პროექტის რეპორტი გულში ასი ნემსი მაქვს - პროექტები - ჩერნოვეცკის ფონდი

ჩერნოვეცკის საქველმოქმედო ფონდი

Главное меню

გულში ასი ნემსი მაქვს

page info icon
2021 დეკემბერი 16
მთელი დღის მანძილზე, მას გული ნემსებით ევსება. ჯერ ერთი იწყებს ჩხვლეტას, როცა არაფერი აქვს, სკოლაში წასასვლელად რომ ჩაიცვას. დედამ მისი ერთადერთი გასასვლელი ბლუზა გარეცხა, და ახლა მოუწევს, რომ სკოლაში, ჟაკეტზე ხელით დამალოს დაკემსილი ნახვრეტები. მეორე ნემსი იწყებს ჩხვლეტას, როდესაც სკოლისკენ გზას გაუდგება. სკოლა შორს არის, ფეხით სიარული კი ძალიან უჭირს. მას ხომ ბავშვობიდან გულის პრობლემა აქვს. შემდეგ, ნემსები ჩნდება მაშინ, როცა სკოლაში ფუნთუშას ვერ ყიდულობს. ყველა ჭამს მის გარდა. ამბობს, რომ არ შია. გულში კი ჩხვლეტის შეგრძნება მატულობს: ვინ იცის, იმის გამო, რომ ტყუილი თქვა, თუ შიმშილისგან? ასეა ყოველდღე... ყოველდღიურად, დღის მიწურულს, გულში უგროვდება ასი ნემსი, რომელიც ძალიან მწარედ ჩხვლეტს. ხანდახან, იმდენად მწარედ, რომ ცრემლი თვალებიდან დენას თავისით იწყებს...
ჩვენი ფონდის ანგარიშები:
GE15TB7194336080100003
GE42LB0115113036665000
GE64BG0000000470458000
საქველმოქმედო ნომერი:
შეგროვებულია
4,193.01 ₾
( 203 დონორი )
აირჩიეთ თანხა:
გადახდის ხერხი:
 „ოცნება აგვიხდა: თბილ ლოგინში ვწევართ“
კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებსაც მონაწილეობა მიიღონ ღვთისნიერ საქმეში!
          „პირველად ჩემს ცხოვრებაში, გარეთ წვიმს, ჩვენ კი მშვიდად ვართ.  კეთილი ადამიანების წყალობით, დღეს უკვე ვიცით, რომ არ დავსველდებით, ჩვენს სახლში წყალი აღარ შემოვა. ვისაც არ გამოუცდია, ვერ მიხვდება, რა საოცარი შეგრძნებაა, როდესაც თავსხმა წვიმაში დასველების არ გეშინია. ზოგჯერ, ჩემი ახალი ცხოვრება ლამაზი სიზმარი მგონია და გაღვიძების მეშინია. ვერასდროს წარმოვიდგენდი, რომ ჩემი სახლი სრულყოფილად იქნებოდა გადახურული.“
         „მადლობა ღმერთო, რომ მომასწარი ჩემი შვილების ლამაზ ტანსაცმელს, მათ გაბრწყინებულ და გახარებულ სახეებს. ძალიან კარგი შეგრძნებაა, როდესაც შენს შვილებს ფეხსაცმელი აქვთ და ფეხი არ უსველდებათ, როდესაც სკოლაში, დაკემსილი ტანსაცმლის ნაცვლად, ლამაზი ზედით დადიან. თავიდან დავიბადეთ მეც, და ჩემი ოჯახიც.“
„ჩემი მზითვებიანი პრინცესა“

