ჩემი ოცნებაა, დედა ეტლიდან ადგეს, კარგად ვიცხოვროთ და ჩვენი მაცივარი ყოველთვის სავსე იყოს
- შენით აღფრთოვანებული ვარ, გაბი! ჭურჭელიც დარეცხე, ქეთაც ამეცადინე, ოთახიც გამოხვეტე. საერთოდ თუ იცი, რომ ოქროს ბავშვი ხარ? რა გაჩუქოთ?
გაბი: მინდა, ბევრი საჭმელი გვქონდეს. ჩვენი მაცივარი ყოველთვის ცარიელია. მთელი ოჯახისთვის რამე გემრიელს მოვამზადებდი.
- მაღაზიაში რას აიღებდი?
გაბი: იქ ბევრი გემრიელობა იყიდება - სოსისი, ყველი, სარდელი, ლიმონათი, ბანანი, ბლინები, შოკოლადის ფუნთუშები. მაგრამ, მე და ქეთა იქ მხოლოდ პურს ვყიდულობთ. ქეთასთვის ხორცს ვიყიდიდი. ყოველთვის ხორცს ეძებს მაკარონში და „ჩიჩიას“ ითხოვს. (ხორცი - რედ.)
- კარგი. და შენი თავისთვის რას ისურვებდი? დღეს, მაგალითად, სკოლაში არ წახვედი იმის გამო, რომ ფეხსაცმელი არ გაქვს.
გაბი: კი, დახეულია, ახალი მჭირდება. ჩემი ქურთუკიც თხელია, მცივა. მგონი, ეს მეყოფა.
- დიდი სურვილების ჩაფიქრება არ გცოდნია, გაბი. ტელევიზორი დაგავიწყდა, ისიც ხომ არ გაქვთ.
გაბი: ტყუილია, დიდი სურვილების ჩაფიქრებაც შემიძლია. (ძალიან დადარდიანდა.) ყოველდღე მხოლოდ იმაზე ვოცნებობ, რომ დედაჩემი ეტლიდან ადგეს...