანგარიშები:
GE15TB7194336080100003
GE42LB0115113036665000
GE64BG0000000470458000
შეგროვებულია:
2,935.49 ₾
( 255 დონორი )
აირჩიეთ თანხა:
გადახდის ხერხი:

რეგულარული გადახდების განსახორციელებლად შესვლა ან დარეგისტრირება.

დედიკო, შეგიძლია დრაკონი მოკლა?
კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებსაც მონაწილეობა მიიღონ ღვთისნიერ საქმეში!
          დედა დრაკონს თუ არ მოკლავს, ის პატარა საბას წაართმევს მწვანე თვითმფრინავს და კანფეტს, რომელიც არ აქვს. მწვანე თვითმფრინავი, გემრიელი კანფეტი და სპაიდერმენის ფორმა - ეს ყველაფერი წარმოსახვითია, დრაკონიც  მხოლოდ ბიჭუნას ფანტაზიებში არსებობს. ყველაფერს სწორედ მას აბრალებენ: პური არ აქვთ - დრაკონმა წაიღო, დაიხა ერთადერთი წყვილი ფეხსაცმელი - ალბათ, სანამ ეძინათ, ბოროტმა დრაკონმა დაღეჭა. სკამი გატყდა - ოჰ, ალბათ, ისევ იმ საძაგელმა დრაკონმა გატეხა სკამი. რა ქნან, აბა?  როგორ უნდა აუხსნა ხუთი წლის საბას და ოთხი წლის დავითს, რომ არ გააჩნიათ არაფერი, რაც აქვთ სხვა ბავშვებს? გააგებინებ? ამიტომაც, იძულებულები არიან, ყველაფერი ბოროტ დრაკონს დააბრალონ.
 „დახუჭე თვალები და დაიძინე, თორემ ბოროტი დრაკონი შენც, ჩემი ფეხსაცმელივით, წაგიყვანს, დაგღეჭავს და გადმოგაგდებს!“
- ნინო, მითხარით რა ხდება თქვენთან? ბავშვები დრაკონით რატომ მაშინებენ?
ნინო: ძალიან სასაცილოები არიან. სტუმრები უყვართ, მაგრამ იშვიათად თუ გვინახულებს ვინმე. განდეგილებივით ვცხოვრობთ. მეუღლე ციხეშია ქურდობის გამო. არ ვამართლებ, მაგრამ კარგი ცხოვრებისგან არავინ ჩაიდენს ასეთ საქციელს. უარესსაც იზავ, როდესაც შენი შვილები განუწყვეტლივ ტირიან შიმშილისგან რამდენიმე დღის მანძილზე. არ გვინდა ამაზე საუბარი. ბავშვების თანდასწრებით მამაზე არ ვლაპარაკობ. დრაკონი კი ჩვენ მოვიგონეთ.
        - ნება თქვენია, ბავშვებს გულს არ დავწყვეტთ. მოყევით, როგორ ცხოვრობთ? რა არის თქვენი საარსებო წყარო?
        ნინო: ჩვენი ერთადერთი შემოსავალი, სოციალური დახმარებაა. 380 ლარს ვიღებ. კიდევ, პური და წვნიანი მომაქვს სოციალური სასადილოდან. მართალია, ბავშვებს მისი გემო არ მოსწონთ, მაგრამ როდესაც სხვა არაფერი გვაქვს, იძულებულები არიან ჭამონ. ბევრ პურს ჩავყრით, ვჭამთ და დრაკონზე ვყვებით ზღაპრებს.
 „ხანდახან ქათამი, ბუმბულისგან არ არის კარგად გაწმენდილი. აი გეუბნებით ამას და თან მეშინია, ვინმე რომ წაიკითხავს, არ თქვას: „თუ არ გინდა, ნუ აიღებ“. შიმშილით დავიხოცებით ამის გარეშე, მართლა“.
 „გინდა ჩემი ფაფა გაგიყო? მე ბოლომდე ვერ შევჭამ“
 „მე არ გაგიყოფ, მშია! ჩემი ძმის წილსაც მე შევჭამ“
         - იმას, რაც კანონით თქვენია, ვერავინ წაგართმევთ!
        ნინო: მხოლოდ ჩემი შვილები არიან ჩემი. მათ გამო ყველაფერზე ვარ წამსვლელი, ოღონდ ისინი იყვნენ კარგად. ისინი კი, დიდი ხანია კარგად არ არიან...