         - ქალბატონო ფიქრია, გვიამბეთ, როგორ შეიცვალა თქვენი ცხოვრება მას შემდეგ, რაც თქვენს შესახებ პოსტი გამოვაქვეყნეთ?
         ფიქრია: მადლობა უფალს, ცოტათი მაინც დავაღწიეთ თავი იმ ჯოჯოხეთს. ეს ის პერიოდია, შვილო, როდესაც გარეთ სულ წვიმს, ჩვენს სახლში კი სიმშრალეა და მშვიდად ვართ.  გარეთ ქარია, მაგრამ ჩვენ, უკვე კარგი ფანჯრები და კარები გვაქვს და თბილად ვართ. თავიდან, ამას ვერც კი წარმოვიდგენდით, ახლა კი ვფიქრობ, რომ უბედნიერესი ადამიანი ვარ, რადგან გავიცანი ამდენი კეთლი ადამიანი, რომლებმაც დახმარება გაგვიწიეს. 
         ჩემმა შვილებმა პირველად ნახეს ამდენი ტკბილეული და საკვები ერთად. ბავშვებს დღესასწაული ჰგონიათ. მათთვის,  პროდუქტები ახალ წელთან, ან რამე დღესასწაულთან ასოცირდება. დღევანდელი დღე კი, მათთვის ნამდვილი დღესასწაული და უფლის საჩუქარია. ოცნებად გვქონდა ქცეული დიდი ტელევიზორის ეკრანზე გადაცემების ყურება, სამყაროს სხვა თვალით დანახვა და ისიც კი აგვიხდა - უბედურებიდან ბედნიერებაში გადმოვინაცვლეთ. არ  მეგონა, ქვეყნად კიდევ თუ არსებობდნენ ადამიანები, ვისაც შენი ტკივილი, დარდი ან საფიქრალი აინტერესებს. თურმე, ძალიან ვცდებოდი. 
„აუხდათ ოცნება, იმდენი ტკბილეული აქვთ, ხელში  დაჭრა მისი უჭირთ“
       - ძალიან მიხარია, რომ დაგიბრუნდათ კეთილი ადამიანების რწმენა. მეც ვუხდი მადლობას თქვენი დახმარებისა და თანადგომისთვის. ახლა კი, იქნებ მითხრათ ახალი მეგობრებიდან განსაკუთრებით ვის აღნიშნავდით?
        ფიქრია: მინდა, ყველას კიდევ ერთხელ გადავუხადო  მადლობა, ცხოვრების ბოლომდე ყველას მადლობელი ვიქნები. უამრავი ადამიანი გვიკავშირდებოდა, გვემეგობრებოდა და გამოთქვამდა დახმარების სურვილს. ყველა ადამიანის თბილი სიტყვები მახსოვს. ამ დროს, ეს  ძალიან მნიშვნელოვანია, სასიამოვნოა, თანადგომასა და სიყვარულს რომ გრძნობ.
           ჩემს შვილებს ძალიან უყვართ ჩვენი მეგობრები. მაგალითად, ქალბატონი ხათუნა, რომელმაც პროდუქტი, ჰიგიენური საშუალებები, ტანსაცმელი, თეთრეული, ფეხსაცმელი, სათამაშოები და სხვა ნივთები მოგვიტანა. ყველაფერი ძალიან გვჭირდებოდა და მისი საჩუქრები ძალიან გამოგვადგა. ასევე, ქალბატონი  ნანუკა, რომელმაც შეძლო და ცხოვრება გაუხალისა, გაუფერადა  და გაულამაზა ბავშებს. უამრავი ტანსაცმელი და ტკბილეული მიიღეს საჩუქრად. დღეს, ისინი დაკემსილი ტანსაცმლის ნაცვლად, ლამაზად ჩაცმულები დადიან და ეს იმათი დამსახურებაა. სულ ვოცნებობდი იმაზე, რომ ჩემს გოგოებს ჰქონოდათ ლამაზი კაბები და ესეც აგვიხდა მათი წყალობით.  ბატონმა მირზამ გვაჩუქა კარებები და ფანჯრები, და სიმშვიდემ და სითბომ დაისადგურა ჩვენს სახლში. ყველა ეს ადამიანი, ძალიან ძვირფასი მეგობარია ჩვენთვის.
„ზეფირის ქვეშ, მისი საყვარელი შოკოლადი აღმოაჩინა“
        - ქალბატონო ფიქრია, ადგილობრივი ხელისუფლება თუ გამოეხმაურა ჩვენს პოსტს? რაიმე სახის რეაგირება თუ მოახდინეს?
