აქ დაკრძალული ადამიანების უმეტესობა შეჭირვებული ოჯახებიდან არიან. ასეთ საფლავებს ფოტოებზე ჩვენი ემბლემით მოვნიშნავთ. თუ ემბლემა არ ჩანს – დარეკვაც საჭირო არაა! სხვა შემთხვევაში, შეგიძლიათ დარეკოთ ამ ნომერზე, და თანხა მოხმარდება ჩვენი გარდაცვლილი ადამიანის საფლავის მოვლას. ეს სწორიც იქნება და ღირსეულიც.

თქვენს მიერ შემოწირული თანხებით შესრულებული სამუშაოების ჩამონათვალისა და შედეგების ნახვა ჩვენს ვებ-გვერდზე შეგიძლიათ.
ჩვენ ვიწყებთ 1 მაისიდან. ზარის ღირებულება – 2 ლარი!
ტელეფონი: 0901200270

ისინი ცხოვრებას ახლა იწყებდნენ

ეს მსოფლიოში ყველაზე ლამაზი ქართველი ბავშვები, უკვე აღარ არიან ჩვენთან. მათი უმეტესობა ძალიან, ძალიან ღარიბი ოჯახების შვილები იყვნენ: სრულფასოვან კვებას, დროულ მკურნალობას, მშობლების სათანადო ყურადღებას მოკლებული…
მიზეზი ბევრი იყო, მაგრამ დასასრული ყოველთვის ერთი – ნელი და ხშირად ძალიან მტანჯველი სიკვდილი. ესენი არიან ის პატარები და შედარებით უფროსი ბავშვები, ვისზეც სხვადასხვა მიზეზების გამო ბოლომდე ვერ ვიზრუნვეთ. ვეცადეთ, მაგრამ ან სიკვდილი უფრო ადრე დადგა, ვიდრე დაავადების შესახებ გავიგებდით და მათ დახმარებას შევძლებდით, ან დაავადება თავიდანვე სასიკვდილო იყო.

დაე, ისინი ჩვენს ვებ-გვერდზე სამუდამოდ ცოცხალნი დარჩნენ, რათა თქვენ, როდესაც თქვენი ახლობლების საფლავებს მოინახულებთ, შეძლოთ მათთანაც მისვლა, ვინც გარდაიცვლა, თქვენ კი, მათთვის დახმარების ხელის გამართვა ვერ მოასწარით.

ილოცეთ! ასეთ ადგილებში ღმერთი ყველაზე ახლოს არის ადამიანთან!

ძალიან ხშირად, მიტოვებულია ეს საფლავები. ჩვენ ვიღებთ ვალდებულებას, ორგანიზება გავუწიოთ გარდაცვლილთა საფლავების უმაღლეს დონეზე მოვლას, თუ ჩვენს ინიციატივას ფონდის მეგობრების უმრავლესობის მხარდაჭერა ექნება. ასევე გპირდებით, რომ დროდადრო ვიზრუნებთ გარდაცვლილთა მშობლებზეც და ანგარიშს ჩაგაბარებთ, თუ რა გაკეთდა და რაში დაიხარჯა თითოეული თეთრი!