შეხედე, მეგობარო, რამდენი სიხარულია საქართველოში იმ უბედურების და შეჭირვებულების თვალებში, ვისაც შენ უკვე დაეხმარე! ეს ყველაფერი  შენ გააკეთე! თავადაც იყავი ბედნიერი!

28 780 930 ლარზე

მეტი დახარჯა საქველმოქმედო საქმიანობაზე!

საქმიანობის პირველ წლებში ფონდმა დახმარება აღმოუჩინა საწოლს მიჯაჭვულ 2000-ზე მეტ მოხუცს, გახსნა საოჯახო ტიპის ბავშვთა სახლები. აგრეთვე სთავაზობდა საქართველოს მთავრობას ამ საქმიანობის გავრცობას საქართველოს ყველა, განსაკუთრებით კი მთიან, ძნელად მისადგომ რეგიონებში, მაგრამ, რადგან ვერ მიიღო მხარდაჭერა საქართველოს მთავრობისგან, ფონდი იძულებული გახდა, უარი ეთქვა ამ საქმიანობის გაგრძელებაზე.
ჩერნოვეცკის ფონდის მიერ განხორციელებული სპეციალური პროგრამები, რომლებიც, სამწუხაროდ, მხოლოდ ისტორიას შემორჩა:

• შინმოვლის პროგრამა. შინმოვლის პროექტის 2012 წლიდან 2019 წლამდე მუშაობის პერიოდში მომსახურება მიიღო 5107 ბენეფიციარმა.
• საოჯახო ტიპის ბავშვთა სახლები თბილისსა და ქობულეთში. 2013 წლიდან 2019 წლამდე თბილისის მცირე საოჯახო ტიპის სახლში 10 ბავშვი, ქობულეთის მცირე საოჯახო ტიპის სახლებში კი 2014 წლიდან 2019 წლამდე 20 ბავშვი გაიზარდა.
• დღის ცენტრი და სასადილო თბილისში. პროექტის 2017 წლიდან 2019 წლამდე მუშაობის პერიოდში მომსახურება მიიღო 106 716 ბენეფიციარმა.
• სასადილო ქუთაისში. პროექტის 2018 წლიდან 2019 წლამდე მუშაობის პერიოდში მომსახურება მიიღო 48 167 ბენეფიციარმა.
• სოციალური პატრული. პროექტის 2017 წლიდან 2018 წლამდე მუშაობის პერიოდში მომსახურება მიიღო 965 938 ბენეფიციარმა.
• ფონდმა ჩაატარა ცხემლოვანის ეკლესიის სრული რეაბილიტაცია, რომელიც განადგურების პირას იყო, ასევე გაარემონტა მონაზონთა საერთო საცხოვრებელი.