„მხოლოდ თექვსმეტი წლის ვარ“, – მითხრა საბამ და სახეზე ხელი აიფარა. „მადლობა უფალს, ექიმები საზღვარგარეთ, ბოლოს და ბოლოს შეძლებენ, სასწაული მოახდინონ და შეცვალონ ჩემი სახე. აღარ მინდა ცხოვრება ისე, ხალხს ჩემი გარეგნობით რომ ვაშინებდე. უმჯობესი იქნებოდა, საერთოდ წავსულიყავი ამ ცხოვრებიდან… არ მინდა, ვეცოდებოდე ადამიანებს, ეშინოდეთ ჩემი და შეხვედრისას ზურგს მაქცევდნენ. რაში მჭირდება ასეთი ცხოვრება?“

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

„ჩემი ოცნებაა, ასეთი ვიყო. ღმერთო, იმედია, ყველაფერი გამოვა! მე ხომ, ჯერ ფული არ მაქვს.“

მეგობრებო, შეგვიძლია, ახალი სახე ვაჩუქოთ ამ ლამაზ ქართველ ბიჭს, რომელიც ისე იტანჯება, რომ ჟურნალისტმაც კი, ცრემლები ვერ შეიკავა!

„სუნთქვაც და ჭამაც ტკივილს მაყენებს“, – ჩურჩულით მითხრა 16 წლის ბიჭმა. სანამ მისი თანატოლები გამოსაშვები საღამოსთვის არჩევენ ტანისამოსს, საბა სახლში იმალება, სარკეებს ერიდება, გარეთ არ გადის და თვეებია, სკოლაში არ დადის. რცხვენია თავისი სახის…

საბას არც უტირია, არც უყვირია. უბრალოდ, ერთ დღეს ჩუმად იკითხა: „დედა, რატომ მაქვს ასეთი სახე?..“ დედის გული კი, იმ მომენტში შეკრთა…

ეს არ არის ავადმყოფობის ისტორია. ეს არის ისტორია ტკივილისა, რომელიც ყოველ ამოსუნთქვას თან ახლავს. ბიჭის შესახებ, რომელიც დაბადებიდანვე, იბრძვის ნორმალურად ცხოვრების უფლებისთვის.

საბას ნორმალურად ღეჭვა არ შეუძლია. თავისუფლად ვერ სუნთქავს. გაღიმება არ შეუძლია, რადგან ყველაფერი სტკივა.

„როდესაც საბა პატარა იყო, არ იცოდა, რომ რაღაც სჭირდა. მერე კი, შეამჩნია, როგორ უყურებენ. იმალებოდა, ხმას არ იღებდა.“ – გვიამბობს საბას დედა, ფიქრია. მის ხმაში დაღლილობა იგრძნობა, თვალებში კი, შვილის მიმართ უკიდეგანო სიყვარული და შიში.

საბა კურდღლის ტუჩითა და სასის ნაპრალით დაიბადა. პირველი ოპერაცია მას რვა თვის ასაკში ჩაუტარდა, თუმცა, ის მხოლოდ მხოლოდ კოსმეტიკური იყო. შიდა დეფექტი დარჩა.

მას შემდეგ, 16 წელი გავიდა და მთელი ამ ხნის განმავლობაში, ბიჭი იტანჯება. ამჟამად კი:

– ორ კბილს შორის ძვლოვანი ქსოვილი არ აქვს; 

– სახე დეფორმირებულია;

– ამობრუნებულია კბილი; 

– აქვს სუნთქვის პრობლემები;

– ბრეკეტების ჩასმა და ნორმალურად კვება შეუძლებელია მისთვის.

საბასთვის ყოველი გაღიმება ტკივილს ნიშნავს, ყოველი ყლუპი კი – გამოცდას.

საბა (16 წლის): „სარკე მძულს. სარკეში რომ ვიყურები, ვაცნობიერებ, რომ გარიყული ვარ ამ სამყაროდან. ზოგჯერ, საკუთარი თავიც მძულს სარკესთან ერთად…“

„საქართველოში, ექიმებს რომ მივაკითხეთ, უარი გვითხრეს. ჯერ გვეუბნებოდნენ, დაელოდეთ, ბავშვი სანამ გაიზარდება. ჩვენც ველოდებოდით. ​​ახლა კი ამბობენ, რომ უკვე გვიანია, ვერ დაგვეხმარებიან საქართველოში. თანხმობა მხოლოდ თურქეთში გვითხრეს“, – ამბობს ფიქრია, ხელში კი სამედიცინო დასკვნის ასლი უჭირავს.

თურქულ კლინიკაში, მზად არიან, საბას სახის სრული რეკონსტრუქცია ჩაუტარონ: ძვლის პლასტიკა, ყბა–სახის ოპერაცია და ორთოდონტიული მკურნალობა. ფასი კი, 12 400 დოლარია. ოჯახისთვის, რომელსაც საკუთარი მაცივარიც კი არ აქვს (მეზობლებმა ათხოვეს), როგორც განაჩენი, ისე ჟღერს ეს თანხა.

