იატაკზე გვძინავს, ჩვენს ახალ სახლში, ბედნიერები ვართ და ყოველდღე გლოცავთ!

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებსაც მონაწილეობა მიიღონ ღვთისნიერ საქმეში!

„ნეტავ იცოდეთ, რა ტკბილია საკუთარ სახლში ძილი! - ამბობს ლიანა. - მე და ჩემს მეუღლეს იატაკზე გვძინავს, ოთახში, რომელიც ჯერ გარემონტებულიც არ არის. მაგრამ, ისეთი ბედნიერი ვარ, თითქოს ხუთვარსკვლავიანი სასტუმროს ნომერი იყოს. კედლები, სახურავი, ფანჯრები და კარი უკვე გვაქვს, დროთა განმავლობაში კი, უფლის წყალობით, დანარჩენიც იქნება.“

ამ ოჯახს თვალწინ დაეწვა სახლი. გარეთ გასვლა მოასწრეს, ცეცხლმა კი ნაგებობა სულ რამდენიმე წუთში შთანთქა. მეზობლებმა დროებით შეიფარეს სასოწარკვეთილი და გულმოკლული ადამიანები. ორნახევარი წელი ხან ერთ ოჯახს აფარებდნენ თავს, ხან მეორეს და სიცოცხლის ბოლომდე იქნებიან მათი მადლიერი. მაგრამ, როგორია, როდესაც საკუთარი კოვზიც კი არ გაქვს? როდესაც თავს უხერხულად გრძნობ და ფიქრობ, რომ ადამიანებს აწუხებ?!

რა ტკბილი გრძნობაა, როდესაც შენი ჭერი გაქვს, როდესაც საკუთარ სახლში გძინავს. ეს სახლი ყველამ ერთად, ერთობლივი ძალებით ავაშენეთ.

- ლიანა, რა გრძნობა დაგეუფლათ, როდესაც სულ პირველად შედგით ფეხი თქვენს სახლში და პირველად გაათიეთ აქ ღამე?

ლიანა: გამახსენდა ის საშინელება, რომელიც გამოვიარეთ. ჩვენი სახლი როგორ დაიწვა და ჩაიფერფლა ჩვენს თვალწინ, ჩვენ კი, ვტიროდით ყველანი. მეზობლები როგორ გვამშვიდებდნენ და თბილ ტანსაცმელს გვაწვდიდნენ. ნამწვის სუნი და კვამლი...

გამახსენდა, როგორ შენდებოდა ეს სახლი. ნათესავებიც და მეზობლებიც უსასყიდლოდ და თავდაუზოგავად რომ შრომობდნენ. უბრალოდ ერთმანეთზე კი არ აწყობდნენ ბლოკებს, არამედ საკუთარ სიყვარულს და სითბოს აქსოვდნენ საქმეში. როდესაც, თქვენი დახმარებით სახურავიც გადაიხურა, გულზე მომეშვა. ეს იმას ნიშნავდა, რომ ჩვენი ახალი სახლი სიზმარი არ იყო. შემდეგ, კარ-ფანჯარაც რომ მოიტანეს, საბოლოოდ დავრწმუნდი, ეს ყველაფერი ცხადში რომ ხდება.

ამ სახლში პირველად რომ დავრჩით, მთელი ღამე არ მძინებია. სიხარულისგან ვტიროდი, ტკბილმა მოგონებებმა და მოზღვავებულმა გრძნობებმა არ დამაძინეს. თქვენმა სიყვარულმა, თქვენმა სითბომ, თქვენმა თბილმა დამოკიდებულებამ ამატირა.

- ძალიან ემოციური ბრძანდებით, ლიანა, უსიტყვოდაც ჩანს თქვენი გრძნობები.

ლიანა: ყელში ბურთი მეჩხირება, მოიცადეთ, გამივლის და იმ ადამიანებისთვის, ვინც დაგვეხმარა ვეტყვი, რის თქმაც მსურს. უზომოდ ერთგული, გულკეთილი და გულისხმიერი ადამიანები ხართ.

დიდი პატივისცემითა და ყურადღებით ეპყრობით ყველას. სიყვარულისა და სითბოს უსაზღვრო მარაგი გაქვთ, რომელსაც უზიარებთ მათ, ვისაც ეს ასე ძალიან სჭირდება. მადლობას გიხდით იმისთვის, რომ მთელი ამ ხნის განმავლობაში, თქვენი სიყვარული სულიერი ჭრილობების მოშუშებაში გვეხმარებოდა. თითქმის მოგვიშუშდა კიდეც. უფალს ვთხოვ, მოგცეთ მშვიდობა, კეთილდღეობა და ჯანმრთელობა და ყველა ნატვრა აგიხდეთ.

ინვერი: არასდროს დამავიწყდება, რომ თქვენი დახმარების გარეშე, ფეხზე ვერ დავდგებოდით. მუდამ მემახსოვრება, რამდენი გააკეთეთ ჩვენთვის და როგორ მოიწადინეთ ჩვენი გადარჩენა. ყოველდღე გლოცავთ და ვლოცულობ თქვენთვის.

