გაიღიმეთ, მეგობრებო! თქვენ ბედნიერება აჩუქეთ დავითს! ის პირადად თქვენთვის იღიმის! დავითი: ვაიმე, ალბათ, ვერც გაიგებთ, ახლა რა ხდება ჩემს გულში! ეს ველოსიპედი ჩემია! მხოლოდ ჩემი და სხვა არავისი! უბრალოდ არ მჯერა! მადლობა, მადლობა, თქვენ ნამდვილი მეგობრები ხართ! ეს იმაზე მეტია, ვიდრე ოდესმე წარმომედგინა! ვერასდროს წარმოვიდგენდი, რომ ველოსიპედი მექნებოდა! ახლა ვისეირნებ და გავიხარებ ყოველი წუთით. იცით, კიდევ რა არის მაგარი? რომ აღარ მომიწევს ვეხვეწო სხვებს, ველოსიპედი რომ მათხოვონ და უარი მივიღო. იცი, რა საწყენია? ახლა კი, მეც მაქვს ჩემი პირადი ველოსიპედი! ძალიან ბედნიერი ვარ, ღმერთო!

გაიღიმეთ, მეგობრებო! თქვენ ბედნიერება აჩუქეთ პატარა გიორგის! ის პირადად თქვენთვის იღიმის! გიორგი: მაშინაც კი, როდესაც ძალიან ბედნიერი ვარ, დედაზე ვფიქრობ. როგორ არის იქ, ცაში? ვფიქრობ, ალბათ, უხარია რომ ბედნიერი ვარ. მერე კი, მოვიწყენ ხოლმე! მაგრამ ახლა, მართლა უზომოდ ბედნიერი ვარ! რა მაგრები ხართ! დიდი მადლობა ამ სუპერ მაგარი ველოსიპედისთვის! ახლა, ნამდვილად ყველაზე მაგარი ბიჭი ვიქნები, ნამდვილი მრბოლელი! ჩემმა ნამდვილმა ანგელოზმა, ჩემმა დედიკომ მაჩუქა ეს ველოსიპედი! რაღაცეების შეკეთება მიყვარს. დედა მეუბნება, რომ ოქროს ხელები მაქვს. თუ რამე გაფუჭდა, შემიძლია, მე თვითონ შევაკეთო! გმადლობთ, ეს ბორბლებიანი სიხარული და ოცნება რომ მაჩუქეთ!

დათო: უბედნიერესი ვარ, ჩემი ყველაზე მთავარი სურვილი რომ ახდა! დაბადების დღემდე რამდენიმე დღით ადრე, ველოსიპედი მივიღე მთელი საქართველოსგან საჩუქრად! ვერც კი წარმოიდგენთ, რამდენს ვისეირნებ! შეიძლება, ყველას დიდი მადლობა და კეთილი სურვილები რომ გადავცე? მინდა, მათ შვილებს ყოველთვის ჰქონდეთ ის, რაზეც მხოლოდ ოცნება შეუძლიათ! - კიდევ რაზე ოცნებობ? დათო: კიდევ, ტელეფონი რომ მქონდეს და შემეძლოს ჩემს მეგობართან დარეკვა, როდესაც მომენატრება. მაგარი იქნებოდა! მაგრამ ვიცი, რომ ძვირი ღირს. ალბათ, ისევე, როგორც ველოსიპედი!

გაიღიმეთ, მეგობრებო! თქვენ ბედნიერება აჩუქეთ პატარა მარის! ის პირადად თქვენთვის იღიმის! მარი: მას შემდეგ, რაც თქვენ ჩვენთან მოხვედით, ჩვენი ცხოვრება შეიცვალა! კეთილ ადამიანებს მოჰქონდათ ტანსაცმელი, საჭმელი... სულ დაგვავიწყდა, შიმშილი რას ნიშნავს. მაგრამ ის, რაც თქვენ გააკეთეთ ჩემთვის, ვერაფერს შეედრება! პლანშეტზე ოცნებასაც კი ვერ გავბედავდი! რა თქმა უნდა, სადღაც გულის სიღრმეში ვოცნებობდი, მაგრამ ძალიან, ძალიან ჩუმად! ახლა, მე და ჩემს ოჯახს ყველაფერი გვაქვს, რაზეც შეიძლება ვიოცნებოთ. და ვიცი, რომ ისე აღარ ვიცხოვრებთ, როგორც ადრე! დიდი მადლობა, რომ არ მოგვეცით სიკვდილის უფლება!

