დაბადების დღეზე ტორტის ნაცვლად გამხმარი პური მექნება სახლში. სათამაშო თვითმფრინავი — ჩემი ყველაზე დიდი ოცნებაა, მაგრამ დავრწმუნდი, რომ ღარიბი ბავშვების ოცნებები არ სრულდება

ნიკო (11 წლის): „18 მარტს 12 წლის გავხდები. მაგ დღეს მე ოთახიდან არ გამოვალ, ეზოში არ გავალ ბავშვებთან სათამაშოდ, რადგან ისინი მკითხავენ: „ნიკო, დაბადების დღეზე არ გვპატიჟებ?“ რა ვუპასუხო? ის ვუთხრა, რომ სახლში, პურისა და შემწვარი მაკარონის გარდა, სხვა საჭმელი რომ არ გვაქვს? მრცხვენია ამის თქმა. ყველა ბავშვს უხარია თავისი დაბადების დღე. მე კი ვნატრობ, რომ 17 მარტის შემდეგ პირდაპირ 19 მარტი გათენდეს“, — სწორედ ეს სიტყვები უთხრა ფონდის კორესპონდენტს საბრალო ბავშვმა და თავი ძირს დახარა, რომ „უცხო დეიდას“ მის თვალებზე მომდგარი ცრემლები არ დაენახა.

— ნიკო, როგორი წარმოგიდგენია დაბადების დღის სუფრა?

ნიკო: ხორციანი საჭმელები, თევზეული, ხაჭაპური და ყველაზე მთავარი — ტორტი ფერადი სანთლებით. სანთლებს ჩავაქრობდი და სურვილს ჩავიფიქრებდი. ჩემს ყველა დაბადების დღეზე ვოცნებობ, რომ სასწაული მოხდეს და დილით საწოლთან პულტიანი თვითმფრინავი დამხვდეს. მაგრამ დავრწმუნდი, რომ სასწაულები არ არსებობს. ისღა დამრჩენია, რომ სათამაშოებზე მხოლოდ წარმოსახვაში ვიოცნებო…

ფონდის მეგობრებო, თუ 18 მარტს ნიკოლოზს თავისი საოცნებო სათამაშო და ტორტი არც ამჯერად ექნება, ბიჭუნა მომავლის რწმენას და იმედს დაკარგავს. ეს კი ყველაზე საშინელი რამ არის, რაც ამ ასაკში შეიძლება ბავშვს დაემართოს. არ დავუშვათ, რომ თვალებციმციმა ბიჭუნას თვალებში „ვარსკვლავები“ ჩაქრეს. ყველამ რომ თითო ლარი გავიმეტოთ, პირველად ცხოვრებაში ბავშვს ჯადოსნური დაბადების დღის დილა გაუთენდება. ბავშვის ემოციების ამსახველ კადრებს კი, გპირდებით, აუცილებლად გაგიზიარებთ, ფონდის მეგობრებო!

ჩვენი ფონდის ანგარიში:

(დანიშნულება: ნიკო მამუკიშვილი)

თანხის ჩარიცხვა შესაძლებელია ჩვენი ვებგვერდის მეშვეობით: „საქართველოს ბანკი“ (e-commerce), „TBC ბანკი“ (GeoPay), „ლიბერთი ბანკი“ (PayGe), PayPal.

თანხის ჩარიცხვა ასევე შესაძლებელია ტერმინალებიდან: ExpressPay, TBCpay, PayBox (OPPA). ჩვენს ფონდს იპოვით ქვეთავში “ქველმოქმედება“. ინფორმაციას ფონდის დამატებითი უფლება-მოვალეობების შესახებ შეგიძლიათ გაეცნოთ ბმულზე: https://goo.gl/GY2Gus

თქვენ შეგიძლიათ გადაარჩინოთ ვინმეს სიცოცხლე და დაუახლოვდეთ ღმერთს! გაგზავნეთ SMS ნომერზე 97100

სპეციალურ ნომერზე: 0901200270 განხორციელებულ მხოლოდ ერთ ზარს ადამიანის სიცოცხლის გადარჩენა შეუძლია! დალოცვილები ყოფილიყავით!