დეიდა, მალე, სკოლაში საახალწლო ზეიმი იქნება. ჩემი თანაკლასელი გოგონები ლამაზ, ბრჭყვიალა კაბებში იქნებიან გამოწყობილი, მე კი იმ ტანსაცმლით მომიწევს ზეიმზე წასვლა, რომლითაც ყოველდღე დავდივარ სკოლაში. გული მტკივა…

ეს შვიდი წლის თამარია – გოგონა ფირუზისფერი თვალებით, სუფთა გულით და წრფელი ოცნებებით. ის შეჭირვებულ ოჯახში იზრდება და ამიტომაც, თავის სურვილებზე საუბარს ვერ ბედავდა.

მაგრამ, მისი თვალები მხოლოდ ერთ რამეს ამბობდნენ: „მე ვოცნებობ! უამრავი ოცნება მაქვს! მთელი გულით ვოცნებობ!“

– თამარ, გვიამბობ, როგორ ემზადები სკოლის ზეიმისთვის?

თამარი (7 წლის): დეიდა, ზეიმი იმ ბავშვებისთვის არის, ვისაც ლამაზი კაბები აქვთ. თუ სცენაზე, თანაკლასელების გვერდით ჩემი ძველი ტანსაცმლით დავდგები, ზეიმს გავაფუჭებ.

– ერთი იდეა მაქვს, თამარ. მოდი, კეთილ ადამიანებს ვუამბოთ შენი ოცნების კაბაზე.

(ამ სიტყვების გაგონებისას, ბავშვის სევდიან თვალებში მოულოდნელად ვარსკვლავები აინთო.)

თავადაც ხედავთ, ძვირფასო მეგობრებო, იმის იმედის პატარა სხივმაც კი, რომ მალე, მას ვარდისფერი, პრინცესისავით კაბა ექნება, ბავშვი როგორ გაახარა. ახლა კი, წარმოიდგინეთ, სიხარულისგან როგორ აუჩქარდება პაწაწინა გული, როდესაც ერთ დღესაც, მართლა მივუტანთ მისი ოცნების კაბას.

გოგონას კიდევ ერთი დიდი ოცნება ტელევიზორი არის. ეჰ, რაოდენ უსამართლოა ცხოვრება. ზოგიერთი ბავშვი მშობლებს დისნეილენდში მიჰყავს, თამარი კი ოცნებობს, ტელევიზორში მაინც ნახოს ეს ჯადოსნური სამყარო.

თამარი: „დეიდა, შარშან და შარშანწინ ახალ წელს ტელევიზორის გარეშე შევხვდი. უფრო სწორად, ტელევიზორის გარეშე ისე მოვიწყინე, რომ 12 საათსაც კი ვერ დაველოდე და დავიძინე. ვოცნებობ, ამჯერად მაინც ტელევიზორი გვქონდეს, მხიარულ გადაცემებს და ზღაპრებს რომ ვუყურო“.

ამ პატარა ანგელოზის პაწაწინა გული აუხდენელი ოცნებების გამო, დარდს ვეღარ უძლებს. თითქოს, „ღრუბლებია“ მის ზურმუხტისფერ თვალებში. გულმოწყალე ადამიანებო, მხოლოდ თქვენს მზრუნველობას შეუძლია, ეს „ღრუბლები“ მზესავით რომ მიმოფანტოს. დიახ, მხოლოდ სიკეთესა და სიყვარულს შეუძლია, ბავშვის პირქუში დღეები ფერად ცისარტყელად აქციოს.

ჩვენი ფონდის ანგარიში:

(დანიშნულება: თამარ მარკოზაშვილი).

თანხის ჩარიცხვა შესაძლებელია ჩვენი ვებ–გვერდის მეშვეობით: „საქართველოს ბანკი“ (bogpay.ge), „TBC ბანკი“ (tbcpay.ge), „ლიბერთი ბანკი“ (PayGe), PayPal (paypal.me).

თანხის ჩარიცხვა ასევე შესაძლებელია ტერმინალებიდან: ExpressPay, TBCpay. ჩვენს ფონდს იპოვით ქვეთავში “ქველმოქმედება“. ინფორმაციას ფონდის დამატებითი უფლება-მოვალეობების შესახებ შეგიძლიათ გაეცნოთ ბმულზე: https://goo.gl/GY2Gus

თქვენ შეგიძლიათ გადაარჩინოთ ვინმეს სიცოცხლე და დაუახლოვდეთ ღმერთს! გაგზავნეთ SMS ნომერზე 97100.

სპეციალურ ნომერზე: 0901200270 განხორციელებულ მხოლოდ ერთ ზარს, ადამიანის სიცოცხლის გადარჩენა შეუძლია! დალოცვილები ყოფილიყავით!

კორ.: ნინი