სხვის დაბადების დღეზეც კი არ დავდივარ, რადგან ფული არ გვაქვს, უბრალოდ, ვეუბნები „გილოცავ“ და სახლში მოვდივარ

მარიამს სულ მალე შვიდი წელი შეუსრულდება. მის გონებაში ერთი დასამახსოვრებელი და ბედნიერი კადრიც კი არ არსებობს ამ დღესთან დაკავშირებით. მარიამს კიდევ ოთხი დედმამიშვილი ჰყავს, თუმცა არც ერთი მათგანის დაბადების დღეზე ერთი ნაჭერი ტორტიც კი უნახავს სახლში. ფონდის მეგობრებო, შეხედეთ ამ გოგონას, განა სამყარომ არ უნდა იზეიმოს მის თვალებში ანთებული ბედნიერების ენერგიით? ვაი რომ, ბედკრულმა ცხოვრებამ მის ოჯახს არ მისცა ფინანსური შესაძლებლობა, რომ მარიამს ბედნიერი ბავშვობა ჰქონდეს. მიუხედავად ცხოვრების უკუღმართობისა, ის მაინც აგრძელებს ოცნებებისთვის ბრძოლას, მას სიგიჟემდე უყვარს ფეხბურთი და როგორც გვითხრა, შესანიშნავი მეკარეცაა!

– მარიამ გადაგიხდია ოდესმე დაბადების დღე?

მარიამი (9 წლის): არა.

– სხვის დაბადების დღეზე თუ ყოფილხარ?

მარიამი: სხვის დაბადების დღეზეც კი არ დავდივარ, რადგან ფული არ გვაქვს, უბრალოდ, ვეუბნები „გილოცავ“ და სახლში მოვდივარ.

ამის თქმისას მარიამს სევდის ცრემლებით აევსო თვალები და ყველა ის უხერხული მომენტი გაახსენდა, როდესაც თანაკლასელების შეკრებებზე  გასასამართლებელ მიზეზებს ეძებდა, რომ დედისთვის მიზერული თანხა არ ეთხოვა.

– მარიამ, რა გინდა, დაბადების დღეზე რომ გაჩუქონ?

მარიამი: მამარდაშვილის ფორმა და ხელთათმანები მინდა.

ამ პატარა გოგოს ოცნება მისი საყვარელი მეკარის, გიორგი მამარდაშვილის სიმბოლიკაა. გვითხრა, რომ ის მასავით ცნობილი და წარმატებული მეკარე როცა გახდება, გაჭირვებულ და უბედურ ხალხს დახმარების ხელს გაუწვდის.

ქართველებო, აი სად არის ჩვენი პატარა ერის ღირსება, შეხედეთ, ეს არის ის დიადი მომავალი, რომელსაც ეს თაობა და მარიამის მსგავსი ქართველები ააშენებენ. მოყვასისადმი სიყვარული გადაარჩენს ჩვენს ხალხს.

მოდი ნუღარ დავაყოვნებთ და მივცეთ ამ ულამაზესი გოგონას „ნიჭს გზა ფართო“!

ის კი აუცილებლად გვაამაყებს იმით, რომ ერთ დროს სწორედ ჩვენ ვიყავით მისი წარმატებული და ბედნიერი მომავლის მაშენებლები!

ჩვენი ფონდის ანგარიში:

საქართველოს ბანკი GE64BG0000000470458000

თი ბი სი ბანკი GE15TB7194336080100003

ლიბერთი ბანკი GE42LB0115113036665000 

(დანიშნულება: მარიამ ესებუა).

თანხის ჩარიცხვა შესაძლებელია ჩვენი ვებგვერდის მეშვეობით: „საქართველოს ბანკი“ (e-commerce), „TBC ბანკი“ (GeoPay), „ლიბერთი ბანკი“ (PayGe), PayPal.

თანხის ჩარიცხვა ასევე შესაძლებელია ტერმინალებიდან: ExpressPay, TBCpay, PayBox (OPPA). ჩვენს ფონდს იპოვით ქვეთავში “ქველმოქმედება“. ინფორმაციას ფონდის დამატებითი უფლება–მოვალეობების შესახებ შეგიძლიათ გაეცნოთ ბმულზე: https://goo.gl/GY2Gus. 

ერთად, ჩვენ დავეხმარეთ უკვე ათასობით შეჭირვებულს. გავუმართოთ ხელი ამ ოჯახსაც! ვინ იცის, იქნებ სრულიად უცხო ადამიანების დახმარება ოდესმე თავადაც დაგვჭირდეს?! რადგან არავინ იცის, რას გვიმზადებს ცხოვრება ხვალ!

თქვენ შეგიძლიათ გადაარჩინოთ ვინმეს სიცოცხლე და დაუახლოვდეთ ღმერთს! გაგზავნეთ SMS ნომერზე 97100.

სპეციალურ ნომერზე: 0901200270 განხორციელებულ მხოლოდ ერთ ზარს ადამიანის სიცოცხლის გადარჩენა შეუძლია! დალოცვილები ყოფილიყავით!