ბედნიერება რა ღირს?
ის ფასდაუდებელია! მხოლოდ ლეონიდ ჩერნოვეცკის ფონდის მეგობრებს შეეძლოთ, ასეთი ძვირფასი საჩუქრის გაკეთება!
გილოცავთ, ჩვენო ძვირფასო სპონსორებო!
 „სახლი შეძენილია ჩერნოვეცკის ფონდის მეგობრების მიერ“ – სწორედ ამ ჯადოსნურმა სიტყვებმა გაიჟღერა, ამჯერად გიგაურების ოჯახში. პატარა ავრორას და მის მძიმედ დაავადებულ დაიკოს, ღია ცის ქვეშ ძილი აღარ მოუწევთ. ფონდის მეგობრებო, აღდგომის დღესასწაულზე თქვენი წილი სასწაული მოახდინეთ დედამიწაზე. თქვენ ნამდვილად უფლის შვილები ხართ!
კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!


ეს პატარა ბანერი, დიდი სიყვარულით შექმნილი – დღეიდან კიდევ ერთ სახლს დაამშვენებს. ეს პატარა ბანერი ნიშანია იმის, რომ ჩერნოვეცკის ფონდის კეთილმა მეგობრებმა, ღია ცის ქვეშ დარჩენას კიდევ ერთი ლამაზი ოჯახი გადაარჩინეს. გავა კვირები, თვეები, წლები, სხვა საუკუნეც შემოაბიჯებს ჩვენს სამყაროში, მაგრამ ეს პატარა ბანერი, მაინც არ გაქრება. დიახ… სიკეთე და სიყვარული ხომ, არასდროს ტოვებენ დედამიწას.

ეს გასაღები უბრალოდ „სახლის გასაღები“ არ არის. ეს არის ჯადოსნური გასაღები, ბედნიერ სამყაროში შესასვლელი კარისა. ეს, იმედისა და რწმენის გასაღებია… რომელიც თქვენ მათ აჩუქეთ!

როდესაც მე, ფონდის ჟურნალისტს, პატარა ავრორა „უცხო სახლში“ მიმყავდა, მოვატყუე, ვითომ სტუმრად მივდიოდით ერთ ოჯახში. „მასპინძელი“ არ შემოგვეგება და მივხვდი, რომ პატარა ავრორას ეწყინა.

ავრორა: „დეიდა, როგორც სჩანს, ამ სახლის პატრონს არ გაუხარდა ჩვენი სტუმრობა და ამიტომ არ გამოვიდა ეზოში. მე და დედიკო წავალთ დეიდა, უხერხულად ვგრძნობ თავს.“
ფონდის ურნალისტი: „მართალი ხარ, ავრორა, სახლის დიასახლისი არ გამოდის ეზოში. იცი, რატომ? იმიტომ, რომ ამ სახლში არავინაა. ამ დიდი სახლის პატარა დიასახლისი, დღეიდან, შენ იქნები, ავრორა.“.

იმ მომენტში, შორიდანაც კი გავიგე ბავშვის აჩქარებული გულისცემა. ღმერთო, რა დიდებული და ამაღელვებელი იყო ეს ყოველივე!

პატარა ავრორას შეხედეთ, დღეს, ვარსკვლავებზე უფრო მეტად ბრწყინავს მისი თვალები.

შეხედეთ, სიხარულისგან გოგონამ ცეკვაც კი დაიწყო.

ალბათ, არ დამიჯერებთ, რომ გითხრათ – ამ ფოტოებზე, ერთი და იგივე გოგონაა გამოსახული. დროში სხვაობა კი, მხოლოდ 1 წელია. დიახ, თქვენგან მარცხნივ, არის გოგონა, რომელიც უსახლკაროა, ხოლო მარჯვნივ – იგივე გოგონა, რომელმაც ცოტა ხნის წინ გაიგო, რომ ღია ცის ქვეშ აღარ მოუწევს დაძინება.

ეს კი, ავრორას დაიკოა, რომელიც დაბადებიდან მძიმედ ავადმყოფობს. ფონდის მეგობრებო, თქვენი გულისხმიერების წყალობით, ამ პატარა ანგელოზს მკურნალობა ჩაუტარდა. თქვენ, ჯოჯოხეთური ტკივილებისგან იხსენით ბავშვი.

