შორენა ბედნიერია, უზომოდ ბედნიერი! მისი შვილები შიმშილისგან მუცელზე ხელს აღარ იდებენ და აღარ ეუბნებიან, რომ ის ერთი ნაჭერი პური ძალიან გემრიელი კი იყო, მაგრამ ძალიან ცოტაა და... კიდევ უნდათ! 

ციდან თოვლის ნაცვლად, კანფეტები რომ ცვიოდა - ეს სიმღერა მარიამს ბაღში ასწავლეს და  გვითხრა, რომ აუსრულდა...

       ახლა სამი წლის მარიამს გოჭ პეპასთან ერთად მშვიდად სძინავს და ღამღამობით აღარ ტირის. რვა წლის გიორგის შეუძლია, გაკვეთილებს დისტანციურადაც დაესწროს, სწავლას აღარ ჩამორჩეს.

 მას უკვე პლანშეტიც და პერსონალური კომპიუტერიც აქვს. აღარც თავად შორენას უწევს ეზოში, ონკანთან საათობით დგომა, ცივ წყალში რეცხვა და მერე, კვირაობით ავადმყოფობა...

,,ერთი სული მაქვს, როდის ჩავრთავ...“

     ,,ბოლო რამდენიმე თვეა, თითქოს ზღაპარში ვცხოვრობ. ვიღაცას, ვისაც ჩემნაირი გაჭირვება არ გამოუცდია, გაეცინება, ეს რა ზღაპარიაო...  მაგრამ ჩემთვის, ეს ყველაფერი ნამდვილ  ზღაპარს ჰგავს!  ნაჭამი შვილები, საოჯახო ტექნიკა და ბინით დაკმაყოფილების მოლოდინი - ამაზე ხომ ოცნებასაც ვერ გავბედავდი?  მოგმართეთ და უცებ, ყველაფერი შეიცვალა... დიახ, ისევე როგორც ზღაპარში... კეთილი ჯადოქარი რომ გამოჩნდება ხოლმე...“

     შორენა დავითაია ოცდათექვსმეტი წლის მარტოხელა დედაა. ის, ორ მცირეწლოვან ულამაზეს ქალ-ვაჟთან ერთად, ნაქირავებ ბინაში ცხოვრობს. შორენას გაჭირვების და შიმშილის მეტი, არაფერი უნახავს ცხოვრებაში...

დავითაიების ოჯახის შესახებ ჩვენმა ფონდმა სტატია 2021 წლის 28 სექტემბერს გამოაქვეყნა. იხ. ბმული:

https://chernovetskyifund.ge/ge/projects/finished/776-davitaia/description/

         - შორენა, მოგვიყევით, რა არის თქვენი ბედნიერების მიზეზი?

        შორენა: ჩემი ბედნიერების მიზეზი ის ფასდაუდებელი გვერდში დგომა და სიკეთეა, რაც სრულიად უცნობმა ადამიანებმა ჩემი შვილების, ჩემი ოჯახის მიმართ გამოიჩინეს.  რაც თქვენმა ფონდმა გააკეთა... არ ვიცი, როგორ გითხრათ... ალბათ, ყველაზე ძვირფასი საჩუქარი იყო, რაც კი ოდესმე მიმიღია. გამოქვეყნდა პოსტი თუ არა, ადამიანებმა დაიწყეს  რეკვა, სტუმრობა. მოგვდიოდა უამრავი საჩუქარი, პროდუქტი. ვინ არ შეწუხდა, ვინ არ გამოგვეხმაურა... მათი ჩამოთვლა შეუძლებელია!  იცით, მე უბრალოდ დავიჯერე, რომ ყველაზე კეთილი ადამიანები საქართველოში ცხოვრობენ!

         - შორენა, ალბათ, ბევრი მეგობარი შეიძინეთ, ყველაზე მეტად ვინ დაგამახსოვრათ თავი?

