ჩერნოვეცკის საქველმოქმედო ფონდი

გამოფენა-გაყიდვა

გიწვევთ ვირტუალურ გამოფენა-გაყიდვაზე, რომელზეც წარმოდგენილია ჩვენი მცირე საოჯახო ტიპის სახლების აღსაზრდელთა ხელნაკეთი ნივთები.
 აქ თქვენ იხილავთ საინტერესო, ნატიფ და ექსკლუზიურ ნამუშევრებს!   
ბავშვებმა გულმოდგინედ იმუშავეს. თავიანთ ნაკეთობებში მთელი სული ჩააქსოვეს და ახლა მოუთმენლად ელიან თქვენს შეფასებას. 
მათ კარგად იციან, რომ თქვენ ჩვენი ფონდის გულშემატკივრები ბრძანდებით  და არასდროს იშურებთ აღსაზრდელების მიმართ ყურადღებას, თანადგომასა და ზრუნვას, ანებივრებთ მათ საჩუქრებით, იქნება ეს დაბადების დღე თუ ახალი წლის ზეიმი. 
ახლა კი, კიდევ ერთი შანსი გეძლევათ, რომ მხარი დაუჭიროთ ჩვენი პატარების შემოქმედებას, წაახალისოთ ისინი და მისცეთ სტიმული, რათა მომავალში კიდევ უდრო უკეთესი ნამუშევრები შექმნან. 
გამოფენა-გაყიდვაზე წარმოდგენილია სუვენირების და სამკაულების ფართო არჩევანი! ეს ხელნაკეთი ნივთები იმდენად ლამაზია, რომ გულგრილი არავინ დარჩება, ხოლო დადებითი ემოციების ზღვა -  გარანტირებულია! 
  ნივთების გაყიდვიდან შემოსული თანხა ისევ ამ ბავშვებს მომხმარდება, მათ სამხატვრო-შემოქმედებით საქმიანობას!
მეგობრებო, მხარშია ამოუდექით ჩვენი ბავშვთა სახლების აღსაზრდელებს და შეიძინეთ ეს უნიკალური ნივთები! 
გაახარეთ საჩუქრებით  თქვენი ოჯახის წევრები, ახლობლები,  მეგობრები და, რა თქმა უნდა, საკუთარი თავიც! 


სახლი წითელი სახურავით – 20 ლარი

სახლი ვარდისფერი სახურავით – 20 ლარი
თეთრი სახლი – 25 ლარი
ნაქსოვი ყვავილი – 15 ლარი
ჩანთა – 40 ლარი
პატარა კულონი – 20 ლარი
დიდი კულონი – 30 ლარი
დიდი კულონები – 30 ლარი
საყურეები – 35 ლარი
ჯვარი – 30 ლარი
ბეჭდები – 25 ლარი

მსგავსი პროექტები: