თქვენ ჩემს შვილს სიხარული აჩუქეთ და ეს ფასდაუდებელია!

„ჩემი ბიჭი ბევრად აქტიური გახდა, ყოველთვის კარგ განწყობაზეა და ეს თქვენი დახმარებისა და მხარდაჭერის წყალობითაა!“ - მადლიერების სიტყვებით და ბედნიერი ღიმილით გვეგებება დედა, ჟანა. – „მალე შემოდით და ნახეთ, როგორ შეიცვალა ჩემი გიგი!“

განა 11 წლის ბიჭს, რომელსაც მიკროცეფალიისა და ცერებრული დამბლის ურთულესი დიაგნოზი აქვს, ბედნიერებისთვის ბევრი რამ სჭირდება? როგორც აღმოჩნდა, ახალი ტელევიზორი სრულიად საკმარისია მისი და მისი საბრალო დედის განწყობის ასამაღლებლად, რომელიც შვილის ჯანმრთელობისა და კეთილდღეობისთვის სულ მარტო იბრძვის. მათი სევდიანი ამბავი ახლახან მოგიყევით პოსტში: „ჯერ ისევ ბავშვია... და რამდენი ტანჯვის გავლა უწევს“ https://chernovetskyifund.ge/ge/projects/finished/610-engoyan

„გიგი ნამდვილი მუსიკოსი გვყავს! როცა ბედნიერია, ქვაბების სახურავებით რახარუხი გააქვს... როგორც მედოლეს. საჩუქრების მიიღება სწორედ ასე აღნიშნა. აბა, ახლა წარმოიდგინეთ, რა შთაბეჭდილება მოახდინა მასზე ახალმა, დიდმა ტელევიზორმა! მუსიკის გარეშე დღე არ გადის! როცა მას ასეთ ხასიათზე ვხედავ, სიხარულისგან ტირილი მინდება...“ - სიხარულის ცრემლებს ძლივს იკავებს დედა, ჟანა.

საქართველოში ყველაზე თბილი, კეთილი და მზრუნველი ხალხი ცხოვრობს! აქ ყველა ერთმანეთს ეხმარება. ჟანა და გიგი თქვენს გულწრფელ მხარდაჭერას ნამდვილად გრძნობენ და იციან, რომ მარტონი აღარ არიან! მათ ახლა სულ სხვა განწყობა აქვთ და ამ მძიმე სენთან საბრძოლველად ძალაც შეემატათ.   

„ქვეყნად კეთილი ხალხი ჯერ არ გადაშენებულა“, - გვეუბნება მადლიერების გრძნობით აცრემლებული ჟანა. – „ვიცოდი, რომ ფონდი ხალხს ეხმარება; ბევრი სხვადასხვა ამბავი წამიკითხავს და მინახავს, მაგრამ როცა შენ და შენი შვილი ამ ამბის მონაწილეები თავად ხართ, ემოციებს ძლივს ერევი. წერილი კი მოგწერეთ, მაგრამ არ ვიცოდი, ეს ყველაფერი როგორ ხდებოდა.

და უცებ, გარკვეული დროის შემდეგ, გვირეკავენ და გვეკითხებიან, რა სახის ტექნიკა გჭირდებათო. რა თქმა უნდა, ტელევიზორი მეთქი. ჩვენი იმდენი წელი ვამუშავეთ, რომ უკვე დაძველდა... ეკრანი წარამარა შავდებოდა და ცუდი ხმა ჰქონდა, გიგისთვის კი ხმებს განსაკუთრებული მნიშვნელობა აქვს.

500 ლარის საფენებიც გვაჩუქეს. ეს ძალიან დიდი დახმარებაა, რადგან ისინი სულ ძვირდება, გიგის კი დღეში, ყველაზე ცოტა, ექვსი ცალი სჭირდება.

მინდა გულწრფელი მადლობა გადავუხადო ყველას, ვინც თანხა გადმორიცხა და ჯანმრთელობა და კეთილდღეობა ვუსურვო. თქვენ მე ძალა და გამბედაობა შემძინეთ და უკეთესი მომავლის რწმენა განმიმტკიცეთ. ჩემი შვილის ბედნიერება ჩემთვის ყველაზე ძვირფასი და ყველაზე დიდი განძია. თქვენ მას სწორედ ეს ემოციები აჩუქეთ.

(ჟანა ძალიან ღელავს; ჩერდება და სულს ითქვამს).

– გიგი არაჩვეულებრივი ბიჭია. თავის დიდ სიხარულს როგორ გამოხატავს?

