საქართველოში ჯერ კიდევ დარჩნენ ნამდვილი გმირები! მარტოხელა მამა სამ მცირეწლოვან შვილს ზრდის, აქედან ყველაზე უმცროსი 2 წლისაა, რომელსაც მამა საკუთარი ხელით უცვლის პამპერსებს, ტაშტში აბანავებს. ყველაზე საშინელება კი ისაა, რომ საბრალო კაცს არჩევანის გაკეთება უწევს — 2 წლის შვილს უყიდოს ფაფა თუ 5 წლისას — წიწიბურა? 7 წლის ანტონს ბრინჯი უყიდოს თუ 2 წლის დავითს პამპერსი? სახლში საპირფარეშოც კი არაა. საშინელება!!! საშინელება!!! მთელი საქართველო უნდა გავერთიანდეთ მათ დასახმარებლად!

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, შემოუერთდნენ ღვთისმოსაწონ საქმეს!

ეს 2 წლის დავითია. ბავშვს მამა აბანავებს. ბუნებრივია, ახლა პირველი შეკითხვა, რაც გაგიჩნდათ, ჩვენო ძვირფასო მკითხველო — ბავშვის დედა სადაა? საქმე იმაშია, რომ ერთ დროს სიყვარულით შექმნილი ქართული ოჯახი დაინგრა. ზოგჯერ ასეც ხდება და ჩვენ არ განვსჯით.

2 წლის დავითი, 5 წლის დანიელი და 7 წლის ანტონი

შეხედეთ ამ საბრალო ძმებს, რამხელა სევდაა მათ კეთილ თვალებში. ბავშვებმა ფონდის კორესპონდენტის, მათთვის უცხო დეიდას, დანახვაზე დაიმორცხვეს, მერე კი მათმა პატარა გულებმა თითქოს იგრძნეს, რომ ეს „უცხო დეიდა“ იმიტომ მივიდა მათ სახლში, რომ ძმების ისტორია მთელი საქართველოსთვის ეამბნა.

აი, ასე იწყება და ასე მთავრდება მერაბიშვილების ოჯახში ყოველი დღე. „სადილად“ მხოლოდ პური და ჩაია. იშვიათად კი წვენიც. ეს მაშინ ხდება, როდესაც საბრალო მამის დღიური შემოსავალი „მაღალია“ — ანუ 15 ლარი, დაახლოებით 5 დოლარი. წარმოიდგინეთ, მეგობრებო, საბრალო კაცი მძიმე ტომრებს ეზიდება, რომ დღის ბოლოს 5 დოლარი აიღოს და შვილებს სახლში პური, ნახევარი კილო მაკარონი და იშვიათად წვენი მიუტანოს ან იაფასიანი კანფეტით გაახაროს ბავშვები.

ფაფის ნაცვლად, მშიერ ბავშვს ჩაის ასმევს საბრალო მამა.

40 წლის ახალგაზრდა კაცის გული დარდისგან დამძიმებულია. სისხლის შედედების (თრომბის) გამო 2-ჯერ გაიკეთა ფეხზე ოპერაცია. ახლაც ესაჭიროება მედიკამენტები და ექიმების მეთვალყურეობის ქვეშ ყოფნა, მაგრამ გმირი მამა საკუთარი ჯანმრთელობისა და სიცოცხლისთვის ფულს დასახარჯად ვერ იმეტებს და უკანასკნელ კაპიკებს 2 წლის დავითის პამპერსისთვის აგროვებს.

ასე, საკუთარი ხელით აცმევს პამპერსს. მაგრამ როდესაც პამპერსის ყიდვის შესაძლებლობა არ აქვს, საბრალო ბავშვს ჩვრებს უფენს რეიტუზის ქვეშ.

წვალებით ნაყიდი ზეთიც მალე თავდება და, ფაქტობრივად, წყალში უხრაკავს ბავშვებს მაკარონს.

რამდენ რამეს ამბობენ პატარა ანგელოზის სევდიანი და კეთილი თვალები…

უშაქრო ჩაი, პურის ნატეხი და ბავშვის მშიერი თვალები

ბავშვს ხორციანი საკვები და თევზეული უნდა, მაგრამ….

სიცივისგან გაყინული ბავშვები ერთმანეთს ათბობენ. საბრალო ძმები ძილის დროსაც კი ვერ პოვებენ შვებას.

ანტონი (7 წლის) – „ნეტა, მალე ჩამეძინოს, რომ ისევ ისეთი სიზმარი ვნახო, როგორც გუშინ, რომ ვითომ ქათმის შებრაწულ ბარკალს ვჭამდი“.

ამ დამტვრეულ საწოლზე სძინავთ ბავშვებს

ღმერთო, ღმერთო, ღმერთო… რამხელა სევდაა დანიელის თვალებში. არადა, ის ხომ სულ რაღაც 5 წლისაა

დანიელი (5 წლის) – მინდა, მე და ჩემმა ძამიკოებმაც ისე ვიცხოვროთ, როგორც სხვა ბავშვები ცხოვრობენ.

