ჩემი საბრალო ძმის დასახმარებლად მოხვედით? მართლა? მთელი გულით გელოდებოდით!!!

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

ამ ოჯახის ისტორია გახლავთ ბრძოლის, სიყვარულის და თავგანწირვის ისტორია. გახლავთ მტკიცებულება იმისა, რომ ოჯახს, სადაც სიყვარული სუფევს, შეუძლია ნებისმიერი სირთულის დაძლევა. ისინი ითხოვენ დახმარებას და ახლა, როდესაც მათი ბრძოლის შესახებ შეიტყობთ, თქვენც საკუთარ თავს დაუსვით კითხვა: რის გაკეთება შეგვიძლია, რით დავეხმაროთ? რას გავაკეთებდით საკუთარი შვილების გამო, მკურნალობის საშუალება რომ გვქონდეს და ვხედავდეთ, როგორ იტანჯებიან ისინი?

„ჩემი ძმის დასახმარებლად მოხვედით? მართლა? მთელი გულით გელოდებოდით! გამვლელ მანქანებს ვუყურებდი და მეგონა, რომ ჩვენთან მოდიოდნენ. აუცილებლად უნდა დაეხმაროთ! ძალიან კარგი ადამიანია! შეხედე, რა ცოდოა! სულ დახოხავს. იცი, რა ძნელია? ერთხელ მეც ვცადე და ისე ძალიან მეტკინა მუხლები, კინაღამ ტირილი დავიწყე. ის კი მთელი ცხოვრება ასე დახოხავს. თუ არ გჯერა, შენ თვითონ სცადე! მართლა! აი, სახლში რომ მიხვალ, გააკეთე ასე და მიხვდები, რა ცუდად არის“, — რვა წლის სერგო, არტიომის ძმა, კართან სწორედ ამ სიტყვებით შემოგვეგება. თითქოს წინასწარ ემზადებოდა — მისთვის ხომ მშველელები ვართ. უფრო სწორად, ჩვენ კი არა, თქვენ, მეგობრებო, ადამიანებო, ვისაც გამგები გული გაქვთ და მზად ხართ, ღვთისნიერი საქმე აკეთოთ!

ისტორია, რომელსაც დღეს წარმოგიდგენთ, გვიამბობს ოჯახზე, სადაც ყოველი დღე ბრძოლის ველია და ის სიყვარულით, იმედით და ერთგულებით არის აღსავსე. მაგრამ ეს ამ ისტორიის არსი არ გახლავთ. მისი მთავარი გმირი ბიჭუნა არის, სახელად არტიომი, რომელიც ადრეული ასაკიდან მძიმე დაავადებას — ცერებრულ დამბლას ებრძვის. 

პავლე (მამა): არტიომი არის ჩვენი პირველ შვილი. სიტყვებით ვერ აღვწერ, როგორ ველოდით ყველანი. თითქოს არაფერი ჩანდა საშიში, მაგრამ მშობიარობამ ძალიან მძიმედ ჩაიარა და ბავშვი პრობლემებით დაიბადა. თითქოს მდუღარე წყალი გადაგვასხეს. ძალიან ვდარდობდით, ძალიან... იმასაც კი გვეუბნებოდნენ, რომ ვერ იცოცხლებდა! მიგვანიშნებდნენ იმაზე, რომ ბავშვი მიგვეტოვებინა და „ბედნიერად“ გაგვეგრძელებინა ცხოვრება. რა სისულელეა! საკუთარ სისხლსა და ხორცზე ვინ იტყვის უარს? ალბათ, მხოლოდ უგულო პირუტყვი!

— არაერთი მამა ასეთ განსაცდელს ვერ უმკლავდება, ოჯახიდან მიდის და სნეულ ბავშვს უბედურ, უმწეო დედას უტოვებს. ზოგი ცოლ-შვილს სახლიდან აგდებს ან არჩევანის წინაშე აყენებს: ან უნარშეზღუდული ბავშვი, ან ოჯახი...