ჟანა: მთელი გულით იცინის, შინაურებს გვეხუტება და უნდა, რომ მოგვეფეროს. საჩუქრებს ვაჩვენებდით და ვეკითხებოდით: „მოგწონს?“, ის კი თავს გვიქნევდა, აქტიურ ინტერესს იჩენდა. როცა ასეთ განწყობაზე ვხედავ, ბედნიერებისგან ტირილი მინდა, ჭკუიდან ვიშლები.

ჩემს ბიჭს ძალიან უყვარს სურათების გადაღება. როცა ფონდის თანამშრომელი, დავითი, პოსტისთვის სურათების გადასაღებად მოვიდა, ჩემმა შვილმა ის მაშინვე იცნო და ძალიან გაუხარდა. დიდი სიამოვნებით პოზირებდა, თავს აბრუნებდა.

როცა ბედნიერია, ქვაბების სახურავების რახუნი უყვარს. დიახ, სამზარეულომდე მიხოხავს, სახურავებს იპარავს და არახუნებს. საჩუქრების მიღებაც ასე აღნიშნა.

– როგორც დასარტყამ ინსტრუმენტებს, ისე იყენებს, არა?

ჟანა: დიახ, ჩვენი მუსიკოსი და კომპოზიტორია. სახურავებს ვერ ვართმევთ, სანამ თვითონ არ გადაწყვეტს, რომ მოგვცეს. აბა, ახლა წარმოიდგინეთ, რა შთაბეჭდილება მოახდინა მასზე ახალმა, დიდმა ტელევიზორმა! ჩემი შვილი დილიდანვე მანიშნებს, რომ მუსიკა უნდა ჩავრთო. სწრაფ, რიტმულ სიმღერებს ვურთავ, როგორიც მას მოსწონს. უცხოურ სიმღერებზე გიჟდება; კლუბური, ხმაურიანი მუსიკაც ძალიან იტაცებს. გიგი ქანაობას იწყებს, მოძრაობს, ტაშს უკრავს... ჟურნალის მაგიდაზე ვსვამთ ხოლმე.

ახალ ტელევიზორს ძალიან კარგი ხმა აქვს და ჩემს ბიჭს ისე უხარია! მისი საყვარელი მულტფილმია „გოჭი პეპა“. წარმოიდგინეთ, თან დიდ ეკრანზე! ღმერთმა ყველას ჯანმრთელობა მოგცეთ! არც ერთი სერია არ გამოუტოვებია, პრესონაჟებთანაც თავისებურად ურთიერთობს.

პლაზმური ტელევიზორი კედელზე ისეთ სიმაღლეზე დავკიდეთ, რომ გიგი ვერ მისწვდეს, ზედ რომ არ დაეცეს. გიგი ძალიან მსუბუქია - მხოლოდ 18კგ. და 300 გრამს იწონის. თავიდან ტელევიზორის ახალ ადგილს ვერ ეგუებოდა, მაგრამ ახლა ყველაფერი რიგზეა.

– გიგის გამოკვლევებთან დაკავშირებით რა ხდება?

ჟანა: ჩერნოვეცკის ფონდმა „ავერსის“ კლინიკაში გამოკვლევა - ნეიროქირურგთან და ნევროლოგთან ვიზიტი დაგვიფინანსა.

იმედი მაქვს, რომ გიგის მდგომარეობაში შეიძლება სერიოზული წინსვლა იყოს. საფუძველი გვაქვს ასე ვიფიქროთ - ბოლო ექვსი წლის განმავლობაში ჩემი ბიჭი ძალიან აქტიური გახდა, ცოცვით გადაადგილდება, კედელს მოჭიდებულს შეუძლია სხვა ოთახამდე მიაღწიოს. როცა მასში ასეთი ცვლილებები შევნიშნე, უფრო დიდი ბინა ვიქირავეთ (იმ თანხით, რასაც მერია გვაძლევს). აქ უფრო დიდი ფართია და ვხედავ, ბავშვი როგორ იცვლება, უფრო გახსნილი ხდება... პროგრესი გვაქვს! გიგის ბებიამ, მარინამ, მას ბევრი რამ ასწავლა - ჯდომა, ხელში ნივთების ჭერა; მუდამ ზღაპრებს უკითხავს. გიგიც ყველაფერს ითვისებს, მაგრამ წინ რომ წავიდეთ და გარკვეული ნაბიჯები გადავდგათ, ფინანსებია საჭირო. ასეთ თანხებს მარტო ვერაფრით გავწვდებოდით. ჩვენი ოჯახი უზომოდ მადლიერია ყველაფრისთვის, რასაც აკეთებთ. მხარდასაჭერად თქვენ სწორედ ყველაზე რთულ დროს მოდიხართ.

