რეგულარული გადახდების ფუნქცია ხელმისაწვდომია
დიახ! მსურს დახმარება! 
იულბორდი, ასე ჰქვია ტრადიციულ შვედურ საშობაო სუფრას, რომლისთვისაც ამზადებენ ძეხვეულს, გუფთას, მოხარშულ კარტოფილს, ქაშაყის სალათს, შებოლილ ორაგულს.
კავიან ფირდოუსმა, რომელსაც თავად მოუწია ქუჩაში რამდენიმე წლის გატარება, გადაწყვიტა უსახლკაროების სტოკჰოლმის რკინიგზის სადგურის რესტორანში დაეპატიჟება:
“უსახლკაროებს არ აქვთ საშუალება, აღნიშნონ შობა ისე, როგორც ამას აკეთებენ საზოგადოების სხვა წევრები. ასე, ჩვენ მათ ვჩუქნით ადამიანურ ურთიერთობას, იმედს, სიყვარულს და ცხოვრების შესაძლებლობას.”
ორგანიზატორებისა და მონაწილეების თქმით, აქ არ არის მთავარი კერძები, არამედ ცოცხალი კომუნიკაცია და ერთიანობის განცდა, განცდა იმისა, რომ მარტო არ ხარ და ვიღაცას ახსოვხარ.
“იულბორდი ხალხს იმედს ჩუქნის. ვფიქრობ, ეს არის ერთ-ერთი უმნიშვნელოვანესი შვედური საშობაო ტრადიცია. ძალიან მნიშვნელოვანია სუფრასთან შეკრება, რადგან იულბორდი იძლევა ერთმანეთთან შეხვედრის და საუბრის შესაძლებლობას. ეს განსაკუთრებით მნიშვნელოვანია უსახლკაროებისთვის. რადგან ისინი ხშირად გრძნობენ თავს მარტოდ”.
არის რაღაცეები, რასაც აკეთებ ყოველდღე, ყოველ კვირას, ყოველ წელს. ძალიან მნიშვნელოვანია ცხოვრების ასეთი სტრუქტურა. ასე რომ, თუ იულბორდზე მოხვედი, ესე იგი, მალე ახალი წელი მოვა, რაც ნიშნავს იმას, რომ ცხოვრება გრძელდება. და ყველაფერი კარგად არის.”
კავიან ფერდოუსის მიერ ორგანიზებული საშობაო სუფრა მთელი თვე გრძელდება. მის დამხმარე მოხალისეებს შორის ბევრი ყოფილი უსახლკაროა.
მათ თქვენი დახმარება სჭირდებათ და თანაც ძალიან, ძალიან სასწრაფოდ!
