საშინელებაზე უარესი! ახალდაბადებული ნოე, რომელიც რეანიმაციულ განყოფილებაში სიცოცხლისთვის იბრძოდა, ახლა უკვე ღია ცის ქვეშ დარჩენისთვის არის განწირული.

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

სიკვდილმა ვერ დაამარცხა, მაგრამ სიღატაკე იგებს ბავშვთან ბრძოლას.

ბავშვი ნაადრევად დაიბადა. დედამ, ახალშობილის გულში ჩახუტებაც კი ვერ მოასწრო, რადგან ბავშვი რეანიმაციულ განყოფილებაში წაიყვანეს.

გულის ღია სარქველი…

სუნთქვის უკმარისობა…

სასიცოცხლო ნიშნები თანდათან ეცემოდა.

უფლის სასწაულით, ამ პატარა ანგელოზს სიცოცხლე შეუნარჩუნდა, თუმცა ჯანმრთელობის მძიმე პრობლემები არსად გამქრალა.

ყველაზე დიდი საშინელება კი ისაა, რომ ახალდაბადებული ნოე, თავის სამ და-ძმასთან ერთად, ღია ცის ქვეშ დარჩენისთვისაა განწირული.

ჭყონიების მრავალშვილიან ოჯახს, ცხოვრებამ უმუხთლა და მათ აღარ აქვთ საკუთარი თავშესაფარი. კონტეინერის ტიპის ერთი ოთახი იქირავა დედამ და თავად მშიერი რჩებოდა, რათა ქირის ფული გადაეხადა. 

მეპატრონემ, ღვთისნიერმა ადამიანმა, გარკვეული პერიოდი ქირის ფული აღარ გამოართვა, მაგრამ საქმე ისაა, რომ ეს კონტეინერი იყიდება. ეს კი იმას ნიშნავს, რომ ოთხი პატარა ანგელოზი, რომელთაგან სამი ბავშვი ავადმყოფობს, ღია ცის ქვეშ დარჩენისთვის არის განწირული.

ეს წლის და რვა თვის ბარბარეა. ზღვისფერთვალება პრინცესა სამუდამო ხეიბრობისთვის არის განწირული. ბავშვს მენჯ-ბარძაყის დისპლაზია აქვს – ეს არის საყრდენ-მამოძრავებელი სისტემის პათოლოგია.

გარკვეული სამედიცინო პროცედურები სახელმწიფოს მხრიდან ფინანსდება, მაგრამ ეს საკმარისი არ არის. საბრალო დედა კი სრულფასოვან მკურნალობაზე ოცნებასაც კი ვერ ბედავს.

ეს დათუნია ბავშვის ერთგული მეგობარია. ზამთარში, ნესტიან ოთახში, სიცივისგან გაყინული ბავშვი სწორედ ამ დათუნიას ეხუტებოდა და ისე იძინებდა.

ახლა აღარ სცივა… მაგრამ გოგონა წამითაც კი არ ტოვებს მარტო ერთგულ მეგობარს. აი, ამას ჰქვია, ღვთისგან ბოძებული მადლიერება, რომლითაც სავსეა ამ პაწაწინა გოგონას გული.

ბარბარე ჯერ ვერ საუბრობს, მაგრამ ბავშვმა, მე, ჩერნოვეცკის ფონდის ჟურნალისტს, პაწაწინა თითებით მიმითითა თავისი ახალდაბადებული ძამიკოსკენ. გოგონამ „ბავშვური ლუღლუღით” გაურკვეველი ბგერები წარმოთქვა. თვალებით კი, თითქოს, რაღაცას მთხოვდა, ოღონდ არა თავისთვის, არამედ ძამიკოსთვის. 

ჭყონიების ოჯახის უბედურებას ჰორიზონტი არ უჩანს. ეს სამი წლის ნიკოლოზია. ბავშვს ერთი ფეხი, მეორეზე, 6 სანტიმეტრით მოკლე აქვს.

ხომ წარმოგიდგენიათ რა ჯოჯოხეთს გადის ბავშვი? დამოუკიდებლად სიარული, პრაქტიკულად არ შეუძლია. ბიჭუნამ არ იცის რას ნიშნავს „ბავშვებთან ერთად თამაში“.

აი, ასეთი სევდიანი თვალებით უყურებს ეზოში დაჭერობანას მოთამაშე ბავშვებს. ისინი დარბიან. ნიკოლოზს კი ერთი ნაბიჯის გადადგმაც კი უჭირს.

ურეკში, ბავშვთა სარეაბილიტაციო ცენტრის დამფუძნებელი ღვთისნიერი ქალბატონი, რომელიც ისრაელში ცხოვრობს, შორი მანძილის მიუხედავად, მუდმივად კითხულობს ინფორმაციას ღარიბი ოჯახების ბავშვების ჯანმრთელობის მდგომარეობის შესახებ და მათ, სრულიად უსასყიდლოდ უტარდებათ რეაბილიტაცია აღნიშნულ ცენტრში. მათ შორის, სწორედ ჭყონიების ოჯახის ბავშვებიც არიან.

