უბედური ქალის ტანჯვა და დამცირება 63 წლის განმავლობაში!

ახლავე გადააზიარე პოსტი კეთილო ადამიანო! დაეხმარე მეგობრებს იპოვონ უფლისკენ მიმავალი გზა!

„უფალო, გაიგონე ჩემი ვედრება!”- ამბობს კარინე გალოიანი. მისი ცხოვრების გზა ჯოჯოხეთად იქცა, სადაც არც წამლებია და არც დახმარება – მხოლოდ ლოცვა და მოთმინება. „ღვთისნიერო ადამიანებო, მიშველეთ, ნეტავ, როდის დასრულდება ეს ტანჯვა? ავადმყოფობამ  სხეული დამიმსხვრია. სიკვდილის მოლოდინი უკვე 38 წელი გრძელდება“, – აგრძელებს საცოდავი ქალი. 

არავინ იცის ვის რა ელოდება ცხოვრებაში. დღეს ჯანმრთელი ხარ, ხვალ კი შეიძლება სიცოცხლისთვის ბრძოლა დაგჭირდეს. ჩვენი მადლიერება ღმერთის მიმართ შეგვიძლია გამოვხატოთ იმით, რომ დახმარების ხელი გავუწოდოთ გაჭირვებაში მყოფ მის შვილებს. ხვალ ხომ შეიძლება ჩვენ აღმოვჩნდეთ მათ ადგილას.

კეთილო ადამიანებო, 63 წლის კარინეს ცხოვრება სხვა არაფერია, თუ არა მის სხეულში გამოკეტილი ჯოჯოხეთი. ის ბევრი დაავადებით იტანჯება: მას მკერდი მოკვეთეს სარძევე ჯირკვლის ავთვისებიანი სიმსივნის გამო, მაგრამ კვანძებმა ისევ იჩინეს თავი. რადგან ოპერაცია ჩატარებული იყო 2007 წელს და ახალი დასკვნა არ არსებობს, კარინეს ხელმეორე გამოკვლევა ესაჭიროება. მაგრამ საცოდავ ქალს პურის ფულიც კი არ აქვს.

ერთ კოშმარულ ღამეს, სრულიად მარტო დარჩენილმა კარინემ კრუნჩხვების შეტევის დროს გონება დაკარგა, საწოლიდან გადმოვარდა და ძლიერი ტრავმა მიიღო. მას შემდეგ მას ხელი აქვს პარალიზებული.

მას არ შეუძლია საკუთარ თავზე ზრუნვა. არავინ ჰყავს, რომ დაეხმაროს. თითქოს ეს ყველაფერი არ იყო საკმარისი, მის ტანჯვას კიდევ კუჭის წყლული დაემატა, სკლეროზი, ვენების ვარიკოზული გაფართოვება და მაღალი წნევა. 

საცოდავი ქალი სიცოცხლის პირველივე წამებიდან ტკივილშია ჩაკარგული – როგორც კი ამ ქვეყანას მოევლინა, აკვნიდან გადმოვარდა. ამ პირველმა დაცემამ განსაზღვრა უბედური მარტოხელას ბედი და მწარე ტკივილმა დაიდო ბინა მის სხეულში. თავის დარტყმის გამო კარინეს 6 თვის ასაკში ეპილეფსია განუვითარდა, – სენი, რომელმაც მთელი მისი ცხოვრება კოშმარად აქცია. 2 წლიდან კრუნჩხვები დაეწყო, რომელიც დღემდე ფიზიკურად და სულიერად ანადგურებს. 

კარინეს მუდმივი მკურნალობა და ექიმის კონტროლი ესაჭიროება. მაგრამ მას ხშირად პურის ფულიც კი არ აქვს, წამლებზე რომ აღარაფერი ვთქვათ.

კვალიფიციურმა მოხალისე ექიმებმა, პროფესორებმა მისცეს დასკვნა: კარინეს ესაჭიროება მუდმივი ოჯახის ექიმის, ონკოლოგის, ნევროლოგის ასევე კლინიკო-ლაბორატორიული მეთვალყურეობა და მედიკამენტოზური მკურნალობა. 