„გაიღიმე, ახლა ჩიტი გამოფრინდება! ნახე, აქ მაშინვე გამოჩნდება, რა ლამაზად გამოხვედი! სურათებს ვიღებ და მგონი უკვე ვიცი, ვინ გამოვალ, რომ გავიზრდები, შესაძლოა სიარული ვერასოდეს შევძლო, მაგრამ, ალბათ შევძლებ, საყვარელი საქმე რომ ვაკეთო“. თქვენ როგორ ფიქრობთ? გახდება, თუ არა ამ პატარა სურვილის ასრულება, მარისთვის ტრამპლინი, ყველა მისი სანუკვარი ოცნების ასახდენად? ხომ საკმარისია, ირწმუნო ერთხელ, რათა დაიჯერო, რომ ყველაფერი გამოგივა. მთავარია გჯეროდეს, რომ ეს ასე ხდება, რომ მთავარია, გულით მოინდომო და ღმერთი გამოგიგზავნის ისეთ ადამიანებს, ვინც ყველა ოცნებას აგიხდენს!

გაბრიელი 3 წლისაა, ის ვერ ლაპარაკობს, თავისებური ბავშვია! მას ცხოვრებაში არაფერი აქვს ნანახი, ექიმებისა და მედიკამენტების გარდა. მის დედიკოს არ აქვს საშუალება, რომ გაუხალისოს ბავშვობა, რადგან მედიკამენტების საყიდლად ძლივს ჰყოფნის ფული. ახლა კი, "ამდენი-ბევრი" კანფეტი და ველოსიპედი რომ დაინახა, რომელზეც ყოველთვის ოცნებობდა, გაბრიელმა მეტყველების უნარი ხელმეორედ დაკარგა. სიხარულისგან ტახტზე დაჯდა და მწარედ ატირდა, მერე კი, თავისი პატარა ხელებით ფონდის თანამშრომლებს ეხუტებოდა და ეფერებოდა სახეზე! ეს სასწაულია! ეს ნიშნავს იმას, რომ თავად ღმერთი შეეხო ჩვენს სულებს ამ ბიჭუნას ხელით!

„ნიკა, შენ კიდევ არ გჯეროდა, ველოსიპედს რომ გვაჩუქებენ?! ახლა დაიჯერე? მოდი, ჯერ შენ გაისეირნე, საბოლოოდ რომ დაიჯერო. აუ, წარმოიდგინე, ყველა როგორ შემოგვხედავს! აუ-უ! კი-ი, შეგვეხვეწებიან: „მათხოვე, მეც გამასეირნე“. ჩვენ კი ვეტყვით: „არა, მხოლოდ ჩვენია!“ შეხედე, რომ გავიზრდებით, მაშინაც მოგვერგება. მთავარია, მანამდე არ გაგვიფუჭდეს“. ვერც კი წარმოიდგენთ ამ ბავშვების ბედნიერ შეძახილებს, მათ უსაზღვრო ემოციებს. სულ რამდენიმე თვის წინ, მათ საერთოდ არაფრის არ სწამდათ. ეგონათ, რომ ოცნებები, შესაძლოა ხდება კიდეც, მაგრამ მხოლოდ სხვებისთვის და არა მათთვის... ახლა კი, სჯერათ. სჯერათ, რომ საქართველოში უამრავი „ოცნების ამსრულებელია“ და ძალიან ბევრია ისეთი ადამიანი, ვისაც აბედნიერებს სხვების - სრულიად უცნობი ბავშვების გახარება!

