,,მოვიდა ჩემი ლამაზი გოგო! იცით, როგორ ვნატრობდი? იცით, როგორ დამეხმარება? ხომ დამეხმარები, საყვარელო?“ - ირინას წინ საოცნებო სარეცხი მანქანა იდგა, ქალი მას პატარა ბავშვივით ეტიტინებოდა, თან ვალსს ცეკვავდა... მერე ასე ცეკვა-ცეკვით საცხობი ღუმელისაკენ გადაინაცვლა. ახლა მას უთხრა, რომ ძალიან მალე უგემრიელეს ორცხობილას გამოაცხობდა. ამისთვის კი მისგან  მხოლოდ ,,მხურვალე გული“ და დროის კონტროლი ესაჭიროებოდა. აი, ასე იხსენებს კობა კრავჩენკო იმ დღეს, როდესაც ჩვენი ფონდის მეგობრების შემწეობით მისმა სოციალურად დაუცველმა ოჯახმა საჩუქრები მიიღო. ,,თავიდან მეგონა ცოლი გამიგიჟდა. აურაცხელი პრობლემის ფონზე მოულოდნელ სიხარულს ვერ გაუძლო. მერე მივხვდი, რომ ამდენი წლის თანაცხოვრების განმავლობაში ასეთი გახარებული ირინა არ მინახავს და მან თავისებურად გამოხატა ეს ემოცია. მაშინვე გავიქეცი. ტელეფონი მოვიტანე, რომ გადამეღო. მაგრამ მაინცდამაინც მაშინ ვერ ჩავრთე. გული მწყდება, ამ ყველაფრის დაფიქსირება რომ ვერ მოვახერხე...“ - გვითხრა კობამ.

,,მადლობა, რომ სიხარულით და საჩუქრებით აგვავსეთ!“

ნათესავის ქოხში შეხიზნული კობა კრავჩენკო მეუღლესთან, 20 წლის ქალიშვილთან და 13 წლის ვაჟთან ერთად  უმძიმეს პირობებში ცხოვრობს.  დიახ, ეს ის ოჯახია, რომელსაც ყოველთვის ესაჭიროება ადამიანების სულიერი და მატერიალური თანადგომა. ოჯახის ყველა წევრს შერყეული აქვს ჯამრთელობა ან თანდაყოლილი დაავადებებით იტანჯება.

კრავჩენკოს ოჯახის  შესახებ პოსტი ჩვენმა ფონდმა 2022 წლის 24 თებერვალს გამოაქვენა. იხ.ბმული: 

https://chernovetskyifund.ge/ge/projects/finished/841-kravchenko/

კობა, როგორ შეიცვალა თქვენი ცხოვრება მას შემდეგ, რაც ჩვენმა ფონდმა თქვენს შესახებ პოსტი გამოაქვეყნა?

კობა: ის ადამიანები, რომლებმაც ჩვენთვის თუნდაც მცირედი გაიმეტეს, ვერც კი წარმოიდგენენ, რამხელა სიხარული მოგვანიჭეს. ბედნიერებაა იმის გაგება, რომ მარტო არ ხარ და უამრავი კეთილი გულის არსებობას გრძნობ შენს სიახლოვეს. ეს შეგრძნება ყველა ჩვენნაირ ღატაკ ადამიანს ამშვიდებს. მერე ეს საჩურები... ეს ის ნივთებია, რომლებზე ოცნებასაც  კი ვერ გავბედავდით. 

,,ჩვენს ქოხში ყველაზე ღირებული ნივთები თქვენი საჩუქრებია!“

ირინა: კობას ცხოვრება შეიცვალა იმით, რომ მისი ცოლი 

კობა: შვილებიც! დიანას უკვე თავისი საწოლი აქვს. იგორი ახალ ტელევიზორს თვალს არ აცილებს. სულ მულტფილმებს უყურებს. ასე უფრო მშვიდად არის. თუ სადმე სხვაგან გადავრთავთ, მაშინ ყვირის, ტირის, ბრაზდება. თქვენ იცით, რომ იგორი ცერებრული დამბლითაა დაავადებული და მას საუბარი, დამოუკიდებლად გადაადგილება არ შეუძლია. სპეციალურ მოვლას საჭიროებს. ტელევიზორი დიდი შეღავათია ამ კუთხით ჩვენთვისაც.  ამიტომ ვთვლით, რომ ეს ტელევიზორი მისი პერსონალური საჩუქარია. 