მაგრამ, რა თქმა უნდა, ვერაგი დაავადება არსად გამქრალა. სულ ცოტა ხნის წინ, საბრალო მარტოხელა დედას, ავადმყოფ შვილთან და ავრორასთან ერთად, ღია ცის ქვეშ უწევდა დარჩენა. დღეს კი, ისინი პირველად დაიძინებენ მშვიდად. მათ ხომ, უკვე საკუთარი სახლი აქვთ. ბავშვებს ცალ–ცალკე ოთახები აქვთ. დედა კი, დიდ სამზარეულოში იფუსფუსებს.

სახლს ასევე დიდი ეზო აქვს, სადაც ბავშვები ითამაშებენ.

გიგაურების ოჯახის ბედნიერება, ამ კეთილმა ბებომაც გაიზიარა, რომელიც ახლა, უკვე გიგაურების მეზობელია.

ქალს სამწუხაროდ, არც შვილები ჰყავს და არც შვილიშვილები. ასე რომ, დღეიდან, ავრორა და მისი დაიკო, ამ ღვთისნიერი ბებოს შვილიშვილები გახდებიან.

ფონდის მეგობრებო, თქვენ არა მხოლოდ გიგაურების ოჯახს აჩუქეთ ბედნიერება, თქვენ მიერ დათესილმა სიკეთემ, ამ მარტოხელა და მარტოსული ბებოსთვისაც გამოიღო ნაყოფი.

შეხედეთ, გახარებულმა ბებომ ცეკვაც კი დაიწყო, როდესაც მე, ფონდის ჟურნალისტმა მუსიკა ჩავრთე. ამ ტკბილი ბებოს ცეკვას, ჩვენ მიერ მომზადებულ ვიდეორგოლში ნახავთ.


ამ საყვარელმა ფუმფულა ცუგამ, თბილისიდან დედოფლისწყაროში, ფონდის წარმომადგენლებთან ერთად იმგზავრა, მაგრამ ის, ჩვენგან განსხვავებით, თბილისში აღარ ბრუნდება და დღეიდან, ავრორას მეგობარი გახდება.


ეს მეტალო–პლასტმასის ფანჯრები, დღეიდან, ახალ სახლს დაამშვენებს. მადლობა, მეგობრებო, სახლის კიდევ უფრო გალამაზებაზე რომ იზრუნეთ. 
         სიურპრიზების დღე არ მთავრდება. ავრორას უამრავი საჩუქარი ჩავუტანეთ, რომელიც თქვენ ასეთი სიყვარულით გაუგზავნეთ ამ ბავშვებს.

დიახ, თითოეულ საჩუქარს თქვენი „სიყვარულის სურნელი“ ასდის, მეგობრებო. ოჰ, როგორ ვამაყობთ ფონდში, თქვენით!

მზემაც კი იზეიმა გიგაურების ოჯახის უზარმაზარი ბედნიერება. შეხედეთ, როგორ ვარვარებს და სიყვარულის სხივებს გვიგზავნის დედამიწაზე.
 ჩვენ მუდამ კავშირზე ვართ!
ჩვენი ფონდის ანგარიში:
– საქართველოს ბანკი GE64BG0000000470458000
– თი ბი სი ბანკი GE15TB7194336080100003
– ლიბერთი ბანკი GE42LB0115113036665000
(დანიშნულება: გიგაურების ოჯახი).
თანხის გადარიცხვა შეიძლება ჩვენი ვებგვერდიდანაც: «საქართველოს ბანკი» (bogpay.ge), «თიბისი ბანკი» (tbcpay.ge), «ლიბერთი ბანკი» (PayGe), PayPal (paypal.me).
თანხის გადარიცხვა შეიძლება ტერმინალებიდანაცExpressPay, TBCpay. განყოფილებაში«ქველმოქმედება» იპოვეთ ჩვენი ფონდი(დამატებით უფლებებსა და მოვალეობებსშეგიძლიათ გაეცნოთ ბმულზე https://goo.gl/GYGus).
თქვენ შეგიძლიათ ვინმეს სიცოცხლე გადაარჩინოთ და ღმერთს დაუახლოვდეთ! გაგზავნეთ შეტყობინება ნომერზე 97100.
სპეციალურ ნომერზე: 0901200270 განხორციელებულ მხოლოდ ერთ ზარს ადამიანის სიცოცხლის გადარჩენა შეუძლია! დალოცვილები ყოფილიყავით!
კორ.: ნინი