საქართველოში დაარსდა საქველმოქმედო ფონდი “სოციალური პარტნიორობა”.

ფუნფციონირება დაიწყო „შინმოვლის“ პროგრამამ, რომელიც 300 პაციენტზე ზრუნავს.

ნორიოს ბავშვთა სახლს გადაეცა თბილი ტანსაცმელი და პერსონალური კომპიუტერები. წყნეთის საოჯახო ტიპის ბავშვთა სახლს, სადაც მზრუნველობა მოკლებული ბავშვები იზრდებიან, გადაეცა სურსათი, მედიკამენტები და საჭირო ტექნიკა. „კარიტასის“ ბავშვთა სახლის აღსაზრდელებს გადაეცათ ტანსაცმელი და კომპიუტერული ტექნიკა. ბავშვთა სახლის „ბავშვი და გარემო“ აღსაზრდელებს გადაეცათ ტანსაცმელი. ბავშვთა სახლს ერისთავის ქუჩაზე გადაეცა საკვები პროდუქტები. სეზონური ტანსაცმელი გადაეცათ „კარიტასის“ ორი ბავშვთა სახლის აღსაზრდელებს.

ფონდის დამფუძნებელმა ლეონიდ ჩერნოვეცკიმ 50 ათასი დოლარი შესწირა ქობულეთის მაღალმთიან რაიონში არსებული, ცხემოვანის წმინდა გიორგის სახელობის დედათა მონასტრის აღდგენისთვის. ჩატარდა კედლების გამაგრებისა და სველი წერტილების კეთილმოწყობის სამუშაოები. ასევე, შიდა რემონტი, გათბობის, წყალგაყვანილობის გარე ქსელების და აუზის მონტაჟი

ამოქმედდა პროექტი მრავალშვილიანი ოჯახების დასახმარებლად, სადაც 7 და მეტი არასრულწლოვანი ბავშვია. ყოველთვიურად 10 ასეთი ოჯახი მიიღებს 100$ თითოეულ არასრულწლოვან ბავშვზე.

გაფორმდა მემორანდუმი ჯანდაცვის სამინისტროს სოციალურ სააგენტოსა და „სოციალურ პარტნიორობას“ შორის, მრავალშვილიანი ოჯახების და „შინმოვლის“ პროექტების ხელშესაწყობად.

გაიხსნა „სოციალური პარტნიორობის“ ოპერირების ქვეშ მყოფი მცირე საოჯახო ტიპის სახლი ჩუღურეთის რაიონში. ამ სახლში მზრუნველობამოკლებული 10 ბავშვი ცხოვრობს.

მოეწყო 30 დღიანი დასვენება, სოციალურად დაუცველი მრავალშვილიანი ოჯახების შვილებისა და საოჯახო ტიპის სახლის აღსაზრდელებისთვის.

შემოწირულობებისთვის ფონდმა გამოყო სპეციალური ნომერი 0901200270.

უკრაინაში, მაიდანზე დაღუპულთა ოჯახებს ჩვენმა ფონდმა გადასცა 10 მილიონი დოლარი

„სოციალური პარტნიორობის“ ორგანიზებით მრავალშვილიანი ოჯახები ქობულეთში ისვენებენ.

საქველმოქმედო ფონდი “სოციალური პარტნიორობა” ორგანიზებას უწევს, უკრაინაში, ომის დროს დაზარალებულ მრავალშვილიანი ოჯახების დასვენებას ქობულეთში. ქობულეთში დასასვენებლად 108 ადამიანი ჩავიდა. ბავშვები და მათი მშობლები.

ქობულეთში 17-19 ოქტომბერს საქველმოქმედო ფონდის “სოციალური პარტნიორობის” ორგანიზებით მედია ტური ჩატარდა.

8 ნოემბერს ფონდი “სოციალური პარტნიორობის” მიერ, უკრაინაში საომარი მოქმედებების დროს დაჭრილ მეომართა მხარდასაჭერი საქველმოქმედო კულტურული და პატრიოტული აქცია “დაეხმარე დაჭრილს” გაიმართა. უკრაინის კულტურის სამინისტროს, უკრაინაში საქართველოს საელჩოს და სრულიად უკრაინის საზოგადოებრივი გაერთიანება “გიორგის” ხელშეწყობით.

