„სიყვარულის სახლი“ აშენებულია… არა აგურებით, არამედ გულებით. ფონდის დამფუძნებლის, ლეონიდ ჩერნოვეცკის ინიციატივით წამოწყებული  მასშტაბური კამპანია აქტიურ ფაზაში შედის. წინ უზარმაზარი მიზნებია!
ახლავე გააზიარე პოსტი, კეთილო ადამიანო! დაეხმარე საკუთარ მეგობრებსაც იპოვონ უფლისკენ მიმავალი გზა!
თქვენ დაგვეხმარეთ – მადლობა!


ულამაზესი სამეგრელო და  ,,ხეეების ზღვაში” ჩაფლული სახლი, ბურგუნდისფერი სახურავით.


ცოტა ხნის წინ, აქ მდგარი სახლი, დანგრევის პირას იყო. სახურავი კი, ფაქტობრივად არ ჰქონდა.

ახლა კი, ვინც ამ გზაზე გაივლით, შორიდანვე შეამჩნევთ, რომ აქ ულამაზესი სახლი შენდება. 
მშენებლობის სულის ჩამდგმელები კი სწორედ თქვენ ხართ, ღვთისნიერო ადამიანებო!

,,ჩერნოვეცკის ფონდის” წარმომადგენლები დღეს თბილისიდან, აბაშაში გავემგზავრეთ, რათა თქვენთვის გვეჩვენებინა თუ რა ფაზაშია მშენებლობის პროცესი.
Это кирпич, ეს არის აგური, რომელიც არა მხოლოდ კედლებს აშენებს, არამედ, იმედი და რწმენა ,,ააშენა” საქართველოში ყველაზე უბედური, მაგრამ ამავდროულად გმირი მამისთვის!

მამუკა მიმინოშვილი, შვილებს, მეუღლის გარეშე ზრდიდა. დედობას და მამობას ერთდროულად უწევდა სოსოს და რომანს. მაგრამ ვერაგმა სიკვდილმა ორივე ვაჟი წაართვა რიგრიგობით. უბედურმა მამამ საკუთარი ხელით მიაბარა მიწას – 22 და 28 წლის ვაჟკაცები.

ცა ჩამოიქცა გმირი მამის თავზე, მაგრამ ის მაინც აგრძელებდა ცხოვრებას, რათა თავისი შვილების ყველაზე დიდი ოცნება ცხოვრებაში,  რეალობად ექცია და ამით მიეგო პატივი მათი სულებისთვის.

დიახ, შეჭირვებულ ოჯახში გაზრდილი სოსო და რომანი მუხლჩაუხრელად მუშაობდნენ, რათა დანგრევის პირას მყოფი ბავშვობის სახლი, ფაქტობრივად, ახლიდან აეშენებინათ. ძმებისთვის რომ სასახლე შეგეთავაზებინათ ოღონდ სხვა მხარეში, უარს გეტყოდნენ იქ ცხოვრებაზე.

საუბედუროდ, ორივე ვაჟკაცი, ჩვენს ლამაზ სამშობლოო ისე წაართვა ვერაგმა სიკვდილმა, რომ ძმებს ოცნების ასრულება ვერ დასცალდათ.  სწორედ ამის გამო ორმაგ ჯოჯოხეთს გადიოდა შვილმკვდარი მამა.

რა ექნა ინვალიდ კაცს? პენსიის ფულით როგორ აესრულებინა გარდაცვლილი ვაჟებისთვის ოცნება?

დარჩა ტკივილ. და დანგრეული სახლი.
მაგრამ თქვენ მოხვედით.
1 საათში – სიკეთის ტალღა.
1 თვეში – სახლი წამოიმართა.

მამუკა მიმინოშვილი: „ საქართველოს სხვადასხვა კუთხიდან მირეკავდნენ ჩემთვის სრულიად უცხო ადამიანები. მოდიოდნენ ჩემს სანახავად. მათ მიერ გაწეული დახმარება ჩემ მიმართ – ეს იმდენად ფასდაუდებელია, რომ უფალს ვევედრები, ოდესმე, თუნდაც მაგის ნახევრის გაკეთება შევძლო გაჭირვებული ადამიანებისთვის“.