პავლე: ღმერთმა დამიფაროს! არტიომის გაჩენის შემდეგ ჩვენ ერთნი გავხდით. სად უნდა წავიდე ან ისინი სად უნდა გავუშვა? ეს ზღაპრებია. საზოგადოებამ უნდა გარიყოს ასეთი ადამიანები და გამარჯობასაც არავინ არ უნდა ეუბნებოდეს! მაგრამ ეს ჩემი განსახილველი არ არის! ამისთვის არ შემიწუხებიხართ.

— კი, მართალს ამბობთ! თქვენი შვილისა და მისი მდგომარეობის შესახებ გვიამბეთ. 

პავლე: არტიომი რომ დაიბადა, ჭიპლარი ჰქონდა შემოხვეული, ახრჩობდა. სასწრაფომ გადაიყვანა თბილისში და ძლივს გადაარჩინეს. მაშინ გვითხრეს, რომ ჩვენი შვილი ჯანმრთელი ვერასდროს იქნებოდა. ჰაერის მწვავე უკმარისობა ჰქონდა. მე და ჩემი მეუღლე კი ყველა წმინდანს ვევედრებოდით, რომ ჩვენი შვილი ცოცხალი გადარჩენილიყო. და სასწაულიც მოხდა! მთელი ამ წლების განმავლობაში, რაც შეგვეძლო, ყველაფერს ვაკეთებდით იმისთვის, რომ ბავშვმა გადაადგილება შეძლოს: დაგვყავდა ექიმებთან, რეაბილიტაციაზე, ლოგოპედთან... შედეგიც სახეზეა. არტიომს ხოხვა, ცალკეული სიტყვების წარმოთქმა, ემოციების გამოხატვა შეუძლია. ჩვენ კი გვეუბნებოდნენ, რომ მცენარესავით იქნებოდა და არაფერი ეშველებოდა. ამჟამად დაჭიმული აქვს ყველა კუნთი. ხანდახან იმდენად, რომ მეშინია. მეჩვენება, თითქოს ძვლებს დაუმტვრევს.

— არტიომისთვის რის გაკეთება შეგვიძლია?

პავლე: არტიომს აქვს ისეთი დაავადება, რომ განვითარდეს, სპეციალისტების დახმარება აუცილებლად სჭირდება! უნდა ჩაუტარდეს მასაჟის კურსი, კუნთების დაჭიმულობა რომ მოიხსნას და ტონუსი შენარჩუნდეს ძვლების სწორი ზრდისთვის და სახსრების მოქნილობისთვის. ჩვენ კი ფული საერთოდ აღარ გვაქვს. ყველანაირი რესურსი ამოვწურეთ. ყველაფერი გავყიდეთ, რაც ფასეული გაგვაჩნდა, ვალები დავიდეთ, ბანკიდან სესხი გამოვიტანეთ... აღარაფერი გვაბადია. ახლა უფალმა თქვენთან მოგვიყვანა. თქვენ ხართ ჩვენი უკანასკნელი იმედი. არტიომის მისი ჯანმრთელობის მდგომარეობის გაუმჯობესებისკენ შუა გზაზე მიტოვება ნამდვილად არ შეიძლება.

სერგო: ვიცი, რომ დაგვეხმარებით! თქვენ ხომ მშველელები ხართ! ერთხელ ვიდეოში ვნახე, ერთ ბიჭს, რომელიც ისეთივე მდგომარეობაშია, როგორშიც ჩემი ძმა, სკამი და ეტლი აჩუქეთ. ჩემს ძმასაც სჭირდება! კიდევ, ველოსიპედი და პლანშეტი რომ აჩუქეთ ერთ ბიჭს.

— ველოსიპედი და პლანშეტიც შენს ძამიკოს სჭირდება?