          ფიქრია: ადგილობრივი ხელისუფლება მხოლოდ საკვები პროდუქტებით დაგვეხმარა, სხვა რეაქცია, ყურადღება, ან თანაგრძნობა არ გამოუხატავთ. სახელმწიფოსგან, მხოლოდ სოციალურ დახმარებას ვიღებთ (380 ლარს) და დედას პენსიას (150 ლარს) - სულ ეს არის სახელმწიფოს დახმარება გაჭირვებულ ოჯახებს. ასეთი „შემოსავლით“, სულ არჩევნის წინაშე ვიდექით: გვეჭამა, თუ გვემკურნალა. ამ ორ უმნიშვნელოვანეს საკითხს შორის არჩევანის გაკეთება ძალიან რთულია. ან, რა ასარჩევია?! ერთიც და მეორეც, ხომ მხოლოდ სიცოცხლეს ნიშნავს, სხვას არაფერს!
         - ფიქრია, იქნებ მითხრათ, რას ნიშნავს კეთილი ადამინების  დახმარება და მხარდაჭერა პირადად თქვენთვის? 
        ფიქრია: ჩემს ცხოვრებაში პირველად, მშვიდი და ბედნიერი ვარ. კეთილი ადამიანების დახმარებით, ჩემს შვილებს საკუთარი საწოლი აქვთ. იატაკზე გვეძინა, სულ გვციოდა, ვცივდებოდით. მაგრამ, წამლის ფულიც კი არ გვქონდა. დღეს, თბილ ლოგინში ვწევართ. ვხედავ, რა ბედნიერად სძინავთ ჩემს შვილებს, დედამ რა უნდა ინატროს დედამ ამაზე მეტი? ეს დახმარება, ჩემთვის მხოლოდ დახმარება არ არის. ეს ყველაფერი, ძალიან დიდი დღესასწაული, სიკეთე და თავიდან დაბადებაა. პირველად ვუყურეთ ტელევიზორს, თანაც საკუთარ სახლში. ჯერ კიდევ ვერ ვაცნობიერებ და ვერ ვიაზრებ, რომ ეს ნივთები ჩვენია და შეგვიძლია, თავისუფლად გამოვიყენოთ. 
„სულ კიბეზე დაძვრება, ისე მოსწონს“
„მათთვის, ეს საწოლი ძალიან ლამაზი, საჭირო და სანატრელი საჩუქარია“
         - ძალიან მიხარია, რომ სასიკეთოდ შეიცვალა თქვენი ცხოვრება. იქნებ მითხრათ, ბავშვებს რომელი ნივთები მოეწონათ ყველაზე მეტად?
         ფიქრია: ყველაფერი მოეწონათ და ყველაფერმა გააბედნიერა. მაგრამ, ყველა ბავშვს უყვარს ტკბილეული და ჩემს შვილებსაც ძალიან უყვართ, თან არასდროს ჰქონიათ ბევრი. ტკბილეულმა ჩემი გოგონები ძალიან გაახარა. ლამაზი ტანსაცმელიც მოეწონათ. თავი ჩვეულებრივ ბავშვებად იგრძნეს, და ეს უხარიათ. 
მათთვის, საწოლში ძილი ფუფუნებაა.  ვერ იჯერებდნენ, რომ უკვე საკუთარი ლოგინები აქვთ და შეუძლიათ თავისუფლად დაიძინონ, როდესაც უნდათ. ყველაზე წარმოუდგენელი და სასიხარულო კი ის იყო, რომ დიდი, ლამაზი და ფერადი ტელევიზორი მიიღეს საჩუქრად, ძალიან გაუხარდათ და უზომოდ ბედნიერები არიან. მადლობა ღმერთს, მადლობა კეთილ ადამიანებს, რომ ჩემი შვილების თვალზეც სიხარულის ცრემლები დავინახე.
 „ბედნიერად ვიძინებთ, სამივე ერთად“
        - ფიქრია იქნებ კიდევ გაქვთ რაიმე პრობლემა, რომლის გადაჭრაშიც ჩვენი ფონდის მეგობრებს დახმარება შეუძლიათ?
         ფიქრია: ყველა ოჯახს სჭირდება საყოფაცხოვრებო ნივთები, ჭურჭელი, ნორმალურად რომ ჭამოს და საჭმელი მოამზადოს ადამიანმა. ჩვენც გვჭირდება ქვაბები, ტაფები და  სხვა ნივთები, ისე რომ ვიცხოვროთ, როგორც ნორმალურ ოჯახს შეეფერება.  გარდა ამისა, მნიშვნელოვანია სკამები და მაგიდა, რომლებიც არ გაგვაჩნია და ჭამაც კი ძალიან გვიჭირს, ხან სად ვჭამთ, ხან სად. სამწუხაროდ, პროდუქტიც ილევა და მეშინია, ასეთი კარგი პერიოდიდან, ისევ ჯოჯოხეთში არ დავბრუნდეთ, სადაც ჩემი შვილები და დედაჩემი მშივრები იყვნენ. ჩემს გულში გაცოცხლდა კეთილი ადამიანების იმედი და ვიცი, რომ კვლავაც შეძლებენ ჩვენს დახმარებას. 