მამუკა მიმინოშვილი: „ხოლო ერთ დილითაც, ჩერნოვეცკის ფონდიდან ზარი გაისმა და ყურმილის მეორე მხრიდან სიტყვები: ,,ბ–ნო მამუკა, მოემზადეთ! თქვენი და თქვენი ვაჟების ოცნება რეალობად იქცა. ფონდის მეგობრების მიერ გაღებული შემოწირულობით, სახლის აშენებაა შესაძლებელი. მოემზადეთ!”
და აი, იმ ეზოში, სადაც სულ რაღაც ერთი თვის წინ უიმედობა სუფევდა, ახლა მშენებლობის გუგუნი ისმის.



მამუკა მიმინოშვილი: ,,ჩერნოვეცკის ფონდმა და ფონდის მეგობრებმა სიცოცხლის ძალა მომცეს. შვილმკვდარი მამის ლოცვას ძალიან დიდი ძალა აქვს.

ყოველი გათენებული დილა იწყება უფალთან ჩემი ლოცვით თითოეული თქვენგანის მიმართ, ვინც თუნდაც 1 ლარი გაიღეთ იმისთვის, რომ ჩემი გარდაცვლილი შვილების სულს შვება ჰქონოდა. 
თქვენ ყველაფერი გააკეთეთ იმისთვის, რომ მე დარჩენილი სიცოცხლე, ღირსეულად გამეტარებინა და არა როგორც მიუსაფარ ძაღლს, რომელსაც თავზე აწვიმს და ათოვს. როდესაც თქვენი ფონდის გვერდზე ვიდეო გამოქვეყნდა, საპენსიო ბარათზე მხოლოდ 70 თეთრი მქონდა. და უცებ ვხედავ, 3 ლარი ჩაირიცხა.

იქნებ, მას უფრო მეტად სჭირდებოდა ის 3 ლარი, მაგრამ ჩემთვის გაიმეტა. ერთი თხოვნა მაქვს, შვილო (მომმართა მე, ფონდის ჟურნალისტს). იქნებ, ფონდი დამეხმაროს იმ ადამიანის მოძებნაში.

მეგობრებო, როგორც იცით, მამუკას, ყავარჯნის გარეშე გადაადგილება არ შეუძლია. მაგრამ თქვენ მიერ გაღებულმა სიკეთემ ისეთი ძალა შეჰმატა, რომ სამუშაო პროცესებში თვითონაც ჩაერთო და მე, ფონდის ჟურნალისტსაც მასწავლა ელექტრო ხერხის გამოყენება!



მეგობრებო, ჩერნოვეცკის ფონდი ასევე მადლობას გიხდით იმისთვის, რომ სახლის გარდა, თქვენ არ დაგვიწყებიათ  ავეჯი, ტექნიკა და ყველა ის საჭირო ნივთი, რაც ამ ღვთისნიერ და გმირ მამას, ღირსეული ცხოვრების შესაძლებლობას მისცემს.

ეს დღეც გაილია…. ცა ალისფრად აელვარდა. დრო დადგა ფონდის წარმომადგენლების თბილისში დაბრუნების.


დამშვიდობებისას, მამუკას თვალებში სევდა შევნიშნე. სევდა მარტოობის. გმირმა მამამ, მე, ფონდის ჟურნალისტს მთხოვა, როდესაც ამ სტატიას დავწერდი, არ დამვიწყებოდა გადმომეცა მისი თხოვნა სრულიად საქართველოს მცხოვრებლების მიმართ.

მამუკა მიმინოშვილი: „როდესაც ამ გზაზე მოხვდებით, არ გაუაროთ ამ ჭიშკარს ისე, რომ ეზოში არ შემოხვიდეთ. გახდით ჩემი შვილები… ერთი წუთით მაინც“.
როცა ჟამი მოვა, მეც იმ სამყაროში გავემგზავრები, სადაც ჩემი ორი ვაჟი მელოდება. და იქ, უფალს, უკეთესად მოვუყვები, თითოეული თქვენგანის სიკეთეზე.
ჩვენ სულ კავშირზე ვართ!
ჩვენი ფონდის ანგარიშებია:
– საქართველოს ბანკი GE64BG0000000470458000
– თი ბი სი ბანკი GE15TB7194336080100003
– ლიბერთი ბანკი GE42LB0115113036665000
(დანიშნულება: მამუკა მიმინოშვილი).
კორ.: ნინი