დიახ! მსურს დახმარება! 
ჩვენი ბავშვები კვლავ „მაკდონალდსში“! ბუშტების მხიარული ოჯახი, ბევრი კარტოფილი ფრი და სიხარული ყოველ ლუკმაში!
დღესასწაული იწყება! თავდაპირველად „მაკდონალდსი“-ს დარბაზში ბუშტების დიდი, მხიარული და ფერადი ღრუბელი შემოიტანეს და ეს ბუშტები ბავშვებს გაუნაწიეს. ჩვენი პატარა ბენეფიციარები, რომლებიც „მაკდონალდსში“ იყვნენ მიწვეულნი, ემოციებისგან ტაშს უკრავენ, მაგიდებს შორის დარბიან და ბუშტებს აფრიალებენ.
შედარებით პატარა ბავშვები „ბუშტების ოჯახობანას“ თამაშობენ.
პატარა ალექს სელეზნიოვი:
– ჩემი ბუშტი – პაპაა!
სალომე შაქარაშვილი:
– ჩემი კი – ბებია ბუშტია!
სალომეს დებს, სოფოსა და ანას – „დედა“ და „მამა“ ბუშტები ჰყავთ.
გაბისონიების ოჯახის ბავშვები გვაჩვენებენ ფოკუსს ბუშტებით, რომლებიც კედელს მიეკრა.
ნიტა ჩოხელი: – ეს ფიზიკაა, დეიდა. უნდა გაახახუნოთ და არსად გაფრინდებიან.
ოჰ, რა მოლოდინში არიან ბავშვები, როდესაც მაკდონალდსის თანამშრომლებს დარბაზში ლანგრებით წითელი ყუთები შემოაქვთ!
მოუთმენელი ბავშვური ხელები ყუთებიდან იღებენ ცხელ ბურგერებს, დაბრაწულ კარტოფილ ფრის, ალუბლის ნამცხვრებსა და „ჰეფი მილის“ სათამაშოებს. რამდენი ბედნიერი ღიმილი, სიხარული და სასიამოვნო მომენტია! ბავშვებთან ერთად, მშობლებსაც გაუმასპინძლდნენ.
მადლობას ვუხდით ჩვენს მეგობრებს – „მაკდონალდსს“ მშვენიერი, დიდი ხნის ტრადიციისთვის – ჩერნოვეცკის ფონდის ბენეფიციარების მასპინძლობისთვის.
ჩვენმა ფონდმა „მაკდონალდსს“ ჩვენი ბენეფიციარის, ლიზი ქიმაძის მიერ შესრულებული ნახატი გადასცა. ეს არის მადლიერების ყველაზე გულწრფელი გამოხატვა და ყველაზე დიდი ჯილდო ჩვენი ბავშვებისგან.
საჩუქრების დარიგება ჩვენმა ფონდმა დიდ ნაძვის ხესთან გააგრძელა. მადლობას ვუხდით „ფარმადეპო“-ს გაციების საწინააღმდეგო მედიკამენტებისთვის (რომლებიც დაშვებულია ბავშვებისთვის საქართველოს ჯანდაცვის სამინისტროს მიერ). მადლობა ასეთი კეთილი ზრუნვისთვის, იმისთვის, რომ ისინი ანგინამ და გრიპმა არ შეაწუხოს და ყოველთვის ისე იღიმოდნენ, როგორც დღეს.
რა თქმა უნდა, საახალწლო სასაჩუქრე ნაკრებებში ბავშვებმა სიხარულით აღმოაჩინეს და მაშინვე გასინჯეს შოკოლადის კანფეტები და ტკბილეული.
თუ თქვენც გსურთ, შესთავაზოთ რაიმე ღონისძიება ჩვენს ბენეფიციარებს ან დაპატიჟოთ ისინი თქვენთან, მოგვწერეთ ჩვენს ელექტრონულ ფოსტაზე ან ფონდის სოციალურ ქსელებში: [email protected]
მეგობრებო, სხვისი უბედურება არ არსებობს, ამიტომ, თუ გაქვთ ინფორმაცია ადამიანების გასაჭირის შესახებ საქართველოს ნებისმიერ წერტილში – მოგვწერეთ! ჩვენ ყოველთვის თქვენს გვერდით ვართ!
ჩვენი ფონდის ანგარიშებია:
– საქართველოს ბანკი GE64BG0000000470458000– თი ბი სი ბანკი GE15TB7194336080100003
– ლიბერთი ბანკი GE42LB0115113036665000
კორ. მედეა
მათ თქვენი დახმარება სჭირდებათ და თანაც ძალიან, ძალიან სასწრაფოდ!
გაქვთ კითხვები? ჩვენ დაგეხმარებით!
მოგვწერეთ