ლიანა: ძალიან მამაშვიდებდა, მკითხველები რომ მირეკავდნენ მამხნევებდნენ: „დაგეხმარები. თქვენთან ვარ ბოლომდე, სანამ სახლი არ აშენდება“. ან: „ყველაფერს გავაკეთებთ, ყველაფერი კარგად იქნება“. ადამიანი გასაჭირში რომ აღმოჩნდება, ბავშვივით იქცევა. მას სჭირდება ნუგეშისცემა, მოფერება და იმედი. თქვენ კი, ეს ყველაზე კარგად გეხერხებათ, ეს უკვე ზუსტად ვიცი.

– რომელიმე მკითხველს პირადად თუ შეხვდით?

ლიანა: უმშვენიერესი ქალბატონი ლალი გავიცანით, ხონიდან. შვილთან ერთად მოვიდა, საბნები და ლეიბები მოგვიტანა. მე და ჩემს მეუღლეს ამჟამად სწორედ ამ ლეიბებზე გვძინავს. მე ვუთხარი პირადად ლალის და ახლაც გავიმეორებ: „მადლობა, რომ როგორც ქალს ისე გამიგეთ. რომ მიხვდით, რა რთულია ცარიელ სახლში ცხოვრება, რა სირთულეები გვხვდება ყოველ ნაბიჯზე და რეალური დახმარება გაგვიწიეთ. გეხვევით, ძვირფასო ლალი, ყელში ბურთი მეჩხირება.“

სამხედროებიც გვეხმარებოდნენ ხონიდან. მადლობა, ბიჭებო. ეს ძალიან ღირსეული და დროული გადაწყვეტილება იყო.

- რა გჭირდებათ ახლა, როგორც დიასახლისს?

ლიანა: ახლა, სადაც არ უნდა გაიხედო, ყოველ ნაბიჯზე სირთულეები გვხვდება. მაგრამ, არ ვჩივი და არ ვწუწუნებ. ჩვენ ყველაფერს გავუმკლავდებით. რაც მთავარია, თავზე ჭერი გვაქვს.

საჭმელს ეზოში ვამზადებ. ახლა, ქურის ნაცვლად ვხმარობ ლითონის კონსტრუქციას. ვინარჩუნებ სისუფთავეს და წესრიგს. რა მოხდა, მერე? ადრე, ყველა ასე ამზადებდა საჭმელს და ჩვენც ვიცხოვრებთ ცოტა ხანს ასე, გავუძლებთ, სანამ ცხოვრება არ დალაგდება. სარეცხს ონკანის ქვეშ ვრეცხავ ხელით, ძველებურად. ცუდია, რომ კარგად არ მოდის წყალი.

ჯერჯერობით, ტანსაცმელს და ნივთებს იატაკზე მუყაოს ყუთებსა და ჩანთებში ვინახავთ. ჩემმა ქმარმა საკუთარი ხელით ხის პატარა მაგიდა ააწყო და ჩვენც ბედნიერები ვართ. სკამების გარეშე მაგიდასთან ვიკრიბებით ხოლმე, ვსადილებთ და ვიშლებით. ბავშვები არ წუწუნებენ, ყველაფერს უძლებენ და ესმით.

რამდენიმე დღის წინ, ფონდის თანამშრომელმა დათომ მოგვიტანა ორი საწოლი თავის ლეიბებით. ო, რამხელა ბედნიერება იყო! საწოლები ბავშვებს და დედამთილს დავუთმეთ, მათ უფრო სჭირდებათ. დედამთილს წნევა აწუხებს, იატაკზე ვერ დაიძინებს. არ მინდა, ჩემს შვილებს ხერხემალი დაუზიანდეთ. დიანას, გოგოს, სძინავს ჩემს დედამთილთან, ბიჭს კი მარტოს სძინავს სხვა ოთახში, როგორც თვითონ უნდოდა, თუნდაც შიშველ კედლებში.

- ზოგადად, სპარტანულია ეს პირობები, რთული, მაგრამ განწყობა ოპტიმისტური გაქვთ. ბავშვებმაც გვითხრან, რა სჭირდებათ ყველაზე მეტად?

დიანა: ჩემთვის მაშინ ვიოცნებებ, ნორმალურად რომ ვიცხოვრებთ. ახლა, ჩემთვის და ყველასთვის ყველაზე საჭირო ნივთებია: ტანსაცმლის კარადა, სარეცხი მანქანა, გაზქურა.

მალხაზი: ზუსტადაც, ტექნიკა უფრო გვჭირდება. მეც არ ვითხოვ ჩემთვის არაფერს.

დიანა: შეიძლება, მხოლოდ წიგნები გთხოვოთ? ძალიან მენატრება ჩემი დამწვარი ბიბლიოთეკა. ძალიან მაგარია, როდესაც ზაფხულში ახალი წიგნები გაქვს.

ლიანა: თვეში რამდენჯერმე გავდივარ სამუშაოდ ტკბილი პროდუქტების დასამზადებელ ცეხში. მაგრამ ეს მიზერია და მხოლოდ საკვებზე გვყოფნის.