***
         ადამინებო, მეგობრებო, კეთილო ხალხო, მინდა მოგმართოთ და გთხოვოთ, რომ კიდევ ერთხელ შევძლოთ და ვაჩუქოთ ორ ლამაზ ფერია გოგოს, ლამაზი ცხოვრება, ისეთი, როგორიც ფერიებს აქვთ. დამეთანხმებით, რომ ძალიან რთულია კეთილი თვალებისა და ღიმილის შენარჩუნება, როდესაც გშია, გცივა და არაფერი გაქვს. ამიტომ, ეს ოჯახი იმსახურებს ყველაფერ კარგს. ის  დამოკიდებულია ჩვენზე, ჩვენს ადამიანობასა და დახმარებაზე. ერთად, ბევრი კეთილი საქმე გვაქვს გაკეთებული, და კვლავ შევძლებთ, რომ დავეხმაროთ ამ ოჯახს, რომელსაც ჩვენი თანადგომა ძალიან სჭირდებათ. 
        თუკი გიმძიმთ საყოფაცხოვრებო სირთულეებისა და გადაუჭრელი საკითხების გამო, რამდენიმე წამით გადაიტანეთ ყურადღება ჩვენი „ფეისბუქის“ პოსტებზე. ან, უმჯობესია, დაურეკოთ ჩვენს ნებისმიერ ბენეფიციარს და ყველა თქვენი პრობლემა  უმნიშვნელოდ მოგეჩვენებათ, შედარებით მათთან, ვისაც მათი ცხოვრების ყველაზე მძიმე წუთს დაეხმარეთ.
         მათ პრობლემებთან შედარებით ჩვენი პრობლემები არაფერია! აი, ნამდვილი გაჭირვება! ის თქვენ წინაშეა! უფალს მადლობა შესწირეთ იმისთვის, რაც გაგაჩნიათ! თქვენ ხართ უბედნიერესი ადამიანი! გახსოვდეთ ეს და დაეხმარეთ გაჭირვებულებს.
        სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ დროდადრო დაათვალიერეთ ხოლმე ამ საბრალო ხალხის ისტორიები ჩვენს ვებ-გვერდზე და ესაუბრეთ მათ. ყოველ ჯერზე, როდესაც მორიგი შეჭირვებული ადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! გააგრძელეთ ამ ოჯახების დახმარება! სწორედ ეს არის საუკეთესო ღვთისმსახურება!
მეგობრებო, კიდევ ერთი თხოვნა გვაქვს თქვენთან - თუკი შეიტყობთ, რომ თქვენს ნაცნობს ან მეზობელს სჭირდება დახმარება, გთხოვთ, გამოიჩინოთ გულისხმიერება და მოგვწეროთ ამის შესახებ ელექტრონულ მისამართზე: office-fsp@fsp.ge
თქვენი სიკეთე არის შესაძლებლობა, თავადაც ყველაფერში ბედნიერი რომ იყოთ!
მეგობრებო, კიდევ ერთხელ, დიდი მადლობა ყველას!
ჩვენი ფონდის ანგარიში:
#GE15TB7194336080100003
#GE42LB0115113036665000
#GE64BG0000000470458000.
(დანიშნულება: ფიქრია კოტია)
ასევე, შეგიძლიათ თანხის ჩარიცხვა ჩვენი ვებ-გვერდის მეშვეობით:
        თანხის ჩარიცხვა, ასევე შესაძლებელია TBCpay, ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ინფორმაციას ფონდის დამატებითი უფლება-მოვალეობების შესახებ შეგიძლიათ გაეცნოთ ბმულზე https://goo.gl/GY2Gus).
        არაჩვეულებრივი სიახლე გვაქვს - ახლა ჩვენი ბენეფიციარების ისტორიების წაკითხვა შეგიძლიათ:
ინსტაგრამზე: https://www.instagram.com/chernovetskyi.fund/  და
ტელეგრამზე: https://t.me/ChernovetskyiFund 
       სპეციალურ ნომერზე, თქვენს მიერ განხორციელებულ მხოლოდ ერთ ზარს, ადამიანის სიცოცხლის გადარჩენა შეუძლია! 0901 200 270
      ვიფიქროთ იმაზე, რომ გაჭირვებულთა დახმარებით და მათი ტკივილის გაზიარებით, ჩვენ ვზრუნავთ საკუთარ სულზე და ვუახლოვდებით უფალს!

მსგავსი პროექტები:

Главное меню

Как помочь როგორ დავეხმაროთ How to help How to help