საბავშვო ბაღებში საახალწლო ზეიმისთვის მზადება დაიწყეს. 3 წლის საბა ძველი ტანსაცმლით იქნება ზეიმზე. საბრალო ბიჭუნა მხოლოდ ფანჯრიდან უყურებს ეზოში მოთამაშე თანატოლებს და ვერ ხვდება, თვითონ რატომ არ აქვს მათნაირი თბილი ტანსაცმელი.

გაციებული ბავშვი ცხელ წყალს სვამს. წარმოუდგენია, რომ ჭიქაში შაქარი ყრია, მაგიდაზე კი ცხელი, გემრიელი ხაჭაპური ელოდება.  მაგრამ იქ მხოლოდ ხმელი პური დევს, რომელიც ყელს უკაწრავს! თბილი ჯემპრის ნაცვლად, საბას ძველი და დახეული მაისური აცვია, რომელიც ბევრად უარესად გამოიყურება, ვიდრე ნაგავსაყრელზე გადაყრილი სამოსი.

კიდევ კარგი, რომ 3 წლის ასაკში ბავშვს ბევრი არ ესმის და არ შეუძლია ქვეყანაში „სერიოზულ ბიძიებს“ ჰკითხოს, რატომ არ აქვს მას არაფერი, მეზობლის ბავშვებიდან ბევრს კი ბურთიც აქვს და ველოსიპედიც!

მსოფლიოში ბავშვთა სილამაზის კონკურსი რომ ჩაეტარებინათ, პატარა საბა პირველ ადგილს დაიკავებდა და დიდ ფულს მიიღებდა. მაგრამ, რა ელის მას საქართველოში, როცა ამ სიცივეში ბაღში ერთი მაისურით უწევს სიარული!

ვილოცოთ, მეგობრებო, საბას მომავლისთვის და მეტად ვიზრუნოთ ღარიბ ბავშვებზე! იქნებ ახალ წელს მაინც მიიღოს საბამ ის, რასაც სიზმარში ხშირად ხედავს – სათამაშო მანქანა და ბურთი, და კიდევ… ბევრი კეთილი დეიდა და ბიძია, რომლებიც უეცრად გაჩნდნენ მის გვერდით და თავზე ხელს უსვამენ, უყურებენ ლამაზ ქართულ თვალებში და სულ ეკითხებიან და ეკითხებიან: რა გავაკეთოთ საბა, რომ შენ ყველაზე ბედნიერი ბიჭი გახდე დედამიწაზე?

შეხედეთ ბავშვის თვალებს, რამხელა სევდაა მათში. არადა, ის ხომ ჯერ სულ რაღაც 3 წლის არის! შეხედეთ ბავშვის დაჭმუჭნილ და ძველ მაისურს. ნუთუ რომელიმე ბავშვი იმსახურებს ამას? საბა ოცნებობს, რომ მასაც ისეთივე მაისურები ეცვას, როგორიც ბაღში მის თანატოლებს აცვიათ.

საბა მამის გარეშე იზრდება და ამას მისი თალებიც ამბობენ. უმამოდ გაზრდილი ბავშვები კი ზოგჯერ ოცნებასაც ვერ ბედავენ. მალე ახალი წელი დადგება, საბავშვო ბაღებში უკვე დაიწყეს მზადება ახალი წლის ზეიმისთვის. საბა კი გამონაკლისი იქნება ბავშვებიდან – ლამაზი ტანსაცმელი არ ეცმევა. კეთილო ადამიანებო, მოდით ამჯერადაც გავერთიანდეთ და საბას უთქმელი ოცნებები ავასრულოთ. 

თუ გსურთ, მოინახულოთ და დახმარება პირადად გაუწიოთ ამ ოჯახს, მათი მისამართია: ქ. გორი, ანწუხელიძის ქუჩა.

მეგობრებო, კიდევ ერთი თხოვნა გვაქვს თქვენთან: თუკი შეიტყობთ, რომ თქვენს ნაცნობს ან მეზობელს სჭირდება დახმარება, გთხოვთ, გამოიჩინოთ გულისხმიერება და მოგვწეროთ ამის შესახებ ელექტრონულ მისამართზე: office-fsp@fsp.ge

ჩვენი ფონდის ანგარიში:

საქართველოს ბანკი GE64BG0000000470458000

თი ბი სი ბანკი GE15TB7194336080100003

ლიბერთი ბანკი GE42LB0115113036665000 

(დანიშნულება: საბა ხუბაშვილი).

თანხის ჩარიცხვა შესაძლებელია ჩვენი ვებგვერდის მეშვეობით: „საქართველოს ბანკი“ (e-commerce), „TBC ბანკი“ (GeoPay), „ლიბერთი ბანკი“ (PayGe), PayPal.

თანხის ჩარიცხვა ასევე შესაძლებელია ტერმინალებიდან: ExpressPay, TBCpay, PayBox (OPPA). ჩვენს ფონდს იპოვით ქვეთავში “ქველმოქმედება“. ინფორმაციას ფონდის დამატებითი უფლება–მოვალეობების შესახებ შეგიძლიათ გაეცნოთ ბმულზე: https://goo.gl/GY2Gus

ერთად, ჩვენ დავეხმარეთ უკვე ათასობით შეჭირვებულს. გავუმართოთ ხელი ამ ოჯახსაც! ვინ იცის, იქნებ სრულიად უცხო ადამიანების დახმარება ოდესმე თავადაც დაგვჭირდეს?! რადგან არავინ იცის, რას გვიმზადებს ცხოვრება ხვალ!

თქვენ შეგიძლიათ გადაარჩინოთ ვინმეს სიცოცხლე და დაუახლოვდეთ ღმერთს! გაგზავნეთ SMS ნომერზე 97100.

სპეციალურ ნომერზე: 0901200270 განხორციელებულ მხოლოდ ერთ ზარს ადამიანის სიცოცხლის გადარჩენა შეუძლია! დალოცვილები ყოფილიყავით!

კორ.: ნინი