23 ნოემბერს, „სოციალური პარტნიორობამ” ქობულეთში გაიხსნა ბავშვთა პანსიონი, რომელიც განკუთვნილია 50 ბავშვისთვის.

„სოციალური პარტნიორობის“ ფონდის პრეზიდენტს გადაეცა სიგელი საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტის – ილია II-ის ხელმოწერით. სიგელები ასევე გადაეცათ მცირე საოჯახო ტიპის სახლის აღსაზრდელებსაც.

თბილისის მცირე საოჯახო ტიპის სახლის აღსაზრდელებმა ქართული ენის ოლიმპიადაზე მოიპოვეს 4 დიპლომი.

ქობულეთის მცირე საოჯახო ტიპის სახლის აღსაზრდელების საფეხბურთო გუნდმა მოიგო საფეხბურთო ჩემპიონატის მატჩი.

ფონდის მფარველობით, შავი ზღვის სანაპიროზე დაისვენეს შინაგან საქმეთა სამინისტროს დაღუპული და დაჭრილი თანამშრომლების ოჯახებმა, ჯამში 70 კაცმა, უმეტესობა – მცირეწლოვანი ბავშვი.

თბილისის მცირე საოჯახო ტიპის სახლის აღსაზრდელებმა საზაფხულო არდადეგების ერთი თვე დაისვენეს ქობულეთში.

გიორგი მარგველაშვილის საპრეზიდენტო ფონდმა გამოყო თანხები თბილისის მცირე საოჯახო ტიპის სახლის აღსაზრდელების საჩუქრებისთვის.

თბილისის მცირე საოჯახო ტიპის სახლის აღსაზრდელებმა “კინგსის” ოლიმპიადაში, ქართულ ენასა და მათემატიკაში, პირველი და მეორე ადგილები დაიკავეს.

კვალიფიკაციის ამაღლების მიზნით, „თერაპიის ინსტიტუტში“, ფონდის ექიმებმა და მედდებმა პაციენტების ბინაზე მოვლის პრაქტიკული კურსი გაიარეს.

ჩვენი ფონდის მზრუნველობის ქვეშ მყოფი თბილისის პატარა საოჯახო სახლის 10-მა მოსწავლემ გასულ ზაფხულს მთელი თვე გაატარა ქობულეთში.

საქველმოქმედო ფონდის საქართველოში ცნობადობის გაზრდის მიზნით, ფონდის სახელწოდება „სოციალური პარტნიორობა“ შეიცვალა „ჩერნოვეცკის ფონდით“. დამფუძნებელი და მთავარი ინვესტორი არის საქართველოს მოქალაქე ბატონი ლეონიდ ჩერნოვეცკი.

დღის ცენტრმა და ჩერნოვეცკის ფონდის სასადილომ პირველი ვიზიტორები მიიღეს! ჩვენთან, სოციალურად დაუცველ მოქალაქეებს შეუძლიათ გემრიელად და ნოყიერად კვება, დასვენება და ტელევიზორის ყურება, ცხელი შხაპის მიღება, თმის შეჭრა და ექიმთან კონსულტაცია!

ბავშვთა დაცვის დღეს, ჩერნოვეცკის ფონდმა, გაჭირვებული ოჯახების ბავშვებისთვის მოაწყო ზეიმი კვებით და კონცერტით!

თბილისში ამუშავდა პროექტი „სოციალური პატრული“, რომელიც ყოველდღიურად სამ მარშრუტზე დადის და ცხელ კერძებს და პურს აწვდის 3,5 ათას სოციალურად დაუცველ მოქალაქეს.

საქართველოს ეროვნული ბიბლიოთეკის საგამოფენო დარბაზში გაიმართა ჩერნოვეცკის ფონდის საქველმოქმედო საღამო.

