საჩუქარი ბავშვებს

ამ საბრალო ბავშვებს ჩახედეთ თვალებში და მათი ტკივილი გულთან ახლოს მიიტანეთ! მეგობრებო, გაიცანით, ჩვენი ბენეფიციარები ხაშურის რაიონის სოფელ გომიდან – პაპუაშვილების შეჭირვებული ოჯახი.

წარმოგიდგენიათ, რომ ოჯახს, სადაც ორი ბავშვი იზრდება, საერთოდ არაფერი გააჩნია? არც საწოლები, არც მაცივარი, არც სარეცხი მანქანა, არც გაზქურა, არც ტელევიზორი. ამ სახლში კი, სადაც ისინი ცხოვრობენ, ქირის გადახდა უწევთ.

ამ სახლში სახურავიდან წყალი ჩამოდის, ოთახებში ისევე წვიმს, როგორც გარეთ. ოჯახი ქირას იხდის – 300 ლარს, რაც სოციალური შემწეობის თანხის თითქმის ნახევარს შეადგენს.

გიოს საშინელი სქოლიოზი აქვს! ხერხემალი 90 გრადუსით მოიხარა, კუზი ისე აწვება ფილტვებს, ექიმებს უკვირთ, თუ როგორც სუნთქავს საერთოდ ? სასწრაფოდ ოპერაციაა საჭირო, მაგრამ ოჯახს ფული არ აქვს! გადაეცით ფონდის მეგობრებს, უცებ წამოიყვირა გიომ, ჩემი წამოსვლისას და დამშვიდობების დროს – „მე ძალიან მინდა სიცოცხლე!“ 
ძვირფასო ქველმოქმედებო, ფონდის თათბირზე ჩვენ გადავწყვიტეთ დავეხმაროთ კვლევით და მედიკამენტებით, ბავშვის სტომატოლოფიური მკურნალობით. შესაძლოა, მეგობრებო თქვენ გაქვთ იდეები და სურვილები, თუ როგორ შეიძლება რომ დავეხმაროთ ამ უბედუს ხალხს გადაიტანონ საშინელება, რომელშიც ისინი აღმოჩნდნენ! მოგვწერეთ, ჩვენ აუცილებლად განვიხილავთ! 

38 წლის ანა, ყოველ დილა-საღამოს შვილს ასეირნებს ამ დაჟანგებული ეტლით, რომელსაც თავის მისაყუდებელიც კი არ აქვს. საბრალო დედის გულში მწველი ცეცხლი გიზგიზებს, რადგან მას ფული არ აქვს, ნორმალური ეტლი რომ შეიძინოს. მეუღლემ ის შვიდი წლის წინ მიატოვა და მას შემდეგ, ერთხელაც კი არ დაინტერესებულა მძიმედ დაავადებული შვილის ბედით.

ანა (38 წლის, მათეს დედა): მსოფლიოში არცერთ დედას არ ვუსურვებ ისეთ ტანჯვას, რასაც მე გავდივარ. სოციალური დახმარების 200 ლარი და ჩემი შვილის შშმ პირის პენისა – 425 ლარი, ჩვენი ოჯახის მთელი შემოსავალი ეს არის. საკვები, პამპერსი ან მედიკამენტები ვუყიდო მათეს, თუ რეაბილიტაცია ჩავუტარო ამ თანხით? ჩემი უიღბლო შვილისთვის ეტლსაც კი ვერ ვყიდულობ ისეთს, თავის მისაყუდებელი რომ ჰქონდეს.“

ამ დაჟანგებული და დაზიანებული ეტლით მათე ძლივს გადაადგილდება… ადგილობრივი ხელისუფლებისთვის რა სირცხვილია, რომ მათ თვალწინ ტანჯვით კვდება ცოცხალი ბავშვი და თითსაც არავინ გაანძრევს! რატომ აირჩიეს ეს სამსახური?! მხოლოდ ხელფასის გამო?!