ჩერნოვეცკის ფონდი მადლობას უხდის ამ კეთილ ქალბატონსა და მთელ სამედიცინო პერსონალს მათი ფასდაუდებელი სიკეთისთვის.

ბარბარესა და ნიკოლოზის შემთხვევაში, რეაბილიტაციამ დადებითი შედეგი გამოიღო. მაგრამ, ეს ყოველივე „წყალში ჩაიყრება“, თუ ბავშვების მკურნალობა ახლა სხვა ეტაპზე არ გადავა. საბოლოოდ კი, და-ძმას ინვალიდის ეტლში ვიხილავთ.

წართმეული ბავშვობით…

წართმეული მომავლით… 

წართმეული ოცნებებით… 

წართმეული იმედით…

ნუთუ, ამას დავუშვებთ? ნუთუ, დახმარების ხელს არ გავუწვდით ამ საბრალო ბავშვებს?

და თუ ჩვენს გულებში, მცირე ადგილს მაინც არ გამოვნახავთ ბარბარესა და ნიკოლოზისთვის, ეს, რა თქმა უნდა, სასჯელს არ ითვალისწინებს ადამიანების ხელით დაწერილი „კანონების წიგნში“, მაგრამ როდესაც ჟამი დადგება და უფლის სამსჯავროზე წარვდგებით, რა პასუხს გავცემთ უფალს?

მეგობრებო, ახლა პირველ რიგში სასწრაფოა, რომ საცხოვრებლის პრობლემა მოვაგვაროთ, რადგან ამ ნაქირავები კოტეჯის დაცლის ვადა ახლოვდება. კარგი ამბავი ის არის, რომ ჭყონიების ოჯახს მიწის ნაკვეთი აქვს. თუ გავერთიანდებით, ძალიან მალე შევძლებთ კოტეჯის, ან საცხოვრებელი კონტეინერის ყიდვას.

ეს არ იქნება უბრალოდ „საცხოვრებელი“. ეს იქნება გადარჩენის შანსი ოთხი პატარა ანგელოზისთვის.

როდესაც მე, ფონდის ჟურნალისტი ჭყონიების ოჯახს ვტოვებდი, უცებ თვალში მომხვდა, წვიმაში, გასაშრობად თოკზე ჩამოკიდებული ბარბარეს ეს თოჯინა.

ბავშვის დედამ მორიდებით მითხრა, რომ სწორედ ბარბარემ დაიჟინა მისი საყვარელი თოჯინის გაშრობა წვიმაში.

დედის სიტყვებზე გამეღიმა, რადგან ეს ბარბარეს ბავშვურ ახირებად ჩავთვალე. ჭყონიების სახლი დავტოვე. ფოტოაპარატში უამრავი ფოტო მაქვს, მაგრამ შინაგანი ხმა მოსვენებას არ მაძლევს, რომ ყველაზე მთავარი კადრი, ფოტოაპარატის მიღმა დავტოვე.

დიახ… წლის და რვა თვის ბარბარეს დაჟინებულმა ოცნებამ და იმედმა, წვიმაში თოჯინის გაშრობაზე, დიდებული ფრაზები გამახსენა.

– ახლა ხომ წვიმს, პეპი, – გაუკვირდა ტომის, – წვიმის დროს ვინ რწყავს ყვავილებს? 

– მე ვრწყავ, – უპასუხა პეპიმ – იქნებ, მთელი ღამე გავათენე იმაზე ოცნებაში, დილას როგორ მოვრწყავდი ყვავილებს, და ამ ქეციანი წვიმის გამო ოცნება ვერ უნდა ავისრულო?

/ასტრიდ ლინდგრენი, პეპი გრძელიწინდა/.

დიახ… საკუთარი თავის შემრცხვა, როდესაც გამახსენდა, რომ ბარბარეს დედის სიტყვებზე გამეღიმა. დიახ, ჭყონიების ოჯახში, ბავშვების დასახმარებლად მისულმა ფონდის ჟურნალისტმა, მხოლოდ ოჯახის დატოვების შემდეგ აღმოვაჩინე, რომ პირიქით მოხდა და სწორედ წლის და რვა თვის ბარბარემ გამომიწოდა უხილავი დახმარების ხელი.

ჭყონიების ოჯახში დავბრუნდი, რადგან მივხვდი რომ ფოტოაპარატში არ იყო ყველაზე მთავარი კადრი. – „სნეული პატარა ბარბარეს იმედი, რომ მისი საყვარელი თოჯინა, წვიმაშიც გაშრება”.

მეგობრებო, ბედნიერი ვიქნები, თუ თქვენს ცხოვრებაში, უიმედო დღეების დროს, ბარბარეს გაიხსენებთ. ბავშვი… რომელმაც

ზრდასრულ ადამიანებს გვასწავლა, რომ ავდარშიც კი უნდა ველოდოთ „მზის და იმედის სხივებს“.

თუ გსურთ, მოინახულოთ ოჯახი და დახმარება პირადად გაუწიოთ, მათი მისამართია: ურეკი, ძმობის ქუჩა 7 (კოტეჯი).

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

რაც უფრო მეტ ადამიანს ეცოდინება ამის შესახებ, მით უფრო მალე შეგროვდება საჭირო თანხა.