თბილისის მცირე საოჯახო ტიპის სახლის აღსაზრდელები მიიწვიეს საახალწლო ნაძვის ხის ზეიმზე, რომელიც გაიმართა საქართველოს პარლამენტში.

ფონდმა ბენეფიციარებისთვის მოაწყო საახალწლო სადილი კლასიკური საახალწლო წასახემსებლებითა და ცხელი კერძებით, ვიოლინოს მომხიბვლელი ხმის თანხლებით.

ქუთაისში გაიხსნა ჩერნოვეცკის ფონდის სასადილო, სადაც 200 სოციალურად დაუცველ მოქალაქეს ყოველდღე შეუძლია უგემრიელესი საკვების მიღება.

ჩერნოვეცკის ფონდის მცირე საოჯახო ტიპის სახლის აღსაზრდელებმა საზაფხულო არდადეგები შავი ზღვის სანაპიროზე გაატარეს.

ბათუმის სახელმწიფო მუსიკალურ ცენტრში, ფოლკლორული ანსამბლი „ჩანგი“ დაჯილდოვდა აჭარის ავტონომიური რესპუბლიკის განათლების, კულტურისა და სპორტის სამინისტროს საპატიო სიგელებით. ამ კოლექტივის 30 ახალგაზრდა მომღერალთა შორის ექვსი ქობულეთის მცირე საოჯახო ტიპის სახლის აღსაზრდელია!

2021 წლის აპრილში ჩერნოვეცკის ფონდმა მოაწყო საქველმოქმედო აქცია და სხვადასხვა საწარმოს მიერ შემოწირული საქველმოქმედო აქციამ მოიცვა 67 სოციალურად დაუცველი ოჯახი, მათ შორის მრავალშვილიანი ოჯახები და მარტოხელა ხანდაზმული ადამიანები.

ჩერნოვეცკის ფონდმა სადღესასწაულო ცენტრში „სქაი“ პატარა ბენეფიციარებისთვის კიდევ ერთი შესანიშნავი ღონისძიება მოაწყო. ეს იყო ბედნიერი ღიმილის, სიხარულის, გართობის და ერთმანეთის გვერდში დგომის დღე.

გავახარეთ ჩვენი ფონდის მზრუნველობის ქვეშ მყოფი პატარები. იცით როგორი ხმაური იყო? იცით როგორ უხაროდათ და ერთობოდნენ ბავშვები? ბევრი ითამაშეს საყვარელი ფილმების გმირებთან ერთად, მიიღეს საჩუქრები თოვლის ბაბუასგან.

ლეონიდ ჩერნოვეცკის ფონდი მადლობას უხდის ჩვენს მეგობრებს – კარაოკე კლუბ „კამერტონის“ გუნდს ჯადოსნური დღისთვის რომელიც ჩვენს ბავშვებს აჩუქეს!!! ჩვენი პატარა ბენეფიციარების გულები აივსო სიხარულით, ხალისითა და ღიმილით! ისინი ხომ, მოკლებულები არიან საბავშვო დღესასწაულებსა და ცხოვრების ხასხასა ფერებს.

ჩერნოვეცკის ფონდში დღესასწაულია: კომპანია „VOGG“-მა ჩვენს ბავშვებს ულამაზესი ფეხსაცმელი გადასცა საჩუქრად! ფეხსაცმელი ძალიან ბევრი იყო და ჩვენ არა მხოლოდ ბავშვების, არამედ მათი მშობლების გახარებაც შევძელით. „ფონდის შვილებს“, ჩვენს პატარა ბენეფიციარებს მოფერებით ასე ვეძახით, გადაეცათ ულამაზესი და მოდური ფეხსაცმელი, რომელიც კომპანია „VOGG“-ის მფლობელმა ბატონმა გიორგი წივწივაძემ აჩუქა.