– ადგილობრივმა ხელისუფლებამ რაიმე სახის დახმარება თუ შემოგთავაზათ ან პოსტის გამოქვეყნების შემდეგ, ინტერესი თუ გამოიჩინა?

ჟანა: ახალი არაფერია. ჩემი შვილის მონაცემები ბაზაში უკვე აქვთ. იციან, რომ ის პირველი ჯგუფის შშმ პირია, ვითარება მათთვის ცნობილია. წელიწადში ერთხელ შემიძლია დახმარება რაიონის ადმინისტრაციას ვთხოვო, მაგრამ უნდა ავირჩიო, რა ვითხოვო: საფენების სამი-ოთხი შეკვრა, 150 ლარი თუ წამლები (თან ახსნა განმარტებაც უნდა დავწერო და სამედიცინო ცნობაც უნდა წარვუდგინო). რა თქმა უნდა, ყოფილა შემთხვევა, როცა საფენებიც მოუციათ და წამლებიც, მაგრამ სამწუხაროდ შარშან, 2020 წელს, მსგავსი არაფერი მომხდარა.

არადა, საფენები მუდმივად გვჭირდება, რადგან გიგი იატაკზე ძალიან დიდ დროს ატარებს და ცივდება. ჩვენ ხომ ბინას არ ვათბობთ... ელექტრო გამათბობელს ვიყენებთ, მაგრამ იშვიათად.

თქვენ საფენებით საკმაოდ დიდი ხნით უზრუნველგვყავით - ნაჩუქარი მარაგიდან ორ-ნახევარი შეკვრა ჯერ კიდევ დაგვრჩა.

– დღესდღეობით რა გჭირდებათ?

ჟანა: თხოვნა ძალიან მეუხერხულება. ფონდმა ჩვენთვის უკვე იმდენი გააკეთა... მაგრამ თუ შესაძლებელია, იქნებ სპეციალური, გორგოლაჭებიანი ყავარჯნები მოგვაწოდოთ შეზღუდული შესაძლებლობების მქონე ბავშვებისთვის. მსგავსი მოწყობილობა ინსულტგადატანილი ზრდასრულებისთვის არსებობს, მაგრამ გიგი მის გამოყენებას ვერ შეძლებს.

თუ მოხერხდება - სარეცხი მანქანა. ჩვენი უკვე სულს ღაფავს, ძველია და დაჟანგული. ხშირად ვრეცხავთ, გიგის თეთრეულს და ტანსაცმელს ხშირად ვუცვლით. ზამთარში კომბოსტოსავით ჩაცმული დადის, რადგან სახლში ცივა, ის კი მთელ დროს იატაკზე ატარებს... და რა თქმა უნდა, საფენებიც გვჭირდება.

სანამ ჩემი ბიჭი დამოუკიდებლად სიარულს არ ისწავლის (რისი მოლოდინიც მაქვს და უფლის იმედად ვარ!) საბავშვო ეტლით სასეირნოდ გამყავს ხოლმე. იცით, ჩემი ბიჭი მთელ რაიონში ძალიან უყვართ. პოსტის გამოქვეყნების შემდეგ კი მის მიმართ ყურადღება გასამმაგდა. როცა ქუჩაში ვსეირნობთ, ხან ერთი მეზობელი ჩაგვივლის სიტყვებით: „გიგი, ინტერნეტში გნახე!“, ხან მეორე - „ბიჭო, უკვე ცნობილი ხარ!“ ქალი, რომელიც ტკბილეულს ყიდის, თავისთან გვიხმობს და კანფეტებს აწვდის: „თქვენი გიგის შესახებ ამბავი გავიგე“. სხვათა შორის, ის ქალი გიგის სიმპათიაა... ჩემს შვილს ისე სიამოვნებს! მისთვის კი ძალიან მნიშვნელოვანია, რომ თავს მარტო არ გრძნობდეს. ეს ფრთებს ასხამს. არა, ჩვენი ხალხი მაინც ყველაზე თბილი, კეთილი და საუკეთესოა. საქართველოში ყველა ერთმანეთს ეხმარება.

– ძალიან სასიამოვნოა თქვენგან სიყვარულით სავსე სიტყვების მოსმენა და იმის ცოდნა, რომ იმედით და საბრძოლველი ენერგიით ხართ სავსე.