,,თუ ტელევიზორს უყრებს, მშვენიერ ხასიათზეა!“

ირინა: დილაობით სანამ იგორი გაიღვიძებს, უნდა ნახოთ, ფეხაკრეფით როგორ მოიპარება ხოლმე დიანა პულტთან. გადართავს სერიალებზე და დაბალ ხმაზე უსმენს ხოლმე, იგორი რომ არ გააღვიძოს. თორემ თუ გაეღვიძა ,,დიქტატორს“, წასულია ჩვენი საქმე - მშვიდობით, ტელევიზორო!

,,დილით შემოპარული დიანა იგორის გაღვიძებამდე ტკბება ტელევიზორის ცქერით...“

ირინა: მე ყველაფერი გამიხარდა, პროდუქტი რომ გამოგვიგზავნეთ, მე და ჩემი მეუღლე სამი დღის მშივრები ვიყავით. ბავშვები რომ დაგვეპურებინა, ჩვენ არ ვჭამდით... ის მედიკამენტებიც ძალიან დროული იყო, თქვენი ფონდის წყალობით რომ ავიღეთ აფთიაქში. ჩვენ ავადმყოფი ადამიანები ვართ, მედიკამენტები უწყვეტად გვესაჭიროება. საწოლებმა გაგვახარა - იატაკზე წოლა ან ყველას ერთად ძილი აღარ გვიწევს. სარეცხი მანქანა კი ის ნივთი იყო, რომელსაც ყველაზე მეტად ვნატრობდი. ხომ წარმოგიდგენიათ, რა პირობებში მიწევდა რეცხვა?!

ირინა: დიახ, თქვენი გამოგზავნილი პროდუქტით გამოვაცხვე პირველი ნამცხვარი. მეორედ რომ გამოვაცხობ, აუცილებლად დაგპატიჟებთ.

კობა: მაცივარი რატომ დაგავიწყდა, ირინა? მაცივარმაც ხომ ძალიან გაგვახარა?

ირინა: რა თქმა უნდა! მაცივრის კარებს გააღებს დიანა, დახურავს... გააღებს, დახურავს... ამას ათასჯერ მაინც აკეთებს დღეში. თან ისე  უღიმის, თითქოს მაცივარი კი არა, მისი მეგობარი იყოს. მას ძალიან მოსწონს ჩვენი ახალი მაცივარი.

,,დიანა დღეში ათასჯერ მაინც აღებს მაცივრის კარს, იმდენად მოსწონს თქვენი საჩუქარი...“

კობა: აი, მაგაზე მწყდება გული, რომ არავინ მოდის ჩვენთან... მხოლოდ ფონდის წარმომადგენლები... ჩვენ კი სტუმრები გვიყვარს...

კობა: ღმერთმა გისმინოთ!

ირინა: ჩვენ გვყავს გამორჩეული მეგობარი სალომე ფაცაცია, რომელიც მოგვინახულებს ხოლმე დღესასწაულებზე - აღდგომას, ახალ წელს... ღმერთი ასმაგად დაუბრუნებს  ყველა სიკეთეს, რასაც ის გაჭირვებული ადამიანებისთვის აკეთებს...

კობა: მხოლოდ ოთხი თვის კომუნალურებს გვიხდიან 100 ლარის ოდენობით. თვეში 25 ლარი. დაგვპირდნენ ფსიქოლოგის მომსახურებას. თუმცა ჯერ არ სჩანს. ჩვენ უფრო მეტი დახმარება გვჭირდება. ეს ხომ ჩვენს დანგრეულ ქოხში ფეხის შემოდგმისთანავე იგრძნობა?! რა დიდი ,,გამოძიება“ სჭირდება ამას?! 

ირინა: ლეიბები, ბალიშები, პლედები, საბნები კარგი იქნებოდა... ასევე ტანსაცმელი, ფეხსაცმელი ჩემი შვილებისთვის... პროდუტი, მედიკამენტები და პამპერსები კი ყოველთვის გვჭირდება...