          შორენა: ყველა მახსოვს, ვინც კი, თუნდაც უბრალოდ დამირეკა და მანუგეშა.  შესაძლოა, ისინი  სახელებით და გვარებით ვერ გავიხსენო, რადგან ზოგმა არც გაამხილა, მაგრამ მე მათი სახეები, მათი ხმა არასდროს დამავიწყდება! მიხარია, რომ თქვენი მეშვეობით ისევ მეძლევა საშუალება  მადლობა გადავუხადო ამ ადამიანებს. პირველ რიგში, დიდი მადლობა თქვენს გამომწერებს, თქვენს ფონდს. ვისურვებდი, რომ მუდამ არსებობდეთ მრავალი ჩემნაირი გაჭირვებულის საიმედოდ. მადლობა იმ საჩუქრებისთვის, რომლებმაც ჩემი უკიდურესი გაჭირვებული ცხოვრება უკეთესობისკენ შემოაბრუნა. მადლობა ქალბატონ ფიქრიას, ქალბატონ იამზეს, რომლებმაც იზრუნეს ჩემი შვილების საკვებსა და ჰიგიენურ ნივთებზე. მადლობა მაკას და აჩიკოს - არაჩვეულებრივ ცოლ-ქმარს. ისინი არაერთხელ დაგვეხმარნენ და კვლავ აგრძელებენ ჩვენთან ურთიერთობას. მადლობა ქალბატონ ნინოს მცხეთიდან, ბატონ სოსო გაგნიძეს, თენგიზ რუაძეს, ნატო გელაშვილს. მათ უამრავი საჭირო ნივთით მოგვამარაგეს. მადლობა უცნობ გოგონას ვაკიდან, საბურთალოს მაცხოვრებლებს, რომლებიც გაერთიანდნენ ჩვენს დასახმარებლად და უამრავი პროდუქტი გამოგვიგზავნეს. მადლობა ფონდ თანადგომას, წმინდა ნაზარ ლეჟავას ფონდს, რომლებიც ასე ზრუნავენ გაჭირვებულებზე. მადლობა ბაია დვალიშვილს სტუმრობისთვის, სიყვარულისთვის, სითბოსთვის. არ შემიძლია, არ გავიხსენო ორი ახალგაზრდა სტუდენტი გოგონა, როლებიც ჯგუფელებთან ერთად მოვიდნენ ჩვენთან, უამრავი პროდუქტი და სათამაშოები მოგვიტანეს. აი, ასეთი ახალგაზრდობა ჰყავს დღეს საქართველოს და მე ეს ძალიან მახარებს! მათი ნაჩუქარი გოჭი პეპა (ფუმფულა სათამაშო) ჩემი მარიამის განუყრელი მეგობარი გახდა - მასთან ერთად იძინებს და დადის ბაღში. გოჭი პეპა და მარიამი ტკბილეულსაც მეგობრულად იყოფენ, ხომ ასეა, მარიამ? (იღიმის და შვილს მიმართავს.)

  მარიამი: მაგრამ პეპა უფრო ღორმუცელაა...

      გიორგი: მარიამიც არ არის ნაკლები, ამდენი ტკბილეული რომ დაინახა, ყველაზე  დიდები და გემრიელები თავისთვის ამოირჩია... 

           - ტკბილეული  ბევრი იყო, შენც ხომ შეგხვდა, გიო?

          გიორგი: კი, იმდენი იყო... დაუთვლელი... ძალიან გამიხარდა. აი, სულ გახარებული დავდიოდი. მინდოდა, ადრე რაც არ გამესინჯა, ყველა ერთად შემეჭამა, მაგრამ ბევრი ტკბილეული მუცელს აგატკივებსო - დედამ მითხრა.  მერე, ჩემს მეგობარსაც ვაჭამე პირველად...

,,კანფეტებო, სულ შეგჭამდით, დედიკო რომ არ მიშლიდეს!“

               - პირველად რატომ?

           გიორგი: აქამდე მე თვითონ არ მქონდა, მისთვის როგორ  წამეღო?! ახლა კი, როდესაც მომიტანეს - ჩემი მეგობარი გამახსენდა ... ის სულ მიყოფდა ხოლმე კანფეტებს.

               - გიორგი, საჩუქრებიდან კიდევ რა გაგეხარდა?

           გიორგი: ტელევიზორი არასდროს მქონია, არც კომპიუტერი და პლანშეტი... ახლა სამივე მაქვს! დედამ მითხრა, ტელევიზორი და პლანშეტი ფონდმა მოგვიტანაო. 

,,ძალიან მაგარია, ზუსტად ისეთია, როგორიც მინდოდა!“

გიორგი და მარიამი საბავშვო გადაცემას დიდი ინტერესით უყურებენ.

              - თუ იცი, ფონდი რას ნიშნავს?

         გიორგი: ალბათ, ის ადგილია, სადაც ბევრი კეთილი ადამიანი მუშაობს! (ეშმაკურად მიღიმის და განაგრძობს ჩამოთვლას.) კომპიუტერი, მაკა დეიდამ გვაჩუქა. ცამდე ბედნიერი ვარ. სკოლაში ონლაინ გაკვეთილები რომ გვქონდა, ვერ ვესწრებოდი... ახლა მულტფილმებსაც ვუყურებ, გაკვეთილებსაც ვესწრები...