 - ლიანა, ადგილობრივი ხელისუფლება თუ გამოგეხმაურათ, მონაწილეობა თუ მიიღეს თქვენი პრობლემების მოგვარებაში?

ლიანა: ამჯერად, ყველამ ერთსულოვნება გამოიჩინა. მათ ასევე შეიტანეს გარკვეული წვლილი ჩვენი ახალი სახლის მშენებლობაში.

 ინვერი: ყველაზე მთავარი ის არის, რომ ახლა სხვა ოჯახებში კი არ დავხეტიალობთ, არამედ ჩვენი საკუთარი კუთხე გვაქვს. მადლობა უფალს, რომ დაცული ვართ წვიმისა და ქარისგან! და მადლობა ყველა კეთილ ადამიანს, ვინც დაგვეხმარა! სწორედ თქვენისთანა ადამიანები არიან ამ სამყაროს საყრდენი და თქვენი წყალობით მივიწევთ წინ. თქვენი დამსახურებაა, რომ კვლავ ვირწმუნეთ ადამიანების სიკეთე. ასეთი რწმენის გარეშე ხომ, კაპიკად არ ღირს ჩვენი სიცოცხლე.

მეგობრებო, ძნელია ცხოვრების ნულიდან დაწყება. ზოგჯერ ამას შეიძლება დასჭირდეს წლები. მაგრამ ზერაგიების ოჯახმა თქვენგან დიდი მოტივაცია მიიღო. ლიანა და ინვერი მზად არიან ყველაფერს საკუთარი მძიმე შრომით რომ მიაღწიონ. იმისთვის, რომ ოდნავ მაინც გავუადვილოთ ეს ამოცანა, შეგიძლიათ დაეხმაროთ მათ ტექნიკით, ავეჯითა და ყველაზე საჭირო ნივთებით. გმადლობთ, კიდევ ერთი გადარჩენილი ოჯახისთვის და იმისთვის, რომ შეუნარჩუნეთ ამ ადამიანების სიკეთის რწმენა.

 თუკი გიმძიმთ საყოფაცხოვრებო სირთულეებისა და გადაუჭრელი საკითხების გამო, რამდენიმე წამით ყურადღება ჩვენს „ფეისბუქის“ პოსტებზე გადაიტანეთ; ან უმჯობესია, ჩვენს ნებისმიერ ბენეფიციარს დაურეკოთ და ყველა თქვენი პრობლემა უმნიშვნელოდ მოგეჩვენებათ მათთან შედარებით, ვისაც ცხოვრების ყველაზე მძიმე წუთს დაეხმარეთ.

მათ პრობლემებთან შედარებით, ჩვენი პრობლემები არაფერია! აი, ნამდვილი გაჭირვება! ის თქვენს წინაშეა! უფალს მადლობა შესწირეთ იმისთვის, რაც გაგაჩნიათ! თქვენ უბედნიერესი ადამიანი ხართ! გახსოვდეთ ეს და დაეხმარეთ შეჭირვებულებს.

სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ, დროდადრო გადახედეთ ხოლმე ამ საბრალო ადამიანების ისტორიებს ჩვენს ვებ-გვერდზე და ესაუბრეთ მათ. ყოველ ჯერზე, როდესაც მორიგი შეჭირვებული ადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! განაგრძეთ ამ ოჯახების დახმარება! სწორედ ეს არის საუკეთესო ღვთისმსახურება! 

მეგობრებო, თქვენთან კიდევ ერთი თხოვნა გვაქვს - თუკი შეიტყობთ, რომ თქვენს ნაცნობს ან მეზობელს სჭირდება დახმარება, გთხოვთ გამოიჩინოთ გულისხმიერება და ამის შესახებ მოგვწეროთ ელექტრონულ მისამართზე: office-fsp@fsp.ge 

თქვენი სიკეთე, არის შესაძლებლობა, თავადაც ყველაფერში ბედნიერი რომ იყოთ!

მეგობრებო, კიდევ ერთხელ დიდი მადლობა ყველას!

ჩვენი ფონდის ანგარიშები:

საქართველოს ბანკი #GE64BG0000000470458000

თი ბი სი ბანკი #GE15TB7194336080100003

ლიბერთი ბანკი #GE42LB0115113036665000 

 (დანიშნულება: ზერაგიების ოჯახი)

 თანხის ჩარიცხვა ასევე შესაძლებელია TBCpay, ExpressPay და PayBox (OPPA) ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ინფორმაციას ფონდის დამატებითი უფლება-მოვალეობების შესახებ შეგიძლიათ გაეცნოთ ბმულზე https://goo.gl/GY2Gus) 

ერთად, ჩვენ  დავეხმარეთ უკვე ათასობით შეჭირვებულს. გავუმართოთ ხელი ამ ოჯახსაც! ვინ იცის, იქნებ სრულიად უცხო ადამიანების დახმარება ოდესმე თავადაც დაგვჭირდეს?! რადგან არავინ იცის, რას გვიმზადებს ცხოვრება ხვალ!

 სპეციალურ ნომერზე: 0901200270 განხორციელებულ მხოლოდ ერთ ზარს ადამიანის სიცოცხლის გადარჩენა შეუძლია! დალოცვილები ყოფილიყავით!