 „იმისთვის, რომ კარგად ვიყოთ, ბევრი სათამაშო და კანფეტი უნდა გვქონდეს“
- მაშინ, როდესაც ოჯახი შექმენით, თქვენი მომავალი როგორ წარმოგედგინათ?
ნინო: ყველაზე საშინელ სიზმარშიც კი ვერ წარმოვიდგენდი, ასე რომ ვიქნებოდით. იცით, გოგონები, მეოცნებეები არიან და არ შეუძლიათ მდგომარეობის რეალურად შეფასება. 19 წლის რომ ვიყავი, მეგონა, რომ ჩემი უფლისწული შემხვდა და ყველაფერი იქნებოდა როგორც ზღაპარში. მაგრამ, რატომღაც, ზღაპარი უცნაურად გაგრძელდა. ყველა გოგონას გაფრთხილება მინდა, ძალიან კარგად უნდა დაფიქრდნენ, სანამ ისეთ საპასუხისმგებლო გადაწყვეტილებას მიიღებენ, როგორიც არის ოჯახის შექმნა! დარწმუნებული ხართ, რომ სწორედ ეს არის თქვენი ოცნება? უნდა ისწავლოთ! აუცილებლად უნდა გქონდეთ პროფესია! და... დიახ, მარტოხელა ქალი, ძალიან უბედურია.
საბა (5 წლის): მეც უბედური ვარ.
- შენ რატომ?
საბა: რას ჰქვია რატომ? მწვანე თვითმფრინავი არ მაქვს! შენ გაქვს? არა? ესე იგი, შენც უბედური ხარ!
         - მწვანე თვითმფრინავის გარდა, ბედნიერებას კიდევ რა მოგიტანდა?
         საბა: ალბათ, ბევრი ხილი. აი იმდენი, მთელო საწოლი რომ დაიფაროს, ჩავწვებოდი  და ასე ვეტყოდი: „როგორ მიყვარხარ! ხი-ი-ი-ი-ი-ლო!!!“ 
 „საბა ისე მაგრად მეხუტება, გამჭყლიტავს!“
          - ვინ არის თქვენს შორის უფრო დამჯერი?
           დავითი: დედიკო! მაგრამ, როდესაც კანფეტის და ხილის ყიდვას ვთხოვ,  არ მიჯერებს. მეუბნება, რომ ფულს დრაკონი გვპარავს! აუ, მაგას რომ დავიჭერ, მოვკლავ! 
 „დაეხმარეთ დედიკოს დრაკონის მოკვლაში, გთხოვთ!“
- ნინო, პირველ რიგში, რით შეგვიძლია, რომ დაგეხმაროთ?
ნინო: პროდუქტით! ამჟამად სხვა ვერაფერზე ვფიქრობ. სასადილოს საჭმელი ბავშვებს არ მოსწონთ. ვაძალებ ჭამას, როდესაც სხვა არაფერი მაქვს. ცარიელი პურით ვერ ნაყრდებიან. რამდენი ხანია, მათთვის გემრიელი არაფერი მომიმზადებია...
კიდევ მაგიდა გვჭირდება, პატარა მაგიდა. ის, რომელზეც ჭამენ, შეიძლება ნებისმიერ წამს გატყდეს. ერთი-ორი სკამიც. ბავშვებისთვის ტანსაცმელი და ფეხსაცმელი და კიდევ რამე ისეთი, მულტფილმებს რომ უყურონ. პლანშეტი, ან ტელევიზორი. ბავშვები საჩუქრებს ელოდებოდნენ საახალწლოდ, მაგრამ მერე აქეთ მამშვიდებდნენ, ალბათ გზაში დრაკონი ჩაუსაფრდაო.
 „საწოლი, მაგიდა, სკამი და სათამაშო მოედანი... ოღონდ ფრთხილად უნდა ვითამაშოთ, რომ არ ჩავარდეს“
- შევთანხმდით. საბა, დავით თქვენს ინტერვიუს ბევრი დეიდა და ბიძია წაიკითხავს. იტყვიან: „ვაიმე, რა კარგი ბიჭები არიან, გვინდა მათი ნახვა და მათთვის საჩუქრების მიტანა“. საჩუქრად რას ისურვებდით?
საბა: „კიდევ გაგიმეორო? ვერ იმახსოვრებ? ხილი მინდა და მწვანე თვითმფრინავი. კიდე ხილი, მწვანე თვითმფრინავი და მულტფილმები“
დავითი: „მეც მინდა სათამაშო და სპაიდერმენი!“