ზაზა (41 წლის) – „მარტოხელა მამისთვის ძალიან რთულია 3 ასეთი პატარა ბავშვის გაზრდა, მით უმეტეს, როცა ამ ყველაფერს გაუსაძლისი სიღარიბე ემატება. ყველაზე რთული კი, იცით, რა არის? (მიმართავს კორესპონდენტს), როცა მაღაზიაში შესულს არჩევანის გაკეთება მიწევს, 2 წლის დავითს ვუყიდო ფაფა თუ 5 წლის შვილისთვის ვიყიდო მაკარონი?

7 წლის ანტონს ვუყიდო ბრინჯი თუ 2 წლის დავითს — პამპერსი. როდესაც მშობელი ამ არჩევანის წინაშე დგება საკუთარ შვილებთან, ამაზე დიდი უბედურება არაფერია. რამდენჯერ მომდგომია სიმწრის ცრემლები“.

მერაბიშვილების სახლში აბაზანაც კი არაა. საპირფარეშო ეს ვედროა, რასაც ფოტოზე ხედავთ, ძვირფასო მკითხველო. დანარჩენს, ალბათ, თავადაც მიხვდებით… არა, ამას ცხოვრება არ ჰქვია…

ოქროსფერ თმას ჰბანს საყვარელი მამიკო. ბავშვი სიცივისგან კანკალებს

მიუხედავად უკიდურესი გაჭირვებისა, ბავშვების ჰიგიენა საბრალო მამისთვის პირველ ადგილზეა

გმირი მამა!

მამა–შვილი მერაბიშვილი. უფალმა დალოცოს თქვენი მამაშვილობა

ახალდაბანილი, შემცივნული ბავშვი ამ დამტვრეულ, დაჟანგულ რკინის საწოლზე წევს. ფონდის მეგობრებო, ალბათ, თავად დარწმუნდით, რამდენად მნიშვნელოვანია ბავშვებისთვის ნორმალური საწოლი, რის ყიდვის საშუალებაც მამას არ გააჩნია. ოჰ, როგორი უთანასწორო და უსამართლობა ხარ, ცხოვრებავ!

ნუთუ არ იმსახურებს ეს ანგელოზი ფუმფულა საწოლში წოლას, ტკბილ ძილსა და ფერად სიზმრებს?

არ იტირო, პატარა ანგელოზო. კეთილი ადამიანები არ დაგტოვებენ მარტო

ეს თვალები… ეს მზერა… თვალებზე მომდგარი სიმწრის ცრემლები… ადამიანი თუ ერთხელ ჩაიხედავს ამ თვალებში, მაშინვე მიხვდება, თუ რამდენად სჭირდება დახმარება მერაბიშვილების ოჯახს.

ღვთისნიერო ადამიანებო, ნუთუ გასაჭირში მიატოვებთ 41 წლის კაცს, რომელიც 3 შვილს ზრდის? ბავშვებს ესაჭიროებათ პროდუქტები, ტანსაცმელი, ფეხსაცმელები, საწოლი. მათი საბრალო მამა ტაშტში ხელით რეცხავს ბავშვების ტანსაცმელსა და ჩვრებს. რა ქნას საბრალო მამამ? მისი პატიოსანი შრომით დღიურად გამომუშავებული 15 ლარით (5 დოლარი) ლეკვის ან კნუტის „საწოლის“ ყიდვასაც კი ვერ შეძლებს. თუმცა უპირველესად ყველაზე მთავარი საპირფარეშოს გაკეთებაა, რომ ბავშვებმა ნორმალურ პირობებში შეძლონ ცხოვრება. ახლა ის დროა, რომ მთელი საქართველო გავერთიანდეთ. არ მივატოვოთ ბედის ანაბარა 41 წლის მარტოხელა საბრალო მამა და სამი პატარა ანგელოზი, თორემ დანაშაულის შეგრძნება ცხოვრების ბოლომდე გაგვყვება.

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

თუ გსურთ, მოინახულოთ და დახმარება პირადად გაუწიოთ ამ ოჯახს, მათი მისამართია: ახალციხე (ვალე), გაგარინის ქ. 13.

ჩვენი ფონდის ანგარიში:

(დანიშნულება: მერაბიშვილების ოჯახი)

თანხის ჩარიცხვა შესაძლებელია ჩვენი ვებგვერდის მეშვეობით: „საქართველოს ბანკი“ (e-commerce), „TBC ბანკი“ (GeoPay), „ლიბერთი ბანკი“ (PayGe), PayPal.

თანხის ჩარიცხვა ასევე შესაძლებელია ტერმინალებიდან: ExpressPay, TBCpay, PayBox (OPPA). ჩვენს ფონდს იპოვით ქვეთავში “ქველმოქმედება“. ინფორმაციას ფონდის დამატებითი უფლება-მოვალეობების შესახებ შეგიძლიათ გაეცნოთ ბმულზე: https://goo.gl/GY2Gus

თქვენ შეგიძლიათ გადაარჩინოთ ვინმეს სიცოცხლე და დაუახლოვდეთ ღმერთს! გაგზავნეთ SMS ნომერზე 97100.

სპეციალურ ნომერზე: 0901200270 განხორციელებულ მხოლოდ ერთ ზარს ადამიანის სიცოცხლის გადარჩენა შეუძლია! დალოცვილები ყოფილიყავით!

კორ.: ნინი