ჩვენს პატარებს დღესასწაული აქვთ! დღეს იმერეთის მრავალშვილიანი ოჯახები გავახარეთ ჩვილებისთვის განკუთვნილი საკვები ნარევებითა და ფაფებით, რომლებიც ჩვენს ფონდს ჩვენმა ძველმა მეგობარმა „ნატურლენდის“ კომპანიამ გადასცა. გვსურს დიდი მადლობა გადავუხადოთ თეონა გიორგაძესა და მის გუნდს იმისთვის, რომ მათ, როგორც არავის, გულთან ახლოს მიაქვთ მშიერი ბავშვების პრობლემის აქტუალობა და პატარებს არასდროს ეუბნებიან უარს!

ფონდის მეგობრებო! თქვენი დამსახურებით, სამყარო გახდება ცოტათი უფრო თბილი და ბედნიერი! დიახ, აღდგომის მრწყინვალე დღესასწაულის მოლოდინში ჩერნოვეცკის ფონდში მხიარულება სუფევდა! ჩვენი ფონდის ერთგულმა მეგობრებმა, თბილისის სხვადასხვა საწარმოს წარმომადგენლებმა ჩვენი ბენეფიციარები გულუხვად დაასაჩუქრეს, გადასცეს მათ სააღდგომო პასკები, ნამცხვრები, საკვები პროდუქტი, ბავშვთა კვება, სპორტული ტანსაცმელი, საკარნავალო კოსტიუმები, თეთრეული, სათამაშოები. საჩუქრებს ბოლო არ უჩანდა!

დაეხმარე უცნობ მეგობარს! ასე ჰქვია საქველმოქმედო აქციას – „იავნანას“ აღსაზრდელებმა საჩუქრები გაუგზავნეს ჩვენი ფონდის პატარა ბენეფიციარებს! ბავშვები მადლობას უთვლიან თანატოლებს უამრავი საჩუქრისთვის! თითოეული ბავშვი, რომელმაც მონაწილეობა მიიღო ამ აქციაში, დაჯილდოვდა ჩერნოვეცკის ფონდის სიგელით „ნორჩი ქველმოქმედი“!

პატარა ბენეფციარებისთვის ჩერნოვეცკის ფონდის სათამაშოების შეგროვების საქველმოქმედო აქცია გრძელდება: “დაეხმარე უცნობ მეგობარს”. ამჯერად ამ აქციაში მონაწილეობა მიიღეს კერძო საბავშვო ბაღი „Mother.ge“-ს აღსაზრდელებმა. საჩუქრები საბავშვო ბაღ “Mother.ge”-სგან ჩერნოვეცკის ფონდმა გადასცა ბავშვებს კახეთში მცხოვრები შეჭირვებული მრავალშვილიანი ოჯახებიდან. წნორსა და სოფელ ჯიმითში, პატარები მოუთმენლად ელოდნენ ჩვენს ჩამოსვლას.

მსოფლიოში ყველაზე გემრიელი და კეთილი პიცა! ახლახან, პიცერია “Domino’s Pizza”-მ ჩვენს პატარებს ნამდვილი დღესასწაული მოუწყო! მათ ემოციებს საზღვარი არ ჰქონდა! ზოგიერთმა ისიც კი გადაწყვიტა, „პიცისტები“ გამოვიდნენ, რომ გაიზრდებიან და იმუშაონ „Domino“-ს ქსელში.

აი, ვისგან უნდა ავიღოთ მაგალითი! აქცია „დაეხმარე უცნობ მეგობარს“ უფრო და უფრო დიდ მასშტაბს იღებს! ჩვენს გაოცებას საზღვარი არ ჰქონდა, როდესაც აღმოვაჩინეთ, რომ ქველმოქმედების კეთებაში ყველაზე მოწადინებულნი ბავშვები არიან. თანატოლებისთვის ყველაფერი ემეტებათ! ჩერნოვეცკის ფონდი მადლობას უხდის საბავშვო ბაღ „Mother.ge“-ს თანამშრომლებს და პირადად მის დამფუძნებლებს: თამარ ჯულაკიძესა და მიხეილ მღვდელაძეს საქველმოქმედო დახმარებასა და აქტიური თანამშრომლობისთვის!