***
        საბასთვის და დავითისთვის, არასდროს, არავის არაფერი უჩუქებია. მათ მოიგონეს ბოროტი დრაკონი, და ყველაფერს მას აბრალებენ. არც კეთილი დეიდების და ბიძიების არსებობის სჯერათ. ჰგონიათ, რომ წარმოსახვითი დრაკონი, მათაც საჩუქრებიანად შეჭამს. მაგრამ, ჩვენ ხომ ყველამ ვიცით, თუ ერთად დავდგებით, ვერანაირი დრაკონი ვერ შეგვაშინებს. ხომ ვიცით, რომ პატარებს სიკეთის დაჯერება უფრო გაუხარდებათ. მითხარით, მეგობრებო, ნუთუ ბავშვებმა ასე უნდა იცხოვრონ? წარმოიდგინეთ, მათ თვალში ვინ იქნებით, თუ სპაიდერმენის ფორმას და ხილს აჩუქებთ? თქვენ სუპერგმირი იქნებით, რომელმაც ვერაგი დრაკონი დაამარცხა!
ნინოს და მის შვილებს, ჩვენი თანადგომა ძალიან სჭირდებათ. მადლობელი იქნებიან ნებისმიერი სახის დახმარებისთვის: პროდუქტი, ტანსაცმელი, ფეხსაცმელი, მაგიდა, სკამები, სათამაშოები, ტელევიზორი, პლანშეტი, უზომოდ გაუხარდებათ.
შეგიძლიათ თავად მოინახულოთ და შეძლებისდაგვარად გაუწიოთ მათ დახმარება. მისამართი: თბილისი, სანზონა, გუდამაყრის ქ. პირველი შესახვევი 2, ოთახი 214.
ყოველ ჯერზე, როდესაც ვინმეს დახმარება შეგიძლიათ, უბრალოდ გააკეთეთ ეს და გიხაროდეთ, რომ ღმერთი თქვენი მეშვეობით პასუხობს ვიღაცის ლოცვებს!
გვჯერა, რომ ერთად შევძლებთ დაუვიწყარი შთაბეჭდილებები ვაჩუქოთ მათ!
არ დაგავიწყდეთ ამ პოსტის გაზიარება, რათა თქვენმა მეგობრებმაც შეიტყონ ამ ოჯახის გასაჭირის შესახებ! ეს ძალიან მნიშვნელოვანია!
მეგობრებო, თქვენთან კიდევ ერთი თხოვნა გვაქვს - თუკი შეიტყობთ, რომ თქვენს ნაცნობს ან მეზობელს დახმარება სჭირდება, გთხოვთ გამოიჩინოთ გულისხმიერება და ამის შესახებ მოგვწეროთ ელექტრონულ მისამართზე: office-fsp@fsp.ge 
ჩვენი ფონდის ანგარიში:
#GE15TB7194336080100003
#GE42LB0115113036665000
#GE64BG0000000470458000
(დანიშნულება: ნინო კავთუაშვილი).
         თანხის ჩარიცხვა ასევე შეგიძლიათ ჩვენი ვებ-გვერდის მეშვეობით
ასევე, თანხის ჩარიცხვა შესაძლებელია TBCpay და ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ფონდის დამატებით უფლება- მოვალეობებს შეგიძლიათ გაეცნოთ ბმულზე https://goo.gl/GY2Gus).
ერთად, ჩვენ უკვე დავეხმარეთ უამრავ გაჭირვებულს. გავუმართოთ ხელი ამ ოჯახსაც! ვინ იცის, იქნებ სრულიად უცხო ადამიანების დახმარება ოდესმე თავადაც დაგვჭირდეს?! ცხოვრება ხომ მოულოდნელობებით არის სავსე!
შესანიშნავი სიახლე გვაქვს! ახლა შეგიძლიათ ჩვენი ბენეფიციარების ისტორიები წაიკითხოთ ინსტაგრამზე: https://www.instagram.com/chernovetskyi.fund/ და ტელეგრამზე: https://t.me/ChernovetskyiFund 
         სპეციალურ ნომერზე განხორციელებულ მხოლოდ ერთ ზარს, ადამიანის სიცოცხლის გადარჩენა შეუძლია: 0901 200 270! 
         დალოცვილები ყოფილიყავით!

აირჩიეთ თანხა:
გადახდის ხერხი:

რეგულარული გადახდების განსახორციელებლად შესვლა ან დარეგისტრირება.

ჩვენი ფონდის ანგარიშები:
GE15TB7194336080100003
GE42LB0115113036665000
GE64BG0000000470458000

მსგავსი პროექტები: