კიანუ რივზი – ქველმოქმედება, როგორც ცხოვრების მთავარი პრინციპი

კიანუ რივზი – ქველმოქმედება, როგორც ცხოვრების მთავარი პრინციპი

მსახიობმა კიანუ რივზმა, რომელმაც არაერთხელ აუჩუყა გული თაყვანისმცემლებს თავისი კეთილი საქმით, როგორც გაირკვა, პირველი „მატრიციდან“ მიღებული ჰონორარის დიდი ნაწილი საქველმოქმედო ფონდს გადასცა. გასაოცარია, მაგრამ ვარსკვლავის სამსახიობო ჰონორარების 70% გადაეცა ლეიკემიის კვლევის ფონდს.

1999 წელს გამოსული პირველი „მატრიცისთვის“ რივზმა ავანსად მიიღო 10 მილიონი დოლარი, ხოლო ფილმის გამოსვლის შემდეგ 35 მილიონი დოლარი. კეთილი საქმისთვის ამხელა თანხის გაცემა მსახიობს პირადმა ისტორიამ შთააგონა — 1991 წელს მის უმცროს დას, კიმს, ეს დაავადება დაუდგინდა, რის შემდეგაც ის 10 წლის განმავლობაში ებრძოდა ავადმყოფობას.

თავად კიანუ მხარში ედგა თავის დას, ვიდრე მას რემისიის პერიოდი არ დაუდგა. მისი ხანგრძლივი ავადმყოფობის დროს მსახიობმა გაყიდა თავისი სახლი, რათა მის სიახლოვეს გადასულიყო საცხოვრებლად და გადადო „მატრიცაში“ მონაწილეობა. გარდა ამისა, დის მკურნალობაზე მან 5 მილიონი დოლარი დახარჯა.