პატარა ანგელოზები გვასწავლიან ქველმოქმედებას! უკვე კარგ ტრადიციად იქცა აქცია „დაეხმარე უცნობ მეგობარს“, რომლის მონაწილეებიც ყველაზე ნორჩი ქველმოქმედები არიან. ისინი თანატოლებს შეჭირვებული ოჯახებიდან უზიარებენ ყველაზე ძვირფასს, ანუ საკუთარ ბედნიერებას. უდიდეს მადლობას ვუხდით საბავშვო ბაღ „იავნანას“. https://www.facebook.com/bagiiavnana/

ჩერნოვეცკის ფონდის ნორჩი ქველმოქმედების პირველი შეხვედრა პატარა ბენეფიციარებთან. ეს იყი პირველი შემთხვევა, როდესაც ნორჩი ქველმოქმედები პირადად შეხვდნენ ამ ბავშვებს შეჭირვებული, მრავალშვილიანი ოჯახებიდან. ხტუნაობნენ, მღეროდნენ, ცეკვავდნენ, თამაშობდნენ „კატა-თაგვობანას“. ასევე, გაიმართა სპორტული შეჯიბრიც და რა თქმა უნდა, გაიმარჯვა მეგობრობამ. შეხვედრა ძალიან თბილი გამოვიდა, ჩატარდა საოცარ, კეთილგანწყობითა და სიყვარულით აღსავსე ატმოსფეროში.

„დაეხმარე უცნობ მეგობარს“ – ამ საქველმოქმედო აქციის ფარგლებში, კახეთში მცხოვრებ ბაგალაშვილების მრავალშვილიან ოჯახს საჩუქრები გადაეცა. რამდენიმე დღის წინ, ამ ლამაზმა ბავშვებმა მიიღეს მანქანები, თოჯინები, სამაგიდო თამაშები, კონსტრუქტორები, ფუმფულა სათამაშოები, რომელიც დიდი სიყვარულით შეაგროვეს მათთვის საბავშვო ბაღ „Mother.ge“-ს აღსაზრდელებმა.

კარგი ამბავი გვაქვს, მეგობრებო! ახლა უკვე, ჩვენი ბენეფიციარების სამკურნალოდ გაგზავნას, შევძლებთ არა მხოლოდ თურქეთში, არამედ ისრაელშიც! თბილისის სახელმწიფო სამედიცინო უნივერსიტეტის და საქართველოს ბავშვთა ქირურგთა ასოციაციის ორგანიზებით 2023 წლის 3 ივნისს სასტუმრო Holiday Inn-ის საკონფერენციო დარბაზში ჩატარდა საერთაშორისო კონფერენცია ბავშვთა ქირურგიაში. ისრაელის “Israel Pediatric Brain Tumor Foundation” (IPBTF) სახელით ამ კონფერენციაზე მოწვეულნი იყვნენ ჩვენი ფონდის თანამშრომლებიც.

მაკდონალდსის მეგობრულმა გუნდმა დაუვიწყარი დღესასწაული მოუწყო ოცდაათ ბავშვს! შეჭირვებული და ყველაფერს მოკლებული ბავშვებისთვის, სოციალურად დაუცველი მრავალშვილიანი ოჯახებიდან, რომლებიც ხშირად შიმშილობენ და უბრალო პურსაც კი, ნამდვილ გემრიელობად თვლიან, მსოფლიოს ყველაზე მაგარ რესტორანში, „მაკდონალდსში“ მოწვევა არის ნამდვილი საოცრება!

გაუზიარე საკუთარი სათამაშო… საბავშვო ბაღი „საბავშვო აკადემია“ მხარში დაგვიდგა და გაუწია ორგანიზება აღსაზრდელებისთვის „სიკეთის გაკვეთილს“. ასეთი წარმოუდგენელი გულუხვობისთვის ჩვენმა ფონდმა აქციის თითოეულ პატარა მონაწილეს მიანიჭა „ახალგაზრდა ქველმოქმედის“ წოდება და გადასცა მადლობის სიგელი.

