ამიერიდან, კიდევ ერთი ტრაქტორისტი იქნება ჩემს სოფელში – ეს მე ვარ, გაბი!
გაიღიმეთ, მეგობრებო! თქვენ ბედნიერება აჩუქეთ პატარა გაბრიელს! ის პირადად თქვენთვის იღიმის!

გაბრიელი (6 წლის): ამ ახალი ტრაქტორით ბევრი მიწა უნდა გადავთხარო. ამიერიდან, კიდევ ერთი ტრაქტორისტი იქნება ჩემს სოფელში – მე ვარ! ახლა, ტრაქტორს დავქოქავ, ძრავა რომ გათბეს. ხედავთ, აქ ღილაკია, რომ დაიქოქოს. სანამ ძრავა გათბება, მე წავალ, შევჭამ.

გაბრიელი: ტრაქტორის მძღოლებს კარგი კვება სჭირდებათ – ბევრს მუშაობენ. მალე მოვალ! ძეხვსა და ყველს, ბანანსა და იოგურტს შევჭამ, მერე კი, კაბინაში ჩავჯდები. თორემ, ჩემი დები და გიო უკვე უჩემოდ იწყებენ ქეიფს, ყველაფერს სინჯავენ, რაც მოგვიტანეთ!

მეგობრებო, ბავშვებმა რომ გაიხარონ, ბაღში, ხის ქვეშ გავუშალეთ სუფრა. რამხელა სიხარულით შეექცეოდნენ გაბი, გიო, ლალი და ლიზი იმ ყველაფერს, რასაც მთელი გულით ნატრობდნენ პატარები ამდენ ხანს! ერთმანეთს საჩუქრებს ულოცავდნენ და კოკა-კოლით სავსე ჭიქებს უჭახუნებდნენ. მადლობას გიხდით იმისთვის, რომ ეს ბავშვები დააპურეთ და საჩუქრები გადაეცით!
გაბრიელი  (სადილის შემდეგ): წავედი სამსახურში. ტრაქტორის კაბინაში როგორ ცხელა! მაგიდიდან კოლა წამოვიღე, სამსახურში რომ დავლიო. სამსახურის შემდეგ კი, ჩემი ახალი ველოსიპედით ვისეირნებ.

ლამაზი, ბედნიერი ემოციებით აღსავსე დღე! მაგრამ მოდით, დღესასწაულის შემდგომ დილასაც გადავხედოთ. ბავშვებისთვის მოტანილი საჭმლის მოსამზადებლად, გიოს, გაბის, ლიზის და ლალის დედას შეშის ღუმელის დანთება მოუწევს. ამ სიცხეში! მერე კი, ლოდინი, როდის მომზადდება სადილი ნელ–ნელა. ოთხშვილიან ოჯახს გაზქურა არ აქვს.

ბავშვებს აბაზანა არ აქვთ, ისინი ოთახის შუაგულში, ტაშტში ბანაობენ. ეს ერთადერთი პატარა ოთახი – საძინებელიც, აბაზანაც და სამზარეულოც არის ექვსი ადამიანისთვის… გარდა ამისა, სახურავიდან წყალი ჩამოდის წვიმის დროს.

სწორედ ამიტომ, ჩვენი ბენეფიციარების დღესასწაულის მეორე მხარე ყოველთვის, ყოველთვის ძალიან სევდიანია, მეგობრებო. ჩვენ კი, შესაძლებლობა გვეძლევა, ნამდვილი მზრუნველობა გამოვიჩინოთ. შეგიძლიათ, ახლავე გადახვიდეთ ბმულზე და დაეხმაროთ
კორ. მედეა