ჟანა: თქვენ მე ძალა მომეცით! და ახლა საახალწლო განწყობაც მაქვს! ჩვენი ყოველდღიური ცხოვრება ჯანმრთელი ბავშვების ცხოვრებისგან ძალიან განსხვავდება, მაგრამ სიხარულისთვის ადგილი ჩვენთანაცაა. გიგის დღესასწაულები ისევე უყვარს, როგორც სხვა ბავშვებს. ლამაზად მორთული ნაძვის ხე აქვს, განათებით. სათამაშო მუსიკალური მიკროფონი ვაჩუქე და აღფრთოვანებულია. ახალი წლის ღამეს არც გიგის უნდა დაძინება, სანამ ფეიერვერკებს არ ნახავს.

მინდა ახალ წელს ყველა მკითხველს ჯანმრთელობა და ბედნიერება ვუსურვო.

***

მეგობრებო, ხომ ხედავთ, რა ძალა აქვს კეთილ საქმეებს? ეს ძლიერ ტალღას ჰყავს - ყურადღებით და გიგის პრობლემებში ჩართულობით თქვენ გიგის დედას, ჟანას იმედი ჩაუსახეთ. ის გულწრფელ მხარდაჭერას გრძნობს, ახლა სულ სხვანაირი განწყობა აქვს და შვილის ჯანმრთელობისთვის ბრძოლის გასაგრძელებლადაც მზად არის. ამას გიგიც გრძნობს! ბავშვები მშობლების განწყობას ყოველთვის ხვდებიან და გრძნობენ.

ჩვენ მათ შუა გზაზე მარტო ხომ არ მივატოვებთ? მარტო პრობლემების, საჭიროებების და განცდების წინაშე. მით უმეტეს, როცა ვიცით, რა სჭირდება ამ ოჯახს - საფენები, სარეცხი მანქანა, ყავარჯნები შეზღუდული შესაძლებლობის მქონე ბავშვისთვის.

რა თქმა უნდა, ჩვენ მათ დავეხმარებით. საქართველოში ყველა ერთმანეთს ეხმარება.

და თუკი გიმძიმთ ყოფითი სირთულეებისა და გადაუჭრელი საკითხების გამო, რამდენიმე წამით გადაიტანეთ თქვენი ყურადღება ჩვენ FB პოსტებზე; ან უმჯობესია, დაურეკოთ ჩვენს ნებისმიერ ბენეფიციარს და ყველა თქვენი პრობლემა უმნიშვნელოდ მოგეჩვენებათ იმათთან შედარებით, ვისაც მისი ცხოვრების ყველაზე მძიმე მომენტში დაეხმარეთ.

მათ პრობლემებთან შედარებით ჩვენი პრობლემები არაფერია! აი, ნამდვილი გაჭირვება! ის თქვენ წინაშეა! უფალს მადლობა შესწირეთ იმისთვის, რაც გაგაჩნიათ! თქვენ უბედნიერესი ადამიანი ხართ! გახსოვდეთ ეს და დაეხმარეთ გაჭირვებულებს!

სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ დროდადრო დაათვალიერეთ ხოლმე ამ საბრალო ხალხის ისტორიები ჩვენს ვებ-გვერდზე და ესაუბრეთ მათ. ყოველ ჯერზე, როცა მორიგი უბედური ადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! გთხოვთ, განაგრძოთ ამ ოჯახების დახმარება. სწორედ ეს არის საუკეთესო ღვთისმსახურება!

თქვენი სიკეთე – ეს არის შესაძლებლობა, რომ თავადაც ყველაფერში ბედნიერი იყოთ!

კიდევ ერთხელ, დიდი მადლობა თითოეულ თქვენგანს, მეგობრებო!

ჩვენი ფონდის ანგარიშია:

#GE15TB7194336080100003

#GE42LB0115113036665000

#GE64BG0000000470458000.

(დანიშნულება: ენგოიანების ოჯახი).

თანხის გადმორიცხვა შეგიძლიათ ჩვენი ვებ-გვერდის მეშვეობითაც https://chernovetskyifund.ge/ge/projects/610-engoyan/

თანხის ჩარიცხვა ასევე შესაძლებელია OPPA, TBCpay, ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ფონდის დამატებით უფლება-მოვალეობებს შეგიძლიათ გაეცნოთ ბმულზე https://goo.gl/GY2Gus).

ერთი ზარი გადაარჩენს სიცოცხლეს - 0901 200 270

დაფიქრდით იმაზე, რომ ჩვენ სწორედ გაჭირვებულთა დახმარებით და მათი ტკივილის გაზიარებით ვზრუნავთ საკუთარ სულზე და ვუახლოვდებით უფალს!