              - სწავლა გიყვარს?

         გიორგი: დიახ! ყველაზე ძალიან ,,მე და საზოგადოება“ მიყვარს, იმდენ საინტერესო რამეებს გვასწავლიან...

             - დიდი რომ გაიზრდები, ვინ გინდა იყო?

        გიორგი: იურისტი.

            - იცი, იურისტები რას აკეთებენ?

        გიორგი: დიახ, ვისწავლე! ისინი წესრიგს იცავენ, კანონებს იცავენ, დამნაშავეებს იჭერენ, ბევრ კარგ საქმეებს აკეთებენ.

       - მარიამ, შენ რა გაგეხარდა ყველაზე მეტად?

       მარამი: გოჭი პეპას სათამაშო.  კიდევ თოჯინა და ეტლი...

        გიორგი: ხო, მე დამავიწყდა მეთქვა - პულტიანი მანქანაც ძალიან გამიხარდა...

       შორენა: არასდროს მქონდა საშუალება, მათთვის სათამაშოები რომ შემეძინა. ღმერთო ჩემო! სათამაშოებზე ვინ ფიქრობდა, როდესაც საჭმლისთვის არ გვრჩებოდა ფული?! მხოლოდ ქუჩაში ნაპოვნი სათამაშოები ჰქონდათ ჩემს შვილებს, მხოლოდ სხვა ბავშვების მიერ გადაგდებული, დამტვრეული მანქანები, დაგლეჯილი თოჯინები...

        - შორენა, საჩუქრებიდან თქვენ რა გაგეხარდათ ყველაზე მეტად?

        შორენა: სარეცხი მანქანა, გაზქურა, მაცივარი და ჩემი შვილების ბედნიერი თვალები, რადგან ესეც თქვენ მაჩუქეთ!

,,არ მჯერა, რომ დღეიდან სადილს ძველ, ჟანგიან ბალონზე აღარ მოვამზადებ...“

         - ადგილობრივი ხელისუფლებიდან თუ გამოგეხმაურათ ვინმე?

        შორენა: დიახ. ამ პოსტის შემდეგ დაგვირეკეს და გვითხრეს, რომ ბინა შეგვერჩია, რომელსაც ჩვენთვის შეისყიდიან და დაგვაკმაყოფილებენ საცხოვრებელი პირობებით. ჩვენ უსახლკაროებში ვირიცხებით, ცოტა ხანში კი, ჩვენი სახლი გვექნება. არ მჯერა, რომ ეს ყველაფერი ჩემს თავს ხდება. 

        - შორენა, მალე მომელოცოს თქვენი საკუთარი ჭერი. 

        შორენა: რომ იცოდეთ, რა გაუსაძლისია ქირით ცხოვრება. თვე ისე მალე გადის... გადასახადიდან გადასახადამდე, სულის მოთქმას ვერ ასწრებ. იმ მცირე დახმარებით, რომელსაც სოციალური სამსახური გვაძლევს, თავის გატანაც კი შეუძლებელია, არა თუ ქირის გადახდა. საოცრებაა და თავადაც მიკვირს, აქამდე როგორ მოვიტანეთ თავი, როგორ გადავრჩით? თქვენთან რომ დავრეკეთ, მართლა უკიდურესი მდგომარეობა გვქონდა! მშიერი ბავშვები ტელეფონზე საუბარსაც არ მაცდიდნენ. სიმართლე გითხრათ, ამდენ გამოხმაურებას და ასეთ მხარდაჭერას არ მოველოდი... 

        - ჩვენ შევეცადეთ რამდენიმე ლამაზი დღე გვეჩუქებინა თქვენთვის და თქვენი შვილებისთვის. მაგრამ თქვენი პრობლემები ამით არ დასრულებულა...

        შორენა: პრობლემებს რა გამოლევს, როდესაც შენი სტაბილური შემოსავალი, მხოლოდ სოციალური დახმარებაა. მე ვერ ვმუშაობ, რადგან მცირეწლოვანი ბავშვები მყავს. თუმცა, დღესდღეობით არც სამსახურის შოვნაა  მარტივი... პროდუქტი, ტანსაცმელი და საოჯახო ნივთები კი, ყოველთვის გვჭირდება. მადლობა მარიამს, რომ პამპერსებს გადაეჩვია... (იღიმის.) ეს დიდი შეღავათია. სანამ თქვენს საჩუქრებს მივიღებდით, საკუთარი არაფერი გვებადა, ერთი ჟანგიანი გაზის ბალონის გარდა, რომლის დატენვასაც, ყოველთვის ვერც კი ვახერხებდი... შეხედეთ საოჯახო ნივთებს, ავეჯს და ჭურჭელს რომელსაც ვიყენებთ. ასეთებს, მხოლოდ სანაგვეზე თუ შეხვდებით...