მეგობრებო, კარინეს ჯანმრთელობის მდგომარეობა უკიდურესად მძიმეა. ის ყოველდღიურ საშინელ  კოშმარულ ჯოჯოხეთში ცხოვრობს! პარტიალური ეპილეფსიის გამო მას ძალიან აწუხებს კრუნჩხვები. სავარაუდოდ სიმსივნე არის თავში და ახლა სასიცოცხლოდ მნიშვნელოვანია მაგნიტო-რეზონანსული ტომოგრაფიის ჩატარება და ზუსტი დიაგნოზის დასმა.

ჩვენი ფონდის კეთილი მეგობრები ერთხელ უკვე დაეხმარნენ ამ გაჭირვებულ ქალს. მაგრამ, ძვირფასო თანამემამულენო, თქვენ თვითონაც ხედავთ – კარინე ისევ გამოუვალ მდგომარეობაშია. და დღეს მხოლოდ თქვენ მხარდაჭერას და სითბოს შეუძლია მისი ბნელი რეალობის განათება.

კარინე მე-2 ჯგუფის ინვალიდია. ის პენსიით და სოციალური დახმარებით ცხოვრობს. წარმოიდგინეთ, თანამემამულენო, როგორ უჭირს მარტოხელა ადამიანს ამდენი დაავადებით, რომელსაც ესაჭიროება წამლები, მოვლა და მუდმივი ყურადღება, იცხოვროს ამ გამოყოფილ გროშებზე?

როდესაც კარინეს შეტევა ეწყება ის კედლის მეზობელს ეძახის დასახმარებლად – მის ერთადერთ იმედს. მაგრამ თუ მეზობელი არ არის სახლში, კარინეს უწევს მარტო იბრძოლოს სიკვდილ-სიცოცხლის ზღვარზე.

კარინეს არავინ ჰყავს, დედამ სახლიდან გააგდო, ოჯახმა მიატოვა  მხოლოდ იმიტომ, რომ ის ავადაა და მუდმივი მოვლა სჭირდება. წარმოგიდგენიათ? საკუთარმა ოჯახმაც კი უარი თქვა მასზე…

კარინე (63 წლის) : ,,დედაჩემს უნდოდა ჩემი  თავიდან მოშორება… შავი დღეები მაქვს გავლილი… სანამ გამაგდებდა, ყოველ დღე უხეშად მექცეოდა, საჭმელს არ მაჭმევდა.. მეუბნებოდა, ჭირი ჭამეო… შავი ქვა დაბადებულიყო შენ მაგივრად აჯობებდაო… გათხოვდი და მომშორდიო.. ზედმეტი ბარგი ხარ, შენი ფეხი ამ ოჯახში არ დავინახოო..’’

დედისთვის კარინეს კრუნჩხვები სირცხვილი და ზედმეტი ტვირთი იყო… საწყალმა ქალმა დედას გარდაცვალების შემდეგაც ვერ აპატია და ერთხელაც კი არ მისულა მის საფლავზე.

კარინეს ერთ ოთახიან ბინაში არ არის არც მაცივარი და არც ტელევიზორი. ოთახში ნათურაც კი არ არის – მის უიმედობაში ჩაფლულ დღეებს მხოლოდ ერთი პატარა სანთელი ანათებს.

როდესაც საღამო დგება სიცივე კარინეს ძვლებში აღწევს. დიდი ხანია ქარმა ჩაამსხვრია მინები ფანჯარასა და კარებში, ორპირი ქარი დაუნდობლად აღწევს სახლში.

