დიახ! მსურს დახმარება! 
გაზეთი “სევოდნია” – კიევის ყოფილმა მერმა ლეონიდ ჩერნოვეცკიმ 10 მილიონი გრივნა გამოყო ოჯახების დასახმარებლად, რომლთა წევრებიც ევრომეიდანზე დაიღუპნენ. დაღუპულთა შორის არიან საქართველოს მოქალაქეებიც.
უკრაინული გამოცემა “სევოდნია”-ს ცნობით,
კიევის ყოფილი მერი ფინანსურად დაეხმარება ყველა ოჯახს,
რომელთა ოჯახის წევრებიც გმირულად დაიღუპნენ ევრომეიდანზე. ლეონიდ ჩერნოვეცკი ოჯახების დასახმარებლად 10 მილიონ გრივნას გამოყოფს.
თავის ოფიციალურ ფეისბუქ გვერდზე ჩერნოვეცკი აცხადებს: “მე მთელი სულით შეძრწუნებული ვარ იმ მსხვერპლით, რომელიც უკრაინელმა ხალხმა კეივში მომხდარი კონფლიქტის შედეგად გაიღო. სიტყვები არ მყოფნის იმ ტკივილის გამოსახატად, რომელსაც განვიცდი. მე ვაცხადებ, რომ გამოვყავი 10 მილიონი გრივნა იმ ოჯახების დასახმარებლად, ვისი წევრებიც ევრომეიდანზე დაიღუპნენ. მე კარგად მესმის, რომ ვერანაირი ფინანსური დახმარება ვერ აუნაზღაურებს მათ ოჯახის წევრებს ახლობლებელი და საყვარელი ადამიანების დაკარგვას, მაგრამ ასეთ უკიდურეს მდგომარეობაში მათი დახმარება ჩემს მოვალეობად მიმაჩნია. კომპენსაციას მიიღებს ყველა, განურჩევლად იმისა, ვისი მხარდამჭერი იყო დაღუპული – ხელისუფლების თუ ოპოზიციის. მკვლელების დაზარალებულებისგან გარჩევას შევძლებ! ამაში თვითონ ხალხი დამეხმარება. ჩემმა სამსახურებმა უკვე დაიწყეს მუშაობა ამ პროცესის დაწყების უზრუნველსაყოფად. ვლოცულობ უკრაინისთვის! მუდმივად მოგაწოდებთ ინფორმაციას ამ სამუშაოების შედეგების შესახებ”.
შეგახსენებთ რამდენიმე თვის წინ გავრცელებულ ინფორმაციას იმის შესახებ, რომ მილიარდელი ლეონიდ ჩერნოვეცკი უკვე 3 წელია ცხოვრობს საქართველოში, კერძოდ ქალაქ ქობულეთში, სადაც ზღვის სანაპიროზე ფლობს ძალიან დიდ და ლამაზ სახლს. თავის ფეისბუქ გვერდზე ლეონიდ ჩერნოვეცკიმ გახსნა ფოტო-გალერეა სახელწოდებით “საქართველო, რომელიც მე მიყვარს”.
მათ თქვენი დახმარება სჭირდებათ და თანაც ძალიან, ძალიან სასწრაფოდ!
გაქვთ კითხვები? ჩვენ დაგეხმარებით!
მოგვწერეთ