         მეგობრებო, ამით, ამ ოჯახის გასაჭირი არ დასრულებულა... მათ კვლავ სჭირდებათ ჩვენი გვერდში დგომა, კვლავ  სჭირდებათ საკვები, ჭურჭელი, ჰიგიენური საშუალებები. ხომ გვინდა, მარიამის და გიორგის თვალებში მუდამ ენთოს ბედნიერების ნაპერწკლები? მაშინ ნუ დავიზარებთ, ვესტუმროთ ოჯახს, ან გავიღოთ მცირედი თანხა ჩვენი ანგარიშის საშუალებით! კიდევ ბევრი ლამაზი დღე გავუთენოთ  პატარებს!

   

***

თუკი გიმძიმთ საყოფაცხოვრებო სირთულეებისა და გადაუჭრელი საკითხების გამო, რამდენიმე წამით ყურადღება ჩვენს „ფეისბუქის“ პოსტებზე გადაიტანეთ; ან უმჯობესია, ჩვენს ნებისმიერ ბენეფიციარს დაურეკოთ და ყველა თქვენი პრობლემა უმნიშვნელოდ მოგეჩვენებათ იმათთან შედარებით, ვისაც მისი ცხოვრების ყველაზე მძიმე წუთს დაეხმარეთ.

       მათ პრობლემებთან შედარებით ჩვენი პრობლემები არაფერია! აი, ნამდვილი გაჭირვება! ის თქვენ წინაშეა! უფალს მადლობა შესწირეთ იმისთვის, რაც გაგაჩნიათ! თქვენ უბედნიერესი ადამიანი ხართ! გახსოვდეთ ეს და დაეხმარეთ შეჭირვებულებს.

       სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ, დროდადრო დაათვალიერეთ ხოლმე ამ საბრალო ხალხის ისტორიები ჩვენს ვებ-გვერდზე და ესაუბრეთ მათ. ყოველ ჯერზე, როდესაც მორიგი შეჭირვებული ადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! გააგრძელეთ ამ ოჯახების დახმარება! სწორედ ეს არის საუკეთესო ღვთისმსახურება!     

        მეგობრებო, თქვენთან კიდევ ერთი თხოვნა გვაქვს - თუკი შეიტყობთ, რომ თქვენს ნაცნობს ან მეზობელს დახმარება სჭირდება, გთხოვთ გამოიჩინოთ გულისხმიერება და ამის შესახებ მოგვწეროთ ელექტრონულ მისამართზე: office-fsp@fsp.ge 

თქვენი სიკეთე, არის შესაძლებლობა, თავადაც ყველაფერში ბედნიერი რომ იყოთ!

მეგობრებო, კიდევ ერთხელ დიდი მადლობა ყველას!

      ჩვენი ფონდის ანგარიში:

#GE15TB7194336080100003

#GE42LB0115113036665000

#GE64BG0000000470458000

(დანიშნულება: დავითაიების ოჯახი).

თანხის ჩარიცხვა, ასევე შეგიძლიათ ჩვენი ვებ-გვერდის   მეშვეობით:

https://chernovetskyifund.ge/ge/projects/finished/776-davitaia/description/

      თანხის ჩარიცხვა ასევე შესაძლებელია TBCpay, ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ინფორმაციას ფონდის დამატებითი უფლება-მოვალეობების შესახებ შეგიძლიათ გაეცნოთ ბმულზე https://goo.gl/GY2Gus).

       არაჩვეულებრივი სიახლე გვაქვს - ახლა ჩვენი ბენეფიციარების ისტორიები შეგიძლიათ წაიკითხოთ:

ინსტაგრამზე: https://www.instagram.com/chernovetskyi.fund/ და

ტელეგრამზე: https://t.me/ChernovetskyiFund.

      სპეციალურ ნომერზე განხორციელებულ მხოლოდ ერთ ზარს ადამიანის სიცოცხლის გადარჩენა შეუძლია: 0901 200 270

       ვიფიქროთ იმაზე, რომ გაჭირვებულთა დახმარებით და მათი ტკივილის გაზიარებით, ჩვენ ვზრუნავთ საკუთარ სულზე და ვუახლოვდებით უფალს!