ღმერთო, აჩუქე ყველას, ვისაც გულში სიყვარული და შვილების ყოლის სურვილი აქვს, ასეთი ტკბილი ბავშვები. ღმერთო დაიცავი ყოველი ქართველი იმ მკვლელი სახლისგან, რომელიც სადაცაა დამარხავს მათ… და მთავარი – დაიცავი ჩვენი ცხოვრების ყველაზე დიდი სიყვარული – სიყვარული შვილებისადმი, რომლებსაც ვზრდით იმ ოცნებით, რომ ისინი ისე არ იცხოვრებენ, როგორც თქვენ დღეს ვცხოვრობთ.

როცა ჩიკვაიძეების სახლში მივედით, დიტოს სიტყვა არ უთქვამს. ის უბრალოდ იჯდა იატაკზე და ხელში ძველი სათამაშო მანქანა ეჭირა. მისი თვალები თითქოს უფრო მეტს ამბობდნენ, ვიდრე სიტყვები – მათში იყო რაღაც ზრდასრული ტკივილის მსგავსი, ისეთი, რაც ხუთი წლის ბავშვს არ უნდა ჰქონდეს.

იქვე, კუთხეში, მისი და ანნა, მიწაზე ჯოხით ხატავდა. მას არ აქვს ფანქრები, არც გასაფერადებლები, არც სათამაშოები მაგრამ აქვს ოცნება. პატარა, ბავშვური, ისეთი უბრალო: „მე მინდა  წიგნი, სადაც ხატვა შეიძლება… და თოჯინა ვარდისფერი კაბით,“ – ჩუმად მითხრა მან, როცა ვსაუბრობდით.

ეს ოჯახი სოფელ საირხეში ცხოვრობს, სახლში, რომელიც უფრო ქოხს ჰგავს, ვიდრე საცხოვრებელს. კედლები ქარისგან ირყევა, სახურავიდან ჟონავს, ხოლო შიგნით – სამი ბავშვი და მათი მშობლები არიან, რომლებიც ბოლო ძალებით ცდილობენ გადარჩენას.

ხუთი წლის დიტო მძიმედ ავად არის – ტვინის დაზიანება, ეპილეფსია, მუდმივი შიშები და ტკივილი. ოთხი წლის ანნა ამ ტკივილთან ერთად იზრდება, მაგრამ მაინც იცის, როგორ უნდა გაეღიმოს. მათ დედას, ნატოს, ხელში სამი თვის ემილია უჭირავს და შვილს საკუთარი სხეულით ათბობს, რადგან სახლში გათბობა არ არის.

როცა მოვდიოდით, დიტომ ბოლოს ძლივს გასაგონად თქვა: „შეიძლება ჩემთვის მანქანა, რომელიც დადის?“ ეს უბრალოდ ბავშვის სურვილი არ იყო – ეს იყო სიცოცხლის ძახილი.

მეგობრებო, მათ ძვირფასი ნივთები არ სჭირდებათ. სჭირდებათ თბილი ტანსაცმელი, სათამაშოები, გასაფერადებლები ყველაფერი ის, რაც ბავშვობას ნამდვილს ხდის. მოდით ვაჩუქოთ დიტოს და ანნას მცირედი სიხარული, რომელიც მათ არასოდეს უგრძვნიათ. შესაძლოა, სწორედ თქვენ შეძლოთ მათი პატარა ოცნების ახდენა – და აანთოთ მათ თვალებში ის დავიწყებული, ბავშვური ბრწყინვალება.

ჩვენი ფონდის ანგარიშებია:

(დანიშნულება: დემეტრე და ანნა ჩიკვაიძეები).

თანხის ჩარიცხვა შესაძლებელია ჩვენი ვებ-გვერდის მეშვეობით: „საქართველოს ბანკი“ (bogpay.ge), „TBC ბანკი“ (tbcpay.ge), „ლიბერთი ბანკი“ (PayGe), PayPal (paypal.me).

თანხის ჩარიცხვა ასევე შესაძლებელია ტერმინალებიდან: ExpressPay, TBCpay. ჩვენს ფონდს იპოვით ქვეთავში “ქველმოქმედება“. ინფორმაციას ფონდის დამატებითი უფლება-მოვალეობების შესახებ შეგიძლიათ გაეცნოთ ბმულზე: https://goo.gl/GY2Gus

თქვენ შეგიძლიათ გადაარჩინოთ ვინმეს სიცოცხლე და დაუახლოვდეთ ღმერთს! გაგზავნეთ SMS ნომერზე 97100.

სპეციალურ ნომერზე: 0901200270 განხორციელებულ მხოლოდ ერთ ზარს, ადამიანის სიცოცხლის გადარჩენა შეუძლია! დალოცვილები ყოფილიყავით!