გაიღიმეთ, მეგობრებო! თქვენ ბედნიერება აჩუქეთ პატარა ნიკას! ის პირადად თქვენთვის იღიმის! ნიკა: არ დაიჯერებთ, რა მოხდა! საოცარი საჩუქარი მივიღე! ტელეფონი! ჩემი საკუთარი ტელეფონი, რომელზეც ვოცნებობდი! ისეთი ბედნიერი ვარ, რომ სიტყვებით ვერ გეტყვით! ახლა, ვერავინ დამცინებს იმის გამო, რომ ტელეფონი არ მაქვს. ახლა, ოჯახში ერთი ტელეფონი მაინც გვექნება ყველას! ღმერთო! უბრალოდ, მართლა არ მჯერა, რომ ტელეფონი მაქვს! მინდა, დიდი მადლობა გადავუხადო ყველას, ვინც ასე გამახარა ამ საჩუქრით. თქვენ უბრალოდ სუპერ ადამიანები ხართ!

გაიღიმეთ, მეგობრებო! თქვენ ბედნიერება აჩუქეთ თემურს! ის პირადად თქვენთვის იღიმის! თემური: ყოველთვის მიხაროდა, სხვა ბავშვებს ტელეფონები რომ ჰქონდათ. თან გამიხარდა, თან სადღაც გულის სიღრმეში ვდარდობდი, რომ ასეთი საოცარი ნივთი მე არ მქონდა. სიტყვებით ვერ გადმოვცემ, რა ხდება ახლა ჩემს გულში! მადლობას ვუხდი ყველას, ვინც ჩათვალა, რომ ასეთ ტელეფონს ვიმსახურებდი! მადლობელი ვარ! მილიონ მადლობას გეუბნებით ყველას!

გაიღიმეთ, მეგობრებო! თქვენ ბედნიერება აჩუქეთ პატარა ბარბარეს! ის თქვენ გიღიმით! ბარბარე: სიტყვებით ვერ გადმოგცემთ იმ სიხარულს და მადლიერებას, რაც ჩემს გულშია. უბრალოდ არ მჯერა, რომ საკუთარი ტელეფონი მაქვს ახლა! ეს ზღაპარის ჰგავს, რომელიც თქვენი წყალობით ახდა. როგორც კი მივხვდი, რომ ტელეფონი იყო ამ ყუთში, თვალები ბედნიერების ცრემლებით ამევსო. ვგრძნობდი, რომ გული სადაცაა გამისკდებოდა სიხარულისგან! მინდა, ყველას ჩაგეხუტოთ და გითხრათ, რომ უბედნიერესი ვარ, მართლა.

გაიღიმეთ, მეგობრებო! თქვენ ბედნიერება აჩუქეთ პატარა ანდრიას! ის პირადად თქვენთვის იღიმის! ანდრია: ვერც კი წარმოიდგენთ, რა მოხდა! ჩემი ოცნებები როგორც ზღაპარში, ისე ახდა! დაჟანგული ძველი ველოსიპედი მქონდა, ახლა კი, სულ ახალი და ბრდღვიალა მაქვს! განა მარტო ველისიპედი! ჩემი "ოცნების" ბურთიც მაჩუქეს - ისეთი ლამაზია და ისე ხტუნაობს, ცოცხალი გეგონება! ჩემი ახალი პულტიანი მანქანაც, იცით რა მაგრად დადის! ვმართავ და მეჩვენება, თითქოს ნამდვილი მანქანის მძღოლი ვარ! ბედნიერი ბიჭი ვარ, სულ ვიღიმი! ეს საუკეთესო დღეა ჩემს ცხოვრებაში და უზომოდ მადლობელი ვარ ყველას ამ საოცარი საჩუქრებისთვის!

გაიღიმეთ, მეგობრებო! თქვენ ბედნიერება აჩუქეთ პატარა გოჩას! ის პირადად თქვენთვის იღიმის! გოჩა: რა მაგარია! ველოსიპედი რომ დავინახე, მეგონა, რომ ორივეს ერთი მოგვიტანეთ! რიგრიგობით რომ ვისეირნოთ, მე და ჩემმა ძმამ! მაგრამ, მეც მაჩუქეთ! ახლა, შეჯიბრსაც ვმართავთ, ხოლმე! მაგარია! ვერც კი წარმოვიდგენდი, რომ ორი ველოსიპედი შეიძლება გვქონოდა ოჯახში! როგორ მიყვარხართ! ღმერთო ჩემო! სულ ასეთი გახარებულები ყოფილიყავით, როგორიც ახლა მე ვარ!