სერგო: როგორ გითხრათ... პლანშეტით მულტფილმების, ფეხბურთის და სხვადასხვა რამეების ერთად ყურებას შევძლებთ...

— პავლე, შევაჯამოთ. არტიომს რა სჭირდება?

პავლე: სჭირდება მასაჟის კურსი, ჩვენთვის კი ეს წარმოუდგენელი თანხაა. ერთი პროცედურის საფასურია 30 ლარი, ჩემს შვილს კი ოცი მაინც დასჭირდება. ეს პროცედურები ახალციხეში ტარდება. მე კი არ მაქვს საშუალება, წინ და უკან ვატარო ბავშვი ყოველდღე. ამიტომ მკურნალობის პერიოდში ბინა უნდა ვიქირაოთ და ასეთ ხარჯსაც ვერ გავწვდებით. ჩვენი შემოსავალია  დედაჩემის და ჩემი შვილის საპენსიო თანხა, სოციალური შემწეობა და ჩემი სეზონური ნამუშევარი. ნებისმიერ სამსახურზე თანახმა ვარ, მაგრამ თანხის შეგროვებას ვერაფრით ვახერხებ. კიდევ, სპეციალური ეტლი, სკამი და მაგიდა სჭირდება არტიომს.

სერგო: არ დაგავიწყდეს, ჩემზეც უთხარი, მამა!

— არ იდარდო, უკვე ჩაწერილია შენი სურვილები და აუცილებლად აგისრულდება!

ამჟამად ყველაზე მნიშვნელოვანია ბავშვის სამედიცინო მომსახურებით უზრუნველყოფა. არტიომს ესაჭიროება მასაჟის კურსი, სპეციალური ეტლი, სკამი და მაგიდა. ეს ყველაფერი გააუმჯობესებს მისი ცხოვრების ხარისხს და უკეთესი, სიხარულითა და შესაძლებლობებით აღსავსე მომავლის იმედს აჩუქებს. მეგობრებო, დახმარებისთვის მოგმართავთ თქვენ, რათა თქვენი შემოწირულობა კიდევ ერთი წვეთი გახდეს სიკეთის ოკეანეში.

 სიკეთისთვის და გულისხმიერებისთვის მადლობას გიხდით. ძალა ერთობაშია!

თუ გსურთ, მოინახულოთ და დახმარება პირადად გაუწიოთ ამ ოჯახს, მათი მისამართია: ადიგენის მუნიციპალიტეტი, სოფელი აბასთუმანი, ასათიანის ქ. ბინა № 31.

ყოველ ჯერზე, როდესაც ვინმეს დახმარება შეგიძლიათ, უბრალოდ დაეხმარეთ და გაიხარეთ, რომ ღმერთი თქვენი მეშვეობით პასუხობს ვიღაცის ლოცვებს!

გვჯერა, რომ ერთად, ამ ბავშვის გადარჩენას ნამდვილად შევძლებთ!

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა! ეს ძალიან მნიშვნელოვანია!

მეგობრებო, კიდევ ერთი თხოვნა გვაქვს თქვენთან: თუკი შეიტყობთ, რომ თქვენს ნაცნობს ან მეზობელს სჭირდება დახმარება, გთხოვთ, გამოიჩინოთ გულისხმიერება და მოგვწეროთ ამის შესახებ ელექტრონულ მისამართზე: office-fsp@fsp.ge

ჩვენი ფონდის ანგარიში:

საქართველოს ბანკი GE64BG0000000470458000

თი ბი სი ბანკი GE15TB7194336080100003

ლიბერთი ბანკი GE42LB0115113036665000 

 (დანიშნულება: არტიომ ვოსკანიანი).

თანხის ჩარიცხვა შესაძლებელია ჩვენი ვებგვერდის მეშვეობით: „საქართველოს ბანკი“ (e-commerce), „TBC ბანკი“ (GeoPay), „ლიბერთი ბანკი“ (PayGe), PayPal.

 კორ.: ნინო