ოჯახი ერთ ოთახში ცხოვრობს. მამა ხელოსანია. დედას მალთაშუა დისკის თიაქარი და სქოლიოზი აქვს. სოციალური შემწეობის თანხა მიზერულია. Facebook-ისა და სკოლის დახმარებით, მათ დაახლოებით 3 000 ლარის შეგროვება მოახერხეს. თუმცა, დრო იწურება…

„არ მინდა, საკუთარი თავის რომ რცხვენოდეს ჩემს შვილს. ის ლამაზია. ის ძლიერია. მას უბრალოდ უნდა, რომ ისუნთქოს. მისი ასაკის სხვა ბიჭებივით ცხოვრება სწადია. ცოტათი მაინც თუ დაემსაგვსება იმ ფოტოს, რომელსაც დაგვპირდნენ, მზად ვარ, ხელები დავუკოცნო მის მხსნელებს“, – ამბობს ფიქრია და ცრემლებს არ მალავს.

საბა: „ხალხს ვთხოვ დახმარებას. მე ჰაერს ვითხოვ. ვითხოვ სიცოცხლეს…“

საბას ოპერაცია თუ არ ჩაუტარდა, მაღალია პირის ღრუში ინფექციის განვითარების რისკი, რაც სუნთქვას საბოლოოდ გაართულებს.

ოჯახმა საქართველოს ჯანდაცვის სამინისტროს მიმართა დახმარებისთვის, თითქმის ორი თვის წინ, თუმცა, პასუხი დღემდე არ მიუღიათ. როდესაც საბა რვა თვის იყო, სამინისტრომ მისი პირველი ოპერაცია დააფინანსა. ახლა კი, ფიქრიას თქმით, ისინი იძიებენ, თუ რატომ გახდა აუცილებელი განმეორებითი ოპერაცია და 2009 წელს ჩარევა 15 000 ლარი რატომ დაჯდა.

სანამ ოჯახი ჯანდაცვის სამინისტროს პასუხს ელოდება, დრო იკარგება. თუ საბას ოჯახი, თურქულ კლინიკაში თვის ბოლომდე არ გადაიხდის თანხას, საკითხი დაიხურება. მერე კი, ყველაფრის თავიდან დაწყება მოუწევთ – ძვირადღირებული პროცედურების გავლა, რის საშუალებაც ოჯახს არ გააჩნია. ამ ყველაფერს კი, დიდი დრო სჭირდება, რომელიც საბას არ აქვს… ექიმები ამბობენ: რაც უფრო იზრდება ბიჭი, მით უფრო რთული იქნება მისთვის ოპერაციის გაკეთება.

ყოველი ლოცვა, ამ პოსტის ყოველი გაზიარება, ყოველი თეთრი საბასთვის ჰაერის ჩასუნთქვას ნიშნავს. ერთი ოპერაცია (12 400 აშშ დოლარი) – კიდევ ერთი გადარჩენილი სიცოცხლეა. დაეხმარეთ! გააზიარეთ! გვერდში დაუდექით!

ფიქრია: „ჩემი უსაყვარელესი შვილი დილაობით სარკეში საკუთარ თავს რომ დაინახავს, ყოველდღე ილოცებს ყველა იმ ადმიანისთვის, ვინც მას მძიმე ჟამს ხელი გაუმართა.“

თუ გსურთ, მოინახულოთ და დახმარება პირადად გაუწიოთ ამ ოჯახს, მათი მისამართია: გურჯაანი, სოფელი ბაკურციხე (დევნილთა დასახლება, ტექნიკუმის უბანი).

ყოველ ჯერზე, როდესაც ვინმეს დახმარება შეგიძლიათ, უბრალოდ დაეხმარეთ და გაიხარეთ, რომ ღმერთი თქვენი მეშვეობით პასუხობს ვიღაცის ლოცვებს!

მეგობრებო, კიდევ ერთი თხოვნა გვაქვს თქვენთან: თუკი შეიტყობთ, რომ თქვენს ნაცნობს ან მეზობელს სჭირდება დახმარება, გთხოვთ, გამოიჩინოთ გულისხმიერება და მოგვწეროთ ამის შესახებ ელექტრონულ მისამართზე: [email protected]

ჩვენი ფონდის ანგარიში:

(დანიშნულება: ალანიების ოჯახი).

თანხის ჩარიცხვა შესაძლებელია ჩვენი ვებ-გვერდის მეშვეობით: „საქართველოს ბანკი“ (bogpay.ge), „TBC ბანკი“ (tbcpay.ge), „ლიბერთი ბანკი“ (PayGe), PayPal (paypal.me).

 თანხის ჩარიცხვა ასევე შესაძლებელია ტერმინალებიდან: ExpressPay, TBCpay. ჩვენს ფონდს იპოვით ქვეთავში “ქველმოქმედება“. ინფორმაციას ფონდის დამატებითი უფლება-მოვალეობების შესახებ შეგიძლიათ გაეცნოთ ბმულზე: https://goo.gl/GY2Gus

თქვენ შეგიძლიათ გადაარჩინოთ ვინმეს სიცოცხლე და დაუახლოვდეთ ღმერთს! გაგზავნეთ SMS ნომერზე 97100. 

სპეციალურ ნომერზე: 0901200270 განხორციელებულ მხოლოდ ერთ ზარს, ადამიანის სიცოცხლის გადარჩენა შეუძლია! დალოცვილები ყოფილიყავით!