ულამაზესი პატარა მაშო, ქართველი გოგონაა, უდიდესი კეთილი გულითა და უკიდეგანო ოცნებებით, რომლებშიც ის ღარიბი ოჯახის შვილი კი არა, ნამდვილი პრინცესაა!

სევდა და მწუხარებაა ჩამდგარი ამ ანგელოზის თვალებში. გოგონა კი, სულ რაღაც სამი წლისაა. დიდი გული აქვს და ბავშვური ოცნებები… მაშოს ოცნებები ისეთივე გულწრფელია, როგორიც თავად არის.

ბავშვი ავარიულ, ნახევრად დანგრეულ სახლში ცხოვრობს.

მაშო (3 წლის): „დეიდა, დუტის წითელი ქურთუკი მინდა, ლამაზი ნახატით. ვოცნებობ, საბავშვო ბაღში საახალწლო ზეიმზე ვარდისფერი კაბა და ფეხსაცმელი რომ მეცვას, ისეთი, როგორც ზღაპრულ პრინცესას. დეიდა, დეიდა… კიდევ ერთი ოცნება მაქვს,“ – მორცხვად ჩაიჩურჩულა გოგონამ.

ფონდის ჟურნალისტი: „ყურადღებით გისმენ, შენ ხომ, ნამდვილი პრინცესა ხარ,“ – ეს სიტყვები რომ წარმოვთქვი, მოკრძალებული ღიმილი შევნიშნე ბავშვის ნათელ სახეზე.

მაშო: „ვოცნებობ, სათამაშო დათუნია მქონდეს და სპილო. დეიდა, სპილოები ძალიან მიყვარს. ისინი დიდები, ძალიან ძლიერები, მაგრამ ისეთი გულკეთილები არიან, რომ არავის არაფერს დაუშავებენ. მულტფილმებიდან ვიცი ეს ყველაფერი, დეიდა“.

ფონდის ჟურნალისტი: „მაშო, იცი, ერთ საიდუმლოს გაგიმხელ, მეც სპილოები მიყვარს ყველაზე მეტად.“

ეს სიტყვები რომ გაიგონა, ვიგრძენი, რომ ბავშვმა მეგობარი დაინახა ჩემში. ის, ვისაც შეუძლია, თავისი გულის ტკივილი რომ გაუზიაროს.

30 წლის მარტოხელა დედა გაჭირვებით ზრდის გოგონას.

მაშო: „ჩემი საყვარელი დედიკო ავადაა. შემთხვევით გავიგონე, ბებო და დედა რომ საუბრობდნენ. დედიკო ტიროდა და ამბობდა, რომ ოპერაციისთვის თანხა ისევ ვერ შეაგროვა. დეიდა, იცი, ოპერაციისთვის ფულს როგორ აგროვებენ? მინდა, რომ თავად შევაგროვო ეს თანხა დედიკოსთვის.“

როდესაც გოგონასგან მოვისმინე ასეთი კითხვა, კიდევ ერთხელ დავრწმუნდი იმაში, რომ ბავშვები ნამდვილი ანგელოზები არიან, უფლისგან მოვლენილი ამქვეყნად, რათა მთელ დედამიწაზე სიყვარულის მარცვლები დათესონ.

გულმოწყალე ადამიანებო, შემოგვიერთდით! მოდით, ერთად ავუსრულოთ მაშოს ბავშვური ოცნებები… ამისთვის ბევრი ფული სულაც არ არის საჭირო, საკმარისია გულკეთილობა.

ჩუმად, ჩუმად!!! მეგობარო, არავის უთხრა! მაშომ ყურში, საიდუმლოდ, ჩურჩულით მითხრა თავისი ოცნებები – „ძალიან, ძალიან მინდა:

1. თოვლის ბაბუამ, ღამით ბალიშის ქვეშ ულამაზესი თოჯინა რომ დამიდოს;
2. ვარდისფერი ზურგჩანთა მინდა;
3. წითელი ქურთუკი და წითელი კაბა მინდა, ყველა გოგო რომ გაოცდეს;
4. ბევრი „საწუწნი“ კანფეტი მინდა, ბავშვებს რომ დავურიგო საბავშვო ბაღში;
5. ვარდისფერი თოჯინა მინდა – მთელი ცხოვრება ჩემი მეგობარი რომ იყოს;
6. წითელი ქუდი;
7. შესაძლოა, სამთვლიანი ველოსიპედიც;
8. შოკოლადის ნაყინი, დედა ნებას თუ დამრთავს;
9. მინდა, დედიკომ ადრე არ დამაძინოს და არ იტიროს.

ბევრია? მაგრამ, მე ხომ პრინცესა ვარ – შენ თვითონ მითხარი!!!“

ჩვენი ფონდის ანგარიში:

(დანიშნულება: მაშო საჩალელი)

თანხის ჩარიცხვა შესაძლებელია ჩვენი ვებ-გვერდის მეშვეობით: „საქართველოს ბანკი“ (bogpay.ge), „TBC ბანკი“ (tbcpay.ge), „ლიბერთი ბანკი“ (PayGe), PayPal (paypal.me).

თანხის ჩარიცხვა ასევე შესაძლებელია ტერმინალებიდან: ExpressPay, TBCpay. ჩვენს ფონდს იპოვით ქვეთავში “ქველმოქმედება“. ინფორმაციას ფონდის დამატებითი უფლება-მოვალეობების შესახებ შეგიძლიათ გაეცნოთ ბმულზე: https://goo.gl/GY2Gus

თქვენ შეგიძლიათ გადაარჩინოთ ვინმეს სიცოცხლე და დაუახლოვდეთ ღმერთს! გაგზავნეთ SMS ნომერზე 97100.

სპეციალურ ნომერზე: 0901200270 განხორციელებულ მხოლოდ ერთ ზარს, ადამიანის სიცოცხლის გადარჩენა შეუძლია! დალოცვილები ყოფილიყავით!

კორ.: ნინი