წამლების გარეშე ერთი დღეც კი სიკვდილთან აახლოვებს. მეგობრებო, არ მიატოვოთ დატანჯული მარტოხელა, ყველას მიერ დავიწყებული უბედური ქალი. მისი ჯოჯოხეთი ძალიან დიდ ხანს გრძელდება…

კარინეს ძვირადღირებული წამლები და სამედიცინო კვლევები სასწრაფოდ სჭირდება. თანამემამულენო, დღეს სწორედ თქვენ ხართ მისი ბოლო შანსი და ბოლო იმედი. ნუ ჩაუგდებთ ისევ ხელში უბედურებას. გადაარჩინეთ მისი სიცოცხლე…

მიუხედავად მომხდარისა, ქალი არ გაბოროტდა. მისი გული ძველებურად სიკეთით არის სავსე. ის ყოველდღე ბიბილიას კითხულობს და ახსოვს უფლის სიტყვები

არავინ იცის ვის რა  ელოდება ცხოვრებაში. დღეს  რომ დედოფალი ხარ,  ხვალ შესაძლოა, ქუჩაში მოგიწიოს  ღამის გათენება. დღეს რომ მაძღარი ხარ, ხვალ შესაძლოა, პურის ლუკას  ნატრობდე.  დღეს  რომ ჯანმრთელი ხარ, ხვალ შესაძლოა, სიცოცხლისთვის იბრძოდე.    როდესაც  ადამიანს მშვიდობიანი და  ბედნიერი  დილა უთენდება, არამხოლოდ  სიტყვებით  უნდა სწირავდეს  უფალს  მადლობას, არამედ  იმაზე  უნდა  იფიქროს, რომ ეს  დილა მისთვის შანსია, განსაცდელში მყოფი  ადამიანების  დასახმარებლად.  დიახ…  სწორედ  ეს იქნება ჩვენი მადლობა  უფლის  მიმართ, როდესაც გასაჭირში მყოფ  უფლის შვილს დახმარების  ხელს  გავუწოდებთ. ხვალ შესაძლოა ჩვენ აღმოვჩნდეთ მის ადგილას. 

და  მერე რა მოხდება???  რა მოხდება და სამყარო ბუმერანგივით  დაგვიბრუნებს  უკან  ჩვენს სიკეთეს.  უფლის  მიერ  შექმნილ სამყაროში ხომ უკვალოდ არაფერი იკარგება….

ახლავე გადააზიარე პოსტი, კეთილო ადამიანო! დაეხმარე საკუთარ მეგობრებს იპოვონ გზა უფლისკენ!

თუ გსურთ ესტუმროთ კარინეს და პირადად დაეხმაროთ, ეს მისი მისამართია: თბილისი, ავჭალა, ლიბანის ქუჩა, სახლი 29.  

ყოველ ჯერზე, როდესაც შეგიძლიათ ვინმეს უბრალოდ დაეხმაროთ, გააკეთეთ ეს და გიხაროდეთ, რომ ღმერთი თქვენი დახმარებით ვიღაცის ლოცვებს პასუხობს!

მეგობრებო, კიდევ ერთი თხოვნა გვაქვს: თუ იცით მეზობლის ან ნაცნობის გაჭირვების შესახებ, კეთილი საქმე გააკეთეთ და მოგვწერეთ ელფოსტაზე: office-fsp@fsp.ge

ჩვენი ფონდის ანგარიშები:

(დანიშნულება: გალოიანის ოჯახი)

თანხის ჩარიცხვა შესაძლებელია ჩვენი ვებ-გვერდის მეშვეობით: „საქართველოს ბანკი“ (bogpay.ge), „TBC ბანკი“ (tbcpay.ge), „ლიბერთი ბანკი“ (PayGe), PayPal (paypal.me).

ასევე შეგიძლიათ თანხა გადარიცხოთ ExpressPay-სა და TBCpay-ს ტერმინალებიდან. მოძებნეთ ჩვენი ფონდი განყოფილებაში „ქველმოქმედება“ (ფონდის უფლებამოსილებისა და ვალდებულებების შესახებ დეტალებს შეგიძლიათ გაეცნოთ ბმულზე https://goo.gl/GYGus).

თქვენ შეგიძლიათ ვინმეს სიცოცხლე გადაარჩინოთ და ღმერთს დაუახლოვდეთ! გააგზავნეთ სმს-ი ნომერზე 97100.

თქვენ ერთ ზარს სპეციალურ ტელეფონის ნომერზე შეუძლია გადაარჩინოს ვინმეს სიცოცხლე: 0901200270! იყავით დალოცვილები!