გაიღიმეთ, მეგობრებო! თქვენ ბედნიერება აჩუქეთ პატარა გიორგის! ის პირადად თქვენთვის იღიმის!

გიორგი (7 წლის): „რამდენი ხანია, სათამაშო ავტობუსი მინდა. ყუთიდან ამოღებაში დამეხმარეთ, თორემ რეისზე დააგვიანდება! ავტობუსმა ბავშვები სკოლაში უნდა წაიყვანოს, ანუ, მე უნდა წავიყვანო. ამ ავტობუსის მძღოლი ხომ, მე ვარ! შეხედეთ, ამ ღილაკით კარებს ვაღებ, ხალხი რომ ამოვიდეს. ამ ღილაკით კი, საცობში ყველას ვაგებინებ, რომ გამატარონ. ბავშვებს სკოლაში აგვიანდებათ, დიდებს კი – სამსახურში! ეს, საბურავის გასკდომის ხმაა. მორჩა, საბურავი გასკდა. ყველა მგზავრს ვთხოვ, დაცალონ ჩემი ავტობუსი!“

– გიო, გინდა, სხვა ტრანსპორტის მართვის მოწმობაც გქონდეს? თუ, მხოლოდ ავტობუსის ტარება გსურს?

გიორგი: რა თქმა უნდა, მინდა!

– წამოდი, მართვის მოწმობას ახლავე მოგცემ.

გიორგი: ჰეი, ეს რა ზარის ხმა ისმის? მხოლოდ ველოსიპედის ზარს აქვს ასეთი ხმა!!!

ალბათ, გიოს სიხარულით აღსავსე კივილი სოფელ წვერის ყველა მაცხოვრებელმა გაიგო! ბიჭი ბედნიერებისგან ბრწყინავდა და მზად იყო, სახურავზე მაღლა აფრენილიყო სიხარულისგან! ამ ყველაფრის ნახვა კი, ჩვენს ვიდეოში შეგიძლიათ.

ბევრი მეზობელი მოვიდა, გიოსთვის რომ მიელოცათ და ფონდის მეგობრებზე თბილი სიტყვები ეთქვათ. თავიდან, გიო სხარტად შეხტა ველოსიპედზე, მერე კი, გაახსენდა, რომ ტარება არ იცის. ველოსიპედის მართვა გაუჭირდა, ჯერ რვიანებს ხაზავდა, მერე, გუბესა და ბალახში გაიარა, მისი დაიკოები კი იცინოდნენ. ყველანი ერთად ვასწავლიდით გიოს ტარებას, ის კი, ბედნიერი, ფონდის ყველა მეგობარს გაუთავებლად უხდიდა მადლობას!

მეგობრებო, დაე, ბედნიერების ეს ენერგია ყველა თქვენს წამოწყებაში დაგეხმაროთ! გიოს, გაბის და მათი დების დასაჩუქრებისთვის მადლობას გიხდით.

ლამაზი, ბედნიერი, ემოციებით აღავსე დღე! მეგობრებო, თქვენ და ამ მოსიყვარულე, თუმცა, მამისგან მიტოვებულ ოჯახს ცხოვრების ახალი და მშვენიერი დღე გაჩუქოთ ღმერთმა!

მაგრამ მოდით, დღესასწაულის შემდგომ დილასაც გადავხედოთ. ბავშვებისთვის მოტანილი საჭმლის მოსამზადებლად, გიოს, გაბის, ლიზის და ლალის დედას შეშის ღუმელის დანთება მოუწევს. ამ სიცხეში! მერე კი, ლოდინი, როდის მომზადდება სადილი ნელ–ნელა. ოჯახში ოთხი ბავშვია და გაზქურა არ აქვთ.

სახლში აბაზანაც არ არის, ბავშვები ოთახის შუაგულში, ტაშტში ბანაობენ. დიახ, ეს ერთადერთი პატარა ოთახი – საძინებელიც, აბაზანაც და სამზარეულოც არის ექვსი ადამიანისთვის… გარდა ამისა, სახურავიდან წყალი ჩამოდის წვიმის დროს.

სწორედ ამიტომ, ჩვენი ბენეფიციარების დღესასწაული, ყოველთვის ცოტათი სევდიანია, მეგობრებო… ჩვენ კი, შესაძლებლობა გვეძლევა, ნამდვილი მზრუნველობა გამოვიჩინოთ ბავშვების მიმართ. შეგიძლიათ, ახლავე გადახვიდეთ ბმულზე და დაეხმაროთ

ჩვენი ფონდის ანგარიში:
– საქართველოს ბანკი GE64BG0000000470458000
– თი ბი სი ბანკი GE15TB7194336080100003
– ლიბერთი ბანკი GE42LB0115113036665000

(დანიშნულება: გიორგი ბუთურიშვილი).

კორ. მედეა