,,ჩვენი შვილები შეზღუდული შესაძლებლობების მქონენი არიან, ამიტომ მათ განსაკუთრებული მოვლა და მზრუნველობა სჭირდებათ!“

     სანამ მშობლებთან ვსაუბრობდით დიანა ჰაეროვან კოცნას გვიგზავნდა და მეგრულად გვიმეორებდა:  ,,მა სი მიორქ... მა სი მიორქ...“ (მე შენ მიყვარხარ. (მეგრ.). აუტისტი გოგონას ეს სიტყვები ყველა თქვენთაგანს ეკუთვნის, მეგობრებო, ვინც გულთან ახლოს მიიტანა ამ ოჯახის მძიმე მდგომარეობა, დაეხმარა ან ამის შემდეგ დაეხმარება მას... 

მოდით, თითოეულმა ჩვენგანმა ჩვენი კეთილი საქმეებით კიდევ ერთხელ   ვუპასუხოთ ამ შესანიშნავ გოგონას სიყვარულზე - მა ხოლო მიორქ ცირა, დიანა! (მეც მიყვარხარ, გოგო, დიანა! (მეგრ.)

***

თუკი გიმძიმთ საყოფაცხოვრებო სირთულეებისა და გადაუჭრელი საკითხების გამო, რამდენიმე წამით ყურადღება ჩვენს „ფეისბუქის“ პოსტებზე გადაიტანეთ; ან უმჯობესია, ჩვენს ნებისმიერ ბენეფიციარს დაურეკოთ და ყველა თქვენი პრობლემა უმნიშვნელოდ მოგეჩვენებათ იმათთან შედარებით, ვისაც მისი ცხოვრების ყველაზე მძიმე წუთს დაეხმარეთ.

       მათ პრობლემებთან შედარებით ჩვენი პრობლემები არაფერია! აი, ნამდვილი გაჭირვება! ის თქვენ წინაშეა! უფალს მადლობა შესწირეთ იმისთვის, რაც გაგაჩნიათ! თქვენ უბედნიერესი ადამიანი ხართ! გახსოვდეთ ეს და დაეხმარეთ შეჭირვებულებს.

       სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ, დროდადრო დაათვალიერეთ ხოლმე ამ საბრალო ხალხის ისტორიები ჩვენს ვებ-გვერდზე და ესაუბრეთ მათ. ყოველ ჯერზე, როდესაც მორიგი შეჭირვებული ადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! გააგრძელეთ ამ ოჯახების დახმარება! სწორედ ეს არის საუკეთესო ღვთისმსახურება!     

        მეგობრებო, თქვენთან კიდევ ერთი თხოვნა გვაქვს - თუკი შეიტყობთ, რომ თქვენს ნაცნობს ან მეზობელს დახმარება სჭირდება, გთხოვთ გამოიჩინოთ გულისხმიერება და ამის შესახებ მოგვწეროთ ელექტრონულ მისამართზე: office-fsp@fsp.ge

თქვენი სიკეთე, არის შესაძლებლობა, თავადაც ყველაფერში ბედნიერი რომ იყოთ!

მეგობრებო, კიდევ ერთხელ დიდი მადლობა ყველას!

      ჩვენი ფონდის ანგარიშია:

#GE15TB7194336080100003

#GE42LB0115113036665000

#GE64BG0000000470458000.

(დანიშნულება: კრავჩენკოების ოჯახი)

https://chernovetskyifund.ge/ge/projects/finished/841-kravchenko/ 

ასევე, თანხის ჩარიცხვა შესაძლებელია TBCpayდა ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ფონდის დამატებით უფლება-მოვალეობებს შეგიძლიათ გაეცნოთ ბმულზე https://goo.gl/GY2Gus).

            არაჩვეულებრივი სიახლე გვაქვს - ახლა ჩვენი ბენეფიციარების ისტორიები შეგიძლიათ წაიკითხოთ:

ინსტაგრამზე: https://www.instagram.com/chernovetskyi.fund/ და

ტელეგრამზე: https://t.me/ChernovetskyiFund.

სპეციალურ ნომერზე განხორციელებულ მხოლოდ ერთ ზარს, შეუძლია ვიღაცის სიცოცხლის გადარჩენა: 0901 200 270!

          დაფიქრდით იმაზე, რომ გაჭირვებულთა დახმარებით და მათი ტკივილის გაზიარებით, ჩვენ ვზრუნავთ საკუთარ სულზე და ვუახლოვდებით უფალს.