ვოცნებობ, დედიკო გაცოცხლდეს და წვნიანი მოგვიმზადოს

 გელა: დედიკო მოკვდა, მე კი მხოლოდ იმაზე ვოცნებობ, რომ ისევ მოვიდეს ჩვენთან. მაგრამ ვიცი, რომ ეს არ მოხდება, მამიკომ გვითხრა ასე. ამიტომ, აღარც ველოდები. მუცელში ჩვენი დაიკო ჰყავდა და სახლში უნდა მოეყვანა. მაგრამ, საავადმყოფოში წავიდა და აღარ მოსულა. ალბათ, ისიც დედასთან ერთად წავიდა ცაში. (გელას დედა ხუთი წლის წინ გადაჰყვა მშობიარობას - რედ.)

 დედიკოს გარეშე ძალიან ცუდად ვართ. მამა სულ ტირის, მე კი სკოლაში ვერ დავდივარ. არ მაქვს ტანსაცმელი და ფეხსაცმელი, არც ზურგჩანთა. მაგრამ, ჩემი ყველაზე დიდი ოცნებაა, მქონდეს პლანშეტი და მულტფილმებს ვუყურო.