მეგობარო, თუ გსურს შენი კეთილი მეგობარი ან უბრალოდ თანამემამულე  ბედნიერი რომ იყოს – გაუგზავნე ეს პოსტი და სთხოვე, გაავრცელოს! ამით შენ აღასრულებ მსახურებას ყოვლისშემძლე ღვთის წინაშე, შენს სიყვარულს  დაანახებ  და საყვარელ ადამიანს  განსაცდელისგან იხსნი.   

ბიბლია 

„ვინც ღარიბს კეთილად ეპყრობა, უფალს სესხს აძლევს და ის გადაუხდის მას მისი სიკეთისთვის“ (იგავები 19:17). 

უფლისთვის არ არსებობს „მცირედი“ დახმარება, არ არსებობს „მცირედი“ თანაგრძნობა ან ლოცვა. მას პიროვნულად უყვარს ადამიანი და მისთვის არაფერია „მცირე“, თუკი    მთელი გულით უთანაგრძნობთ  შეჭირვებულს  დახმარებას როდესაც გაუწევთ და შემდგომშიც.

გახსოვდეთ: ღმერთს მხოლოდ თქვენი სული და პირდაპირ გულიდან წამოსული დახმარება აინტერესებს! დაეხმარეთ, რითაც შეგიძლიათ, რათა შემდგომ, საკუთარ თავს გულქვაობაში არ დასდოთ ბრალი!

და კიდევ… ძალიან კარგი იქნებოდა, ადამიანთან მისი გამოჯანმრთელების შემდეგაც მუდმივი კავშირი თუ გექნებათ: დღესასწაულები და დაბადების დღე მიულოცოთ. დაუმეგობრდეთ! ჩვენ ხომ, ძალიან ცოტანი დავრჩით… არადა, ერთი ოჯახი ვიყავით ყოველთვის. ყოველ ჯერზე, შეჭირვებულ ოჯახს რომ დაურეკავთ – შეუდარებელი გრძნობა დაგეუფლებათ!!! თითქოს, ღმერთს ესაუბრეთ!!! ეს თქვენი შანსია, უბედნიერესი ადამიანი გახდეთ ამ ქვეყნად! სწორედ ასე, ნაბიჯ-ნაბიჯ ადამიანის სიცოცხლის გადარჩენა შეგვიძლია!

მეგობარო, როგორც კი სხვა ადამიანისა და მისი ტკივილის წინაშე პასუხისმგებლობას იგრძნობ — სწორედ იმ მომენტში სრულიად სხვა — ღვთისთვის ახლობელი ადამიანი გახდები! 

ჩვენ ყოველთვის კონტაქტზე ვართ! 

ჩვენ ვეხმარებით შეჭირვებულებს მთელი საქართველოს მასშტაბით. მივდივართ იქ, სადაც ვერავინ ახერხებს მისვლას!

თუ იცნობთ ვინმეს, ვინც ძალიან მძიმე მდგომარეობაში იმყოფება — ღარიბი ან სნეულია, აუცილებლად შეგვატყობინეთ ამის შესახებ! 

შეავსეთ ფორმა ვებგვერდზე — ბმული, დაგვირეკეთ ნომერზე +995322193321 ან მოგვწერეთ ელექტრონულ ფოსტაზე [email protected] 

უფალი უდავოდ გადაგიხდით მადლობას ამ საქციელისთვის! ჩვენი დახმარება ხომ აბსოლუტურად რეალურია და ძალზედ ახლოა ნებისმიერი დატანჯული ადამიანისთვის! 

წაიკითხეთ ჩვენი ახალი ამბები ექიმებისა და დაავადებების შესახებ. შეიძლება ამან სიკვდილისგანაც კი გიხსნათ. ჩვენ ყველაფერს ვაკეთებთ იმისთვის, რომ უბედურება არ შეეხოს თქვენს ოჯახებს! 

არ არსებობს მცირედი დახმარება.

ჩვენი ფონდის ანგარიში:

(დანიშნულება: ჭყონიების ოჯახი).

თანხის გადარიცხვა შეიძლება ჩვენი ვებგვერდიდანაც: «საქართველოს ბანკი» (bogpay.ge), «თიბისი ბანკი» (tbcpay.ge), «ლიბერთი ბანკი» (PayGe), PayPal (paypal.me).

თანხის გადარიცხვა შეიძლება ტერმინალებიდანაც ExpressPay, TBCpay. განყოფილებაში «ქველმოქმედება» იპოვეთ ჩვენი ფონდი (დამატებით უფლებებსა და მოვალეობებს შეგიძლიათ გაეცნოთ ბმულზე https://goo.gl/GYGus).

თქვენ შეგიძლიათ ვინმეს სიცოცხლე გადაარჩინოთ და ღმერთს დაუახლოვდეთ! გაგზავნეთ შეტყობინება ნომერზე 97100.

სპეციალურ ნომერზე: 0901200270 განხორციელებულ მხოლოდ ერთ ზარს ადამიანის სიცოცხლის გადარჩენა შეუძლია! დალოცვილები ყოფილიყავით!

კორ.: ნინი