ბავშვთა დაცვის საერთაშორისო დღე ჩერნოვეცკის ფონდმა რობერ შუმანის სახელობის ევროპულ სასწავლებელში გრანდიოზული საქველმოქმედო აქციით აღნიშნა. საქველმოქმედო აქციაში ევროპული სასწავლებლის 250-მა მოსწავლემ მიიღო მონაწილეობა. თითოეულმა მათგანმა კი სათამაშოს გარდა, გულის სითბოს ნაწილი აჩუქა ფონდის პატარა ბენეფიციარებს – ბავშვებს ქვეყნის სხვადასხვა რეგიონში მცხოვრები, შეჭირვებული, მრავალშვილიანი ოჯახებიდან.

ჩერნოვეცკის ფონდის მზრუნველობის ქვეშ მყოფი ბავშვები სოციალურად დაუცველი, შეჭირვებული და მრავალშვილიანი ოჯახებიდან, რესტორან “წისქვილის” ქართული კულტურის ფესტივალის სტუმრები გახდნენ. რესტორნის გუნდმა სტუმრებს არაჩვეულებრივი სადღესასწაულო განწყობა აჩუქა, 20 ბავშვისთვის და მათი მშობლებისთვის გაიმართა საქველმოქმედო ვახშამი მრავალფეროვანი კერძებითა და სასმელებით. ასევე, ბავშვებმა ისიამოვნეს მუსიკალური პროგრამით, მაღალმთიანი რაჭის ფოლკლორული ანსამბლის გამოსვლით, მასტერკლასებითა და თამაშებით, შესანიშნავად გაერთნენ, დაისვენეს და იმხიარულეს.

უპოვარ სულთა იმედის სავანე ეს არის მოხუცთა თავშესაფარი, ენით აღუწერელი დარდისა და მწუხარების სავანე. მის კედლებში ოცდაათი სევდიანი მოხუცი ცხოვრობს. ჩვემ მათ თეთრეული, საკვები, საფენები და ჰიგიენური საშუალებები. ასეთი უბრალო საჩუქრები, მხოლოდ მოხუცებს და ბავშვებს უხარიათ.

დღეს, მოდის ჩვენებას მოვაწყობთ სახლში! მადლობა ყველა კეთილ ადამიანს! ჩემი შვილები რომ გამდიდრდებიან, თქვენს სიკეთეზე ვუამბობ და ავუხსნი, რამხელა პატივია საქართველოში, კეთილი ადამიანების გვერდით ცხოვრება!

მართალი გითხრათ, არ გვინდოდა, ეს დღე რომ დასრულებულიყო. ყველა ჩახუტება და „მადლობა“, რომელიც თქვენ, ჩვენს თბილ ქველმოქმედებს გეკუთვნით, ჩვენ, ანუ ფონდის თანამშრომლებს გვხვდა წილად. და ახლა, ფოტოებისა და ვიდეოების მეშვეობით თქვენც გაგიზიარებთ. დიდი ბედნიერებაა, როდესაც იცი, ბედნიერება როგორ აჩუქო ვინმეს. მადლობა, მეგობრებო! დიდი მადლობა. აქცია „თბილი ნოემბერი“ დასრულებულია. როგორ ფიქრობთ, ნეტავ, დეკემბერი როგორი იქნება?

„ჩერნოვეცკის ფონდმა“ ქველმოქმედ ადამიანებს უმასპინძლა. „სიკეთე გადამდებია!“ „ჩერნოვეცკის საქველმოქმედო ფონდი“ მადლიერია ყველა იმ ადამიანის, ვინც თუნდაც მცირედი წვლილი შეიტანა ფონდის ბენეფიციარი ბავშვების დასახმარებლად. სწორედ ამ ქველმოქმედ ადამიანებს (არასრული შემადგენლობით) უმასპინძლა ფონდმა. ღონისძიების ფარგლებში, მათ გაწეული სიკეთისა და გულისხმიერებისთვის დიპლომები გადაეცათ. მადლიერება არც ბავშვებს დავიწყებიათ. მათ საუკეთესო საჩუქარი დაახვედრეს ქველმოქმედ ადამიანებს – საკუთარი პატარა ხელებითა და დიდი გულით დახატული სურათები