ძნელი წარმოსადგენი არ არის შვილდაკარგული მამის  მდგომარეობა, რომელიც ცდილობს  გაუმკლავდეს უდიდეს სულიერ ტკივილს და ბევრისგან
განსხვავებით არ წყვეტს კავშირს გარე საყაროსთან, საათობით შეუძლია ისაუბროს მისი საამაყო
ვაჟის შესახებ.

25 წლის პავლე გამეზარდაშვილი ყველაზე ახალგაზრდა იყო
5 აპრილს ტყიბულის მინდელის სახელობის შახტში დაღუპულ მეშახტეებს შორის.

„როდესაც პავლეს 19 წელი შეუსრულდა, მამის პროფესია
აირჩია და შახტში დაიწყო მუშაობა. ამ ხნის განმავლობაში საკმაო გამოცდილებაც დააგროვა.
წელს სამთო სასწავლებელშიც მოეწყო და მხოლოდ ორ რამეზე ოცნებობდა: ინჟინერი გამხდარიყო
და საკუთარი ოჯახი შეექმნა…ახლა ჩემი ბიჭი აღარაა ცოცხალი, ვერ გავიგონებ მის ხმას,
ვერ ვნახავ მის სახეს და ვერ მოვეფერები… 
როგორ გადავიტან ამ დიდ ტკივილს, არ ვიცი. სულ მეტირება და სადაცაა გული გამისკდეს“,
– ამბობს პავლეს მამა, გურამ გამეზარდაშვილი.

ბატონი გურამმა 2010 წელს შახტში სამუშაოს შესრულების
დროს ფეხის ტრავმა მიიღო, პირველი ჯგუფის ინვალიდის კატეგორია მიანიჭეს და, შესაბამისად,
შრომისუუნარო გახდა. მას მხოლოდ ყავარჯნების მეშვეობით შეუძლია გადაადგილება, ხოლო
მის ოჯახში დატრიალებული ტრაგედიის შემდეგ, 
გულის საშინელი ტკივილები დაეწყო.

პავლეს გარდა, გურამს კიდევ სამი შვილი ჰყავს. ბიჭებიც
მეშახტეები არიან, თავიანთ ოჯახებთან ერთად ცალკე ცხოვროვრობენ, თუმცა მიზერული ხელფასის
გამო მატერიალურად უჭირთ და მშობლებს ვერ ეხმარებიან.

გურამი და მისი მეუღლე ცხოვრობენ მეშახტეებისთვის განკუთვნილ
საერთო საცხოვრებელში, რომელიც სავალალო მდგომარეობაშია, ხოლო საცხოვრებელი პირობები
– არ არის დამაკმაყოფილებელი…

“მარადიული
არაფერია ამქვეყნად“ – ხშირად ამ სიტყვებით ცდილობენ დაამშვიდონ შვილმკვდარი მშობელი,
მაგრამ განა შეუძლია ამ ფრაზას რაიმე შვება მოჰგვაროს დაღუპულის დედას ან მამას? „როდესაც
დავასაფლავე საკუთარი შვილი, ისეთი შეგრძნება მქონდა, რომ მასთან ერთად მეც დავიმარხე.
ღმერთო აშორე ადამიანებს ასეთი უბედურება და მიეცი მათ გამძლეობა!“, – ამბობს გურამი.

მეგობრებო, ახლა პავლეს მშობლებს თანადგომა და ნუგეში
სჭირდებათ. მოდით გავუწოდოთ მათ დახმარების ხელი. ჩვენ თქვენი იმედი გვაქვს!

თუ გაქვთ სურვილი, რომ მატერიალურად დაეხმაროთ შვილდაკარგულ
დედა–მამას, საკვების და მედიკამენტების შესასყიდი თანხა შეგიძლიათ გადარიცხოთ ჩვენი
ფონდის ანგარიშზე. GE15TB7194336080100003
ან GE64BG0000000470458000
(დანიშნულება: პავლე გამეზარდაშვილის ოჯახი)ანჩარიცხოთპირდაპირჩვენისაიტიდან  https://chernovetskyifund.ge/ge/projects/.

თქვენ, ასევე, შეგიძლიათთანხისგადარიცხვასწრაფიგადახდისტერმინალებიდან NovaTechnology, TBCpay და ExpressPay. განყოფილებაში „ქველმოქმედება“ აირჩიეთჩვენიფონდი (გადახდისწესებიიხილეთშემდეგმისამართზე: https://goo.gl/GY2Gus).

თუ მდიდარი ხარ, მოიპოვე ცხონება მოწყალებით, გაჭირვებულის
თანადგომით, თავმდაბალი გულუხვობით და შეიძენ სიმდიდრეს ღმერთში!!!